សមាជិក​សភា​អាមេរិកាំង​ដែល​មាន​ឥទ្ធិពល​គឺលោក ​Alan Lowenthal​ នៃ​គណបក្ស​ប្រជាធិប​តេយ្យ​មក​ពី​រដ្ឋ​កាលីហ្វ័រញ៉ា ​បាន​សម្តែង​សុទិដ្ឋិនិយម​របស់​លោក​ចំពោះ​ការ​ពន្លឿន​សេចក្តី​ស្នើច្បាប់​ស្តារ​លទ្ធិ​ប្រជាធិប​តេយ្យ​នៅ​កម្ពុជា ​ហៅថា​ H.R 526 ​ដែល​អាច​ដាក់​ទណ្ឌកម្ម​មន្ត្រី​រដ្ឋាភិបាល​កម្ពុជា​ដែល​ជាប់​ពាក់ព័ន្ធ​នឹងការ​បំផ្លាញ​លទ្ធិ​ប្រជាធិប​តេយ្យ​កម្ពុជា។ លោក​សុខ ខេមរា​ រាយ​ការណ៍​លម្អិតពី​រដ្ឋ​ធានី​វ៉ាស៊ីនតោន៕

សមាជិក​សភា​អាមេរិកាំង​ដែល​មាន​ឥទ្ធិពល​គឺលោក ​Alan Lowenthal​ នៃ​គណបក្ស​ប្រជាធិប​តេយ្យ​មក​ពី​រដ្ឋ​កាលីហ្វ័រញ៉ា ​បាន​សម្តែង​សុទិដ្ឋិនិយម​របស់​លោក​ចំពោះ​ការ​ពន្លឿន​សេចក្តី​ស្នើច្បាប់​ស្តារ​លទ្ធិ​ប្រជាធិប​តេយ្យ​នៅ​កម្ពុជា ​ហៅថា​ H.R 526 ​ដែល​អាច​ដាក់​ទណ្ឌកម្ម​មន្ត្រី​រដ្ឋាភិបាល​កម្ពុជា​ដែល​ជាប់​ពាក់ព័ន្ធ​នឹងការ​បំផ្លាញ​លទ្ធិ​ប្រជាធិប​តេយ្យ​កម្ពុជា។ លោក​សុខ ខេមរា​ រាយ​ការណ៍​លម្អិតពី​រដ្ឋ​ធានី​វ៉ាស៊ីនតោន៕

លោក សរ ជេដ្ឋា ជា​ពលរដ្ឋ​ខ្មែរ​អាមេរិកាំង​នៅ​រដ្ឋ​មីនីសូតា។ លោក​ថា​ ប្រធានាធិបតី​ដែល​ទទួល​បាន​សន្លឹក​ឆ្នោត​ត្រូវ​បាន​ទស្សនៈ​ប្រហាក់​ប្រហែល​នឹង​ប្រជាពលរដ្ឋ​ដែល​បាន​បោះ​ឆ្នោត​ឲ្យ​ខ្លួន។

លោក ស៊្រុន តាំងហ៊ោង ជា​អ្នក​ជំនួញ​ចូល​និវត្តន៍​ក្នុង​សង្កាត់ Bloomington រដ្ឋ​មីនីសូតា ប្រាប់ VOA អំពី​គនិត​របស់​លោកអំពី​ប្រធានាធិបតី​ ដូណាល់ ត្រាំ ​មុខ​ការបោះឆ្នោត​ជាតិ​អាមេរិក​ឆ្នាំ​២០២០។

ទទួល​បាន​ការ​គាំទ្រ​យ៉ាង​ខ្លាំងក្លា​ពីព្រះសង្ឃ ​និង​ពុទ្ធបរិស័ទ​ មកពី​បណ្តា​វត្ត​អារាម​នានា​ទាំង​នៅ​សហរដ្ឋ​អាមេរិក ​កាណាដា ​កម្ពុជា​ និង​កម្ពុជា​ក្រោម​ផង​នោះ ​ព្រះតេជ​គុណ​ឥទ្ធិមុនី ​ម៉ឹង សាង ​ព្រះ​គ្រូចៅ​អធិការ​វត្ត​មុនីសុតារាម ​បាន​សម្រេច​ដល់​គោល​ដៅ​ជោគ​ជ័យ​ដ៏​សំខាន់ ​ដែល​មិនធ្លាប់​មាន​ពីមុន​ក្នុង​ប្រវត្តិ​សាស្ត្រ​វិស័យ​ពុទ្ធសាសនា​ខ្មែរ​នៅ​សហរដ្ឋ​អាមេរិក។ លោក សុខ ខេមរា និងលោក សាយ មុន្នី នៃ VOA រាយការណ៍​ពីរដ្ឋមីនីសូតា សហរដ្ឋអាមេរិក៕

