Kathalu. Kaburlu. (Dasubhashitam)

Kathalu. Kaburlu. (Dasubhashitam)

By DasubhashitamSociety & Culture
Download on the App Store

Kathalu. Kaburlu. (Dasubhashitam) episodes

  • 43. Ammammaki Kooda Ardham Ayye AI Talk

    Kathalu Kaburlu S02E43

    మా బామ్మ 1936 లో పుట్టారు. ఎలిజబెత్ 2 రాణి కంటే పదేళ్ళు చిన్న. ఆవిడ లాగే రెండవ ప్రపంచ యుద్దం చూసారు, స్వాతంత్ర్య పోరాటాలు చూసారు, ఆంధ్ర రాష్ట్ర ఉద్యమాలు చూసారు. చాలా చారిత్రక విషయాలకి సాక్షిగా ఉన్నారు. ఇలా ఎన్నో చూసిన మా బామ్మ తన 87 ఏళ్ల జీవితంలో వస్తున్న టెక్నాలజీకి ఆశ్చర్యపోతూ, కొన్నిటిని Adopt చేసుకుంటూ, కొన్నిటితో Keep up అవుతూ కొన్నిటిలో వెనకపడిపోతూ వచ్చారు. దీపాల వెలుగు మాత్రమే చూసిన ఆవిడ బాల్యం ఎలక్ట్రిక్ దీపాల కాంతిలో వెలిగిపోతున్న మా బాల్యం చూసి సంతోషించింది. సినిమాలు అంటే కేవలం హాల్ లోనే చూస్తారు అనుకుంటుంటే ఇంటికి TV వచ్చింది, పచ్చళ్లు రొకట్లోనే చేయాలి అనుకుంటుంటే mixi, grinder వచ్చాయి. అలాంటి ఆవిడ ఇది కేవలం "Myth" అని అనుకున్నది ఏమైనా ఉంది అంటే అది మాయాబజార్ సినిమాలో సావిత్రి గారు , నాగేశ్వర రావు గారు మాట్లాడుకున్న ప్రియదర్శిని పెట్టె. ఉత్తరాల నుంచి వేగంగా అందె టెలీ గ్రాంలు, టెలీ ఫోన్లు వరకు జరిగిన Transition ని బాగానే పట్టుకున్న మ బామ్మ Video Call అనేది ఒక "Myth" అనుకుంటున్న టైమ్ లో వేరే ఊర్లో ఉన్న నాకు ఫోన్ చేసి ఇమ్మంటే మా అక్క వీడియో కాల్ చేసి ఇచ్చింది. ఫోన్ చెవి దగ్గర పెట్టుకుంటుంటే అలా కాదు కళ్ల ముందే కొంచం దూరంలో పట్టుకోమని అక్క చెప్పింది. మా బామ్మకి ఏం అర్ధం కాలేదు. ఇటు నుంచి ఫోన్ ఎత్తిన నేను నీవేనా నను తలచినది, నీవేనా నను పిలచినది అంటూ పాట అందుకున్నాను. అప్పుడు ఆవిడ రియాక్షన్ లైవ్ లో చూడాలి వీడియో కాల్ ని ప్రియ దర్శిని అని అరుస్తూ ఆశ్చర్యపోయారు. వీడియో కాల్స్ 1970లో వచ్చినా, 2000 సంవత్సరానికి భారతదేశంలో ఉపయోగిస్తున్నా, skype లాంటివి తర్వాతి కాలంలో వచ్చినా మా బామ్మకి మొట్ట మొదట వీడియో కాల్ పరిచయం అయింది 2017లో వాట్సాప్ వీడియో కాల్ ద్వారానే. అన్నీ ఫోన్ ఏ చక్క బెట్టేస్తుండటం 87 ఏళ్ల వయసులో ఆవిడ చూస్తుంటే Rip Van Winkle vibes వస్తూ ఉంటాయి నాకు. అలాంటి మా బామ్మ కి రేపు నేను ఊరెళ్ళాక మన AI Talk ప్రసంగం చూపిస్తే ఎలా రియాక్ట్ అవుతారో చూడాలి అని చాలా ఆసక్తిగా ఉంది. ఆవిడ చేత ఒక prompt ఊహించేలా చేసి, నేను రాసి Chat GPT4 కి ఆ Prompt ఇచ్చి ఇదిగో నువ్వు అడిగిన బొమ్మ అని చూపిస్తే ఆవిడ కాలం ఎంత మారిపోయింది రా ! సాంకేతికత ఇంత దూరం వచ్చేసిందా ? అని ఆశ్చర్యపోవడం ఈసారి కళ్ళార చూడచ్చు.
    ఇంతకీ ఈ AI ప్రసంగం గురించి, Google Bard విడుదలకి ముందు Black Box అనే అంశం పై సుందర్ పిచాయ్ చేసిన వ్యాఖ్య గురించి రాసిన న్యూస్ లెటర్ ఇక్కడ చదవచ్చు, లేదా కథలు కబుర్లు పాడ్ కాస్ట్ లో యాప్ లో వినచ్చు. లింక్స్ :-
    Blog:- https://www.dasubhashitam.com/blog/ammammaku-kooda-ardhamayye-ai-talk
    Podcast:- https://www.dasubhashitam.com/ab-title/pc-kathalu-kaburlu-2
    AI కృత్రిమ మేధ పూర్తి ప్రసంగం లింక్ : https://youtu.be/v1ZfqIs-4Lg?si=F6A6vWdaNHFmA4uv

