អ្នក​តំណាងរាស្ត្រ និង​ជា​អ្នកនាំពាក្យ​គណបក្ស​ប្រជាជន​កម្ពុជា គឺ​លោក សុខ ឥសាន បង្ហាញ​ពី​គោលនយោបាយ​នៃ​គណបក្ស​របស់​លោក ក្នុង​ប្រកួត​ប្រជែង​ជាមួយ​គណបក្ស​នយោបាយ​ចំនួន១២ ទៀត​ក្នុងពេល​បោះឆ្នោត​ជ្រើសរើស​ក្រុមប្រឹក្សា​ឃុំ​សង្កាត់ នៅ​ថ្ងៃទី៤ ខែ​មិថុនា។ លោក​ក៏បាន​បកស្រាយ​បញ្ហា​ប្រទាញប្រទង់​មួយ​ចំនួន ដែល​មាន​ការ​ចោទ​ប្រកាន់​ពី​មជ្ឈដ្ឋាន​នានា​អំពី​ការ​ដឹកនាំ​របស់​គណបក្ស​គ្រប់គ្រង​ប្រទេស​នេះ។ លោក សុខ ខេមរា នៃ VOA បាន​សម្ភាសន៍​លោក សុខ ឥសាន កាលពីថ្ងៃទី១៦ ខែឧសភា​កន្លង​ទៅ​នេះ។ សូម​លោក​អ្នក​នាង​ទស្សនា​វីដេអូ​តាមរយៈ​ការ​ផ្សាយ​បន្ត​ផ្ទាល់​តាម​ហ្វេសប៊ុក​នេះ​ដូចតទៅ៕

តំណាង​គណបក្ស​សង្គ្រោះ​ជាតិ លោក ​យឹម សុវណ្ណ បាន​រៀបរាប់​ពី​យុទ្ធសាស្ត្រ និង​គោលនយោបាយ​របស់​គណបក្ស​សង្គ្រោះជាតិ ដើម្បី​ប្រកួត​ប្រជែង​ជាមួយ​គណបក្ស​គ្រប់គ្រង​ប្រទេស​របស់​លោក​នាយក​រដ្ឋមន្ត្រី ហ៊ុន សែន និង​គណបក្ស​នយោបាយ​ជាង​ច្រើន​ផ្សេង​ទៀត ទាក់ទង​នឹង​ការ​បោះឆ្នោត​ជ្រើសរើស​ក្រុម​ប្រឹក្សាឃុំ សង្កាត់​នៅ​ថ្ងៃទី៤ ខែមិថុនា។ លោក សុខ ខេមរា នៃ VOA បាន​សម្ភាសន៍​លោក យឹម សុវណ្ណ កាលពី​ថ្ងៃទី១៥ ខែឧសភា​កន្លង​ទៅ​នេះ។ សូម​លោក​អ្នក​នាង​ទស្សនា​វីដេអូ​តាមរយៈ​ការ​ផ្សាយ​បន្ត​ផ្ទាល់​តាម​ហ្វេសប៊ុក​នេះ​ដូចតទៅ៕

តំណាង​គណបក្ស​នយោបាយ​នានា ឬ​ជា​បេក្ខជន​បាន​ចូលរួម​ពិភាក្សា​នៅ​វត្តសុវណ្ណ​បុប្ផា​ ឬ​វត្តតាមឹម​ស្ថិត​នៅក្នុង​ឃុំ ​វត្ត​តាមឹម​ ក្នុង​ខេត្ត​បាត់ដំបង​  ដោយ​បាន​ឆ្លើយ​នឹង​សំណួរ​ពលរដ្ឋ​ម្ចាស់​ឆ្នោត​ដោយ​ផ្ទាល់​ នៅថ្ងៃ​ច័ន្ទទី​២២​ ខែ​ឧសភា ​ឆ្នាំ​២០១៧ ​ដែលជា​ថ្ងៃទីបីនៃ​ការ​ឃោសនា​រក​សំឡេង​ឆ្នោត​សម្រាប់​ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ​សង្កាត់​ថ្ងៃ​ទី៤​ខែ​មិថុនា។​  កម្មវិធី​ពិភាក្សា​នេះ​រៀបចំ​ដោយ​វិទ្យាស្ថានជាតិ​ប្រជាធិបតេយ្យ​សម្រាប់​កិច្ចការ​អន្តរជាតិ ​NDI  ​របស់​សហ​រដ្ឋអាមេរិក។លោក ​សុខ ខេមរា (Sok Khemara) ​នៃ​វីអូអេ​(VOA) ​បាន​ចុះ​យក​ព័ត៌មាន​នៅ​កន្លែង​ពិភាក្សាហើយ​ជូន​សេចក្តីរាយ​ការណ៍​ពី​ខេត្ត​បាត់ដំបង៕

