អង្គការ​ខ្មែរ​អាមេរិកាំង​មួយ​ក្នុង​រដ្ឋ​មីនីសូតា កំពុង​ខិតខំ​អភិរក្ស និង​លើក​តម្កើង​វប្បធម៌​និង​អារ្យធម៌​ដ៏​រុងរឿង​របស់​ខ្មែរ​តាំងពី​បុរាណ​កាល​មក តាមរយៈ​ការនាំ​សិល្បករ សិល្បការិនី​ខ្មែរ​លេចធ្លោ ឱ្យ​មក​បង្ហាញ​ស្នាដៃ​សិល្បៈ​របស់​ពួកគេ​ក្នុង​សហរដ្ឋ​អាមេរិក។ អង្គការ​នេះ​ រំពឹង​ថា ការបង្ហាញ​ភាព​អស្ចារ្យ​របស់​ខ្មែរ​ដល់​សហគមន៍​ខ្មែរ និង​បរទេស ​នឹង​ជួយ​ធ្វើ​ឱ្យ​ពូជសាសន៍​ខ្មែរ​ល្បី​រន្ទឺ​លើ​ឆាក​អន្តរជាតិ​ឡើងវិញ។ លោក សាយ មុន្នី និង​លោក សុខ ខេមរា នៃ VOA រាយការណ៍​រឿង​នេះ​ពី​ទីក្រុង Saint Paulនៃ​រដ្ឋ​មីនីសូតា៕

ក្រុមសិល្បកររបស់អង្គការ​ Epic Arts Cambodia បានត្រួសត្រាយផ្លូវក្នុងវិស័យសិល្ប:របាំសហសម័យ​នៅក្នុង​ប្រទេស​កម្ពុជា។ ជា​ក្រុម​តែមួយ​គត់​ដែល​មាន​សិល្បករសម្តែង​ដែល​រួមបញ្ចូល​ទាំងជន​ពិការនិងជនមិនពិការ ក្រុម​នេះបានផ្តល់ក្តី​សង្ឃឹម​ថ្មី​សម្រាប់​សមាជិក​របស់ខ្លួន​ ក្នុង​ការសម្រប​ខ្លួន​ទៅ​ក្នុង​សង្គមខ្មែរ​ឡើងវិញ ជាពិសេស តាមរយ:ការ​សម្តែង​សិល្ប:សហ​សម័យ។ យ៉ាងណាមិញ​ ពួក​គេ​នៅតែ​ជួបប្រទះ​នឹងឧបសគ្គ​ក្នុង​ភាព​ជាសិល្បករ​ដែល​មាន​ពិការភាព​ ជា​ពិសេស​ក្នុង​ការធ្វើ​ដំណើរឡើងឆាកនិង​ទៅកាន់​ទីតាំងសម្តែង​ ក៏ដូចជា​ត្រូវប្រ​ឈម​នឹង​ការ​យល់ខុស​របស់​មនុស្ស​មួយចំនួន​ នៅ​ក្នុង​សហ​គមន៍របស់​ពួកគេ។​ លោក រិទ្ធី ឧត្តម នៃវីអូអេ រាយការណ៍ពីខេត្តកំពត​៕

លោក រស់ ស៊ីថា អាយុ៤០ឆ្នាំ ជាជនរងគ្រោះនៅរស់ ដែលត្រូវបានរកឃើញ ក្រោយជាប់ក្នុងគំនរអគារបាក់អស់រយ:ពេល២ថ្ងៃកន្លះ។ មនុស្ស២៨នាក់បានស្លាប់ និង២៦នាក់រងរបួសក្នុងគ្រោះថ្នាក់បាក់អគារ៧ជាន់ក្នុងក្រុងព្រះសីហនុ កាលពីថ្ងៃសៅរ៍ ទី២២ ខែមិថុនា៕

