កាលពី​សប្តាហ៍​មុន រដ្ឋាភិបាល បាន​ប្រកាស​ ជា​ផ្លូវការ​ក្នុងការ​ស្ថាបនា​ទំនប់​វារី​អគ្គិសនី​នៅ​លើ​ស្ទឹង​ក្នុង​ឃុំប្រម៉ោយ ស្រុកវាលវែង ខេត្តពោធិ៍សាត់។ ទំនប់​ដែល​មាន​ទំហំ​ថាមពល​៨០មេហ្គាវ៉ាត់ និង​តម្លៃ​ជាង​២៣០​លាន​ដុល្លារ​អាមេរិក​នេះ នឹង​ត្រូវ​ចាប់ផ្តើម​សាងសង់​នៅ​ចុងឆ្នាំ ២០១៩​នេះ។ អាជ្ញាធរ​បាន​ឲ្យ​ដឹង​ថា​ប្រជា​ពលរដ្ឋ​ជាង ៣៥០ គ្រួសារ​ស្មើ​នឹង​ជាង ១៤០០នាក់ នឹង​រងផល​ប៉ះពាល់។ ក្រៅពី​ដី​ធ្លី​រាប់រយ​ហិកតា និង​ដំណាំ ដែល​រង​ផល​ប៉ះពាល់ ផ្ទះ​ជិត ១០០ខ្នង​ ក៏​ប្រឈមនឹង​ការរុះរើ​ផងដែរ។ពលរដ្ឋ​ដែល​រង​ផលប៉ះពាល់​បាន​លើក​ឡើង​ថា​ពួកគេ​រង់ចាំ​សំណង​សមរម្យ​មួយ​ពី​ក្រុមហ៊ុន និង​រដ្ឋាភិបាល។ លោក​ស៊ុន ណារិន នៃ VOAរាយការណ៍​ពី​ខេត្តពោធិ៍សាត់៕

ស្ពានក្រូចឆ្មារឆ្លងកាត់ទន្លេមេគង្គគ្រោងនឹងបញ្ចប់នៅដំណាច់ឆ្នាំក្រោយ។ នេះបើយោងតាមក្រុមហ៊ុន Shanghai Construction Engineering Group ដែលបានចុះកិច្ចសន្យាធ្វើស្ពាននេះ។ ស្ពាននេះតភ្ជាប់ស្រុកក្រូចឆ្មារ និងស្រុកស្ទឹងត្រង់។ ស្ពាននេះត្រូវបានគេប្រសិទ្ធនាមថា ជា«ស្ពាននៃក្តីសុបិន្ត»ដែលប្រជាពលរដ្ឋក្នុងស្រុករំពឹងថា នឹងសម្រួលដល់ការធ្វើដំណើររបស់ប្រជាពលរដ្ឋនិងជំរុញការអភិវឌ្ឍសេដ្ឋកិច្ចនៅតំបន់កណ្តាលនិងភាគខាងជើងនៃប្រទេសកម្ពុជា។ ទីភ្នាក់ងារព័ត៌មាន Reuters រាយការណ៍ពីស្រុកក្រូចឆ្មារខេត្តកំពង់ចាម៕

សុន្ទរកថាលោកទៀ បាញ់នៅកិច្ចប្រជុំអ.ស.ប.អំពីបេសកកម្មរក្សាសន្តិភាពក្នុងពិភពលោកថ្ងៃ២៩មីនា២០១៩

នៅកិច្ចប្រជុំអ.ស.ប.អំពីបេសកកម្មរក្សាសន្តិភាពក្នុងពិភពលោក លោកទៀ បាញ់ឧបនាយករដ្ឋមន្ត្រីនិងជារដ្ឋមន្ត្រីការបរទេសកម្ពុជាថ្លែងអំពីការតាំងចិត្តរបស់កម្ពុជាក្នុងការរួមចំណែកបេសកកម្មរក្សាសន្តិភាពរបស់អ.ស.ប.ក្នុងពិភពលោក ក្រោយពីកម្ពុជាកងរក្សាសន្តិភាពអ.ស.ប.បានបំពេញបេសកកម្មនៅប្រទេសកម្ពុជាគឺអ៊ុនតាក់៕