    5 min
  • 42. Inumulo Hrudayam Moluchunaa..?!

    Kathalu Kaburlu S02E42

    తెలుగు వికీపీడియాలో activeగా రాసేటప్పుడు నేను ఇష్టంగా చేసే పని translations. ఆంగ్ల వికీలో ఉండే వ్యాసాలను తెలుగులోకి అనువాదం చేసేదాన్ని. అయితే, మాకు అప్పట్లో ఉన్న అతి పెద్ద సమస్య ఏమిటంటే Google translated articles. తమ tool ను మెరుగుపరచుకోవడం కోసం, దానికి తెలుగు నేర్పడం కోసం గూగుల్ సంస్థ వారు తెలుగు వికీని దారుణంగా వాడుకున్నారు. వచ్చీ రాని భాషలో ఉడకీ ఉడకని వ్యాసాలని నేరుగా ప్రచురించేశారు.
    ఆ వ్యాసాలను శుద్ధి చేయడంలో ఎందరో వికీపీడియన్లు ఎన్నో రోజులు శ్రమించారు. అందులో నేను ఒకదాన్ని. మా చిన్నప్పుడే NLP మెషిన్ కి భాషలు నేర్చుకోవడానికి ఉపయోగపడుతుందని తెలుసు. ఈ వ్యాసాలు చూసినప్పుడు ఆ NLP మీదా, google translate మీదా పీకల దాకా కోపంగా ఉండేది. తరువాత, అది learning stageలో ఉంది కాబట్టీ అలా అధ్వానంగా ఉంది అని అర్ధమైంది కానీ, ఆ సంస్థ వారు వికీపై చేసిన చర్య మాత్రం ఇప్పటికీ క్షమించలేను.
    అందుకే, ఈ శనివారం జరిగే ప్రసంగాలు కార్యక్రమంలో ఈ కృత్రిమ మేధ గురించి తెలుసుకోవాలనిపిస్తోంది. నిజానికి కృత్రిమ మేధ వలన మనకి జరిగే లాభం కన్నా, నష్టం పాళ్ళే నా కళ్ళకి ఎందుకో ఎక్కువగా కనిపిస్తున్నాయి. దాని గురించి పూర్తి అవగాహన లేకపోవడం వలన అలా అనిపిస్తోందేమో అని నా డౌటనుమానం. ఆ డౌట్లు, అనుమానాలు అన్నీ ఇప్పుడు తీరిపోతాఏమో చూద్దాం .
    ---
    ఈ వ్యాసాన్ని బ్లాగ్ పోస్ట్ గా చదవచ్చు, App లో కథలు-కబుర్లు గా కూడా వినచ్చు. లింక్స్ ఇవిగో :
    1. బ్లాగ్ పోస్ట్ : https://www.dasubhashitam.com/blog/manatho-manam-matladukovadam-yela
    2. కథలు. కబుర్లు. : https://www.dasubhashitam.com/ab-title/pc-kathalu-kaburlu-2
    3. Nannu Gurinchi Katha rayavoo Novel : https://www.dasubhashitam.com/ab-title/ab-nannu-gurinchi-katha-rayavoo

