Kathalu. Kaburlu. (Dasubhashitam)

Kathalu. Kaburlu. (Dasubhashitam)

By DasubhashitamSociety & Culture
Download on the App Store

Kathalu. Kaburlu. (Dasubhashitam) episodes

  • 32. Kalamtho Vaidyam.

    kathalu Kaburlu S02E32

    శ్రీదేవి గారు రాసిన కాలాతీత వ్యక్తులు నవల చదివిన తరువాత మార్గరెట్ మిచెల్ రాసిన Gone with the wind చదివినప్పుడు ఇందిర పాత్రలోని కొన్ని లక్షణాలు scarlet నుండి inspire అయి ఉండవచ్చు అనిపించింది. ఆ నవల చదివిన కొత్తల్లో చాన్నాళ్ళు నా చుట్టూ ఉండేవారిలో ఇందర, ఇతర పాత్రల లక్షణాలు పోల్చుకోవడం ఒక హాబీగా మారింది. అలాంటి bold పాత్రను సృష్టించిన శ్రీదేవి గారు, తన ఉరుములు - మెరుపులు కథలో సుధ లాంటి self pity కలిగిన పాత్రను సృష్టించారు అంటే ఆశ్చర్యం కలిగింది.
    నిజానికి మనం ఇష్టపడే వ్యక్తిత్వమో, లేదంటే అలా ఉండాలి అని ఊహించుకునే వ్యక్తిత్వమో తప్ప మనకి మిగిలినవారి గురించి అర్ధం చేసుకోవాలి అని కూడా అనిపించదు చాలాసార్లు. ఒక self confident ఇందిరని ఎంత బాగా embrace చేశారో ఒక slef pity సుధని కూడా అంత బాగా చూపించారు మనకి శ్రీదేవి గారు. వారు రాసిన పి శ్రీ దేవీ కథలు ఈ వారం విడుదల సందర్భంగా ఈ వారం కథలు కబుర్లు ఏంటో వినండి.
    ----
    మరిన్ని కథలు కబుర్లు శ్రవణ రూపంలో వినడానికి దాసుభాషితం యాప్ డౌన్లోడ్ చేసుకోండి. లింక్:
    https://www.dasubhashitam.com/ab-title/pc-kathalu-kaburlu-2

    4 min
  • 31. Ennalo Vechina Udayam

    Kathalu. Kaburlu. S02 Chapter 31.