កម្ពុជាការពារគម្រោងអភិវឌ្ឍន៍ចិននៅកោះកុងនិងព្យាយាមបង្កើនទំនាក់ទំនងល្អជាមួយអាមេរិក

រដ្ឋមន្ត្រីការពារជាតិកម្ពុជាលោកទៀ បាញ់បានអះអាងពីការការពារអធិបតេយ្យ ដោយមិនឱ្យមានមូលដ្ឋានទ័ពបរទេសនៅប្រទេសកម្ពុជា ហើយថាគម្រោងអភិវឌ្ឍន៍របស់ក្រុមហ៊ុនចិននៅខេត្តកោះកុង គឺក្នុងគោលបំណងទេសចរណ៍ដែលមិនដូចការព្រួយបារម្ភរបស់ប្រទេសនានា រួមទាំងសហរដ្ឋអាមេរិកនោះទេ។ សូមទស្សនាបទសម្ភាសន៍របស់លោកម៉ែន គឹមសេងនៃវីអូអេជាមួយលោកទៀ បាញ់ពេលលោកមកចូលរួមកិច្ចប្រជុំបេសកកម្មថែរក្សាសន្តិភាពរបស់អ.ស.ប.ដូចតទៅ៖

អស់​រយៈពេល​ជិត​៤០​ឆ្នាំ​មក​ហើយ ស្វាមី​ភរិយា​អាមេរិកាំង​ដែ​ល​មាន​ដើម​កំណើត​ខ្មែរ​មួយ​គូរ កំពុង​ព្យាយាម​អភិរក្ស​របាំ​ប្រពៃណី​ខ្មែរ​ក្នុង​តំបន់​រដ្ឋធានី​វ៉ាស៊ីនតោន ដែល​ពួក​គាត់​ចាត់​ទុក​ថា របាំ​ប្រពៃណី​ខ្មែរ​នេះ ជា​«‍ទ្រព្យសម្បត្តិដែល​មាន​តម្លៃ​មិន​អាច​កាត់​ថ្លៃ​បាន»​នៃ​ប្រទេស​កំណើត​របស់​ពួកគាត់​ផង និង​ដើម្បី​បង្រួបបង្រួម​សហគមន៍​ខ្មែរ​អាមេរិកាំង​ផង​ដែរ។ VOA បាន​សម្ភាសន៍​ប្ដី​ប្រពន្ធ​ខ្មែរ​អាមេរិកាំង​មួយ​គូរ​នេះ និង​តាម​ផ្ដិត​យក​ទិដ្ឋភាព​នៃ​ប្រវត្តិ​និង​សកម្មភាព​នៃ​ក្រុម​របាំ​របស់​ពួកគាត់​តាំង​ពី​ឆ្នាំ​២០១៧​មក ហើយ​ក៏​បាន​ផលិត​ជា​វីដេអូ​ឯកសារ​អំពី​ការ​ព្យាយាម​ថែរក្សា​របាំ​ប្រពៃណី​ខ្មែរ​ក្នុង​សហរដ្ឋ​អាមេរិក។ លោក សាយ មុន្នី នៃ VOA រាយការណ៍​ពី​រដ្ឋធានី​វ៉ាស៊ីនតោន៕

ការបោះឆ្នោត​ក្នុង​ប្រទេសថៃ​នៅ​ថ្ងៃអាទិត្យ​ខាងមុខ​ ត្រូវ​គេរំពឹងថា​នឹង​មាន​ចំនួន​មនុស្ស​ចេញ​ទៅ​បោះឆ្នោត​ច្រើន​នៅភាគខាងត្បូងប្រទេស ដែលទីនោះគឺជាកន្លែង​ប្រឆាំង​នឹង​យោធា​នៅក្នុងតំបន់។ ប៉ុន្តែក្រុមអ្នកបោះឆ្នោត​និង​ក្រុមប្រឆាំង​ព្រួយបារម្ភ​ថា ​ការបង្រ្កាប​ដោយ​រដ្ឋាភិបាល​ទៅលើសំឡេងប្រឆាំងនឹងធ្វើឲ្យពួកយោធាគ្រប់គ្រង​

