Lehen atal honetan lehen denboraldiko errepaso bat egingo dugu protagonistek egindako adierazpen nagusiak erabiliz. Horrez gain, zuzenean egin dugun lehen atala da, Lazkaoko Euskaraldiko aurkezpen ekitaldi modura egin genuen bertako bi kirolari elkarrizketatuz. Alde batetik, Irati Acosta, Lazkaoko areto futboleko jokalaria eta bestetik, Oihane Mendia, gimnasia erritmikako Euskadiko txapeldun eta entrenatzailea. 

Denboraldia isteko Malen Ruiz de Azua elkarrizketatu dugu. Pertika jauzia eta orokorrean atletismoa izan dugu hizpide. Helburuak, presioak, lorpenak... Ez galdu 18. atala!!

Kirol hau landu dugun arren ikuspegi berri bat ekarriko dizuegu hurrengo saioan. Eukene Larrarte txirrindularia elkarrizketatu dugu eta pistako txirrindularitza, errepidekoa, berdintasuna… izan ditugu hizpide. Ez galdu!!

Ane Etxezarreta Realeko jokalari beasaindarra elkarrizketatu dugu atal honetan. Aurten historia egin du, sailkapen nagusian bigarren amaitu duenez, Reala txapeldunen ligara sailkatu baita. Futbolaren egoera, baldintzak, iragana, oraina eta etorkizuna aztertu ditugu. 

Mendian gora eta behera egunero ibiltzen da gure hurrengo gonbidatua. Mendi lasterketak bere pasio dira, naturarekin bat egiteko modua. Eta bide batez, onenen artean aritzen da. Oihana Azkorbebeitiarekin solastuko gara! 

Hiru olinpiar domina eskuratutakoa da Maialen Chourraut (urrea, zilarra eta brontzea). Azkar esaten da baina ze lan dago horren atzean? Lasartearrak zehatz-mehatz azalduko du 14. atalean! 

Hilabete bukaeran Donostiak Kopako azken fasea jasoko du eta aitzakia paregabea iruditu zaigu Bera-Bera taldeko kapitain Alba Menendezekin hitz egiteko. 12 denboraldi goi-mailan jokatzen, ez da makala! 

Wikipediaren hitzetan Euskal Herriko futbolaririk onena da Irene Paredes. Gazteak ginenetik izan da gure erreferente eta hainbat gai izan ditugu hizpide: bere ibilbide profesionala, berdintasuna, etorkizuna... futbolaren iragana, oraina eta etorkizuna zein den jakin nahi? Ez galdu Kirolari Gaittuneko 12. atala. 

Agurtzane Elorriaga, Bizkaia - Durango txirrindularitza taldeko zuzendaria elkarrizketatu dugu 11. atalean. Bere ibilbidea aztertu dugu, txirrindulari ohi eta zuzendari moduan.

Martxoak 8, egun berezian argitaratuko dugu gure 10. atala. Kasu honetan, Ane Barandiaran softbol jokalaria elkarrizketatu dugu. Bai, ondo irakurri duzu, softbol. Kirol hau zer den jakin nahi? Ez galdu orduan Kirolari Gaittuneko 10. atala.