    నేను మే 2021లో దాసుభాషితం టీంలో చేరాను. మొదటి మీటింగ్ లో టీం పరిచయం జరిగింది. రెండో మీటింగ్ లో కిరణ్ గారు చాలా excited గా ఒక presentation ఇచ్చారు నాకు. తాను కలలు కంటున్న smooth experienced app demonstration అది. ఆ యాప్ layout పూర్తిచేసుకుని, developers దగ్గర ఉందని, అందులో content కి సంబంధించిన కొత్త tabs రూపొందించమని నాకు చెప్పారు.
    యాప్ విడుదల పనులు ఆలస్యమయ్యే కొద్దీ మా టీంలో ఉత్సాహం తగ్గకుండా కిరణ్ గారు ఎన్నో ప్రయత్నాలు చేసేవారు. కొన్నాళ్ళకి ఆయనకే సహనం తగ్గే స్థితి ఏర్పడింది. కానీ ఆ స్థితిని కూడా అధిగమించారు. కలలో కూడా ఊహించడానికి ఇష్టపడని ఒక సంఘటన అప్పుడే జరిగింది.
    కొత్త యాప్ విడుదల మాట దేవుడెరుగు, ఉన్న యాప్ లో security ని develepors team గాలికి వదిలేయడం వలన, యాప్ hack అయింది. దాదాపు 3 నెలలు గాఢాంధకారం. కొత్త విడుదలలు లేవు, కొత్త పుస్తకాల గురించి రచయితలతో మాటలు లేవు, వారం వారం రాసే న్యూస్ లెటర్ లేదు, నెల తిరిగే సరికల్లా బిళ్ళబెత్తుల్లా జీతం రాళ్ళు మాత్రం బ్యాంక్ లో హాజరు.
    నిజానికి చాలా సిగ్గుగా అనిపించేది ఆ డబ్బులు ముట్టుకోవాలంటే. ఏం పని చేస్తున్నాం కనక జీతం తీసుకోవడం అనిపించేది. అయ్యో ఎన్నో లక్ష్యాలతో మొదలుపెట్టిన ఉద్యోగం ఇక ఇంతేనా అనే నైరాశ్యం. అప్పుడే లాక్ డౌన్ నుంచి బయటకు వచ్చి, యాప్ లాక్ డౌన్ లో ఇరుక్కున feeling.
    అలాంటి సమయంలో కిరణ్ గారి నుండి ఫోన్. 'మీనా, విడుదలలు లేకపోతే మాత్రం ఏమిటి? ఏదో ఒక న్యూస్ లెటర్ రాయి, నీకు ఇష్టం వచ్చిన విషయంపై రాయి. నీ writing skills ని improve చేసుకో. ఎలాగూ ప్రతీవారం audio content ఇవ్వలేకపోతున్నాం కదా శ్రోతలకి, ఒక మంచి సాహిత్య వ్యాసం ఇద్దాం' అన్నారు. మరలా ఒక ఉత్సాహం. నాకిష్టమైన విషయంపై వారానికో వ్యాసం.
    ఈలోపు మన యాప్ సంగతి మీ అందరితోనూ పంచుకున్నారు కిరణ్ గారు. ఆ సమయంలో మీ అందరి నుండి వచ్చిన స్పందన అనూహ్యం. మీ వెంట మేము ఉంటాం. మీపై మాకు నమ్మకం ఉంది అంటూ ఎందరో మమ్మల్ని అర్ధం చేసుకుంటూ రాసిన మెయిల్స్ వర్షంలో ఆనందంగా తడిసిపోయాం. మీ యాప్ ను కాపాడడానికి మేము help చేస్తాం అంటూ ముందుకు వచ్చినవారూ ఉన్నారు. అలాంటి నిస్సాహాయ స్థితి నుండి నేడు android test version విడుదల చేసే స్థితికి చేరామంటే, మా టీం వెనుక ఎందరో subscribers ఉన్నారు.
    ఇప్పటికే చాలామంది సర్వజ్ఞ సభ్యులు ఈ testing లో పాల్గొని, విలువైన సలహాలు అందిస్తున్నారు. న్యూస్ లెటర్ లో చెప్పినట్టు మీ అందరికీ ధన్యవాదాలు యాప్ తో చెప్పాలని నిరంతరమూ కృషి చేస్తున్నాం.
    ఈ వారం న్యూస్ లెటర్ ని ఇక్కడ చదవండి.
    https://www.dasubhashitam.com/blog/ennallo-vechina-udayam
    కథలు కబుర్ల శ్రవణ రూపంలో యాప్ లో ఇక్కడ వినండి.
    https://www.dasubhashitam.com/ab-title/pc-kathalu-kaburlu-2

    5 min
  • 30. Kaalame Chalanamu. Chalaname Chitramu.

    Kathalu. Kaburlu. S02 Chapter 30.