ក្រុម​អ្នក​ជំនាញ​នៅ​ក្នុង​រដ្ឋធានី​វ៉ាស៊ីនតោន បាន​ជំរុញ​រដ្ឋាភិបាល​អាមេរិក​ថ្មី ក្រោម​ការ​ដឹកនាំ​របស់​លោក​ប្រធានាធិបតី ដូណាល់ ត្រាំ ​ឲ្យ​ពង្រឹង​ទំនាក់​ទំនង​រវាង​អាមេរិក​និង​អាស៊ាន ដោយពួកគេ​លើកឡើង​ថា ការ​ធ្វើ​ដូច្នេះ នឹង​ផ្ដល់​ផល​ប្រយោជន៍​ធំធេង​ដល់​សហរដ្ឋអាមេរិក​ផង ​និង​តំបន់​អាស៊ី​អាគ្នេយ៍​ផង។ លោក សាយ មុន្នី នៃ​វីអូអេ ជូន​សេចក្តី​រាយការណ៍​ពី​រដ្ឋ​ធានី​វ៉ាស៊ីនតោន៕

ការខិតខំ​ប្រឹងប្រែង​របស់​សហគមន៍​ខ្មែរ​នៅ​ទីក្រុង​ឡុងប៊ិច រដ្ឋកាលីហ្វញ៉ា​ដើម្បីឱ្យ​មាន​ការទទួលស្គាល់ពី​សោកនាដកម្ម​នៃ​របប​ប្រល័យ​ពូជសាសន៍​ខ្មែរក្រហម​ត្រូវ​បាន​អាជ្ញាធរ​ក្រុងឡូសអាន់ជឺឡេស និង​អ្នកតាក់តែង​ច្បាប់​ទទួលស្គាល់។ អាជ្ញាធរ​ក្រុង​ឡុងប៊ិច​ក៏​បាន​ប្រគល់​ដី​មួយ​កន្លែង​សម្រាប់​ពួកគេ​សាងសង់​ស្តូប​រំឭក​ដល់​អ្នក​ដែល​បាន​ស្លាប់​បាត់បង់​ជីវិត​ក្នុង​របប​វាលពិឃាត​នោះ​ផងដែរ។ លោក ម៉ែន គឹមសេង នៃ VOA រាយការណ៍​ពី​ទីក្រុង​ឡុងប៊ិច៕

ការអនុវត្ត​កិច្ចព្រមព្រៀង​សន្តិភាព​ទីក្រុង​ប៉ារីស មាន​រយៈ​ពេល​ជាង​២៥​ឆ្នាំ​ហើយ​ដោយ​បាន​នាំ​មក​នូវ​ការទទួល​ស្គាល់​ជា​អន្តរជាតិ​ដល់​ប្រទេស​កម្ពុជា និង​ការអភិវឌ្ឍ​ប្រទេស ប៉ុន្តែ​ផ្នែក​ខ្លះនៃការអភិវឌ្ឍ​ទាំងនេះ​បាន​មក​ដោយសារ​ការបណ្តេញ​ពលរដ្ឋ​ក្រីក្រ​ចេញពី​លំនៅដ្ឋាន។ ហើយ​អ្នកជំនាញ​ក៏មើល​ឃើញ​ថា​ផ្នែក​មួយ​នៃ​កិច្ចព្រមព្រៀង​ដែល​ផ្តោត​លើ​បញ្ហា​ព្រំដែន និង​បូរណភាព​ទឹកដី​កម្ពុជា​ក៏​នៅ​មិន​ទាន់​អនុវត្ត​បាន​ទាំងស្រុង​ដែរ។ VOA បាន​ផលិត​វីដេអូ​ឯកសារ​ ដោយ​ផ្តោត​លើ​បញ្ហា​សេសសល់​មួយ​ចំនួន៕

