Kathalu. Kaburlu. (Dasubhashitam)

Kathalu. Kaburlu S03E13

మా తాడేపల్లిగూడెంలో 'త్యాగరాజ గాన సభ' అనే సంస్థ ఉంది. ప్రముఖ ఘటం వాద్య కళాకారులు శ్రీ సరస్వతుల హనుమంతరావు గారు(ప్రముఖ కార్టూనిస్ట్ సరసి గారి సోదరులు) ఆ సంస్థను నడిపేవారు. బాబాయ్ గారు అంటూ పిలవడం అలవాటు నాకు వారిని. నా చిన్నప్పటి నుంచీ, ప్రతీ ఏడాది వారు నిర్వహించే త్యాగరాజ ఆరాధనోత్సవాలకు తీసుకువెళ్ళేవారు మా నాన్నగారు.

ఉదయం త్యాగరాజ పూజ, ఘన రాగ పంచరత్న కీర్తనలు పాడేవారు. రాత్రికి గొప్ప కళాకారులతో త్యాగరాజ కీర్తనలు కచేరీ పెట్టేవారు. అలా ఎందరో గొప్ప కళాకారులని వినగలిగే అవకాశం చాలా చిన్నవయసులోనే దొరికింది నాకు. మూడు రోజులు జరిగే ఈ కార్యక్రమంలో ఒకరోజు ఏదో ఒక వాయిద్యంతో ప్రత్యేకంగా కచేరీ జరిగేది.

అలా ఒక సంవత్సరం ప్రముఖ కర్ణాటక సంగీత విద్వాంసురాలు శ్రీమతి మండా సుధారాణి గారి అమ్మాయి మండా శృతి రవళి అద్భుతంగా గానం చేశారు. వారి పర్మిషన్ తీసుకుని నేను రికార్డ్ చేసి, wiki commonsలో భద్రపరిచాను. ఇలా పర్మిషన్ అడిగాను, ఇచ్చారు అంటే బాబాయ్ గారు ఆశ్చర్యపోయారు. సామాన్యంగా అలా ఇవ్వరమ్మా, నీకు పర్మిషన్ లెటర్ కూడా సంతకం చేశారంటే ఆమె గొప్పదనం, నీ తెలివితేటలు అని మెచ్చుకున్నారు.

సరే, ఇప్పుడు వీళ్ళందరూ ఎందుకు గుర్తుకు వచ్చారంటే, సుధారాణి గారి సోదరులు శ్రీ ఆలమూరు విజయభాస్కర్ గారే ఈ నెల మన ప్రసంగ వక్త. అది కూడా త్యాగరాజ సాహిత్యంపై. కొన్ని యాదృచ్ఛికాలు అనుకోవాలనిపించవు. అందులో ఇది ఒకటి. ఈ విషయంపై ఈ వారం నేను రాసిన న్యూస్ లెటర్, చదివిన పాడ్ కాస్ట్ ఈ కింది లింకులో ఉన్నాయి. చదివేసి, వినేసి, ప్రసంగానికి సిద్ధమైపోండి.

https://www.dasubhashitam.com/blog/accha-teluguvaadu-tyagayya-ramudu

https://www.dasubhashitam.com/ab-title/pc-kathalu-kaburlu-3

#కథలు_కబుర్లు

🙏🏻

మీనా యోగీశ్వర్ । 01-05-2024

Kathalu. Kaburlu S03E12

Kathalu. Kaburlu S03E11

పాలంకి సత్య గారు రాసిన పునర్జన్మ నవల విడుదల సందర్భంగా రాసిన ఈ ప్రత్యేక న్యూస్ లెటర్ ని చదవండి. లేదా దాసుభాషితం పాడ్ కాస్ట్ లో వినండి.

