មក​ដល់​ឆ្នាំ​២០១០ កម្មវិធី​ធ្វើ​ឲ្យ​អំបិល​មាន​ជាតិ​អ៊ីយ៉ូត​ប្រកប​ដោយ​ជោគជ័យ​មាន​ន័យ​ថា បញ្ហា​សុខភាព​ជាប់​ទាក់ទង​នឹង​ការខ្វះ​ជាតិ​អ៊ីយ៉ូត​ភាគ​ច្រើន​បាន​ចប់​ហើយ។ ក៏ប៉ុន្តែ នៅ​ពេល​ដែល​តម្លៃ​នៃ​អំបិល​មាន​ជាតិ​អ៊ីយ៉ូត​បាន​ឡើង​ថ្លៃ​បី​ដង​បន្ទាប់ពី​មហន្តរាយនៅ​រោងចក្រ​នុយក្លែអ៊ែ Fukushima ឆ្នាំ​២០១១​ក្នុង​ប្រទេស​ជប៉ុន អ្នក​ផលិត​អំបិល​ភាគ​ច្រើន​នៅ​ក្នុង​ប្រទេស​កម្ពុជា បាន​ឈប់​ទិញ​អំបិល​បន្ថែម ហើយ​ពួក​អាជ្ញាធរ​ខកខាន​មិន​បាន​ពង្រឹង​ច្បាប់។ ជា​លទ្ធផល គឺ​បញ្ហា​សុខភាព​សាធារណៈ​បាន​លេច​ចេញ​ឡើង​សា​ជា​ថ្មី​ដែល​ភាគ​ច្រើន​គេ​មើល​មិន​ឃើញ។ លោក Robert Carmichael រាយការណ៍​រឿង​នេះ​ឲ្យ VOA ពី​ទីក្រុង​ភ្នំពេញ។ លោក ជឹង ប៉ូជីន ជូន​សេចក្តី​ប្រែសម្រួល៕

ថ្វីបើ​សេដ្ឋកិច្ច​មាន​ភាពរីកចម្រើន​យ៉ាង​ឆាប់​រហ័ស តម្លៃ​ប្រាក់ឈ្នួល​សម្រាប់កម្មករ​សំណង់​នៅ​កម្ពុជា នៅតែ​មាន​កម្រិត​ទាប គឺចាប់ពី ១០.០០០រៀល (២ដុល្លារ ៥០សេន) ឡើង​ទៅ ក្នុង​មួយ​ថ្ងៃ៕

ជនសង្ស័យ​ក្នុង​សំណុំរឿង​បន្ថែម​ អតីត​ទាហាន​ខ្មែរក្រហម​និងពលរដ្ឋ​បាន​ទទូច​ថា​ តុលាការ​ខ្មែរក្រហម​ដែលចូលរួម​ដោយអ.ស.ប.​គួរ​ទម្លាក់​បទចោទ​ ដូចជា​ករណី​អ្នកស្រី ​អ៊ឹមចែម​ដែរ​ ដោយ​យោង​ថា​ ពួកគេ​មិនមែន​ជា​មេដឹកនាំ​ជាន់ខ្ពស់​ឬជាអ្នក​ទទួល​ខុសត្រូវ​ខ្ពស់បំផុត​ទេ។​ លោក ​សុខ ខេមរា ​និង​ លោក ​ពិន ស៊ីសុវណ្ណ​ នៃវីអូអេ​ជូន​សេចក្តីរាយ​ការណ៍​ពីស្រុក​កំរៀង ខេត្តបាត់ដំបង៕​

អ្នកស្រី​អឹុម ចែម​ជនសង្ស័យ​មួយរូបនៃ​សាលាក្តី​ខ្មែរក្រហម​បានអះអាងថា ​អ្នកស្រីបាន​ធូរចិត្តក្រោយ​ពេល​ដែល​សហ​ចៅក្រម​ស៊ើប​អង្កេត​ កាលពីខែកុម្ភះ ទម្លាក់​បទចោទ​ដែល​ពាក់ព័ន្ធ​នឹងឧក្រិដ្ឋកម្មនានា​ក្នុង​សម័យ​ខ្មែរក្រហម ។ ​ចៅក្រម​បាន ចាត់ទុកថា​ អ្នកស្រីអឹុម ចែមមិន ស្ថិត​ក្នុង​យុត្តាធិការ​របស់សាលាក្តី​ឬ​ជា​មេដឹកនាំ​ជាន់ខ្ពស់​បំផុត​និង​ជាអ្នក​ទទួល​ខុសត្រូវ​ខ្ពស់​បំផុត​ទេ។ ​ខ្ញុំបាទ សុខ ខេមរា ​និង ​លោក ​ពិន សីុសុវណ្ណ​នៃ វីអូអេ ​បាន​ធ្វើ​កិច្ច​សម្ភាសន៍​ជាមួយ​អ្នកស្រី​អឹុម ចែម​នៅផ្ទះ​របស់​អ្នកស្រី​កាលពី​ប៉ុន្នាន​ថ្ងៃថ្មីៗ​នេះនៅ​ក្នុង​ឃុំ​ត្រពាំងតាវ​ ស្រុក​អន្លង់វែង​ដែល​ជាតំបន់​អតីត​ខ្មែរក្រហម​ផ្តាច់​ខ្លួន៕