    ఇంగ్లీషు కామెడీ సిట్కాం అయిన The Big Bang Theory లో ఒక పాట ఉంటుంది. ఆ పాటలో ప్రతి చరణం విశ్వం పుట్టు పూర్వోత్తరాల గురించి చెప్పి It all started with the big bang అని ముగుస్తుంది. ఆ పాట సారాంశం ఇలా ఉంటుంది:
    గణితమూ, సైన్సూ, చరిత్ర అన్నీ కలిసి ఎన్నో మిస్టరీలను ఛేదించడం మొదలు పెట్టాయంటే అసలు అదంతా మొదలయ్యింది ఈ మహా విస్ఫోటనం వలనే. మతాల నుంచి ఖగోళ శాస్త్రం వరకు, ఐన్స్టైన్ నుంచి జ్యోతిష్య శాస్త్రం వరకూ, పిరమిడ్స్ ని నిర్మించడం నుంచి చైనా గోడని కట్టడం వరకూ వచ్చినవన్ని జరిగినవన్నీ సృష్టికి ముందు జరిగిన ఆ మహా విస్ఫోటనం వలనే. అసలు చరిత్రలో మొదలయిన ప్రతీ విషయానికి కారణం సృష్టికి ముందు జరిగిన ఆ మహా విస్ఫోటనమే.
    ఇలా విశ్వంలో జరిగిన ప్రతి వి’చిత్రానికి కారణం మహావిస్పోటనమే అని విచిత్రంగా తేల్చి చెప్పేస్తుంది ఆ పాట.
    ఇలా ప్రపంచ చరిత్ర అంతా రూపు దిద్దుకోడానికి ఎప్పుడో జరిగిన మహావిస్పోటనం కారణం అయినట్లు, తెలుగు సినిమా చరిత్ర అంతా రూపు దిద్దుకోడానికి ఏవేవి కారణం అయ్యాయో ఈ నెల జరిగిన తెలుగోళ్ళు. సినిమాలు. ఒక చరిత్ర. ప్రసంగం చూస్తే ఎన్నో ఆశ్చర్యకరమైన కారణాలు తెలుస్తాయి.
    ఈ నెల ప్రసంగంలో నాకు బాగా నచ్చిన పాయింట్లు.
    • రఘుపతి వెంకయ్య నాయుడు పురస్కారం గురించి వినడమే గాని, ఆయన గురించి అసలు తెలియని నాకు ఆయన చేసిన కృషి ఏంటో ఈ ప్రసంగం ద్వారా తెలిసింది. 1920లో ఊరూర తిరిగి సినిమాలు ప్రదర్శించడమే కాక, ఆ సినిమాల కోసం పెట్టిన ఖర్చు, సినిమాల్లో మంచి భవిష్యత్ ఉందని ఊహించి కుమారుడు RS. ప్రకాష్ ను యూరప్ దేశాలు పంపి మరి సినిమా గురించి నేర్చుకు రమ్మనడం.
    • 1929లో ఎక్కడో స్టాక్ మార్కెట్ కూలిపోయి అక్కినేనీ నాగేశ్వర రావుని సినిమాల్లోకి పంపడం.
    • నా చిన్నప్పుడు 8వ తరగతి జీవశాస్త్రం పాఠ్యాంశంలోని హరిత విప్లవం, కొందరు వ్యక్తులను సినిమాల్లోకి పంపి సినిమా స్టార్లుగా ఎదగడానికి కారణం అవడం.
    • దర్శకులు 3, 4 గంటలు సినిమా తీసినా ఆ సినిమా ఎడిటింగ్ వారి బుర్రలోనే ఎలా జరిగిపోయేదో అన్న ఒక ఫన్నీ ఉదాహరణ.
    • పాత సినిమాల్లో పున్నమి వెన్నెలలో ఉండే రొమాంటిక్ పాటలు అన్ని అసలు ఎర్రటి ఎండలో షూట్ చేశారని.
    ఇలా ఇంకా ఎన్నో ఆసక్తికర తెలుగు సినీ చరిత్ర విశేషాలు ఈ ప్రసంగంలో చూడండి : https://youtu.be/9EmaMsN6IJE
    ---
    మరిన్ని కథలు కబుర్లు వినడానికి ఈ లింకు నొక్కి దాసుభాషితం యాప్ ని డౌన్లోడ్ చేసుకోండి.
    https://www.dasubhashitam.com/ab-title/pc-kathalu-kaburlu-2

    7 min
  • 29. Telugu Velugulu.

    Kathalu. Kaburlu. S02 Chapter 29.