Blogpost : https://www.dasubhashitam.com/blog/todokarundina-ade-bhagyamu-ade-swargamu

Podcast : https://www.dasubhashitam.com/ab-title/pc-kathalu-kaburlu-3

Kathalu. Kburlu S03E10

ఎన్నో మంచి ఉదాహరణలతో, ఎంతో సింపుల్ కాన్సెప్ట్స్ తో పెద్ద పెద్ద సంస్కృత పదాలు వాడకుండా, సులభంగా సావధానంగా అద్వైతం గురించి వివరించారు *పోడూరి వెంకట రమణ శర్మ గారు.* ఆ ప్రసంగం వీడియో యూట్యూబ్ లో విడుదల చేసాము ఇదే ఆ వీడియో లింక్ చూడండి మరి. ఈ వీడియో మిస్ అయితే ఒక మంచి నిధి ఉన్న తలుపు తాళం చెవి పోగొట్టుకోవడమే అంటాను నేను. మిస్ అవకుండా చూడండి అని కూడా సలహా ఇస్తున్నాను.

ప్రసంగం వీడియో లింక్ : https://youtu.be/Wzl0BW8nnd0

న్యూస్ లెటర్ Blog post : https://www.dasubhashitam.com/blog/aragantalo-advaitham

Podcast : https://www.dasubhashitam.com/ab-title/pc-kathalu-kaburlu-3

🙏

రామ్ కొత్తపల్లి

#లోకాభిరామం | ఏప్రిల్ 11, 2024

www.dasubhashitam.com

Kathalu. Kburlu S03E09

కవుల అంతరంగాలకు అద్దం పట్టే వారి రచనా శైలిని గురించి, ఏప్రిల్ నెల ప్రసంగ వక్త గురించి ఈ వారం కథలు కబుర్లలో వినండి.

ఈ కథలు కబుర్లు ఇక్కడ బ్లాగ్ పోస్ట్ లో చదవండి లేదా యాప్ లో శ్రవణరూపంలో వినండి

Podcast = https://www.dasubhashitam.com/ab-title/pc-kathalu-kaburlu-3

Kathalu.Kburlu S03E08

మా బామ్మగారి అత్తగారు, మా తాతయ్య గారి చిన్నప్పుడే చనిపోయారు. ఆయన పెరిగింది అంతా వాళ్ళ బామ్మ చేతిలో. మా బామ్మ పెళ్ళయ్యే నాటికి తన అత్తగారి అత్తగారిదే ఇంటి పెత్తనం. ఆవిడకి విపరీతమైన మడి, ఆచారం. 'నిప్పులు కడిగి, వంట చేయడం' అనేది మనలో చాలామంది ఏదో సామెతగా విని ఉంటాం. కానీ, ఆవిడకి అది నిత్యకృత్యం. 'ఆ బొగ్గులు దేనితో తయారు చేశారో', 'అవి ఎండేటప్పుడు ఏ జంతువు ముట్టుకుందో', 'ఎవరి చేతిలో ఎండి మన దగ్గరకు వచ్చాయో', ఇవి ఆవిడ రోజూ బొగ్గులు కడుగుతూ చెప్పే కామన్ డైలాగులు.

నీళ్ళకోసం చెరువుకు వెళ్తే, బిందెడు నీళ్ళతో మొదలైన ఆవిడ, ఇంటికి వచ్చేసరికి రెండు చెంబుల నీళ్ళు మిగిలేవిట. దారంతా చల్లుకుంటూ, ఆ నీళ్ళపై నడుస్తూ ఇంటికి రావడం మా ఊర్లో ఇప్పటికీ కథలు కథలుగా చెప్పుకుంటారు.

