រដ្ឋបាលខេត្តកែបកំពុងរៀបចំឆ្នេរសមុទ្រក្នុងក្រុង ដោយចាក់ដីលុបឆ្នេរប្រវែងជិត៣គីឡូម៉ែត្រ ដែលជាគម្រោងមួយអាជ្ញាធរប្រកាសថានឹងធ្វើផ្លូវ សួនច្បារ ឆ្នេរខ្សាច់កម្រិតខ្ពស់ ហាងកាហ្វេ និងបន្ទប់ទឹកសាធារណៈជាដើម។ ប៉ុន្តែអ្នកពាក់ព័ន្ធមួយចំនួនបានបង្ហាញក្តីបារម្ភអំពីការបាត់បង់អាជីវកម្មរបស់ពួកគេ និងឆ្នេរធម្មជាតិក្នុងខេត្តជាប់មាត់សមុទ្រមួយនេះ។ លោក ស៊ុន ណារិន រាយការណ៍ឲ្យវីអូអេពីខេត្តកែបដូចតទៅ៖

លោក រុន ចន្ធី អាយុ៣៧ឆ្នាំ ដែលជាសកម្មជននយោបាយម្នាក់របស់គណបក្សសង្រ្គោះជាតិ ក្នុងសង្កាត់អូរចារ ខេត្តបាត់ដំបង បានរត់គេចខ្លួនទៅប្រទេសថៃ ជាង២ឆ្នាំមកហើយ ដើម្បីគេចពីការធ្វើទុក្ខបុកម្នេញផ្នែកនយោបាយ។ ភរិយារបស់លោកដែលរស់នៅក្នុងខេត្តបាត់ដំបងបានរៀបរាប់ទុក្ខលំបាក ក្រោយស្វាមីគេចខ្លួនទៅជ្រកកោនក្នុងប្រទេសថៃ ព្រោះរឿងនយោបាយ ខណៈអ្នកស្រីត្រូវមើលថែកូន៣នាក់។ លោក ស៊ុន ណារិន រាយការណ៍ឲ្យវីអូអេពីខេត្តបាត់ដំបងដូចតទៅ៖

សកម្មជនថ្នាក់ក្រោមរបស់គណបក្សសង្រ្គោះជាតិដែលត្រូវបានរំលាយចោល បានឲ្យដឹងថាពួកគេរង់ចាំឱកាសក្នុងការធ្វើនយោបាយឡើងវិញ ហើយចូលរួមប្រកួតប្រជែងក្នុងការបោះឆ្នោតឆ្នាំ២០២២។ ពួកគេបារម្ភថា មិនមានគណបក្សប្រឆាំងដ៏មានឥទ្ធិពលមួយ ដែលអាចប្រកួតប្រជែងជាមួយគណបក្សកាន់អំណាច។ លោក ស៊ុន ណារិន រាយការណ៍ឲ្យវីអូអេពីខេត្តបាត់ដំបងដូចតទៅ៖

កាលពីខែវិច្ឆិកា អ្នកស្រី ឡាញ់ ថាវរី អតីតមេឃុំឫស្សីក្រោក ក្នុងខេត្តបន្ទាយមានជ័យ មកពីគណបក្សសង្រ្គោះជាតិ ត្រូវបានអាជ្ញាធរថៃចាប់បញ្ជូនមកកម្ពុជាវិញ ហើយអ្នកស្រីត្រូវបានឃុំខ្លួនក្នុងពន្ធនាគារព្រៃស ដោយរងការចោទប្រកាន់ពីអាជ្ញាធរថាចូលរួមក្បត់ជាតិ។ នៅពេលឃើញប្អូនស្រីជាប់ពន្ធនាគារបែបនេះ បងប្រុសរបស់សកម្មជនរូបនោះ បានទទូចជាថ្មីឲ្យប្អូនស្រីឈប់ធ្វើនយោបាយ។ កាលពីកន្លងទៅ លោកក៏ធ្លាប់អំពាវនាវឲ្យប្អូនស្រីចុះចូលជាមួយរដ្ឋាភិបាលផងដែរ។ លោក ស៊ុន ណារិន រាយការណ៍ឲ្យវីអូអេពីខេត្តបាត់ដំបងដូចតទៅ៖

