ពលរដ្ឋខ្មែរជិត១០០នាក់ដែលបានជួបជុំគ្នាក្នុងការបង្ហាញតន្ត្រីបង្សុកូលនៅមជ្ឈមណ្ឌលអប់រំក្រុង Lowell រដ្ឋ Massachusetts កាលពីល្ងាចថ្ងៃពុធ ទី៦ ខែធ្នូនេះ បានចាប់អារម្មណ៍នឹងពិណខ្មែរគឺជាឧបករណ៍ភ្លេងដែលបាត់មុខមាត់ច្រើនសតវត្សរ៍មកហើយនោះ។

លោកពិនស៊ីសុវណ្ណរាយការណ៍ពីទីក្រុង ឡូវែល រដ្ឋម៉ាសាឈូសេត៕

នេះ​ជា​បទ​សម្ភាសន៍​ផ្តាច់មុខ​ ​របស់​ VOA​ Khmer រវាងលោក​ នៅ វណ្ណារិន​ ​នៃ​ ​VOA ជាមួយ​លោក​ឯក​អគ្គរដ្ឋទូត​សហរដ្ឋ​អាមេរិក​លោក​ William Heidt​ ​ ​ផ្សាយផ្ទាល់​តាម​រយៈ​បណ្តាញសង្គម​ហ្វេសប៊ុក​របស់​ VOA។ បទសម្ភាសន៍នេះ​ជជែកលើប្រធានបទ​ស្តីអំពីស្ថានការណ៍​នយោបាយ​ពេល​បច្ចុប្បន្ន​ ​និង​ចំណង​ការ​ទូត​រវាង​សហរដ្ឋ​អាមេរិក​កម្ពុជា។

កាល​ពី​ថ្ងៃ​ទី២០ ខែ​តុលា កន្លង​ទៅ​នេះ មាន​ការ​បញ្ចាំង​ភាពយន្ត​រឿង​«មុន​ដំបូង​ខ្មែរ​ក្រហម‍​សម្លាប់‍​ប៉ា​របស់​ខ្ញុំ‍» ដល់​ទស្សនិកជន​ខ្មែរ​អាមេរិកាំងប្រមាណ​ជាង​២០០​នាក់​នៅ​តំបន់​ជាយ​រដ្ឋធានី​វ៉ាស៊ីនតោន។ ភាពយន្ត​ជា​ភាសា​ខ្មែរ​ដំបូង​ ដែល​ដឹកនាំ​ដោយ​តារា​ហូលីវូដ​លោកស្រី Angelina Jolie នេះ​ បាន​ទាក់ទាញ​ចំណាប់​អារម្មណ៍​មិន​ត្រឹមតែ​ពលរដ្ឋ​អាមេរិកាំង​ដើម​កំណើត​ខ្មែរ​ ​ដែល​ធ្លាប់​បាន​ឆ្លង​កាត់​ផ្ទាល់​នូវ​រឿងរ៉ាវ​ដ៏​រន្ធត់​ក្នុង​សម័យខ្មែរ​ក្រហម​ប៉ុណ្ណោះ​ទេ​ ប៉ុន្តែ​ថែម​ទាំង​បាន​ទាក់ទាញ​ចំណាប់​អារម្មណ៍​កូន​ខ្មែរ​អាមេរិកាំង​ដែល​ចេះ​ភាសា​ខ្មែរ​ក្នុង​កម្រិត​ផ្សេង​គ្នា​ទៀត​ផង។ លោក សឹង សុផាត នៃ​ VOA ជូន​សេចក្តី​រាយការណ៍​ពី​ទីក្រុង Silver Spring រដ្ឋ Maryland ដូច​តទៅ។