    6 min
  • 41. Manatho Manam Matladukovadam Yela ?.

    kathalu kaburlu S02E41

    మెలుకువ ఉన్నంతసేపూ నా మెదడు ఏదో ఒక పనిలో ఉంటుంది. ఇంటిపని కావచ్చు, ఆఫీస్ పని కావచ్చు, ఏదైనా పుస్తకం చదవడం కావచ్చు, ఏమీ లేకపోతే instagram reels, youtube shorts, interviews, series ఇలా క్షణం తీరికలేకుండా నా మెదడుని ఏదో దాని వెనుక పరిగెట్టించడమే అలవాటు.
    కుదురుగా కూర్చోనిచ్చి, నిశ్చలంగా ఆలోచిస్తే గతంలోకో, భవిష్యత్ లోకో జారుకుంటోంది. అందుకే అతి entertainment తో దాని నోరు మూయించడం చాలా సులువు మార్గం నాకు. కానీ, కొన్ని రోజుల క్రితం అది తిరుగుబాటు చేసింది. నువ్వు నా సొద విని, కాస్త ముళ్ళు విప్పుతావా, చస్తావా అని బెదిరించింది. మా ఇంటి దీపావళి cleaning నాకు ఒక పూటలో అయిపోయింది. కానీ ఈ బుర్ర cleaning మాత్రం రోజున్నర పట్టింది.
    నాకు సినిమాలు, నవలల్లో హీరోయిన్లకు జరిగినట్టు యాదృచ్ఛికమైన విషయాలు ఎక్కువ జరుగుతుంటాయి. ఈ బుర్ర బూజు దులుపుకుంటున్న సమయంలోనే బుచ్చిబాబు గారి 'నన్ను గురించి కథ వ్రాయవూ?' కథా సంపుటి విని, newsletter రాయాల్సిన పని తగులుకుంది. మొదట వినడం మొదలెట్టినప్పుడు పెద్దగా ఎక్కలేదు కానీ, తరువాత నా సమస్యకి సమాధానం దొరికింది. నాతో నేను మాట్లాడుకోవడం కాస్త పట్టుపడింది.
    ఈ newsletter లో ఒక practice task రాశాను. మీలో ఆసక్తి ఉన్నవారు ప్రయత్నించి చూడండి. నాకు చాలా ఉపయోగపడింది ఆ పద్ధతి. కాబట్టీ, మీరూ ప్రయత్నించండి. ఇవిగో ఈవారం కథలు కబుర్లు లింకులు వినండి.. చదవండి..
    ---
    ఈ పరిచయం మీద రాసిన newsletter, కథలు-కబుర్లు ఇవిగో.
    1. బ్లాగ్ పోస్ట్ : https://www.dasubhashitam.com/blog/manatho-manam-matladukovadam-yela
    2. కథలు. కబుర్లు. : https://www.dasubhashitam.com/ab-title/pc-kathalu-kaburlu-2


    3. Nannu Gurinchi Katha rayavoo Novel : https://www.dasubhashitam.com/ab-title/ab-nannu-gurinchi-katha-rayavoo

    7 min
  • 40. Anukunnamani Jaragavu Anni.

