ក្រុម​ប្រជាពលរដ្ឋ​ខ្មែរ​អាមេរិកាំង​បារម្ភ​ថា​ កម្ពុជា​នឹង​ក្លាយ​ជា​ប្រទេស​ផ្តាច់ការ​នៅពេល​អាជ្ញាធរ​គណបក្សកាន់​អំណាច​បានចាប់ខ្លួន​លោក ​កឹម សុខា​ មេដឹកនាំគណបក្ស​ជំទាស់​ហើយ​ ប្រកាស​រំលាយ​គណបក្ស​ជំទាស់​ផងនោះ។​ ក្រុម​ពលរដ្ឋ​ទាំង​នោះ​បាន​និយាយ​ថា ប្រទេស​កម្ពុជា​នឹង​ក្លាយ​ជា​ប្រទេស​ឯកោ​នៅ​លើ​ឆាក​អន្តរជាតិ។​

លោក សុខ ខេមរា រាយការណ៍​ពីរដ្ឋ​វ៉ាស៊ីនតោន​ដូចតទៅ៖

សហភាពអន្តរសភា​បានស្នើសុំ​ឱ្យ​រដ្ឋាភិបាល​កម្ពុជា​ដោះលែង លោកកឹមសុខាប្រធាន​គណបក្ស​សង្គ្រោះជាតិ​និង​ធានាសុវត្ថិភាពរបស់​អ្នកតំណាងរាស្រ្ត​គណបក្ស​ប្រឆាំង​ដែលរត់ភៀសខ្លួនចេញក្រៅ​ប្រទេស​បានវិលមកចូលរួមសកម្មភាព​ឃោសនា​សម្រាប់​ការបោះឆ្នោត​ឆ្នាំ​២០១៨ ខាងមុខ។

លោកម៉ែន គឹមសេងនៃវីអូអេ​បាន​សម្ភាស​លោកស្រី មូរ សុខហួរ​អនុប្រធាន​គណបក្ស​សង្គ្រោះជាតិ​ពីអន្តរាគមន៍​របស់​សហភាព​អន្តរសភា។ សូមលោកអ្នកទស្សនាបទសម្ភាស​នេះ​ដូចតទៅ៖

រដ្ឋាភិបាល​កម្ពុជា បាន​ប្រញាប់​ប្រញាល់​អនុម័ត​វិសោធនកម្ម​ច្បាប់​កាលពី​ថ្ងៃច័ន្ទ​ទី ១៦ ខែតុលា កន្លង​ទៅ​នេះ ដែល​ជា​ការកំណត់​ជោគវាសនា​របស់​មេឃុំ​និង​ចៅ​សង្កាត់​ជាប់ឆ្នោត ចំនួន​៤៨០ នាក់ មកពី​ខាង​គណបក្ស​សង្គ្រោះ​ជាតិ CNRP។ ហើយ​គ្រាដែល​គណៈកម្មការជាតិ​រៀបចំ​ការបោះឆ្នោត បាន​ចុះ​ទៅ​តាម​បណ្តា​ខេត្ត​ដើម្បី​ចុះ​ឈ្មោះ​អ្នកបោះឆ្នោត​សម្រាប់​ការបោះឆ្នោត​ជ្រើសរើស​សមាជិក​សភា​នៅ​ឆ្នាំ​ក្រោយ​នោះ មាន​មនុស្ស​ជាច្រើន​មើល​ឃើញ​ថា នឹង​គ្មាន​ប្រយោជន៍​អ្វី​ក្នុងការ​ចូលរួម​ក្នុងការ​បោះឆ្នោត​នេះ​ទេ។ លោក David Boyle និង​កញ្ញា ទុំ ម្លិះ រាយការណ៍​អំពី​រឿង​នេះ ឲ្យ VOA ពី​រាជធានី​ភ្នំពេញ៕