ខណៈ​ដែល​តុលាការ​កំពូល​កម្ពុជា បាន​ប្រកាស​រំលាយ​គណបក្ស​សង្គ្រោះ​ជាតិ​ តាម​បណ្ដឹង​របស់រដ្ឋាភិបាល​នោះ មេដឹកនាំ​អង្គការ​ក្រៅ​រដ្ឋាភិបាល​មួយ​ក្នុង​សហរដ្ឋ​អាមេរិក បាន​ជំរុញ​ឲ្យ​សហរដ្ឋ​អាមេរិក​ពិចារណា​ ប្រើ​ប្រាស់​ច្បាប់​ Magnitsky Act ដើម្បី​ហាមប្រាម​មន្ត្រី​ជាន់ខ្ពស់​កម្ពុជា​ដែល​រំលោភ​សិទ្ធិមនុស្ស​ មិន​ឲ្យ​ចូល​ក្នុង​ទឹកដី​អាមេរិក និង​បង្កក​ទ្រព្យ​សម្បត្តិ​របស់​ពួកគេ ដែល​រក្សា​ទុក​នៅ​អាមេរិក។ លោក សាយ មុន្នី នៃ VOA បាន​សម្ភាសន៍​លោក ព្រហ្ម សៅរ៍​នរ៉ា ប្រធាន​ក្រុមប្រឹក្សាភិបាល​នៃ​អង្គការ​សម្ព័ន្ធមិត្ត​ខ្មែរ-អាមេរិកាំង ​ក្នុង​រដ្ឋធានី​វ៉ាស៊ីនតោន​កាល​ពី​ថ្ងៃ​ទី​១៣ ខែ​វិច្ឆិកា​កន្លង​ទៅ​នេះ៕

ខណៈ​ដែល​រដ្ឋាភិបាល​កម្ពុជា កាន់តែ​បង្កើន​យុទ្ធសាស្ត្រ​បំភិតបំភ័យ​និង​បន្លាច​អ្នក​ប្រឆាំង ​អ្នក​រិះគន់ ​ក្រុម​អ្នកការពារ​សិទ្ធិមនុស្ស ព្រមទាំង​អ្នក​សារព័ត៌មាន​ឯករាជ្យ​ផង​នោះ អ្នក​សារព័ត៌មាន​អាជីព​និង​អ្នកសារព័ត៌មាន​ពលរដ្ឋ​ជាច្រើន នៅតែ​តាំង​ចិត្ត​រក្សា​និង​ឈរ​លើ​គោលការណ៍​វិជ្ជាជីវៈ​របស់​ខ្លួន​ក្នុង​ការ​បន្ត​ផ្ដល់​ព័ត៌មានពិត ដល់​សាធារណជន​ដដែល។ លោក សាយ មុន្នី នៃ VOA បាន​សម្ភាសន៍​លោក ប៉ា ងួនទៀង នាយក​មជ្ឈមណ្ឌល​កម្ពុជា ដើម្បី​ប្រព័ន្ធ​ផ្សព្វផ្សាយ​ឯករាជ្យ ​ក្នុង​ពេល​លោក​បំពេញ​ទស្សនកិច្ច​ក្នុង​រដ្ឋធានី​វ៉ាស៊ីនតោន​កាល​ពី​ថ្ងៃ​ទី​១៣ ខែ​វិច្ឆិកា​កន្លង​ទៅ​នេះ៕

រដ្ឋាភិបាល​កម្ពុជា​នៃ​គណបក្ស​គ្រប់គ្រង​ប្រទេស​របស់​លោក​នាយក​រដ្ឋមន្ត្រី ​ហ៊ុន សែន​បាន​បង្ក្រាប​គណបក្ស​ជំទាស់ ​ប្រព័ន្ធ​សារព័ត៌មាន​ឯករាជ្យ​ និង​អង្គការ​សង្គម​ស៊ីវិល​ឯករាជ្យ​ មុនការ​បោះឆ្នោតជាតិ​ខាងមុខ។ ​ស្ថាន​ការណ៍​នយោបាយ​នេះ ​បាន​បង្កឲ្យ​មាន​ប្រតិកម្ម​ខ្លាំងពី​សហគមន៍​អន្តរជាតិ ​ជា​ពិសេស​ស.រ.អា។ ​នៅឯ​អគារ​សភា ​លោក សុខ ខេមរា ​នៃ ​VOA ​បាន​ជួប​សម្ភាស​ផ្តាច់មុខ​ជាមួយ​លោក​សមាជិក​សភា​ស្ទីវ ឆាបុត ​(Steve Chabot) ​មកពី​រដ្ឋ អូហៃយ៉ូ ​(Ohio) ​ខាង​គណបក្ស​សាធារណរដ្ឋ​ កាលពី​ថ្ងៃពុធ​ទី១ ខែ​វិច្ឆិកា ​ឆ្នាំ ​២០១៧​ អំពីការ​គិតគូរ​របស់​សមាជិក​សភា​អាមេរិក​ទាក់ទង​នឹងរឿង​ទណ្ឌកម្ម​ប្រឆាំង​នឹង​លោក​នាយក​រដ្ឋមន្ត្រី​ ហ៊ុន សែន​ និង​មន្ត្រីរដ្ឋាភិបាល​មួយ​ចំនួន​ដែល​ជាប់​ពាក់ព័ន្ធ​នឹង​ការ​បង្ក្រាប​ក្រុម​ជំទាស់។ ​ទណ្ឌកម្ម​ដែល​សមាជិក​សភា​កំពុង​ គិតគូរ​ទាំងនោះ​មាន​ដូច​មាន​ដូច​ ជាការ​បង្កក​ទ្រព្យ​សម្បត្តិ​ និង​បិទ​ទិដ្ឋាការ​ Visa ចំពោះ​មន្ត្រីមួយ​ចំនួន៕​