ఒకసారి మా కంచుమర్రు ఊరివాళ్ళు చాలామంది కలిసి కాశీ యాత్ర చేయడానికి బయలుదేరారు. పూర్వ సువాసిని, అందులోనూ విపరీతమైన ఆచారం. అక్కడక్కడా నడక, అక్కడక్కడా రైలు ప్రయాణం. అన్నం అంటు, వేరే వాళ్ళని ముట్టుకోవాలంటే మడి. ఇలా ఏదో గడుపుకుంటూ ప్రయాణం సాగిస్తున్నారు ఆవిడ. వారి మజిలీ పూరీ క్షేత్రం చేరింది. మా ఇంట్లో ఇత్తడి గిన్నెల్లో వంట, విస్తరాకులు, వెండి కంచాల్లో భోజనం. మా వాళ్ళకి మట్టికుండ మడికి పనికిరాదు. అందులో వండినవి ఈవిడ తినేవారు కాదు.

పూరీలో మరి కుండల్లోనే ప్రసాదం వండి, నైవేద్యం పెట్టి, భక్తులకు కుండల పళంగా అమ్ముతారు కదా. ఈవిడ దగ్గరకి ఆ కుండ ప్రసాదం వచ్చింది. అంతే, ఈవిడ చిందులు మొదలుపెట్టింది. ఆట్.. కుండలో వండినది నేనెలా తింటాను? ఆదో ప్రసాదమా? అసలు దేవుడికి ఎలా పెడుతున్నారు? అని రంకెలు మొదలుపెట్టి, ప్రసాదం తినకుండానే బసకు వెళ్ళిపోయారట.

సాయంత్రానికి ఆవిడ గొంతు, మెడ పూర్తిగా వాచిపోయి, నొప్పి మొదలైందిట. అంతే చుట్టుపక్కలవారందరూ చెంపలు వాయించుకోవడం మొదలుపెట్టారట. అదుగో, మీరు స్వామి వారి ప్రసాదాన్ని తినకపోవడమే కాదు, హేళన చేశారు, అవమానించారు. అందుకే ఇలా జరిగింది అన్నారట. దైవభక్తి మెండుగా ఉన్న ఆవిడ లెంపలు వాయించుకుని, గుడికి వెళ్ళి ప్రసాదం నోట్లో వేసుకున్న రెండో రోజు నొప్పి, వాపు తగ్గిపోయాయట.

అక్కడి నుండి కాశీ వెళ్ళి, తిరిగి ఊరు వచ్చాకా ఆవిడ పూర్తిగా మారిపోయింది అనుకుంటే మనం పప్పులో కాలేసినట్టే. కాకపోతే అన్నాన్ని, ప్రసాదాన్ని చూసే చూపు మారింది. 'అన్నం పరబ్రహ్మ స్వరూపం' అన్నదాన్ని పూర్తిగా జీర్ణించుకుంది.

పైగా తనని తాను అందరికన్నా ఎక్కువగా అనుకోవడం కూడా తగ్గిందిట. దైవ మహిమగా మాత్రమే నేను చూడలేదు ఈ కథని. ప్రయాణం ఆవిడ ఆలోచనను విస్తృతం చేసింది, అనుభవాలు ఆమె చూపుని మార్చాయి అనిపించింది.

ఆమె మార్పుకి నిదర్శనం కూడా కనిపించింది. కాశీ నుండి వచ్చిన వెంటనే మా పెద్ద అమ్మమ్మ పుట్టిందట. 'మీరు కాశీ వెళ్లి వచ్చినవారు కదా, మీ పేరు పెట్టుకుందాం అనుకుంటున్నాను అమ్మమ్మగారూ' అన్నదిట.

'నా పేరు ఎందుకు లేవే. ఆ అన్నపూర్ణమ్మ పేరు పెట్టుకో, నీ వంశానికి అన్నదాత అవుతుంది' అన్నదిట. ఏ ముహూర్తాన అన్నదో కానీ ఆవిడ, ఈనాటికీ మా ఎవరికైనా పత్యం పెట్టాలంటే అమ్మమ్మే, పచ్చగడ్డితో పచ్చడి చేసిన చేతులు నాకేస్తాం.