ពលរដ្ឋ​អាមេរិកាំង​ដើម​កំណើត​ភូមា និង​ខ្មែរ​ប្រមាណ​១០​នាក់ បាន​នាំគ្នា​មក​តវ៉ា​នៅ​ស្ថានកុងស៊ុល​កម្ពុជា​ដើម្បី​ប្រឆាំង​គម្រោង​ទស្សនកិច្ច​របស់​លោក​នាយក​រដ្ឋមន្ត្រី ហ៊ុន សែន ទៅ​កាន់​ប្រទេស​មីយ៉ាន់ម៉ា​នាពេល​ខាងមុខ។ កាលពី​ថ្ងៃទី​៨ ខែធ្នូ ឆ្នាំ២០២១ កន្លង​ទៅនេះ លោក​នាយករដ្ឋ​មន្ត្រី​កម្ពុជា បាន​ថ្លែង​ថា លោក​នឹង​ទៅ​បំពេញ​ទស្សនកិច្ច​នៅ​ប្រទេស​មីយ៉ាន់ម៉ា នៅ​ខែមករា ឆ្នាំ​២០២២ ដើម្បី​ព្យាយាម​ដោះ​ស្រាយ​វិបត្តិ​នយោបាយ​នៅ​ក្នុង​ប្រទេស​សមាជិក​អាស៊ាន​នេះ។ លោក ពិន ស៊ីសុវណ្ណ នៃ​វីអូអេ រាយការណ៍​ពី​ទីក្រុង Lowell រដ្ឋ Massachusetts៕

ពលរដ្ឋ​នៅ​ទីក្រុង Lowell រដ្ឋ Massachusetts សហរដ្ឋអាមេរិក ប្រមាណជាង​១០០នាក់ បាន​ប្រមូលផ្តុំគ្នា​តវ៉ា​ប្រឆាំង​គម្រោង​របស់​សមាជិក​ភាគច្រើន​នៃ​ក្រុមប្រឹក្សា​ក្រុង​សរុប​១១​នាក់ ក្នុង​ការជ្រើសតាំង​ខ្មែរ​អាមេរិកាំង​ទីមួយ​ដែល​បាន​ការគាំទ្រតិចតួច​ពី​ពលរដ្ឋ​ធ្វើជា​អភិបាល​ក្រុង​នេះ។ ការសម្រេច​ផ្លូវការ​គ្រោងនឹង​ធ្វើ​នៅ​ថ្ងៃ​ទី៤ ខែមករា ឆ្នាំ២០២២។ លោក ពិន ស៊ីសុវណ្ណ នៃ​វីអូអេ ជូន​សេចក្តី​រាយការណ៍​ពី​ទីក្រុង Lowell រដ្ឋ Massachusetts សហរដ្ឋ​អាមេរិក៕

អ្នកតំណាង​គណបក្ស​សង្គ្រោះ​ជាតិ ដឹកនាំ​ដោយ​អ្នកស្រី មូរ សុខហួរ ជាថ្មី​ម្តងទៀត មិន​អាច​ទទួល​បាន​ទិដ្ឋាការ ទៅ​ចូល​រួម​សវនាការ​នៅ​សាលា​ដំបូង​រាជធានី​ភ្នំពេញ​ដែល​បាន​ចាប់ផ្តើម​ឡើងវិញ​នូវ​សំណុំ​រឿង​ក្បត់​ជាតិ​ដ៏ធំ​មួយ ដែល​ពាក់ព័ន្ធ​នឹង​មនុស្ស​ជិត​១៤០​នាក់ ដែល​មាន​អ្នកគាំទ្រ សកម្មជន មន្ត្រី ព្រមទាំង​ថ្នាក់​ដឹកនាំ​គណបក្ស​សង្គ្រោះ​ជាតិ រួមមាន​អ្នកស្រី​ផងដែរ។ លោក ពិន ស៊ីសុវណ្ណ នៃ​វីអូអេ រាយការណ៍​ពី​ទីក្រុង​ឡូវែល រដ្ឋ​ ម៉ាស្សាឈូសេត សហរដ្ឋ​អាមេរិក៕