ពិធី​បុណ្យ​អុំទូក អកអំបុក បណ្ដែត​ប្រទីប និង​សំពះ​ព្រះខែ ថ្ងៃទី១​ នៃ​ពិធី​បុណ្យ​ដែល​មាន​រយៈពេល​បីថ្ងៃ​ត្រូវ​បាន​ធ្វើឡើង​ក្នុង​រាជធានី​ភ្នំពេញ ដោយ​មាន​ការរឹតបន្តឹង​សន្តិសុខ និង​ការដើរល្បាត​ដោយ​កងកម្លាំង​បំពាក់​ដោយ​អាវុធ។ វីដេអូដោយ កញ្ញា ទុំ ម្លិះ និង លោក Neou Vannarin នៅ វណ្ណារិន នៃVOA៕

អ្នក​ជំនាញ​លើកឡើង​ថា​ គំរូ​សម្រាប់​ការ​អនុវត្ត​លទ្ធិ​ប្រជាធិបតេយ្យ​នៅ​កម្ពុជា​មិន​ល្អ​តាំង​ពី​ពេល​ចេញ​ដំណើរ​ដំបូង​កាលពី​២៦ឆ្នាំមុន​ក្រោយ​ពី​ភាគី​ជម្លោះ​នានា​បាន​ចុះ​ហត្ថលេខា​លើ​កិច្ចព្រមព្រៀង​សន្តិភាព​ទីក្រុង​ប៉ារីស។ ការ​រំលោភ​សិទ្ធិមនុស្ស ​និង​គាបសង្កត់​លើ​គណបក្ស​ប្រឆាំង​មាន​ជា​បន្ត​បន្ទាប់​ ដែល​ស្ទើរតែ​ក្លាយ​ជារឿង​ធម្មតា ប៉ុន្តែ​ចំណាត់ការ​ចុងក្រោយ​របស់​រដ្ឋាភិបាល​កម្ពុជា​បាន​ហួស​មក​ប៉ះពាល់​ដល់​ក្រុម​បស្ចិម​ប្រទេស​ទើប​សភាពការណ៍​បាន​បែកធ្លាយ​ខ្លាំងឡើង។ លោក ម៉ែន គឹមសេង ​នៃ​វីអូអេ ​បាន​សម្ភាស​លោក​ Peter Maguire អ្នក​ឯកទេស​ខាង​ច្បាប់​អន្តរជាតិ​ និង​ជា​អ្នក​និពន្ធ​សៀវភៅ​«ប្រឈម​មុខ​នឹង​មរណភាព​នៅ​កម្ពុជា‍»​ពី​ការ​អនុវត្ត​កិច្ច​ព្រមព្រៀង​សន្តិភាព​ទីក្រុង​ប៉ារីស៕