ក្រៅពី​ការ​ជួបជុំ​គ្នា​ធ្វើបុណ្យ​ទាន​តាម​ប្រពៃណី​ ទំនៀម​ទម្លាប់ ​និង​ រកវិធី​ជួយ​ដល់ សហគមន៍​ ហើយនឹង​ប្រទេស​កំណើត​ទៅតាម​លទ្ធភាពភាព​នោះ​ ជន​អន្តោប្រវេសន៍ និង​ជន​ភៀសខ្លួន​ខ្មែរ​ដែល​មករស់​នៅ​សហរដ្ឋ​អាមេរិក​រួមទាំង​ពលរដ្ឋខ្មែរ​នៅក្នុង​រដ្ឋ មីនីសូតា ​បាន​ថ្លែងថា​នៅលើ​ទឹកដី​ពោរ​ពេញ​ដោយឱកាស​កសាង​ជីវិត​ដូចជា​ប្រទេស​អាមេរិក​នេះ​ បាន​ផ្តល់​ភាព​ជោគ​ជ័យ​ដល់​ពួកគេ​ទៅតាម​ការប្រឹង​ប្រែង​តស៊ូ​រៀងៗ​ខ្លួន។ លោក សុខ ខេមរា និង​លោក សាយ មុន្នី នៃ VOA រាយការណ៍​ពី​រដ្ឋមីនីសូតា៕

ក្រោយ​មាន​គ្រោះ​ថ្នាក់ កម្មករ​ដែល​ធ្លាប់​ធ្វើ​ការ​នៅ​ទីនោះ​ បាន​អះអាង​ថា​សំណង់​នេះ បាន​បន្ត​សង់​ថែម​ពីរ​ជាន់​ទៀត។ ពួកគេ​ថា​កន្លង​ទៅ សមត្ថកិច្ច​ក៏​បាន​ចុះ​មក​ត្រួតពិនិត្យ​ការ​ដ្ឋាន​សំណង់​ផង​ដែរ។

ព្រះគ្រូ​ចៅ​អធិការ​វត្ត​ព្រះពុទ្ធរង្សី ព្រះតេជ​គុណ​បណ្ឌិត រ័ត្ន មុនី បាន​បញ្ជាក់​ថា​ពលរដ្ឋ​កម្ពុជា បាន​កសាង​អត្តសញ្ញាណ​ជាតិ​ខ្មែរ​នៅលើ​ទឹកដី​អាមេរិក ទោះបីជា​នៅ​ឃ្លាត​ឆ្ងាយ​ពី​មាតុភូមិ​ក្តី។ ព្រះតេជគុណ​មាន​ថេរដីកា​ដូច្នេះ​ដោយ​អះអាង​យោង​ទៅ​លើ​ការកសាង​វត្ត​អារាម ដែល​ពុទ្ធបរិស័ទ​មាន​ជំនឿ​មុតមាំ​ក្នុង​ព្រះពុទ្ធ​សាសនា។ លោក សុខ ខេមរា នៃ ​VOA ​បាន​ធ្វើ​កិច្ចសម្ភាសន៍​ជាមួយ​ព្រះតេជគុណ រ័ត្ន មុនី ដែល​និមន្ត​មក​ពី​វត្តព្រះពុទ្ធរង្សី នៅ​ទីក្រុង Philadelphia​ រដ្ឋ Pennsylvania នៅក្នុង​បន្ទប់ផ្សាយ​របស់​ VOA ​ក្នុង​រដ្ឋធានី​វ៉ាស៊ីនតោន​កាលពី​ថ្ងៃទី១៧ ​ខែមិថុនា ​ឆ្នាំ ​២០១៩ អំពី​ការកសាង​ព្រះពុទ្ធ​សាសនា និង​ការប្រឈម​នានា​នៅ​ក្នុង​សហរដ្ឋ​អាមេរិក៕

ព្រះតេជគុណ​បណ្ឌិត ហុក សាវណ្ណ ព្រះគ្រូ​ចៅ​អធិការវត្ត​ពុទ្ធសាសនា​ខ្មែរ​កាណាដា មាន​ថេរដីកា​អំពី​តួនាទី​ពុទ្ធសាសនា​ក្នុង​នយោបាយ​ដោយ​ទទូច​សុំ​ដល់​មេដឹកនាំ នយោបាយ​រក​ដំណោះ​ស្រាយ​បញ្ហា​នយោបាយ​តាម​វិធី​ព្រះពុទ្ធ​សាសនា​ដើម្បី​យុត្តិធម៌ សាមគ្គីភាព​ជាតិ​ និងសន្តិភាព។ លោក សុខ ខេមរា​ នៃ VOA ​បាន​ធ្វើ​កិច្ចសម្ភាសន៍ ព្រះតេជគុណ​បណ្ឌិត​ ហុក សាវណ្ណ ​នៅក្នុង​បន្ទប់​ផ្សាយ​របស់​VOA ​ក្នុង​រដ្ឋធានី វ៉ាស៊ីនតោន​កាលពី​ថ្ងៃចន្ទ​ទី១៧​ ខែមិថុនា ​ឆ្នាំ​២០១៩៕