    అడిగెదనని కడువడిఁ జను.
    అడిగినదన మగుడ నుడువడని నడయుడుగున్,
    వెడవెడ జిడిముడిఁ దడబడ,
    నడుగిడు.నడుగిడదు. జడిమ నడుగిడు నెడలన్.
    చదవడానికి బాగా ఇబ్బందిగా ఉంది కదా!
    మన తాతల, తండ్రుల కాలంలో ఇలాంటి పద్యాలని పాఠ్యపుస్తకంలో లెసన్స్ గా పెట్టి చదివించేవారు. దాని వల్ల జ్ఞాపకశక్తి పెరగడమే కాక , నోరు బాగా తిరిగేది. అందుకే వాళ్ళు భారత, భాగవత మూలాలని పద్య రూపంలో చదవగలిగేవారు. ఇప్పుడు చాలా స్కూల్స్ లో తెలుగు మాధ్యమంలో చెప్పడం మానేశారు. తెలుగు అనే ఒక సబ్జెక్ట్ ఉందని రాను రానూ చాలా మందికి తెలియదు అంటే అతిశయోక్తి కాదేమో!
    మన భావాల్ని ఎంతో అందమైన పదాలతో, సొంపుగా మంచి సొబగులతో చెప్పాలంటే అది మాతృభాషలోనే సాధ్యం. పైన చెప్పిన పద్యం పోతన భాగవతంలోని "గజేంద్రమోక్షం" లోనిది.
    ఈ పద్యం మొత్తంలో డ, న,గ ఈ అక్షరాలే ఎక్కువగా వాడినా, వాటి మధ్య ఉన్న పద విరుపు వల్ల దాని అర్ధంలో ఎంతో మార్పు వస్తుంది. బహుశా ఈ అందం తెలుగుకే సొంతం అనుకుంట. అంతటి అందమైన ఘనమైన తెలుగు గురించి ఈనాటి కథలు కబుర్లలో విందామా!
    ---
    మరిన్ని కథలు కబుర్లు వినడానికి ఈ లింకు నొక్కి దాసుభాషితం యాప్ ని డౌన్లోడ్ చేసుకోండి.
    https://www.dasubhashitam.com/ab-title/pc-kathalu-kaburlu-2

    6 min
  • 28. Pitta Kathalu. Pedda Kaburlu.

    Kathalu. Kaburlu. S02 Chapter 28.

    ఒక రెండో మూడో పాత్రలు తీసుకుని వాటి మధ్య ఒక కథ గాని, నవరసాలు పలికేట్టు ఒక నవల గానీ రాయాలంటే ఎంతో తీరిక కావాలి. రచయితకు తనలోని కలిగే అందమైన భావాలను కలంతో కాగితం పై పెట్టే వాతావరణం కూడా కావాలి. మరి 300 పేజీలకు సరపడే విషయాన్ని 3 లేక 4 వాక్యాలలో రాయాలంటే, ఇంకా ఎంతో కష్ట పడాలి. ప్రపంచంలో ఏ మూల ఏం జరుగుతున్నా సామాన్యుడికి తెలియజేసేది పత్రిక. ఈ పత్రికలో, ఎందరో ప్రముఖుల జీవితాలలో మనకు తెలియని సంగతులను కాలమ్స్ గా రాసిన రచయిత శ్రీరమణ గారు. వారు రాసిన కొన్ని కాలమ్స్ ఈ "మొగలిరేకులు"లో వినండి.
    ---
    మరిన్ని కథలు కబుర్లు వినడానికి ఈ లింకు నొక్కి దాసుభాషితం యాప్ ని డౌన్లోడ్ చేసుకోండి.
    https://www.dasubhashitam.com/ab-title/pc-kathalu-kaburlu-2

    4 min
  • 27. Mahonnatha Moorthimatvam, Adhbuta Kaarya Deeksha

    Kathalu. Kaburlu. S02 Chapter 27.

    ఈ ఆగస్టు నెల మొదటి శనివారం రోజున PVRK ప్రసాద్ గారు రాసిన నాహం కర్తా, హరిః కర్తా పుస్తకం పై ప్రత్యేక చర్చా కార్యక్రమం జరిగింది. PVRK మహోన్నత వ్యక్తిత్వం గురించి, ఆయన కార్య దీక్ష గురించి ఆయనతో పరిచయం ఉన్న ఎందరో ప్రముఖులు ఈ చర్చా కార్యక్రమంలో పాల్గొని వారి వారి అనుభవాలు, జ్ఞాపకాలు పంచుకున్నారు. ఆ మహోన్నత వ్యక్తి గురించి, ఆ కార్యక్రమం గురించి ఈ వారం కథలు కబుర్లలో వినండి.
    ---
    పూర్తి ప్రసంగం లింకు : https://youtu.be/Y8xWZImdOL4
    ---
    మరిన్ని కథలు కబుర్లు వినడానికి ఈ లింకు నొక్కి దాసుభాషితం యాప్ ని డౌన్లోడ్ చేసుకోండి.
    https://www.dasubhashitam.com/ab-title/pc-kathalu-kaburlu-2

    7 min
  • 26. Naham Kartha Harihi Kartha

    Kathalu. Kaburlu. S02 Chapter 26.