    Kathalu. Kaburlu. S02E40


    "ఈ నవల చలం గారికి నచ్చలేదు. కానీ నాకు నచ్చింది. మొదటిసారి చదివనప్పుడు ఉన్నంత ఉత్సాహం రెండోసారి చదివినప్పుడు లేకపోయినా, తప్పిపోయిన పాత మిత్రుణ్ణి చూసినప్పుడు కలిగినంత ఆనందం కలిగింది ఈ పుస్తకం చూసినప్పుడు" అని చెప్పుకున్నారు ఈ నవలా పరిచయంలో మాలతీ చందూర్ గారు.ఇంతకీ చలం గారికి ఈ నవల ఎందుకు నచ్చి ఉండదు? స్త్రీ స్వేచ్ఛను తీవ్రంగా కాంక్షించే చలం గారికి, ఒక అమ్మాయి తన జీవితాన్ని ఒక కుటుంబానికి అంకితం చేయడం ఎలా నచ్చుతుంది?. అయితే, అది ఆమె ఇష్టమైనప్పుడు, తనకి పూర్తిగా ఇష్టం అయ్యి అలా వారి సేవలో ఉండిపోయినప్పుడు ఆ నిర్ణయాన్ని గౌరవించాలని అనిపించింది.ఒకసారి మీరు కూడా ఈ పరిచయాన్ని విని చూడండి. మీ అభిప్రాయం ఏమిటో పంచుకోండి. ఇదో సర్వేలాగా ఉపయోగపడుతుంది. వచ్చే సోమవారం నాడు మన సభ్యుల అభిప్రాయాలను పూర్తిగా చదివి, ఎవరు ఎటు నుంచున్నారో అంచనా వేయడానికి ప్రయత్నిద్దాం. ఏమంటారు?

    ---

    ఈ పరిచయం మీద రాసిన newsletter, కథలు-కబుర్లు ఇవిగో.

    1. బ్లాగ్ పోస్ట్ : https://www.dasubhashitam.com/blog/anukunnamani-jaragavu-anni2.


    కథలు. కబుర్లు. : https://www.dasubhashitam.com/ab-title/pc-kathalu-kaburlu-2


    3. శ్రవణ పుస్తకం : https://www.dasubhashitam.com/ab-title/pc-the-valley-of-decision