កាលពី​ថ្ងៃទី​១១ខែ​មេសា ឆ្នាំ២០១៧​នេះ គណៈគ្រប់គ្រង​នៃ​ទីក្រុង Los Angeles រដ្ឋ​កាលីហ្វញ៉ា​បាន​ប្រកាសទទួលស្គាល់​ថ្ងៃ​ទី​១៧ ខែមេសា​ថា ជា​ទិវា​រំឭក​ដល់​អ្នក​ដែល​បាន​ស្លាប់​បាត់បង់​ជីវិត​ក្នុង​របប​ខ្មែរ​ក្រហម។ ក្រុម​ខ្មែរ​ក្រហម​បាន​ចូល​កាន់​អំណាចកាលពី​៤២ឆ្នាំ​មុន ហើយ​បង្កើត​នូវ​យុគសម័យ​ប្រល័យ​ពូជសាសន៍​ដ៏​រន្ធត់​មួយ។ លោក ចាប គង់ អតីត​អ្នកការទូត​ខ្មែរ​ដែល​បាន​រត់​ភៀសខ្លួន​មក​នៅ​រដ្ឋ​កាលីហ្វញ៉ា​បាន​រំឭក​ពី​ព្រឹត្តិការណ៍​នោះ និង​ការយល់​ឃើញ​ចំពោះ​ការទទួល​ស្គាល់​ដោយ​គណៈគ្រប់គ្រង​នៃ​ទីក្រុង Los Angeles។ តទៅនេះ ជា​បទសម្ភាស​រវាង​លោក ម៉ែន គឹមសេង នៃ VOA ជាមួយ​នឹង​លោក ចាប គង់៕

ពលរដ្ឋ​ខ្មែរ​ជា​ពលករ ពលការិនី ជា​ច្រើន​ក្នុង​ប្រទេស​កូរ៉េខាងត្បូង បាន​ចូលរួម​លេង​ល្បែង​ប្រជាប្រិយ​ផ្សេងៗ​ក្នុង​ពេល​ចូលរួម​ប្រារព្ធ​ពិធី​បុណ្យ​ចូល​ឆ្នាំ​ប្រពៃណី​ខ្មែរ​ ឆ្នាំ​រកា​ ​កាល​ពី​ថ្ងៃ​អាទិត្យ នៅ​ក្នុង​ក្រុង​ស៊ូវ៉ុន (Suwon) និង​ទីក្រុង​ផ្សេង​ទៀត​ចំ​ពេល​ដែល​កូរ៉េខាងជើង​គំរាម​ធ្វើ​សង្គ្រាម​នុយក្លេអ៊ែរ​ជាមួយ​សហរដ្ឋអាមេរិក និង​កូរ៉េខាងត្បូង។​ លោក​សុខ ខេមរារា​យការណ៍​ពីទីក្រុង Suwon ប្រទេស​កូរ៉េខាង​ត្បូង៕​

ទោះ​ជា​ពិភពលោក​មាន​ក្តី​បារម្ភ​រឿង​ការ​គំរាម​ធ្វើ​សង្គ្រាម​នុយក្លេអ៊ែរ​របស់​កូរ៉េ​ខាងជើង​ប្រឆាំង​នឹង​សហរដ្ឋអាមេរិក​ហើយ​និង​សម្ព័ន្ធ​មិត្ត​ក្តី តែ​សម្រាប់ ព្រះសង្ឃ​និង​ពលរដ្ឋ​កម្ពុជា ដែល​កំពុង​គង់​និង​រស់​នៅ​ជិត​ព្រំដែន​កូរ៉េ​ខាង​ជើង ហាក់​ដូច​មិន​បារម្ភ​ជ្រុល​ហួស​ពេក​ទេ​មក​ដល់​ពេល​នេះ៕