ព្រះសព​របស់​ព្រះអង្គម្ចាស់​ នរោត្តម រណឫទ្ធិ​ អតីតសហនាយករដ្ឋមន្ត្រីរបស់​ប្រទេស​កម្ពុជា​ត្រូវបាន​បូជា​ នៅថ្ងៃពុធនេះ​ នាវាល​ព្រះមេរុ នៅខាង​មុខ​វត្តបទុមវតី​ ដោយ​មាន​ព្រះរាជវត្តមាន​ព្រះមហាក្សត្រ​ព្រះបាទសម្តេចព្រះបរមនាថ​ នរោត្តម​ សីហមុនី និងព្រះមាតាព្រះអង្គគឺ​សម្តេចព្រះមហាក្សត្រី​ នរោត្តម​ មុនីនាថ​ សីហនុ​ ព្រម​ទាំងក្រុមមេដឹកនាំ​ប្រទេស​ និង​មន្ត្រីអ្នកមុខអ្នកការ​សំខាន់ៗផ្សេងទៀត។ លោក​ ហ៊ុល រស្មី កញ្ញា​ ហ៊ាន សុជាតា និង​អ្នកនាង​ ខាន់​ សុគុំមនោ​ រាយការណ៍​ឲ្យ​វីអូអេ​ពីរាជធានីភ្នំពេញ៖

នៅថ្ងៃ​អាទិត្យ​ ទី​៥​ ខែធ្នូ​នេះ​ ព្រះសព​សម្តេច​ក្រុមព្រះ​ នរោត្តម​ រណឫទ្ធិ​ ត្រូវ​បាន​ដឹក​មក​ដល់​ព្រលាន​យន្តហោះ​អន្តរជាតិ​ភ្នំពេញ។​ ព្រះសព​របស់​ព្រះអង្គ​ ត្រូវ​បាន​យាងដង្ហែ​ពី​ប្រទេស​បារាំង​ រួមដំណើរ​ដោយ​ព្រះអង្គ​ម្ចាស់ក្សត្រីយ៍​ នរោត្តម ម៉ារី រណឫទ្ធិ​ ព្រះជាយា​របស់​ព្រះអង្គ​។ ពិធី​ទទួល​ព្រះសព​មាន​ពិធី​បង្សុកូល​ដោយ​ សម្តេច​សង្ឃ​ និង​ព្រះសង្ឃ ​និង​មានការយាង​ទទួល​ដោយព្រះញាតិ​វង្សានុវង្ស​ជាច្រើន​អង្គ​ មន្ត្រី​ជាន់ខ្ពស់​ព្រះបរមរាជវាំង​ ព្រម​ទាំង​សមាជិកគណបក្ស​ហ៊្វុនស៊ិនប៉ិច​ផងដែរ​។​ សម្តេច​ក្រុមព្រះ​ នរោត្តម រណឫទ្ធិ​ បាន​យាង​សោយ​ទិវង្គត​នៅ​ប្រទេស​បារាំង កាល​ពី​ថ្ងៃអាទិត្យ​ ទី​២៨​ ខែ​វិច្ឆិកា​ ​ក្នុងព្រះជន្មាយុ​ ៧៧​ព្រះវស្សា​ ដោយរោគាពាធ​។ កញ្ញា​ ហ៊ាន សុជាតា និង​អ្នកនាង​ខាន់ សុគុំមនោ​ រាយការណ៍​ឲ្យ​វីអូអេ​ពី​រាជធានី​ភ្នំពេញ។

ការបោះឆ្នោតក្រុមប្រឹក្សាឃុំសង្កាត់ដែលនឹងជ្រើសរើសក្រុមប្រឹក្សាសរុបជាង១១.៦០០នាក់នៅទូទាំងប្រទេស នឹងប្រព្រឹត្តទៅនៅថ្ងៃទី៥ ខែមិថុនា ឆ្នាំ២០២២។ អ្នកឈរឈ្មោះឲ្យគេបោះឆ្នោតជ្រើសរើសជាមេឃុំតំណាងឲ្យគណបក្សប្រជាធិបតេយ្យមូលដ្ឋានបានបង្ហាញក្តីសង្ឃឹមថារូបលោកនឹងទទួលបានសំឡេងឆ្នោតគាំទ្រច្រើន នៅគ្រាដែលអវត្តមានគណបក្សសង្រ្គោះជាតិដែលមានសំឡេងគាំទ្រប្រកៀកប្រគិតនឹងគណបក្សកាន់អំណាច។ លោក ស៊ុន ណារិន រាយការណ៍ឲ្យវីអូអេពីខេត្តកំពង់ស្ពឺដូចតទៅ៖