29. atalean Alaitz Imaz eta Susana Begas segalariak elkarrizketatu ditugu. Almitzak antolatutako binakako txapelketa irabazi ondoren gure saiotik pasa dira segaren inguruan gehiago ezagutu dezagun.

Ainhoa Artolazabal txirrindulari profesional ohia da. Gaztetandik hasi zen bizikletan eta 1989. urtean Munduko Junior Txapelketan parte hartu zuen. 1992. urtea ziur ez duela berehalakoan ahaztuko, lehen aldiz txirrindularitzako Espainiako txapeldun izendatu baitzen eta ondoren 1992ko Bartzelonako Joko Olinpikoetan parte hartu zuen. Ainhoaren ibilbidearen inguruan gehiago jakin nahi? Ez galdu 28. atala.

Ironman txapelketa begiz jota dauka Helene Alberdik, 2023. urteko helburu nagusien artean dauka eta horretarako prestatzen dabil, buru-belarri. Entrenamendu saio luze baten ostean elkartu da 'Kirolari Gaittun'-ekin eta zintzotasunez mintzatu da. Europako txapelketa irabazi zuen iaz eta aurtengo Munduko txapelketan, 6. postuan helmugaratu zen. Zarauzko triatloian garaipena errepikatu nahi duela ere ziurtatu du. Kirolaz eta bizitzaz, oro har, mintzatu da Zumaian bizi den triatleta, ama eta mediku bilbotarra.

Leire Fernandez errenteriarra mendi korrikalaria da udan, eta neguan, txakur krosa praktikatzen du. Tartean ez da besaulkian egoten: bizikleta, iraupen luzeko eskia, mushinga... Paraje ederretan elkartu gara berarekin, estudiotik ihes, mendian jarri dugu hitzordua Fernandezekin. Non, bestela?

25. Atalerako Lur Errekondo kirolari usurbildarra elkarrizketatu dugu. Kirolari bezala izendatu dugu ezin baita esan kirol bakarra egiten duenik. Eskubaloi jokalari ohia eta harrijasotzailea da, baina orain dela gutxi aizkoran ere hasi da pentatloia prestatzeko.

Ataunera eginiko bisitan, Nora Tobar atletarekin solastu gara. Azken bi urteetako arrakastak gogoan, aurtengo denboraldiari nol aurre egingo dion kontatu digu. Sasoi hasiera gogor samarra izan ostean, aire libreko txapelketetarako gogotsu dago.

Kirolari Gaittun podcasteko atal honetan, Lide Erbina errugbi jokalariarekin solastu gara. Egun, Eibar Rugby Taldean dago, etxetik gertu, 2020az geroztik kirolaren ikuspegia zeharo aldatuta. Oso gazte nabarmendu zen, Espainiako selekziora iristeraino. 2019an, errugby VII modalitatean, munduko gazte onenaren saria eskuratu zuen. Bere ahizpa Amaia Erbina da. Kirol profesionalaren ertz guztiak ukitu genituen ordiziarrarekin. 

Kirolari Gaittun podcasteko atal honetan, zesta-puntako Munduko txapeldunarekin solastu gara, Eneritz Lizardi puntistarekin. Zesta puntaren egoeraz, laster hasiko duten txapelketa berriaz, erreferenteez, transmisioaz... mintzatu gara mutrikuarrarekin. 

Kirolari gaittuneko atal honetan halterofilia izango dugu hizpide. Ez da kirol ezagunenetariko bat eta Garoa Martinezen eskutik joango gara gutxinaka gutxinaka ezagutuz. 

Bigarren denboraldiko bigarren saio honetan, Irati Launza hegats igerilaria elkarrizketatu dugu. Berriro ere ezezagunak diren kiroletara jo dugu hor ere punta-puntan dabiltzan euskaldunak baititugu. Iratiren kasuan, munduko bigarren egokitu berri da Kolonbian ospatutako Munduko Txapelketan. Ez galdu!