នៅពេលដែល​ក្រុមបាតុករ​ខ្មែរអាមេរិកាំង​ជាច្រើន​រយនាក់​ដែល​ស្រឡាញ់​ប្រទេស​កំណើត​របស់​ខ្លួន​មកពី​បណ្តា​រដ្ឋ​នានា និង​ប្រទេស​មួយ​ចំនួន​កំពុង ទាមទារ​ឲ្យ​មាន​ការស្តារ​លទ្ធិ​ប្រជាធិបតេយ្យ​នៅ​កម្ពុជា កាលពី​ថ្ងៃពុធ​នៅមុខ​វិមាន​រដ្ឋសភា ក្នុង​រដ្ឋធានី​វ៉ាស៊ីនតោន ក្រុម​សមាជិក​សភា​អាមេរិកាំង​យ៉ាងតិច​ពីរនាក់​បាន​មក​ផ្តល់​ការគាំទ្រ​នៅ​ទីលាន​បាតុកម្ម ហើយ​ប្តេជ្ញា​ថា នឹងរួម​ជាមួយ​ពលរដ្ឋ​កម្ពុជា​ស្តារ​ប្រជាធិបតេយ្យ​កម្ពុជា​ឡើងវិញ តាមរយៈ​ការធ្វើ​ច្បាប់​មួយ​ចំនួន​ទាក់ទងនឹង​ការស្តារ​ប្រជាធិបតេយ្យ​កម្ពុជា​និង​ទណ្ឌកម្ម​ប្រឆាំងនឹង​មន្ត្រី​រដ្ឋាភិបាល​កម្ពុជា។ លោក​សមាជិក​រដ្ឋសភា Steve Chabot នៃ​គណបក្ស​សាធារណរដ្ឋ មកពី​រដ្ឋអូហៃអូ​និង​លោក Alan Lowenthal គណបក្ស​ប្រជាធិបតេយ្យ​មកពី​រដ្ឋកាលីហ្វ័រញ៉ា​បាន​ចុះ​ពី​ប្រជុំ​សភា​មកជួប​ជាមួយ​ក្រុមបាតុករ​ហើយ​ប្តេជ្ញា​ថា នឹង​ធ្វើឲ្យ​រដ្ឋាភិបាល​កម្ពុជា និង​មន្ត្រី​របស់​ខ្លួន​ទទួល​ខុសត្រូវ​ចំពោះ​ការបំផ្លាញ​ប្រជាធិបតេយ្យ។ លោក សុខ ខេមរា នៃ VOA រាយការណ៍​អំពី​រឿង​នេះ៕

សម្រង់​សេចក្តី​អត្ថាធិប្បាយ​សង្ខេប​ការអនុម័ត​សេចក្តី​ស្នើ​ច្បាប់​ប្រជាធិបតេយ្យ​កម្ពុជា HR 526នេះ​ជា​សម្រង់​សេចក្តី​អត្ថាធិប្បាយ​របស់​តំណាងរាស្ត្រ​ស.រ.អា.​ការពារ​សេចក្តី​ស្នើ​ច្បាប់ HR 526ដែល​អនុម័ត​ដោយ​សភា​ពេញអង្គ​កាលពី​រសៀល​ថ្ងៃច័ន្ទ។ សេចក្តី​ស្នើ​ច្បាប់​នេះ ត្រូវ​បាន​បញ្ជូន​ទៅ​ព្រឹទ្ធសភា​ជា​បន្ទាន់ ក្រោយពី​សេចក្តី​ស្នើ​ច្បាប់​ស្រដៀងគ្នា​នេះ​គឺ HR 5754​មិន​ត្រូវបាន​អនុម័ត​ដោយ​ព្រឹទ្ធសភា​កាលពី​អាណត្តិ​កាលពី​ជិត​ពីរ​ឆ្នាំ​មុន៕