నీ వంశ చరిత్ర ఎవడు ఆడిగాడమ్మా అనకండి. కాశీ యాత్రా చరిత్ర విశ్లేషణ వింటే మా బామ్మ, అమ్మ చెప్పిన ఆ సుబ్బమ్మ గారి కథ గుర్తొచ్చింది. నాకు ఏం గుర్తొచ్చినా మీకు చెప్పనిదే నిద్ర రాదు అని తెలుసుగా, అందుకే ఈ వంశ చరిత్ర. సరే, ఈ వారపు న్యూస్ లెటర్, కథలు కబుర్లు ఇక్కడ ఉన్నాయి. వినేసి, చదివేయండి మరి. మీ వంశ చరిత్ర ఏమైనా గుర్తొస్తుందేమో..

Blog post = https://www.dasubhashitam.com/blog/196-yella-naati-telugu-pusthakam

Podcast = https://www.dasubhashitam.com/ab-title/pc-kathalu-kaburlu-3

Kathalu.Kburlu S03E07

Kathalu. Kaburlu S03E07

మా అమ్మా, నాన్నగార్లు గొడవ పడ్డారు అంటే, నేను పోస్ట్ మ్యాన్ అవతారం ఎత్తాల్సిందే. 'మీ నాన్నగార్ని భోజనానికి రమ్మనవే', 'నాకు ఆకలిగా లేదు నేను తినను అని చెప్పు, ఎంత గొడవ జరిగినా అన్నం తినడానికి నేను మీ అమ్మని కాదు', 'కోపం పెళ్ళాం మీదైతే అన్నం ఏం చేసింది? అన్నాన్ని వద్దనకూడదు అని కూడా తెలీదు కానీ, నా మీద ఎగరడానికి మాత్రం తయారు. అన్నాన్ని వద్దు అంటే తిరిగి అన్నం పుడుతుందా'. ఇదీ వరస. మధ్యలో నన్ను పెట్టుకుని వాళ్ళల్లో వాళ్ళు మాట్లాడేసుకునేవారు.

నిజానికి ఈ గొడవలు ఏడాదిలో ఒక్కసారో రెండుసార్లో అంతే. అదీనూ మా చదువులకు అయ్యే ఖర్చులు లాంటి విషయాలే తప్ప పెద్ద గొడవలేం ఉండేవి కావు. కోపం వస్తే మాత్రం ఒకళ్ళని మించి ఒకళ్ళు బెట్టుగా ఉండేవారు. ఒక వారం రోజులు పైన ఉదహరించిన డైలాగులు ఒకరిపై ఒకరు విసురుకుంటూ గడిపేసేవారు. అయితే, మా నాన్నగారి దగ్గర ఉన్న ఒక చెడ్డ లక్షణం ఏమిటంటే, ఆయన 'సారీ' లూ గట్రా చెప్పేవారు కాదు. వాళ్ళ మధ్య యుద్ధం ముగిసి, సంధి జరిగింది అనడానికి గుర్తు ఏమిటంటే, కరచాలనం. ఒక్క హ్యాండ్ షేక్ లో క్షమించమని అడగడాలూ, క్షమించేయడాలు అన్నీ జరిగిపోయేవి.

నాకు అది నచ్చేది కాదు. అంతటి ధర్మయుద్ధానికి ముగింపు ఒక్క షేక్ హ్యాండేనా అని నాకు చాలా అసంతృప్తిగా ఉండేది. మా నాన్నగారిలో నాకు అస్సలు నచ్చని లక్షణాలన్నిటినీ పోగేసుకుని మా ఆయన ప్రత్యక్షమయ్యారు. మా సార్ డిక్షనరీలో కూడా సారీ లు, థాంక్స్ లు ఉండవు. మేము తనివితీరా దెబ్బలాడుకున్న తరువాత, మళ్ళీ మామూలు అవ్వడానికి దారి మా దేవుడు ప్రసాదించే చిరునవ్వు. 'సరిసర్లే ఎన్నో అనుకుంటాం.. ఇంక వదిలేయ్' అన్నట్టు ఉంటుంది ఆ నవ్వు. 7 ఏళ్ళ దాంపత్యంలో మా సార్వాడు సారీ చెప్పిన క్షణం ఒక్కటంటే ఒక్కటీ లేదు.