    5 min
  • 39. Parenting Oka Kala

    kathalu kaburlu S02E39

    పిఅల్లరి పిల్లలు విపరీతమైన తెలివిగలవాళ్లు (కథ)
    ఒకప్పుడు భాగ్యనగరంలో ఒక గురువు ఉండేవాడు. అతను వైద్యుడు, చాలా జ్ఞానవంతుడు, మనస్తత్వ శాస్త్రం లో చాలా అనుభవజ్ఞుడు. ఆ ఊర్లో ప్రజలకు ఏ సమస్య వచ్చినా అతని దగ్గరకు వచ్చేవారు. ఒక రోజు, ఒక వ్యక్తి అతని దగ్గరకు వచ్చి తన పిల్లలు ఇద్దరు చాలా అల్లరి చేస్తున్నారని, ఎన్నిసార్లు మార్చడానికి ప్రయత్నించినా మారడం లేదని, ఎంత కొట్టినా, తిట్టినా, చెప్పినా మాట వినడం లేదని చెప్పాడు. కాని వాళ్ళు బాగా తెలివైన వారు. ఆ తెలివిని వారు సరిగా ఉపయోగించక అల్లరి చేయడానికి ఉపయోగిస్తున్నారు అని వాపోయాడు.
    గురువు ఆ వ్యక్తి చెప్పింది విని, తన పక్కన ఉన్న రెండు రాళ్ళను తీసుకుని ఒక దానితో ఒకటి రాపిడి చేయడం మొదలు పెట్టాడు. ఆ వ్యక్తి గురూజీ ఏం చేస్తున్నారు ? అని అడిగితే, "నేను ఈ రెండు రాళ్ళని అరగదీస్తున్నాను. ఇలా ఈ రెండిటిని అద్దంగా మారే వరకు అరగదీసి, అద్దంగా మారాక అప్పుడు నేను నా మొహాన్ని అందులో చూసుకుంటాను" అన్నాడు.
    ఆ వ్యక్తి ఆశ్చర్యపడి పోతూ గురూజీ, మీరు ఎంత కష్టపడి ఆ రెండు రాళ్ళని అరగదీస్తూ ఉన్నా వాటిలో ఘర్షణ పుడుతుందే గాని అవి అద్దంగా మారవు అన్నాడు.
    గురూజీ, "నేనూ అదే చెబుదాం అనుకుంటున్నాను. ఇప్పుడు నువ్వొక విషయాన్ని పరిశీలించి గ్రహించావు. రెండు రాళ్ళని పట్టుకుని అరగదీస్తే వాటి మధ్య ఘర్షణ పుడుతుంది కాని అవి అద్దాలుగా మారవు అని. అలాంటి గ్రహింపు పిల్లల పెంపకంలో లో కూడా నువ్వు గ్రహించాలి. పిల్లలల్ని కొట్టడం, తిట్టడం, లేదా బెదిరించడం, హెచ్చరించడం వంటి కఠిన పద్దతుల ద్వారా మార్చాలని చూస్తే వారిలో నువ్వు వారిలో ఘర్షణని చూస్తావు కాని మంచి మార్పుని చూడలేవు. నువ్వు నీ పిల్లలపై ఎంత ఘర్షణని సృష్టిస్తావో వాళ్ళు అంతగా రాతి హృదయులు అవుతారు. నువు నీ పిల్లల్లో చూడాలి అనుకున్న మార్పుని నీలోనే తెచ్చుకుంటే వాళ్ళు నిన్ను చూసి నేర్చుకుంటారు. నువ్వు ప్రతి విషయంలోనూ, ఆత్మ విమర్శతో, విచక్షణతో ఆలోచిస్తూ, ఏ విషయం అయినా జరగడం వెనక కారణం ఏమిటో తర్కిస్తూ, నిజం ఏమిటో తెల్సుకుంటూ, పిల్లలతో చర్చిస్తూ ఉంటే అదే పిల్లలు చూస్తూ, తెల్సుకుంటూ, అవలోకనం చేసుకుంటూ ఎదుగుతారు. నువ్వన్నట్లు వాళ్ళు అల్లరి పిల్లలే కాని విపరీతమైన తెలివిగలవాళ్ళు కాబట్టి నిన్ను చూసి బాగా నేర్చుకుంటారు lead like a example లా కాకుండా live like a example గా ఉంటూ వారిని మార్పు వైపుకి నడిపించడం ఎంతో మెరుగు అని గురూజీ ముగించాడు.
    ఆ వ్యక్తి గురూజీ మాటలు విని చాలా ఆలోచించాడు. గురూజీ ఒక ఉదాహరణ చూపి ఎలా అయితే తన సమస్యని పరిష్కరించారో, అలానే తానూ ఒక ఉదాహరణగా ఉంటూ తన పిల్లల్లో మార్పు తీసుకురావాలి అని నిర్ణయించుకున్నాడు.
    ఈ నెల మొదటి శనివారం జరిగిన ప్రసంగంలో ఇలాంటి ఉదాహరణలు, దృష్టి కోణాలు, ఆసక్తికర ప్రశ్నోత్తరాలు కూడా అనేకం జరిగాయి. ఆ ప్రసంగం గురించి రాసిన న్యూస్ లెటర్ ని ఇక్కడ బ్లాగ్ లో చదవచ్చు లేదా దాసుభాషితం యాప్లో శ్రవణ రూపంలో వినవచ్చు. పేరెంటింగ్ – శైశవం నుండి కౌమారం వరకు పూర్తి ప్రసంగాన్ని యూట్యూబ్ లో చూడండి. లింక్స్ కింద ఉన్నాయి.
    ---
    1. బ్లాగ్ పోస్ట్ : https://www.dasubhashitam.com/blog/parenting-oka-kala
    2. కథలు. కబుర్లు. : https://www.dasubhashitam.com/ab-title/pc-kathalu-kaburlu-2
    3. పేరెంటింగ్ ప్రసంగం యూట్యూబ్ : https://www.youtube.com/watch?v=mW03qGAhTb0

    7 min
  • 38. Oka Yadartha Ghatana

    kathalu kaburlu S02E38

    మనం మంచి, చెడూ చెప్పుకుంటూ, విలవలు నేర్పుకుంటూ, క్రమశిక్షణ, స్వేచ్ఛ అన్నీ సమపాళ్ళలో ఇస్తూ పిల్లల్ని పెంచుకుంటున్నా, పక్కింటి వాళ్ళు, చుట్టాలు, ఒక్కోసారి రెండు వైపుల grand parents వాళ్ళని influence చేయడం అనేది paranting లో అతిపెద్ద ఎదురుదెబ్బ.
    పిల్లలు పుట్టిన తరువాత వాళ్ళని ఎలా పెంచాలా అని ఎన్నో ఆలోచనలు ఎదుర్కుంటున్న వాళ్ళకు ఈ శనివారం జరిగిన ప్రసంగం బాగా ఉపయోగపడుతుంది. ఆ ప్రసంగం ఇక్కడ చూడండి.
    https://youtu.be/mW03qGAhTb0
    ---
    ఇదే కథలు. కబుర్లు రూపంలో దాసుభాషితం యాప్ లో కూడా వినవచ్చు.
    https://www.dasubhashitam.com/ab-title/pc-kathalu-kaburlu-2