    జరగకముందు నాకు చాలా టెన్షన్, జరిగాకా బొలెడంత తృప్తి-ధైర్యం ఇచ్చిన కార్యక్రమం ఈ నెల ప్రసంగాలు కార్యక్రమం. నాకు వ్యక్తిగతంగా చాలా ఇష్టమైన ఈ పుస్తకాన్ని celebrate చేయడం, ఎందరో ప్రముఖులు, మొట్టమొదటిసారి క్విజ్ ఇలా ఒక్కో అంశం నాలో కంగారు పెంచుతూ పోయాయి. చిన్నప్పటి నుండి మా నాన్నగారు సభలు, కార్యక్రమాలు నిర్వహించడం చూస్తు పెరిగిన నాకు, ఆయనలా మాట్లాడగలగాలి అనేది ఒక bench mark.
    ఆయన అంతగా కాకపోయినా, ఫరవాలేదు వారి వారసత్వాన్ని పుణికిపుచ్చుకుంది అని అనిపించుకోవాలని ఆశ. ఏదైనా కార్యక్రమం నిర్వహించే ముందు ఒక్కటే అనిపిస్తుంటుంది, మా నాన్నగారు నిర్వహించిన సభలు చూసినవారు, ఈ కార్యక్రమానికి వచ్చి 'పండిత పుత్రః పరమ శుంఠః' అనుకోకపోతే చాలు. ఈ కార్యక్రమం చూసి, మా నాన్నగారే స్వయంగా ఫోన్ చేసి 'బాగా చేశావు చిన్నీ' అనిపించుకోగలిగాను. హమ్మయ్య అనిపించింది. ఈ కార్యక్రమం మొదలైన దగ్గర నుంచి journey అంతా ఈ వారం కథలు కబుర్లలో వినండి.
    ----
    మరిన్ని కథలు కబుర్లు వినడానికి ఈ లింకు నొక్కి దాసుభాషితం యాప్ ని డౌన్లోడ్ చేసుకోండి.
    https://www.dasubhashitam.com/ab-title/pc-kathalu-kaburlu-2

    6 min
  • 25. Podagantimayya Mimmu Purushottama..!

    Kathalu. Kaburlu. S02 Chapter 25.

    దాసుభాషితంలో మొట్టమొదట శ్రవణ రూపంలో విడుదల అయిన పుస్తకం నాహం కర్తా, హరిః కర్తా. చేసేది, చేయించేది ఆ హరియే. నేను కేవలం సాక్షిని అన్న భావనతో వారి జీవితంలో TTD E.O గా పని చేస్తున్నప్పుడు జరిగిన ఎన్నో గొప్ప అధ్బుతాలని సాక్షిగా అనుభూతి చెందిన కీ.శే శ్రీ pvrk ప్రసాద్ గారి అనుభవాలతో నిండిన ఈ పుస్తకం విడుదల అయ్యి నేటికీ 20 ఏళ్లు పూర్తి అయిన సంధర్భంగా ఈ శనివారం 5-8-23 న దాసుభాషితం ప్రత్యేక ప్రసంగం నిర్వహిస్తుంది. వాటి విశేషాల గురించి ఈ కథలు కబుర్లలో తెలుసకుకోండి.
    ---

    AttributionsThumbnail Artwork : https://www.tirumalahills.org/2022/06/tallapaka-annamacharya.html

    ---

    మరిన్ని కథలు కబుర్లు వినడానికి ఈ లింకు నొక్కి దాసుభాషితం యాప్ ని డౌన్లోడ్ చేసుకోండి.
    https://www.dasubhashitam.com/ab-title/pc-kathalu-kaburlu-2

    9 min
  • 24. Navvulo Sree Ramanunnaduraa

    Kathalu. Kaburlu. S02 Chapter 24.