នៅពេល​តំបន់​អាស៊ី​កំពុង​ផ្តោត​ការ​យក​ចិត្ត​ទុកដាក់​លើ​បញ្ហា​ភេរវកម្ម បញ្ហា​អាវុធ​នុយក្លេអ៊ែ​កូរ៉េ​ខាងជើង បញ្ហា​សមុទ្រ​ចិន​ខាង​ត្បូង ហើយនឹង​សេចក្តី​ត្រូវការ​ភាព​ប្រាកដ​ប្រជា​នៃ​គោល​នយោបាយ​អាមេរិក​ក្នុង​តំបន់ មាន​ក្តី​រំពឹង​ច្រើន​ថា ការ​ចូលរួម​កិច្ច​ប្រជុំ​កំពូល​អាស៊ាន​នៅ​ហ្វីលីពីន​ឆ្នាំនេះ​របស់​លោក​ប្រធានាធិបតី​អាមេរិក ដូណាល់ ត្រាំ នឹង​ធ្វើ​ឲ្យ​មាន​ការ​ជឿ​ទុក​ចិត្ត និង​ស្ថានការណ៍​ប្រសើរ ហើយនឹង​ពង្រឹង​ទំនាក់​ទំនង​ខ្លាំង​ជាងមុន​រវាង​រដ្ឋបាល​ថ្មី​របស់​លោក ត្រាំ និង​តំបន់​អាស៊ី ជាមួយ​នឹង​ការ​ធ្វើឲ្យ​មាន​តុល្យភាព​អំណាច​ក្នុង​តំបន់​រវាង​ចិន និង​អាមេរិក​ផង​ដែរ។ ប៉ុន្តែ ការ​លុបចោល​កិច្ចប្រជុំ​ខ្លះ​នាំ​ឲ្យ​មាន​ការ​ខកចិត្ត​ខ្លាំង​នៅ​អាស៊ី។ លោក សុខ ខេមរា នៃ VOA បាន​សម្ភាសន៍​លោក ឈាង វណ្ណារិទ្ធ អ្នក​វិភាគ​កិច្ចការ​តំបន់​អាស៊ី​ក្នុង​បន្ទប់​ស្ទូឌីយោ​របស់ VOA ក្នុង​រដ្ឋធានីវ៉ាស៊ីនតោន កាលពី​ថ្ងៃ​ព្រហស្បតិ៍ ទី២៦ ខែតុលា ឆ្នាំ២០១៧ អំពី​បញ្ហា​ក្នុង​តំបន់ និង​បញ្ហា​នយោបាយ​កម្ពុជា​ផង​ដែរ។ លោក ឈាង ​វណ្ណារិទ្ធ មើល​ឃើញ​ថា អាមេរិក​មិន​ផ្តោត​ការ​យក​ចិត្តទុកដាក់​រឿង​ទំនាក់​ទំនង​អាមេរិក​អាស៊ី​ទេ។ លោក ដូណាល់ ត្រាំ គ្រោង​នឹង​ចូលរួម​កិច្ចប្រជុំ​នានា ក្នុងពេល​ហ្វីលីពីន ធ្វើជា​ម្ចាស់ផ្ទះ​នៃ​កិច្ចប្រជុំ​កំពូល​អាស៊ាន​ប្រចាំ​ឆ្នាំ នឹង​ប្រព្រឹត្ត​ទៅ​នៅ​ថ្ងៃទី១០ ដល់​ថ្ងៃទី១៤ ខែ​វិច្ឆិកា ឆ្នាំ២០១៧ខាងមុខ៕

សមាជិក​សភា​អាមេរិកាំង​បីរូប​ទៀត​បាន​បន្ត​ថ្កោលទោស​រដ្ឋាភិបាល​លោក​នាយក​រដ្ឋមន្ត្រី ហ៊ុន សែន រឿង​ធ្វើ​ទុក្ខ​បុកម្នេញ​នយោបាយ ដោយ​អះអាង​ថា ការ​រំលាយ​បក្ស​ប្រឆាំង​គឺ​បំផ្លាញ​កម្ពុជា។ លោក សុខ ខេមរា នៃ VOA បាន​ចុះ​យក​ព័ត៌មាន​នៅ​ឯ​រដ្ឋសភា​អាមេរិក ក្នុង​រដ្ឋធានីវ៉ាស៊ីនតោន កាលពីថ្ងៃអង្គារ​បាន​ជួប​សម្ភាសន៍​តំណាងរាស្ត្រ​បីរូប រួច​បាន​រាយការណ៍​ថា ក្រុម​តំណាងរាស្ត្រ​ទាំងនោះ​ជំទាស់​នឹង​ទង្វើ​របស់​រដ្ឋាភិបាល​កម្ពុជា ហើយ​ទទូច​ឲ្យ​មាន​ការ​ដោះលែង​លោក កឹម សុខា ប្រធាន​គណបក្ស​ជំទាស់ និងអនុញ្ញាត​ឲ្យមាន​ការ​បោះឆ្នោត​ដោយ​សេរី និង​យុត្តិធម៌។ សូម​ស្តាប់​សេចក្តី​រាយការណ៍​នេះ​ដូចតទៅ៕