    5 min
  • 37. Mahila Sadhikaratha

    Kathalu Kaburlu S02E37

    యా దేవీ సర్వభూతేషు బుద్ధి రూపేణా సంస్థితా
    నమస్తస్యై నమస్తస్యై నమస్తస్యై నమో నమః
    అంటుంది చండీ సప్తశతి. అందరి బుద్ధి రూపంలోనూ, మరపు రూపంలోనూ, నిద్ర రూపంలోనూ, ఆకలి రూపంలోనూ, శక్తి రూపంలోనూ, ప్రతీ తల్లి రూపంలోనూ ఉన్నది ఆ అమ్మవారే అని చెప్తుంది ఈ వేద భాగం. కానీ అలా చూడడం అంత సులభమా? ప్రతివారిలోనూ పరమాత్మను చూడడం సాధ్యమా? కష్టమే, కానీ ప్రయత్నించినవారు పొందిన శాంతి, సాధించినవారు పొందిన సిద్ధి అనితరసాధ్యం.
    అదే విధంగా భార్యలో గృహలక్ష్మి గృహే గృహే అనే ఆర్షవాక్యం గుర్తుంచుకుంటే గృహహింస, molestation, అత్యాచారాలు ఉండవు కదా. అలాంటి మంచి బుద్ధి ప్రపంచంలోని అందరికీ ఆ అమ్మ కటాక్షించాలని కోరుకుంటూ, అందరికీ దసరా అదే భారతీయ మహిళా సాధికార దినోత్సవ శుభాకాంక్షలు.
    ఈ వారపు newsletterలో కావ్యభారతి రెండవ భాగం గురించి, అమ్మవారి గురించి ఆ తల్లి రాయించినంత రాశాను. ఈ blog post లో చదివి, ఈ కథలు-కబుర్లు వినేయండి.
    ---
    కావ్య భారతి ఇక్కడ వినండి : https://www.dasubhashitam.com/ab-title/pc-kavya-bharathi
    ---
    ఇదే కథలు. కబుర్లు రూపంలో దాసుభాషితం యాప్ లో కూడా వినవచ్చు.
    https://www.dasubhashitam.com/ab-title/pc-kathalu-kaburlu-2