បណ្តាញ​ព័ត៌មានForest News បាន​ឲ្យ​ដឹង​ថា ​ប្រទេស​កម្ពុជា បាន​បាត់​បង់​ព្រៃ​ឈើ​ប្រហែល​២សែន​៨ពាន់​ហិកតា​ជា​រៀង​រាល់​ឆ្នាំ​ដោយ​សារ​ការ​កាប់​ឈើ។ ឥឡូវនេះ ​អ្នក​ស្រុក​ខ្លះ​ដែល​ពឹង​ផ្អែកលើ​ព្រៃឈើ​ដើម្បី​ចិញ្ចឹម​ជីវិត​កំពុង​ធ្វើ​ការ​ប្រយុទ្ធ​ដើម្បី​រក្សា​ព្រៃឈើ​និង​កំពុង​សុំ​ការ​ជួយ​ឧបត្ថម្ភ។ លោក Kevin Enoch នៃ VOA រាយការណ៍​អំពី​រឿង​នេះ។ លោក​ ជឹង ប៉ូជីន ​ជូន​សេចក្តី​ប្រែសម្រួល៕

បុស្បា ប៉ាន់ ចាប់ផ្ដើម​ច្រៀង​នៅ​ពេល​នាង​មាន​អាយុ​៧ឆ្នាំ។ នាង​ចាប់ផ្ដើម​និពន្ធ​តន្ត្រី​ក្នុង​វ័យ​ជំទង់​ដោយកែ​ច្នៃ​ដាក់​បញ្ចូល​គ្នា​តន្ត្រី​បុរាណ​ខ្មែរ​និង​តន្ត្រី​បុរាណ​លោក​ខាង​លិច។ ឥឡូវ​នេះ​ជា​មនុស្ស​ពេញ​វ័យ​អាយុ២២ឆ្នាំ បុស្បា​ងាក​ទៅ​ចាប់​អារម្មណ៍​ស្វែង​យល់​អំពី​វិស័យ​តន្ត្រី​ខ្មែរ​តាមរយៈ​ការស្រាវជ្រាវ​។ ការ​យក​ចិត្ត​ទុក​ដាក់​និង​ការ​បូជា​ចំពោះ​សិល្បៈ​របស់​បុស្បា​តាំង​ពី​វ័យ​កុមារ​មក ធ្វើ​ឲ្យ​នាង​ក្លាយ​ជា​សិល្បករ​ខ្មែរ​ដ៏​សំខាន់​មួយ​រូប ដែល​តំណាង​ឲ្យ​ទ្រឹស្ដី​និង​ការ​អនុវត្តិ​ប៉ិន​ប្រសប់​នៃ​ភាព​ច្នៃ​ប្រឌិត។ កាល​ពី​ខែ​មិថុនា​នេះ បន្ទាប់​ពី​បាន​បញ្ចប់​ថ្នាក់​បរិញ្ញាបត្រ​ផ្នែក​និពន្ធ​តន្ត្រី​ពី​សាលា​ភ្លេង New England Conservatory ដ៏​ល្បីល្បាញ​នៅ​សហរដ្ឋ​អាមេរិក បុស្បា​បាន​ចូល​មក​បន្ទាប់​ផ្សាយ​របស់ VOA ដើម្បី​រៀប​រាប់​ពី​ដំណើរ​អាជីព​ជា​សិល្បករ និង​ការ​ខិត​ខំ​ប្រឹង​ប្រែង​ឥត​ឈប់​ឈរ​របស់​នាង​ក្នុង​ការ​ស្វែងយល់​ពី​ប្រទេស​កម្ពុជា​តាមរយៈ​សិល្បៈ។

ជាច្រើនឆ្នាំមកហើយ ជនជាតិដើមភាគតិចនៅក្នុងស្រុកអណ្តូងមាស និងស្រុកអូរជុំ ក្នុងខេត្តរតនគិរី បានបាត់បង់ដីធ្លីដោយសារតែក្រុមហ៊ុនវៀតណាម ហ័ងអាញ់ យ៉ាឡាយ (Hoang Anh Gia Lai (HAGL) ដែលបានទទួលដីសម្បទានពីរដ្ឋាភិបាលកម្ពុជា ដើម្បីដាំដំណាំកៅស៊ូ។ ជីវភាពរបស់ពួកគេបានប្រែប្រួល ដោយសារកាលពីមុន ពួកគេរស់នៅដោយពឹងផ្អែកលើធម្មជាតិសុទ្ធសាធ ទាំងការរកបន្លែ និងសាច់។ ពួកគេក៏បានបាត់បង់ដីអារក្ខ និងផ្នូរដូនតារបស់ពួកគេផងដែរ។ លោក ស៊ុន ណារិន នៃ VOA រាយការណ៍លម្អិតពីខេត្តរតនគិរី៕