ប្រទេសមួយអាណត្តិទៀត។

ខ្មែរ​ភាពយន្ត​រឿង In the Life of Music ឬ «‍តន្ត្រី​ជីវិត» ដែល​ផលិត​រួម​គ្នា​ដោយ​អ្នកដឹកនាំ​រឿង​និង​ផលិតករ​ខ្មែរ​អាមេរិកាំង​មួយ​ក្រុម បាន​ចាក់​បញ្ចាំងក្នុង​តំបន់​រដ្ឋធានី​វ៉ាស៊ីនតោន សហរដ្ឋ​អាមេរិក ដោយ​នាំ​យក​ទិដ្ឋភាព​នៃភាព​សប្បាយរីករាយ​មុន​សម័យ​ខ្មែរ​ក្រហម ការ​ចងចាំ​ក្នុង​សម័យ​ខ្មែរក្រហមនិង​ក្ដី​សង្ឃឹមឡើង​វិញ​ក្រោយ​សម័យ​ខ្មែរក្រហម មក​បង្ហាញ​ជូន​ទស្សនិកជន ជាពិសេស​ពលរដ្ឋ​ខ្មែរ​អាមេរិកាំង​ដែល​បាន​ទស្សនា​ខ្សែភាពយន្ត​នេះ។ លោក សាយ មុន្នី រាយការណ៍​ពី​ទីក្រុង​Reston​រដ្ឋ Virginia ជាប់​រដ្ឋធានី​វ៉ាស៊ីនតោន​ដូចតទៅ៖

ការ​វិនិយោគ​ដ៏​ច្រើន​គំហុក​របស់​ចិន​បាន​នាំ​ឲ្យមាន​ការ​ផ្លាស់ប្ដូរ​ដ៏​ឆាប់​រហ័សដល់​ទី​ផ្សារ​អចលន​ទ្រព្យ​តំបន់ឆ្នេរ​របស់​កម្ពុជា​ ​នៅ​ខេត្ត​ព្រះសីហនុ​ ​និង​តំបន់​ក្បែរ​ខាង។​ ​លោក​ ​អូន​ ​ឆេង​ប៉រ​ ​និង​អ្នកនាង​ ខាន់ សុគុំមនោនៃ​ VOA​ ​បាន​ជួប​សម្ភាស​ជាមួយ​លោក​ ​ច្រឹក​ ​សុខនីម​ ​ប្រធាន​សមាគម​អ្នក​វាយ​តម្លៃ​ ​និង​ភ្នាក់ងារ​អចលន​វត្ថុ​កម្ពុជា (CVEA)​ អំពី​ទិដ្ឋភាព​រួម​នៃ​ការ​វិនិយោគ​របស់​ចិន​ ​លើ​វិស័យ​អចលន​ទ្រព្យ​ ​និង​សំណង់​នៅ​ប្រទេស​កម្ពុជា​ ​ជាពិសេស​នៅ​បណ្ដា​ខេត្ត​ជាប់​មាត់​សមុទ្រ៕

លោក​ឧកញ៉ា ម៉ុង ឫទ្ធី ដែល​ជា​អ្នកជំនួញ​ខាងផ្នែក​កសិកម្ម​ដ៏​ធំ និងជា​សមាជិក​ព្រឹទ្ធសភា​មក​ពី​គណបក្ស​ប្រជាជន​កម្ពុជា បាន​ត្អូញត្អែ​ពី​ការធ្លាក់ចុះ​តម្លៃ​ដូងប្រេង​នៅ​ទីផ្សារ​អន្តរជាតិដែល​ធ្វើ​ឱ្យ​ក្រុមហ៊ុន​ខាតបង់​ប្រាក់​ជាច្រើន​លាន​ដុល្លារ ប៉ុន្តែ​លោក​ប្តេជ្ញា​ថា​នឹង​មិន​បោះបង់ចោល​ការដាំ​ដំណាំ​នេះ​ទេ។ លោក ម៉ុង ឫទ្ធី បញ្ជាក់​ថា​ការធ្លាក់ថ្លៃ​នេះ មិន​មែន​មក​ពីទណ្ឌកម្ម​ដែល​សហភាព​អឺរ៉ុប​គ្រោង​នឹង​ដាក់​លើ​ប្រទេស​កម្ពុជា​ទេ។ លោក ស៊ុន ណារិន នៃ VOA បាន​សម្ភាស​លោក​ឧកញ៉ា ម៉ុង ឫទ្ធី​នៅ​ឯ​ចំការ​ដូងប្រេង​ក្នុង​ខេត្ត​ព្រះសីហនុ៕