    9 min
  • 35. Ye Paata Ne Paadanu

    Kathalu Kaburlu S02E35

    Trapped Energy
    మన కూటమిలో ఈ వారం ప్రసంగం పై చర్చ చాలా బాగా జరిగింది. ప్రత్యక్ష ప్రసంగం తర్వాత కూడా యూట్యూబ్ లో విడుదలయిన వీడియో చూసి, తర్వాత నళినీకాంత్ గారిని ప్రశంసించడం మా దాసుభాషితం సభ్యులకి ఎంతో ఆనందం కలిగించింది. అందుకు ఆయన అర్హులు. అయితే ఇక్కడ నళినీకాంత్ గారు మితభాషి అని, కాదు కాదు అమితభాషి అంటుంటే నాకు ఒక పుస్తకంలో చదివిన Trapped Energy అనే విషయం గుర్తుకు వచ్చింది.
    ఈ Trapped Energy అనేది మానవాళికి సహజంగా శారీరకంగాను, మానసికంగాను ఉండే సాధారణమైన Energy. ఈ రెండు ఎనర్జీలను మనం ఉపయోగించకపోతే అవి వేరే దారిని వెతుక్కుంటాయి. ఉదాహరణకి మనం ఆహారం consume చేస్తాము సమయానికి తగిన నడక, వ్యాయామం లేకపోతే ఆ ఎనర్జీ అంతా వేరే దారి వెతుక్కుని పొట్ట రావచ్చు ఇంకేమైనా అవ్వచ్చు. వంటికి ఆహారం లాగే మెదడుకి ఆలోచనలు కూడా. మనకి సాధారణంగా ఉండే భావ ప్రకటన, రచన, వాక్పటిమ, వ్యక్తీకరణ ఇవన్నీ ఒక ఎనర్జీ. మనం consume చేసుకున్న జ్ఞానం, చదువుకున్న పుస్తకాలు, చూసిన విషయాలు, విన్న మాటలతో ఈ ఎనర్జీ మనలో పుడుతుంది. ఈ immense ఎనర్జీ మనలో నుండి బయటకి రావడానికి దారి అయిన భాష్యం, రచన, వ్యక్తీకరణ లాంటివి చాలా ముఖ్యం. ఒకవేళ ఆ ఎనర్జీని మనం బయట పెట్టకుంటే అది దీర్ఘ నిద్రలోకి వెళ్ళిపోతుంది లేదా అది బయట పడటానికి వేరే దారి వెతుక్కుంటుంది. (బహుశా Over talk or Over Sharing)
    ఇక్కడ నళినీకాంత్ గారు Consume చేసుకున్న Knowledge Energy వారి ఉద్యోగ బాధ్యతల వలన, చాలా కాలంగా నిద్రాణ స్థితిలోకి వెళ్ళి ఉండచ్చు అందుకే వారు మొదట మితభాషి అయ్యారు. పరవశాన శిరసూగంగా ధరకు జారెనా శివగంగా అని వేటూరి గారి పాటలా మా దాసుభాషితం బృందం వారిని రాయమని, ప్రసంగించమని కోరగా, వారు చిన్ననాటి నుంచి Consume చేసుకున్న Knowledge Energy ఈ దారి వెతుక్కుని మన దరికి జారడం సంతోషకరం. ఈ విషయంలో ఆయన అమితభాషి అయ్యి భాష్యం చెప్పినా సంతోషమే కదా 😀.
    మొన్న జరిగిన ప్రసంగంలో వారు చెప్పిన మాటలే కోట్ చేస్తే రాయడం మానేసిన నాలాంటి ఎందరినో దాసుభాషితం వారు కదిపి మళ్ళీ రాయించడం ఎంతో సంతోషంగా ఉంది, ఇలాంటి రచయితలు ఎందరో ఇంకా రకరకాల కాంటెంట్ తో ముందుకు వస్తారని ఆశిస్తున్నాను.
    వారిలాగే నేనూ దాసుభాషితంలో రాబోతున్న ఒరిజినల్ కాంటెంట్ కోసమూ, మన నళినీకాంత్ గారుతెలుగు సినీ కవులపై రాస్తున్న కాంటెంట్ కోసమూ ఎదురు చూస్తున్నాను.
    ---
    వారి ప్రసంగం ఇక్కడ చూడవచ్చు : https://youtu.be/n-UAv6ClSzU
    ---
    ఇదే కథలు. కబుర్లు రూపంలో దాసుభాషితం యాప్ లో కూడా వినవచ్చు.
    https://www.dasubhashitam.com/ab-title/pc-kathalu-kaburlu-2

    6 min
  • 34. Cinee Saraswathakshara Saradhulu

    Kathalu Kaburlu S02E34


    ఎన్నో సినిమా పాటలు మన ధృక్పధం, ఆలోచనాధోరణి, అనుభూతులు, ఊహలు ఇలా లెక్కలేనన్నిటిని శాసించాయి, ఊతాన్నిచ్చాయి. ఒకలా చెప్పాలంటే కొన్ని పాటలు మనకు ఊహల రెక్కలు ఇచ్చి, ఇష్టమొచ్చినన్ని ప్రదేశాలు తిప్పుతాయి. అలా పాటలు పంచిన కలల్లో కొన్ని నిజమౌతాయి. కొన్ని అవుతాయన్న నమ్మకం కలిగిస్తాయి. కొన్ని అవ్వడం అసాధ్యమని తెలిపోతుంది. Bottom line ఏమిటంటే, మనం చాలాసార్లు అనాలోచితంగా చేసే చాలా పనులకు, నిర్ణయాలకు మూలం ఏదో ఒక సినిమా పాట చరణంలో నుంచి వచ్చే అవకాశాలు ఎక్కువ.