មន្ទីរ​ពិសោធន៍​តូច​មួយ​នៅ​ក្នុង​ប្រទេស​កម្ពុជា កំពុង​បង្កើត​បច្ចេកវិទ្យា​ជាន់​ខ្ពស់​មួយ​ចំនួន​នៅ​ក្នុង​ផ្នែក​ដោះ​គ្រាប់​មិន​ទាន់​ផ្ទុះ។ ឧបករណ៍​ដែល​បញ្ចូល​បច្ចេកវិទ្យា​បញ្ចូល​រូប​និម្មិត​ទៅ​ក្នុង​ពិភព​ពិត និង​បច្ចេកវិទ្យា​ពិភព​និម្មិត ដែល​បាន​បង្កើត​ឡើង​ដោយ​ក្រុម​អន្តរជាតិ​មួយ​ក្រុម ដឹកនាំ​ដោយ​ជនជាតិ​ខ្មែរ មាន​គោល​បំណង​ធ្វើ​ការ​ផ្លាស់ប្ដូរ​វិធី​បណ្ដុះបណ្ដាល​អ្នក​ដោះ​មីន ឬ​គ្រាប់​មិន​ទាន់​ផ្ទុះ។ អង្គការ Golden West Humanitarian Foundation កំពុង​សហការ​ជាមួយ​នឹង​សាកល​វិទ្យាល័យ​ធំៗ​នានា​ដូចជា​សាកលវិទ្យាល័យ MIT និង​សាកល​វិទ្យាល័យ Villanova នៅ​សហរដ្ឋ​អាមេរិក ឲ្យ​ជួយ​បង្វែរ​នូវ​កេរ្តិ៍តំណែល​វិនាសកម្ម​ដែល​ជា​គ្រាប់​មិន​ទាន់​ផ្ទុះ​នៅ​សេសសល់​ពី​សង្គ្រាម​នៅ​ក្នុង​ប្រទេស​កម្ពុជា ទៅ​ជា​ប្រភព​នៃ​ជំនាញ​មួយ​ដែល​មាន​ការ​កោត​សរសើរ​នៅ​លើ​ពិភពលោក។ លោក David Boyle នៃ VOA រាយការណ៍​អំពី​រឿង​នេះ​ពី​ក្រុង Hua Hin ប្រទេស​ថៃ និង​ទីក្រុង​ភ្នំពេញ ប្រទេស​កម្ពុជា។ លោក ភី សុភាដា ជូន​សេចក្ដី​ប្រែ​សម្រួល​៕

លោក ហុង លីម អ្នកតំណាងរាស្រ្ត​ប្រចាំ​រដ្ឋVictoria ​ប្រទេស​អូស្ត្រាលី​ដែល​មាន​ដើម​កំណើត​ខ្មែរ​បាន​សម្រេច​ថា នឹង​មិន​ឈរ​ឈ្មោះ​ប្រកួតប្រជែង​ក្នុង​ការបោះឆ្នោត​ទៀត​ទេ​នៅ​ពេល​អណត្តិ​របស់​លោក​ផុត​នៅឆ្នាំ​ក្រោយ។ ការ​នេះដោយសារ​លោក​ចង់​ចំណាយ​ពេល​ដើម្បី​ជួយ​ពង្រឹង​សហគមន៍ខ្មែរ​នៅ​ក្រៅ​ប្រទេស​ដើម្បីជួយដោះស្រាយ​បញ្ហា​នានា​ដែលពលរដ្ឋ​ខ្មែរ​កំពុង​ប្រឈមមុខ​នៅក្នុង​ប្រទេស​កម្ពុជា។ ការសម្រេចចិត្ត​នេះ​កើត​មាន​ឡើង​បន្ទាប់​ពី​មាន​ការធ្វើ​ឃាត​លោក​បណ្ឌិត កែម ឡី ដែល​លោក​ ហុង លីម ​យល់​ថា បានផ្តល់​ការវិភាគ​ដ៏ល្អ​ពី​សង្គម​កម្ពុជានិង​ជួយបំផុស​ទឹកចិត្ត​លោក​ឱ្យ​គិតគូដល់​បញ្ហា​ប្រទេស​កម្ពុជា​កាន់តែច្រើន។ លោក ម៉ែន គឹមសេង នៃ VOA បាន​សម្ភាស​លោក ហុង លីម ក្នុង​ពេល​ដែល​លោក​អញ្ជើញ​មក​រដ្ឋធានី​វ៉ាស៊ីនតោន៕

