Kirolari Gaittun podcasteko 9. atalean, Lapurdi Arraun Taldeko Joana Halsouet arraunlaria elkarrizketatu dugu. Gai desberdinak jorratu ditugu, bere arraun ibilbidea, taldeen desagerpena eta beste talde batzuekiko elkarlana besteak beste. 

Kirolari Gaittun saioko 8. atalean Leticia Canales surflaria elkarrizketatu dugu. Txikitandik egin du kirol honekiko apustua eta bere fruituak lortu ditu. Bizipen gazi-gozoak izan baditu ere, momentu gozoan dagoela aitortu digu Sopelako surflariak. Gehiago ezagutu nahi? Ez galdu 8. atala. 

Nadeth Agirre da 7. ataleko protagonista. Orioko patroia, Euskotren liga eta Kontxa birritan irabazitakoa... Irabazteaz, galtzeaz, arraunaz, goi-mailako kirolaz eta beste hainbat kontuz solastu ginen

Kirolari gaittun saioko 6. atalean Ainara Manterola elkarrizketatu dugu. Zuhegan entrenamendu zentruko sortzailea, Venezuelako emakumezkoen selekzioko prestatzaile fisikoa eta futbol jokalari ohia da. Kirolari lotutako ibilbidea oso gazte zela hasi zuen eta hainbat bizipen kontatu dizkigu. 

Kirolari Gaittun podcasteko 5. atal honetan Ainhoa Azurmendi Kirol psikologoa elkarrizketatu dugu. Tresna emozionalak, berdintasuna eta kirol psikologia izan ditugu hizpide.

Kirolari Gaittun saioko 4.atalean Karmele Gisasola herri kirolaria elkarrizketatu dugu. Ohikoa den moduan, bere ibilbideaz eta etorkizuneko proiektuez jardun gara. 

Miriam Arrillaga izango da 'Kirolari Gaittun' podcasteko hirugarren gonbidatua. Txikitatik pilotalekuan sartuta, 'Frontball'-ean Europako txapelketa irabazi berri du! Berarekin batera aztertuko dugu orain arteko ibilaldia eta emakumezkoen pilotaren egoera. 

Irene Caminos trial txirrindularia da. Atal honetan, bere ibilbideaz eta etorkizuneko proiektuez arituko gara hizketan, trialetik lau gurpiletara egingo baitu salto.

Maitane Urbieta kirol kazetaria elkarrizketatu dugu 'Kirolari Gaittun' podcasteko lehen atalean. Kirola eta kazetaritza hizpide, zenbait anekdota eta oroitzapen, bere ibilbide aberatsa... gure erronkari hasiera emateko elkarrizketatu ezin hobea.

Hona hemen, Kirolari Gaitun podcast saioaren aurkezpen kapitulua.