    కానీ మామూలు సాహిత్యానికి ఇచ్చినంత గౌరవం, weightage సినిమా సాహిత్యానికి, సినీ కవులకి ఇవ్వం. అందుకే ఈ నెల ప్రసంగాలులో ఆ less sung heros ని celebrate చేసుకోబోతున్నాం. వివరాలు ఈ న్యూస్ లెటర్ లో ఉన్నాయి. ఒకసారి చదివేయండి. ఈ కథలు కబుర్లూ కూడా వినండేం.

    https://www.dasubhashitam.com/ab-title/pc-kathalu-kaburlu-2


    https://www.dasubhashitam.com/blog/cinee-saraswathakshara-saradhyulu

    ----

    మరిన్ని కథలు కబుర్లు శ్రవణ రూపంలో వినడానికి దాసుభాషితం యాప్ డౌన్లోడ్ చేసుకోండి. లింక్:

    https://www.dasubhashitam.com/ab-title/pc-kathalu-kaburlu-2

    6 min
  • 33. Sisurvetti Pasurvetti

    Kathalu Kaburlu S02E33

    నా దృష్టిలో పాటంటే సాహిత్యం. అది లేకపోతే ఎంతటి సంగీతమైనా రాణించదని నా నిశ్చితాభిప్రాయం. పైగా నేను సంగీతాన్ని పెద్దగా ఆస్వాదించలేను అని కూడా అనుకునేదాన్ని. ఒకపక్కనేమో మా నాన్నగారు ఏదైనా సినిమా పాట విని 'అబ్బా, మోహనరాగంలో ఎంత బాగా ఉంది ఈ పాట. చూడు మేలుకొలుపు పాట కాబట్టీ ఈ music director భూపాలంలో చేశారు పాటని అదీ రసజ్ఞత అంటే' అంటూ చెప్పేస్తారు. ఆయన ఏనాడూ సా పా సా కూడా నేర్చుకోలేదు మరి ఎలా తెలుసు?
    అంటే 'వినగ వినగ రాగమతిశయిల్లుచుండు' అన్నట్టు. సంగీత కచేరీలలో రాగం పేరు చెప్పి, వాళ్ళు స్వరసంచారం పాడినప్పుడు విని తెలుసుకున్న రాగాలను, సినిమా పాటల్లో వెతుక్కోగలిగారు అన్నమాట. అలా గుర్తుపడుతూ, పడుతూ మెల్లిగా ఏ పాట ఏ రాగంలో చేశారు అన్నది ఆయనకి ఒక అంచనా వచ్చింది. నిజానికి ఏ కళనైనా ఆస్వాదించాలి అంటే మనకి ఇలాంటి దారులే చాలా ఉపయోగపడతాయి. దీనినే art apreciation అంటారు. ఏ కళని అయినా అర్ధం చేసుకుని, ఆస్వాదించడం అనేది మన వ్యక్తిత్వం మెరుగుపడడంలో ఒక భాగం అని ప్రపంచవ్యాప్తంగా ఎందరో శాస్త్రవేత్తలు చెప్పే మాట.
    అలా సంగీతాన్ని అర్ధం చేసుకుని, ఆస్వాదించడానికి ఈ సినీ కర్ణాటకం ఒక గైడ్ గా ఉపయోగించుకోవచ్చు అని నాకు ఈ కార్యక్రమం విన్నాకా అర్ధమైంది. అలాగే నాకు సంగీతాన్ని ఆస్వాదించే లక్షణం లేదు అన్న అభిప్రాయం కూడా పోయింది. దానికి కారణం ఈ న్యూస్ లెటర్ లో పంచుకున్నాను. అందుకే ముందు అది చదివి, తరువాత ఈ సినీ కర్ణాటకం వినండి.
    https://www.dasubhashitam.com/ab-title/pc-cinee-carnatakam-1
    ----
    మరిన్ని కథలు కబుర్లు శ్రవణ రూపంలో వినడానికి దాసుభాషితం యాప్ డౌన్లోడ్ చేసుకోండి. లింక్:
    https://www.dasubhashitam.com/ab-title/pc-kathalu-kaburlu-2

    6 min

About Kathalu. Kaburlu. (Dasubhashitam)

From the publisher's feed

దాసుభాషితం యాప్ లో విడుదల అయ్యే కొత్త పుస్తకాల వివరాలు, సంభాషణలు, మా ఆలోచనలే ఈ పాడ్‌కాస్ట్.