പുരുഷാധിപത്യ ചിന്താഗതിക്കുള്ളിൽ വിവാഹം കഴിഞ്ഞാൽ സ്ത്രീയെന്നത് പുരുഷന് ഉപയോഗിക്കാനുള്ള ഒരു വസ്തുവാണെന്നും അത്തരമൊരു ഉപയോഗിക്കലിനെ റേപ്പ് എന്ന് പറയേണ്ടതില്ലെന്നുമുള്ള ചിന്താഗതിയിലാണ് ഭർതൃബലാത്സംഗം കുറ്റകരമല്ല എന്ന് പറയുന്നത്. ഭർതൃബാലാത്സംഗം ക്രിമിനൽ കുറ്റമാക്കേണ്ടതില്ലെന്ന കേന്ദ്ര സർക്കാർ നിലപാടിനെ വിമർശിക്കുന്നു അഡ്വ. മരിയ

ജമ്മു കാശ്മീരിൽ ബിജെപിയുടെ അവകാശവാദങ്ങൾ തകർന്നതെങ്ങനെ? കർഷക സമരത്തിന്റെ പശ്ചാത്തലത്തിലും ഹരിയാനയിൽ കോൺഗ്രസിന് പിഴച്ചതെവിടെ? തെരഞ്ഞെടുപ്പ് ഫലങ്ങളെ വിശകലനം ചെയ്യുന്നു മീഡിയവൺ ഡൽഹി ബ്യൂറോ ചീഫ് ഡോ. ഡി ധനസുമോദ്.

മലപ്പുറം ജില്ലയെ പണ്ട് പാകിസ്ഥാൻ എന്നാണ് ചിലർ വിളിച്ചിരുന്നതെങ്കിൽ ഇപ്പോൾ പലസ്തീൻ എന്ന് വിളിക്കാനാണ് താത്പര്യപ്പെടുന്നത്. രൂപീകരണകാലം മുതൽ മലപ്പുറം ജില്ലയ്ക്കെതിരെ നടക്കുന്ന ​ഗൂഢാലോചനകളെ എങ്ങനെയാണ് ചെറുക്കേണ്ടത് എന്ന് വിശദമാക്കുന്നു രാഷ്ട്രീയ നിരീക്ഷകനായ സി.കെ അബ്ദുൽ അസീസ്.

ജനങ്ങളുടെ വിമോചനം എന്ന ലക്ഷ്യത്തോടെ രൂപീകരിക്കപ്പെട്ട കമ്മ്യൂണിസ്റ്റ് പാർട്ടി ജനങ്ങളല്ല, പാർട്ടിയാണ് വലുത് എന്ന കേന്ദ്രീകൃത അധികാരഘടനയിലേക്ക് നീങ്ങിയിരിക്കുന്നതിന്റെ പ്രതിസന്ധിയാണ് സി.പി.എം നേരിടുന്നതെന്നും ഈ തകർച്ച അനിവാര്യമാണെന്നും വ്യക്തമാക്കുന്നു രാഷ്ട്രീയ നിരീക്ഷകനായ ആസാദ്.

ഗാസ യുദ്ധം അവസാനിപ്പിക്കാനുള്ള ശ്രമങ്ങൾ എങ്ങുമെത്താതെ നിൽക്കുമ്പോഴാണ് ലബനനിലേക്ക് കൂടി ഇസ്രായേൽ യുദ്ധം വ്യാപിച്ചിരിക്കുന്നത്. എന്താണ് ഇസ്രായേൽ ലക്ഷ്യമാക്കുന്നത്? വിദേശകാര്യ വിദഗ്ധനും അധ്യാപകനുമായ ഡോ. ലിറാർ പുളിക്കലകത്ത് സംസാരിക്കുന്നു.

ശ്രീലങ്കയിൽ അ​ധികാരത്തിലെത്തിയ അനുര കുമാര ദിസനായകെയുടെ പാർട്ടി ജനത വിമുക്തി പെരുമുന ഒരു ഇടതുപക്ഷ പ്രസ്ഥാനമല്ലെന്നും സിംഹള ദേശീയതയ്ക്കായി വാദിക്കുന്ന തീവ്ര വലതുപക്ഷ ചരിത്രമാണ് അവർക്കുള്ളതെന്നും വിശദമാക്കുന്നു നരവംശശാസ്ത്രജ്ഞനും അധ്യാപകനുമായ ടി.വൈ വിനോദ്കൃഷ്ണൻ.

നീണ്ട ഇടവേളയ്ക്ക് ശേഷം കശ്മീരിൽ നിയമസഭാ തെരഞ്ഞെടുപ്പ് നടക്കുകയാണ്. ആർട്ടിക്കിൾ 370 റദ്ദാക്കിയ ശേഷം നടക്കുന്ന തെരഞ്ഞെടുപ്പിൽ കശ്മീർ ജനത ചിന്തിക്കുന്നത് എന്തായിരിക്കും? കേരള കൗമുദി ബ്യൂറോ ചീഫ് പ്രസൂൻ എസ്. കണ്ടത്ത് സംസാരിക്കുന്നു.

ജയിൽ മോചിതനായ അരവിന്ദ് കെജ്രിവാൾ ഡൽഹി മുഖ്യമന്ത്രി സ്ഥാനം ഒഴിയുകയും അതിഷി മർലേന പുതിയ മുഖ്യമന്ത്രിയായി എത്തുകയും ചെയ്തതോടെ ഡൽഹി രാഷ്ട്രീയത്തിൽ സംഭവിക്കാൻ പോകുന്ന മാറ്റങ്ങൾ എന്തെല്ലാമാണ്? മുതിർന്ന മാധ്യമപ്രവർത്തകൻ അമൃത് ലാൽ സംസാരിക്കുന്നു.

മലയാളികളുടെ ദേശീയോത്സവം എന്ന് വിശേഷിപ്പിക്കപ്പെടുന്ന ഓണം ആദിവാസി ജനവിഭാഗങ്ങൾ എങ്ങനെയാണ് ആഘോഷിച്ചിരുന്നത്? ഈ തിരുവോണനാളിൽ ആദിവാസികൾ അനുഭവിക്കുന്ന തീരാദുരിതങ്ങളെക്കുറിച്ച് സംസാരിക്കുന്നു സി.കെ ജാനു.

ആർ എസ് എസിനെ പ്രതിരോധിക്കാൻ എല്ലാക്കാലത്തും സി പി എം ശ്രമിച്ചിട്ടുണ്ടെന്നാണ് മുഖ്യമന്ത്രി പറയുന്നത്. എന്നാൽ ഇന്ന് കേരളത്തിൽ ആർ എസ് എസിനെ പ്രതിരോധിക്കുന്നതിൽ ഇടതുപക്ഷത്തിന് ​ഗുരുതരമായ വീഴ്ച സംഭവിക്കുന്നില്ലേ? മുതിർന്ന മാധ്യമപ്രവർത്തകനും രാഷ്ട്രീയ നിരീക്ഷകനുമായ എം.ജി രാധാകൃഷ്ണൻ സംസാരിക്കുന്നു.