សង្គ្រាម​នៅ​ប្រទេស​អ៊ុយក្រែន​ដែល​បង្ក​ឡើង​ដោយ​ប្រទេស​រុស្ស៊ី​បាន​បង្ខំ​ពលរដ្ឋ​អ៊ុយក្រែន​ជាង​៤,៥លាន​នាក់​ ដែល​ភាគច្រើន​ជាស្ត្រី​ កុមារ​និង​មនុស្ស​ចាស់ ​ឲ្យ​រត់ភៀសខ្លួន​ទៅ​ប្រទេស​ជិតខាង។ សប្បុរស​ជន​ខ្មែរ​មួយ​ក្រុម​ដែល​មាន​ព្រះ​សង្ឃ​ផងដែរ​ បាន​នាំ​អំណោយ​ទៅជួយ​ជន​រងគ្រោះ​ទាំងនោះ​ និង​សម្តែង​សមានចិត្ត​អាណិត​អាសូរ​ដោយសារ​តែ​ពួកគាត់​ក៏​ធ្លាប់តែ​រងគ្រោះ​ក្នុង​ប្រទេស​កំណើត​ដែរ។ លោក ម៉ែន គឹមសេង ​នៃ​វីអូអេ​សូម​ជូន​សេចក្តី​រាយការណ៍​ដូចតទៅ៖

ទីក្រុង Lowell នៃ​រដ្ឋ Massachusetts ដែល​មាន​ពលរដ្ឋ​ខ្មែរ​អាមេរិកាំង​ច្រើន​លំដាប់​ទី២​ក្នុង​សហរដ្ឋ​អាមេរិក បាន​បោះឆ្នោត​ជូន​អតីត​កុមារ​ភៀសខ្លួន​ខ្មែរ​ឱ្យ​ក្លាយ​ជាស្ត្រី​ខ្មែរ​អាមេរិកាំង​ទីមួយ​ក្នុង​ថ្នាក់​ដឹកនាំ​គណៈកម្មាធិការ​សាលារៀន​នៅ​ទីក្រុង​នេះ។

វិចិត្រករ​ខ្មែរ លោក ម៉ន ជា កំពុង​តែ​មាន​អ្វី​ពិសេស​នៅ​ក្នុង​ពិភព​សិល្បៈ ដែល​នោះ​គឺ​ជា​ការ​តាំង​ពិព័រណ៍​ស្នាដៃ​សិល្បៈ​របស់​លោក​នៅ​ក្នុង​រាជធានី​ភ្នំពេញ និង​នៅ​ក្នុង​ទីក្រុង​របស់​សហរដ្ឋ​អាមេរិក​ចំនួន​ពីរ​គឺ​ទីក្រុង Seattle រដ្ឋ​វ៉ាស៊ីនតោន និង​ទីក្រុង Denver រដ្ឋ Colorado។ លោក Scott Stearns នៃ VOA ភាសា​អង់គ្លេស​ រាយការណ៍​លម្អិត​អំពី​រឿង​នេះ​ពី​រដ្ឋ Colorado រួម​គ្នា​ជាមួយ​នឹង​អ្នកនាង ខាន់ សុគុំមនោ និង​កញ្ញា ហ៊ាន សុជាតា នៃ​វីអូអេ​ខ្មែរ ​ពី​ប្រទេស​កម្ពុជា។ អ្នកស្រី ហុង ចិន្ដា ជូន​សេចក្ដីប្រែសម្រួល៕

នៅគ្រប់​វេទិការ​សាធារណៈ​ អ្នកគាំទ្រ​គណបក្ស​សង្គ្រោះជាតិ​នៅ​ក្រៅ​ប្រទេស​បាន​នាំ​គ្នា​ដុតទៀន​បួងសួង​ឲ្យ​មាន​ប្រជាធិបតេយ្យ​នៅ​កម្ពុជា​ប៉ុន្តែ​បាន​ដកឃ្លារ​មិន​ព្រម​សម្តែង​ការគាំទ្រ​គណបក្ស​នយោបាយ​ណា​មួយ​ក្នុង​ប្រទេស​កម្ពុជា​ទេ។ លោក សម រង្ស៊ី​ថ្លែង​ថា​ការធ្វើ​ដូច្នេះ​ដើម្បី​ជៀសវាង​មិន​បង្ក​ការលំបាក​ដល់​គណបក្ស​នយោបាយ​ណាមួយ​ឡើយ​ដោយសារតែ​លោក​និង​ថ្នាក់​ដឹកនាំ​មួយ​ចំនួន​កំពុង​ជាប់​ការចោទប្រកាន់​និង​មាន​ទោស​ក្នុង​ប្រទេស​កម្ពុជា។ លោក ម៉ែន គឹមសេង​នៃ​វីអូអេ​សូមជូន​សេចក្តី​រាយការណ៍​ពី​រដ្ឋធានី​វ៉ាស៊ីនតោន​ដូចតទៅ៖