మా అమ్మానాన్నగార్లు ఒక్క మాట ఎక్కువా కాకుండా, ఒక్క మాట తక్కువా కాకుండా తూకంగా మాట్లాడుకుంటారు. వాళ్ళిద్దరూ ఏదో రెండు దేశాల అధినేతల్లా హుందాగా ఉంటారు. మా రూటే సెపరేటు. మేము సాధ్యమైనంత వరకూ స్నేహంగా ఉంటాం(అఫ్ కోర్స్ కండీషన్స్ అప్లై. ఒకరి పుట్టింటివైపు వాళ్ళని మరొకళ్ళు ఏమీ అననంత వరకే ఆ స్నేహం). మొదట్లో దెప్పిపొడుపులు, వెటకారాలూ, వెక్కిరింతలన్నిటికీ నానార్ధాలు వెతుక్కుని అవస్థలు పడ్డాం కానీ, పోగా పోగా అన్నీ చనువు కొద్దీ వచ్చే నోటి దురద మాటలే అని అర్ధమవుతోంది. దాంపత్యంలో ఇంకా మొదటి అంకంలోనే ఉన్న మేము ముందు ముందు unlock అయ్యే levels కోసం కాస్త భయంగా, చాలా భరోసాగా ఎదురుచూస్తున్నాం.

నాకు అర్ధమైనంతలో అసలు దాంపత్యం అంటే ఏమిటో వివరిస్తూ, ఈ వారపు న్యూస్ లెటర్ రాశాను. అనవసరంగా మీ partner పుట్టింటి వైపు వారిపై మీ మనసులో ఉన్న భావాలు, వారి ఎదురుగుండా బయటపడే ప్రమాదం నుండి మిమ్మల్ని మీరు తప్పించుకోవాలంటే ఈ కింది లింకుల్లో ఉన్న న్యూస్ లెటర్ని చదివేసి, వినేయండి. నాకు తెలుసు మీరు చదువుతారు, ఎందుకంటే partner పై ప్రేమ/భయం ఉన్నవారు మీనా శాపాల బారిన ఎందుకు పడతారు.