នៅ​ថ្ងៃទី​២៣​ខែតុលា​ខាងមុខនេះ គឺជា​ខួប​លើកទី​២៦​នៃ​ការចុះ​ហត្ថលេខា​លើ​កិច្ចព្រមព្រៀងសន្តិភាព​ទីក្រុង​ប៉ារីស​ដើម្បី​បញ្ចប់​វិវាទ​ជិត​បី​ទសវត្សរ៍​រវាង​ភាគី​ខ្មែរ​នានា។ នៅ​ពេល​នេះ លោក ហុង លីម អ្នកតំណាងរាស្រ្ត​នៃ​រដ្ឋ​វីតូរៀ ប្រទេស​អូស្ត្រាលី​ដែល​ជា​ប្រទេស​ហត្ថលេខី​មួយ​នៃ​កិច្ចព្រមព្រៀង​សន្តិភាព​នេះ​បាន​អញ្ជើញ​មក​សហរដ្ឋ​អាមេរិក​ដើម្បី​ចូលរួម​ប្រារព្ធខួប​លើកទី​២៦នេះ ហើយ​លោក​បាន​ផ្តល់​បទសម្ភាស​ដល់​លោក ម៉ែន គឹមសេង នៃ VOAពី​ការអនុវត្ត​កិច្ចព្រមព្រៀង​ក្នុង​ពេល​កន្លង​មក​នេះ និង​កិច្ចការ​សម្រាប់​អនាគត៕

កម្ពុជា​ចូលរួម​ជាមួយ​អន្តរជាតិ​ដាក់​សម្ពាធ​លើ​កូរ៉េ​ខាងជើង​បញ្ហា​នុយក្លេអ៊ែ ​ដោយ​ចាប់ផ្តើម​ពីការ​បដិសេធ​គណៈប្រតិភូ​ និង​ពិនិត្យ​មើល​សេដ្ឋកិច្ច​ពាណិជ្ជកម្ម​ជាមួយ​កូរ៉េខាងជើង ​នៅពេល​ដែល​មាន​ទណ្ឌកម្ម​ពី​សហរដ្ឋ​អាមេរិក និង​អង្គការ​សហប្រជាជាតិ។ រដ្ឋមន្ត្រី​ក្រសួង​ការបរទេស​ខ្មែរ ​គឺលោក​ ប្រាក់ សុខុន​ បាន​ថ្លែង​ប្រាប់ ​VOA ​ក្នុង កិច្ចសម្ភាសន៍​ផ្តាច់មុខ​មួយ​នៅក្នុង​បុរីញូវយ៉ក​ថា ប្រទេស​កម្ពុជា​សម្រេច​បដិសេធ​គណៈប្រតិភូ​កូរ៉េ​ខាងជើង​មក​កាន់​ប្រទេស​កម្ពុជា​ និង​ត្រួតពិនិត្យ​មើល​សេដ្ឋកិច្ច ពាណិជ្ជកម្ម​នៅ​កម្ពុជា​ផង​ដែរ ​ក្រោយ​ពីកូរ៉េ​ខាងជើង​មិន​ធ្វើ​តាម​សហគមន៍​អន្តរជាតិ​ដើម្បី​បញ្ឈប់​ការ​បាញ់​កាំជ្រួច​មីស៊ីល​ និង​ការ​សាកល្បង​កម្មវិធី​នុយក្លេអ៊ែ​របស់​ខ្លួន។ លោក សុខ ខេមរា នៃវីអូអេ រាយការណ៍លម្អិតពី​ទីក្រុង​ញូវយ៉ក៕