កាល​ពី​ ១០ ឆ្នាំ​មុន យុវជន ម៉ន ជា​ ជា​កម្មករ​សំណង់​ បាន​ជួប​ឧប្បទ្ទវហេតុ​នៅ​ការដ្ឋាន​ ខណៈពេល​កំពុង​ធ្វើ​ការងារ​ ដែល​បណ្តាល ​ឲ្យ​ដៃ​ទាំងទ្វេ​របស់​លោកពិការ។​ លោក​ស្ទើរតែ​មិន​អាច​តស៊ូ​រក្សា​ជីវិត​របស់​លោក​បាន។​ កាលនោះ​ លោក​មានវ័យ​ ២០ ឆ្នាំ​គត់។ ប៉ុន្តែ​បច្ចុប្បន្ន​ អ្នក​ខេត្ត​កំពត​រូបនេះ​ ​បាន​ត្រាច់ចរ​ស្ទើរ​គ្រប់​ទីក្រុង​ នៅ​ក្នុង​ប្រទេស ក្នុងនាម​ជា​សិល្បករ​ឆ្នើម​មួយ​រូប។​ លោក​ ម៉ន ជា​ ជា​វិចិត្រ​ករ​កម្រ​ម្នាក់​ ដែល​ចេះឆ្លាក់​និងផ្តាន​រូប​បង្កើត​បាន​ជា​ផ្ទាំង​គំនូរ​មួយបែប ​ដែល​ជា​ភាសាអង់​គ្លេស​ហៅថា​ ប្លុក​ព្រីន។ ឥឡូវ​នេះ​ លោក ម៉ន ជា ធ្វើការ​ជាមួយ​ស្ថាប័ន​ Open Studio Cambodia ដែល​បង្កើតឡើង​ដោយ​អ្នកនាង Lauren Iida សិល្បករ​កូនកាត់​ជប៉ុន​-អាមេរិក នៅ​ឆ្នាំ​ ២០១៨។ ស្នាដៃ​របស់​លោក​កំពុង​ត្រូវ​បាន​ដាក់​បង្ហាញ​នៅទីក្រុង​នានា​នៅ​សហរដ្ឋអាមេរិក​ក្នុងឆ្នាំ​ ២០២២។ កញ្ញា​ ហ៊ាន សុជាតា​ និង​អ្នកនាង​ ខាន់ សុគុំមនោ​ រាយការណ៍​ឲ្យ​វីអូអេ​ ពី​រាជធានី​ភ្នំពេញ​ និង​ខេត្ត​សៀមរាប៕

ជប៉ុន​ជា​ប្រទេស​ទី​មួយ​ដែល​អញ្ជើញ​កូន​ប្រុស​ច្បង​លោក​នាយក​រដ្ឋមន្ត្រី​ ហ៊ុន សែន គឺ​ឧត្តម​សេនីយ៍​ឯក ហ៊ុន ម៉ាណែត ទៅ​បំពេញ​ទស្សនកិច្ច​ក្នុង​ខែ​កុម្ភៈ​កន្លង​ទៅ​នេះ ចាប់​តាំង​ពី​មេ​បញ្ជាការ​កង​ទ័ព​ជើង​គោក​រូប​នេះ​ត្រូវ​បាន​គណបក្ស​ប្រជាជន​កម្ពុជា​ចាត់​តាំង​ជា​បេក្ខ​ភាព​នាយក​រដ្ឋមន្ត្រី​អនាគត​របស់​បក្ស​កាន់​អំណាច​ត្រៀម​ស្នង​ដំណែង​ឪពុក។ ក្នុង​កម្មវិធី​ហេឡូ​វីអូអេ ប្រចាំ​ខែ​អំពី​អភិបាល​កិច្ច​ល្អ​ ជាមួយ​លោក អូន ឆេងប៉រ នៃ​វីអូអេ លោក ឱក សេរីសោភកិ៍្ត អ្នក​ឯក​ទេស​ផ្នែក​អភិបាល​កិច្ច បាន​លើក​ឡើង​ថា​ទីក្រុង​តូក្យូ​កំពុង​ស្ទាប​ស្ទង់​ធ្វើការ​ជា​បណ្ដើរៗ​ហើយ​ជាមួយ​អនាគត​អ្នក​ដឹកនាំ​កម្ពុជា​ ខណៈ​ខ្លួន​មាន​ប្រយោជន៍​ដែល​ត្រូវ​រក្សា​និង​បន្ត​ពូន​ជ្រុំ​នៅ​កម្ពុជា៕