    శ్రీరమణ గారి మరణవార్త విన్నాకా, ‘బంగారం హరించుకుపోయింది, మనం మిగిలాం’ అనిపించింది. ప్రముఖ కార్టూనిస్ట్, రచయిత శ్రీ అన్వర్ గారు తన పోస్ట్ లో పాత్రికేయినిగా చేస్తున్నప్పుడు నండూరి, పురాణం, తరువాత బాపు-రమణ వంటి సాహితీ సింహాల మధ్య తన అనుభవాలను ‘సింహాల మధ్య నేను’ అని శ్రీరమణ గారు ఒక పుస్తకం రాయాలని ఉందన్నారని చెప్పినప్పుడు ఒక మంచి పుస్తకం మిస్ అయ్యామన్న వేదన కలిగింది. ఇక ప్రముఖ రచయిత్రి, అనువాదకురాలు శ్రీమతి వి.బి.సౌమ్య గారు ఫేస్ బుక్ లో శ్రీరమణ గారి వ్యాసాలు రెండిటిని పోస్ట్ చేసి, వాటితో పాటు ‘హర్షణీయం’ వారితో శ్రీరమణ గారి ఇంటర్వ్యూ లింక్ ఇచ్చారు. అది విని, ఆయన వాక్ప్రవాహంలో గట్టి మునకలు వేసి ఆనందించాను. వారి నిష్క్రమణ బాధ నుండి కాస్త ఉపశమనం దొరికింది. ఇక మరో కోరా రచయిత శ్రీ నళనీకాన్త్ వల్లభజోస్యుల గారు ‘ఈ బంగారం ఎప్పటికీ హరించదు, ఎందుకంటే ఇది మన ఉనికి’ అన్నారు. అది చదివాకా, ఆ ఇంటర్వ్యూ విన్నాకా, నిజమే ఆయన ఎక్కడికీ పోలేదు. మనందరి నవ్వులో శ్రీరమణున్నాడురా అనిపిస్తోంది.
    ---
    మరిన్ని కథలు కబుర్లు వినడానికి ఈ లింకు నొక్కి దాసుభాషితం యాప్ ని డౌన్లోడ్ చేసుకోండి.
    https://www.dasubhashitam.com/ab-title/pc-kathalu-kaburlu-2

    7 min
  • 23. Sarikotta Kaaryakramamtho Mee Chaduvuki Padunu

    Kathalu. Kaburlu. S02 Chapter 23.

    దాసుభాషితం కూటమిలో Engagement Quality పెంచడం కోసం మేము Feedback అడిగినప్పుడు చాలామంది సాహిత్యంపై ఇంకా ఎక్కువ engagement ను కోరారు. అందులో భాగంగా ఒక మంచి కార్యక్రమం రూపొందించాం. అదే 'కూటమి క్విజ్'.
    ఇది లైవ్ లో జరిగే క్విజ్ కార్యక్రమం. జులై 29, ఆఖరి శనివారం ఉదయం 11 గంటలకు pilot కార్యక్రమం నిర్వహిస్తున్నాం. ఇంతకీ క్విజ్ ఏ పుస్తకం పైన, ఆ పుస్తకానికి ఉన్న ప్రాముఖ్యత ఏమిటి అనే విషయాలు ఈ వారం కథలు కబుర్లలో వినేయండి మరి.
    ---
    మరిన్ని కథలు కబుర్లు వినడానికి ఈ లింకు నొక్కి దాసుభాషితం యాప్ ని డౌన్లోడ్ చేసుకోండి.
    https://www.dasubhashitam.com/ab-title/pc-kathalu-kaburlu-2

    ---

    Download Dasubahshitam app :- https://www.dasubhashitam.com

    8 min

About Kathalu. Kaburlu. (Dasubhashitam)

From the publisher's feed

దాసుభాషితం యాప్ లో విడుదల అయ్యే కొత్త పుస్తకాల వివరాలు, సంభాషణలు, మా ఆలోచనలే ఈ పాడ్‌కాస్ట్.