កញ្ញា កឹម មនោវិទ្យា អគ្គនាយក​រង​កិច្ចការ​សាធារណៈ​នៃ​គណបក្ស​សង្គ្រោះ​ជាតិ និង​ជា​កូនស្រី​លោក កឹម សុខា ដែល​កំពុង​ជាប់​ឃុំ​ខ្លួន​ពី​បទ​ក្បត់ជាតិ បាន​ផ្តល់​បទសម្ភាសន៍​ឲ្យលោក ម៉ែន គឹមសេង នៃ​វីអូអេ នៅ​រដ្ឋធានី​វ៉ាស៊ីនតោន អំពី​កិច្ច​ខិតខំ​ប្រឹងប្រែង​នៅលើ​ឆាក​អន្តរជាតិ​របស់​គណបក្ស​ជំនាស់​មួយ​នេះ ដើម្បី​ដោះស្រាយ​វិបត្តិ​នយោបាយ​ក្នុង​ប្រទេស​កម្ពុជា។

កិច្ចសម្ភាសន៍​ផ្តាច់មុខ​រវាង​លោក សុខ ខេមរា នៃ VOA ជាមួយនឹង​លោក ទេសរដ្ឋមន្ត្រី ប្រាក់ សុខុន រដ្ឋមន្ត្រី​ក្រសួង​ការបរទេស​កម្ពុជា កាលពី​ថ្ងៃសៅរ៍​ទី២២ ខែកញ្ញា ឆ្នាំ២០១៧ ក្នុង​បូរី​ញូវយ៉ក អំពី​ស្ថានការណ៍​នយោបាយ​កម្ពុជា រាប់​ទាំង​ការចាប់ខ្លួន​លោក កឹម សុខា បញ្ហា​សិទ្ធិ​មនុស្ស ប្រជាធិបតេយ្យ និង​បញ្ហា​ទំនាក់ទំនង​កម្ពុជា​ជាមួយ​ស.រ.អា ចិន បញ្ហា​វិវាទ​សមុទ្រ​ចិន​ខាងត្បូង​រវាង​ចិន និង​អាស៊ាន ហើយ​នឹង​បញ្ហា​បាញ់​កាំជ្រួច​មីស៊ីល និង​ការសាកល្បង​នុយក្លេអ៊ែ​របស់​កូរ៉េ​ខាងជើង​ផងដែរ៕

រដ្ឋមន្ត្រី​ក្រសួង​ការបរទេស​ខ្មែរ គឺ​លោក ប្រាក់ សុខុន ​ដែល​ជា​អ្នក​តំណាង​កម្ពុជា​នៅ​ឆ្នាំ​នេះ ​បាន​យក​វេទិកា​ពិភពលោក​មួយ​ គឺ​មហា​សន្និបាត​អ.ស.ប ​លើក​ទី​៧២ ដើម្បី​វាយបក​ទៅ​លើ​ប្រទេស​មហា​អំណាច​មួយ​ចំនួន​ ដែល​បាន​រិះគន់​កម្ពុជា​ពី​បញ្ហា​សិទ្ធិ​មនុស្ស ​និង​ប្រជាធិបតេយ្យ​ចុងក្រោយ​នេះ។ លោក សុខ ខេមរា នៃ VOA បាន​ជួប​ធ្វើ​កិច្ច​សម្ភាសន៍​ផ្តាច់មុខ​មួយ​ជាមួយ​លោក​ ប្រាក់ សុខុន​នៅ​ក្នុង​បូរី​ញូវយ៉ក​ បន្ទាប់ពី​លោក​ថ្លែង​សន្ទរកថា​ប្រចាំ​ឆ្នាំ​ទៅ​កាន់​តំណាង​ប្រទេស​យ៉ាងតិច​១៩៣​នោះ ហើយ​បាន​រាយការណ៍​មក​ថា អ្នកតំណាង​ប្រទេស​កម្ពុជា​បាន​បំភ្លឺ​បញ្ហា​ចោទ​ប្រកាន់​នានា និង​ពន្យល់​អំពី​ស្ថានការណ៍​កើតឡើង​ក្នុង​ប្រទេស ដែល​បង្ក​ឲ្យ​មាន​ភាពតាន​តឹង​រវាង​កម្ពុជា​និង​ប្រទេស​លោក​ខាងលិច​មួយ​ចំនួន​ចុង​ក្រោយ​នេះ៕