អតីតនាយករដ្ឋមន្ត្រីទី១ គឺព្រះអង្គម្ចាស់ នរោត្តម រណឫទ្ធិ គាំទ្រប្រទេសកូរ៉េខាង ជើងនិងមហាអំណាចឲ្យមានសិទ្ធិស្មើគ្នាចំពោះការប្រកួតប្រជែងអាវុធនុយក្លេ អ៊ែរ។ ព្រះអង្គមានបន្ទូលដូច្នេះមុនពេលដែលព្រះអង្គដាក់គម្រោងការយាង ទៅកាន់ប្រទសកូរ៉េខាងជើងដើម្បីពង្រឹងកិច្ចសហប្រតិបត្តិការរវាងគណបក្ស រាជានិយមហ្វ៊ុនស៊ីនប៉ិច និងគណបក្សពលករកូរ៉េខាងជើង។ ក្រៅពីនេះព្រះអង្គក៏ បានបង្ហាញព្រះទ័យចង់ជួយកាត់បន្ថយភាពតានតឹងបញ្ហាឧបទ្វីបកូរ៉េទាក់ទង នឹងសង្គ្រាមនុយក្លេអ៊ែរផងដែរ។ លោក សុខ ខេមរា នៃវីអូអរាយការណ៍ រឿងនេះ ពីរាជធានីភ្នំពេញ។

ពលករខ្មែរក្នុងប្រទេសកូរ៉េខាងត្បូងដែលប្រើកម្លាំងជាថ្នូរនឹង លុយកាក់ចញ្ចឹមជីវភាព​បានធ្វើឲ្យថៅកែកូរ៉េខាងត្បូងជាច្រើនរំជួលចិត្តនិងកោតសរសើរដល់ ពលករខ្មែរថា ជាពលករ មានការតាំងចិត្តខ្ពស់នឹងគុណភាពការងារ។

ធ្វើការបណ្តើរថ្លែងប្រាប់វីអូអេ (VOA)បណ្តើរ លោក ឡេង ចាន់រី អាយុ៣៤ឆ្នាំមកពីខេត្ត ពោធិ៍សាត់ បានថ្លែងថា៖ «ខ្ញុំចង់ឲ្យបងប្អូនខ្មែរបានមកឲ្យបានច្រើន ហើយក៍ចង់ឲ្យនៅស្រុកខ្មែរមានការងារល្អ មានការងារបានប្រាក់ខែច្រើនដូចនៅគេដែរ»។ លោកសុខ ខេមរារាយការណ៍ពីទីក្រុង ស៊ូវុន កូរ៉េខាងត្បួង៕​

តុលាការ​រដ្ឋកាលីហ្វញ៉ា បាន​ច្រានចោល​បណ្តឹង​ប្រឆាំង​លោក ហ៊ុន ម៉ាណែត ដែល​ជា​កូនប្រុសច្បង​របស់​លោក​នាយក​រដ្ឋមន្ត្រី ហ៊ុន សែន។ ប៉ុន្តែ ដើម​បណ្តឹង​បាន​ប្តេជ្ញា​ថា នឹង​បន្ត​ការប្តឹង​ផ្តល់​នេះ​រហូត​ដល់​តុលាការ​នៅ​រដ្ឋធានី​វ៉ាស៊ីនតោន នៅក្នុង​សំណុំរឿង​ប្រឆាំង​នឹង​រាជរដ្ឋាភិបាល​កម្ពុជា​ទៀត។ លោក ម៉ែន គឹមសេង នៃ VOA ជូន​សេចក្តី​រាយការណ៍​នេះ ពី​ទីក្រុងឡុងប៊ិច រដ្ឋកាលីហ្វញ៉ា៕

លោក កឹម សុខា ប្រធាន​គណបក្ស​សង្គ្រោះ​ជាតិ កំពុង​ស្ថិត​នៅ​ក្នុង​រដ្ឋធានី​វ៉ាស៊ីនតោន ដើម្បី​ជួបប្រជុំ​ជាមួយ​នឹង​មន្ត្រី​សំខាន់ៗ​របស់​សហរដ្ឋ​អាមេរិក​និង​អ្នកតាក់តែង​ច្បាប់​ក៏​ដូចជា​ស្ថាប័ន​ស្រាវជ្រាវ​គោលនយោបាយ។ លោក បាន​ផ្តល់​បទ​សម្ភាស​ដល់​លោកម៉ែន គឹមសេង​នៃ VOAពី​បេសកកម្ម​នៅ​រដ្ឋធានី​វ៉ាស៊ីនតោន និង​តាម​រដ្ឋ​នានា​ដែល​លោក​ជួប​ជាមួយ​នឹង​ក្រុម​អ្នកគាំទ្រ។ បទសម្ភាសន៍​មាន​សេចក្តី​ជូន​ដូច​តទៅ៖