Blog : https://www.dasubhashitam.com/blog/pellante-noorellaa

Podcast: https://www.dasubhashitam.com/ab-title/pc-kathalu-kaburlu-3

🙏🏻

#కథలు_కబుర్లు

మీనా యోగీశ్వర్ । 13-03-2024

Kathalu Kaburlu S03E04నాకు చిన్నప్పుడు బాగా ఇష్టమైన సినిమాల్లో ఒకటి 'గుండమ్మ కథ'. పంట్లాగూలు వేసుకుని, అచ్చమైన కృష్ణ యాసలో గుండక్కా.. అంటూ సరదాగా ఉండే ఎన్.టి.రామారావు, 'అలా కాదు ప్రియమైన నాన్నగారూ అనాలి' అంటూ మంచితనానికి చీరకట్టినట్టు ఉండే సావిత్రి, సగం నవ్వు, సగం చూపులతోనే నటించేసే నాగేశ్వరరావు, 'అమ్మా.. కాఫీ' అంటూ గారాలు పోయే జమున, 'పేడకళ్ళు ఎత్తుకునేవాడివి నీకెందుకోయ్ కోటు..' అంటూ 'పాలు మోసుకునేవాడివి నీకెందుకోయ్ కోటు..' అనిపించుకునే రమణారెడ్డి, 'ఎవడి బాబుగాడి సొమ్మని తింటున్నావే' అనే సూర్యకాంతం, 'నా బాబుగాడి సొమ్మనే తింటున్నానే' అనే ఛాయాదేవి. వీళ్ళంతా ఓ మూడు గంటలు నన్ను mesmarise చేసేసేవారు.కానీ కాస్త ఊహ పెద్దది అయ్యాకా, నాగేశ్వరరావు-జమునల relationship చాలా తప్పు అనిపించింది. ముఖ్యంగా 'మీ కాళ్ళ దగ్గర పాడేస్తాను నాన్నా' అనే నాగేశ్వరరావును, గర్వంగా నవ్వుకునే ఎస్వీఅర్ ను చూస్తే నాకు కోపం వచ్చింది. ఆమె గారాభంగా పెరిగి, కాస్త అహంకారంగా ఉన్నంత మాత్రాన అన్ని ఇబ్బందులు పెట్టాల్సిన అవసరం ఏముంది అనిపించింది. అసలు పెళ్ళి పట్ల వాళ్ళ approachలోనే చాలా సమస్య ఉన్నట్టు అనిపించింది నాకు. కానీ గుండమ్మ కథ సినిమా అంటే ఇష్టం అలాగే ఉంది. మిస్సమ్మ లాంటి progressive సినిమా వచ్చిన 8 ఏళ్ళ తరువాత ఈ సినిమా రావడం ఒక విశేషం.చాలామంది సినిమాని సినిమాలా చూడాలి అంటారు. కానీ అది ఎప్పటికీ జరగని పని. అలనాటి గుండమ్మ కథ నుండి నేటి యానిమల్ వరకూ ప్రతీ సినిమా అందరిపైనా ఎంతో కొంత ప్రభావం చూపిస్తుంది అనేది నిజం. ప్రధాన మీడియా అయిన సినిమాల్లో రక్తపాతం, హింస, వ్యక్తిగత దూషణ, బూతులు, ముఖ్యంగా స్త్రీల పట్ల చిన్నచూపు, వారిపై హింసను normalize చేయడం చాలా చాలా చాలా ప్రమాదకరం.5ఏళ్ళ పిల్లవాడి దగ్గర నుండి సినిమాలు అన్ని వయసుల వారు, అన్ని రకాల ప్రవృత్తుల వారు, అన్ని రకాల ఆలోచనా ధోరణి కలవారూ చూస్తారు. అలాంటప్పుడు ఎంత జాగ్రత్తగా రచయితలు, దర్శకులు ఉండాలి? చాలా సినిమాల్లో అన్ని స్త్రీ పాత్రలూ, పురుషులతో simpleగా replace చేసినా కథ నడిచిపోయే విధంగా design చేయబడి ఉంటాయి. ఏదో వైవిధ్యం కోసం, ఆడవాళ్ళు సినిమాలో ఉండాలి కాబట్టీ స్త్రీ పాత్రలను సృష్టించే వారు కొందరు అయితే, హీరో చేసే ప్రతీ పనీ హీరోయిజంగా, ఆడవాళ్ళు అందరూ అయితే తింగరి వాళ్ళు, లేకపోతే పొగరుబోతులు అన్నట్టుగా చూపించేవాళ్ళు మరికొందరు.ఈ విషయంపైనే మార్చి నెల మొదటి శనివారం ప్రసంగం జరిగింది. ఈనాటి సమాజంలో ఫెమినిజం, సినిమాల్లో స్త్రీల స్థానం వంటి విషయాలపై మాట్లాడారు ప్రముఖ instagrammer మౌనిక జగ్గాల.

---

ఇదే పాడ్కాస్ట్ మీరు యాప్ లో కూడా వినవచ్చు. బ్లాగ్ లో కూడా చదవచ్చు. ఇవే లింకులు.

Podcast: https://www.dasubhashitam.com/ab-title/pc-kathalu-kaburlu-3

Blogpost: https://www.dasubhashitam.com/blog/feminism-aaj-kal