ព្រះសង្ឃ​ខ្មែរ​និង​ពុទ្ធបរិស័ទ​ខ្មែរ មកពី​ប្រទេស​មួយ​ចំនួន និង​តាម​បណ្តា​រដ្ឋ​នានា​ក្នុង​សហរដ្ឋ​អាមេរិក បាន​ចូលរួម​ជាមួយ​ពលរដ្ឋ​ខ្មែរ​និង​ពលរដ្ឋ​ប្រទេស​នានា​ក្នុង​ពិភពលោក ដើម្បី​ប្រារព្ធ​ពិធី​បុណ្យ​វិសាខបូជា ដែល​ក្លាយ​ជាពិធី​បុណ្យ​សកល និង​ប្រាព្ធពិធីបុណ្យ​សូត្រ​ព្រះត្រៃបិដក​រួមគ្នា ក្នុង​វត្ត​មុនីសុតារាម រដ្ឋ​មីនីសូតា កាលពី​សប្តាហ៍​ទី៣ នៃ​ខែឧសភា ដើម្បី​គោរព​ប្រពៃណី​ ទំនៀម​ទម្លាប់​ ពង្រឹង​ពុទ្ធ​សាសនា​ ថែរក្សា​កេរមរតក​ ហើយនឹង​រក្សា​តម្លៃ ​ព្រះពុទ្ធ​សាសនា ។ លោក សុខ ខេមរា និង​លោក សាយ មុន្នី នៃ VOA រាយការណ៍​ពី​ទីក្រុងHampton រដ្ឋមីនីសូតា៕

លោក​នាយករដ្ឋមន្រ្តី ហ៊ុន សែន​ បាន​អំពាវនាវ​ឲ្យ​សមាជិក​គណបក្ស និង​ប្រជាជន​ ហូប​នំ​បញ្ចុក​នៅ​ថ្ងៃ​អាទិត្យ​នេះ ដែល​លោក​ហៅ​ថា​ជា«​នំបញ្ចុក​សាមគ្គីជាតិ»។ នៅ​ថ្ងៃ​នេះ អ្នក​ធ្វើ​នំ​បញ្ចុក​មួយ​ចំនួន​ក្នុង​ខេត្ត​កំពង់​ធំ​ បាន​អះអាង​ថា​ការ​កក់​នំ​បញ្ចុក​សម្រាប់​ថ្ងៃ​អាទិត្យ​នេះ មាន​ការ​កើន​ឡើង​គួរ​ឲ្យ​កត់​សម្គាល់ ​ហើយ​តម្លៃ​ក៏​ឡើង​ថ្លៃ​បន្តិច​ដែរ។ ពួកគេ​ក៏​ចង់​ឃើញ​គណបក្ស​នយោបាយ​ទាំង​ពីរ​ ត្រូវរ៉ូវ​គ្នា តាមរយ:​ការ​បរិភោគ​នំបញ្ចុក​រួមគ្នា។ រាយការណ៍លម្អិតដោយលោក ស៊ុន ណារិន ពីខេត្តកំពង់ធំ៕

ព្រះសង្ឃ​ខ្មែរ​និង​ពុទ្ធបរិស័ទ​ខ្មែរ​មកពី​ប្រទេស​មួយ​ចំនួន និង​តាម​បណ្តា​រដ្ឋ​នានា​ក្នុង​សហរដ្ឋ​អាមេរិក បាន​បញ្ចប់​មហា​សន្និបាត​សង្ឃ​លើកដំបូង​នៅ​វត្ត​មុនីសុតារាម នៅ​រដ្ឋ​មីនីសូតា ​កាលពី​ថ្ងៃ​សុក្រ​ ជាមួយ​នឹងការ​តាំងចិត្ត​ធ្វើ​កិច្ចការ​ពង្រឹង​ពុទ្ធ​សាសនា​ និង​ជួយ​សហគមន៍​រួមគ្នា​ ជាពិសេស​ការ​ប្រកាស​បង្កើត​ពុទ្ធិក​សមាគម​ព្រះសង្ឃ​ខ្មែរ​សហរដ្ឋ​អាមេរិក​និង​រចនា​សម្ព័ន​ដឹកនាំ​ព្រះសង្ឃ។ លោក សុខ ខេមរា និង​លោក សាយ មុន្នី នៃ VOA រាយការណ៍​អំពី​រឿង​នេះ ពី​ទីក្រុង Hampton រដ្ឋមីនីសូតា៕