នៅក្នុង​សុន្ទរកថា​ស្តីពី​ស្ថានភាព​សហព័ន្ធ​លើកទីមួយ​របស់​លោក​កាលពី​យប់​ថ្ងៃអង្គារ លោក​ប្រធានាធិបតី​សហរដ្ឋ​អាមេរិក Joe Biden បានប្រមូល​ការគាំទ្រ​ពី​គណបក្ស​នយោបាយ​ធំៗ​ទាំង២​ដើម្បី​ជួយ​ពលរដ្ឋ​អ៊ុយក្រែន​ប្រយុទ្ធ​ប្រឆាំង​ការឈ្លានពាន​របស់​រុស្ស៊ី។ លោកបៃដិន​ក៏​ថ្លែង​ពី​កំណើន​សេដ្ឋកិច្ច​ផងដែរ។ ​លោកម៉ែន គឹមសេង​នៃ​វីអូអេ​រាយការណ៍​បន្ថែម​ក្នុង​កម្មវិធី​«ប្រភព​ច្បាស់ការណ៍»(Primary Sources)៕

សហគមន៍​អន្តរជាតិ បន្ត​ថ្កោសទោស​មេដឹកនាំ​រុស្ស៊ី​ដែល​បាន​បញ្ជូន​ទ័ព​ចូល​ឈ្លានពាន​ប្រទេស​អ៊ុយក្រែន។ រដ្ឋាភិបាល​អ៊ុយក្រែន​ឲ្យ​ដឹង​ថា ត្រឹមថ្ងៃ​ទី២ គឺ​មាន​ទាហាន​អ៊ុយក្រែន​យ៉ាងហោចណាស់ ១៣៧ នាក់​បាន​ពលី​ជីវិត។ មេដឹកនាំ​នានា ក៏​ស្នើ​ឲ្យ​ភាគី​ជម្លោះ​ជួប​ចរចា​គ្នា​ដោយ​សន្តិវិធី​ផងដែរ។ លោក ម៉ែន គឹមសេង នៃ​វីអូអេ​សូម​សង្ខេប​ប្រតិកម្ម​របស់​មេដឹកនាំទាំងនោះ៕

នៅ​ព្រឹកព្រលឹម​ស្រាងៗ​ថ្ងៃ​ព្រហស្បតិ៍​ទី២៤ ខែកុម្ភៈ​ ប្រធានាធិបតី​រុស្ស៊ី​បាន​បញ្ជា​ឲ្យ​កងទ័ព​ចូល​ឈ្លានពាន​អ៊ុយក្រែន ​បន្ទាប់​ពី​បាន​ត្រៀម​រៀបចំ​កងកម្លាំង​ជាយូរ។ ការ​ចូលឈ្លានពាន​នេះ​បាន​បង្ក​ឲ្យ​មាន​ការ​ភ័យខ្លាច​ ការ​ថ្កោលទោស​អន្តរជាតិ​និង​ការ​ដាក់ទណ្ឌ​សេដ្ឋកិច្ច​ផងដែរ។ លោក ម៉ែន គឹមសេង ​នៃ​វីអូអេ​រាយការណ៍​សង្ខេប​អំពីព្រឹត្តិការណ៍​សម្រាប់​កម្មវិធី​ «ប្រភព​ច្បាស់ការណ៍» (Primary Sources)៕

ថ្នាក់ដឹកនាំ​គណបក្ស​សង្គ្រោះជាតិ​នៅ​ក្រៅ​ប្រទេស​បាន​ជួបប្រជុំ​ការងារ​រយៈពេល​បីថ្ងៃ​នៅ​ទីក្រុង ​Jacksonville រដ្ឋ ​Florida ពី​ថ្ងៃទី១៩​ដល់​២១​ខែ​កុម្ភៈ​ ដើម្បី​រៀបចំ​ផែនការ​ការងារ​ក្នុង​ពេល​ខាងមុខ។ អតីត​គណបក្ស​ប្រឆាំង​នេះ​បាន​ផ្តោត​ខ្លាំង​លើ​ការងារ​ការទូត​ដើម្បី​ទាមទារ​ឲ្យ​មាន​ដំណោះស្រាយ​នយោបាយ​នៅ​កម្ពុជា។ ទន្ទឹម​នឹង​នោះ​ក៏​អំពាវនាវ​ពលរដ្ឋ​ឲ្យ​ធ្វើ​សកម្មភាព នយោបាយ​ដោយ​អហិង្សា។ លោក ម៉ែន គឹមសេង​ នៃ​វីអូអេ​បាន​សម្ភាស​លោក សម រង្ស៊ី​ ប្រធាន​ស្តី​ទី​គណបក្ស​សង្គ្រោះជាតិ​អំពី​ផែនការ​សកម្មភាព​នោះ៕