មតិរបស់ព្រះសង្ឃនិងពលរដ្ឋកម្ពុជាក្នុងប្រទេសកូរ៉េខាងត្បូងអំពីបញ្ហាភាពតានតឹងរឿងការសាកល្បងអាវុធនុយក្លេ៊អ៊ែកូរ៉េខាងជើង។ លោកសុខ ខេមរា និងលោកពិន ស៊ីសុវណ្ណ នៃ វីអូអេជូនសេចក្តីរាយការណ៍ពីតំបន់ អ៊ីុម ជីនកាក់ ក្រុង ផាជូ ខេត្ត ខ្យង់គី ប្រទេសកូរ៉េខាងត្បូង ជាប់នឹងព្រំដែនកូរ៉េខាងជើង៕

ខណៈ​ដែល​អ្នក​វិនិយោគ​ក្នុង​ស្រុក​ហាក់​មាន​ភាព​ស្ទាក់ស្ទើរ​ក្នុង​ការ​បោះ​ទុន​វិនិយោគ​លើ​វិស័យ​បច្ចេកវិទ្យា សហគ្រាស​បង្កើត​ថ្មី​ឬ startup ខ្មែរ​មួយ​ចំនួន​បាន​ទទួល​ទុន​វិនិយោគ​ផ្ទាល់​ពី​អ្នក​វិនិយោគ​នៅ​តំបន់​បច្ចេកវិទ្យា Silicon Valley ​របស់​សហរដ្ឋ​អាមេរិក។ សហគ្រាស​បង្កើត​ថ្មី​ទាំង​នេះ​រំពឹង​ថា ជាមួយ​ទុន​វិនិយោគ​ពី​ខាង​ក្រៅ​គួបផ្សំ​នឹង​វិនិយោគ​ក្នុង​ស្រុក​ខ្លះៗ​ផង ពួកគេ​នឹង​មាន​លទ្ធភាពពង្រីក​ពាណិជ្ជកម្ម​របស់​ខ្លួន ដើម្បី​ប្រកួតប្រជែង​ក្នុង​តំបន់​និង​នៅ​ជុំវិញ​ពិភពលោកផង​ដែរ។ លោក សឹង សុផាត ​និងលោក នៅ វណ្ណារិន ​នៃ VOA​ រាយការណ៍​រឿង​នេះ​ពី​រាជធានី​ភ្នំពេញ៕

ក្នុង​រយៈពេល​ប៉ុន្មាន​ខែ​មុន​ការ​បោះឆ្នោត​ក្រុម​ប្រឹក្សា​ឃុំ​សង្កាត់ រដ្ឋាភិបាល​កម្ពុជា​បាន​បង្គាប់​ឲ្យ​វិស័យ​មីក្រូ​ហិរញ្ញវត្ថុ​កំណត់​ការប្រាក់​លើ​កម្ចី​ថ្មី និង​កម្ចី​បន្ថែម​លើ​បំណុល​ចាស់​ ក្នុង​អាត្រា​ខ្ពស់​បំផុត​ត្រឹម​១៨ភាគរយ​ក្នុង​មួយ​ឆ្នាំ។ ស្របពេល​ដែល​អតិថិជន​ថ្មី​រីករាយ​នឹង​សេចក្តី​សម្រេច​នេះ​យ៉ាងហោច​ណាស់​ក្នុង​រយៈពេល​ខ្លី សេចក្តី​សម្រេច​នេះ​បាន​ធ្វើ​ឲ្យ​វិស័យ​មីក្រូហិរញ្ញវត្ថុ​មាន​ការ​ភ្ញាក់​ផ្អើល ដោយ​មាន​ការ​ព្រួយ​បារម្ភ​ថា គ្រឹះស្ថាន​មីក្រូហិរញ្ញវត្ថុ​ខ្លះ​អាច​នឹង​ក្ស័យធន។ យ៉ាងណាមិញ លទ្ធផល​នៃ​ការ​ដាក់​ពិដាន​ការ​ប្រាក់​នេះ​នឹង​បណ្តាល​ឲ្យ​មាន​ការកាត់​បន្ថយ​ការ​ផ្តល់​កម្ចី​ខ្នាត​តូច​ដល់​ប្រជា​ពលរដ្ឋ​តាម​តំបន់​ជនបទ ដែល​ពួក​គេ​នឹង​ត្រូវ​បង្ខំ​ចិត្ត​ខ្ចី​ប្រាក់​ពី​អ្នក​ចង​ការប្រាក់។ លោក Robert Carmichael រាយការណ៍​រឿង​នេះ​ពី​រាជធានី​ភ្នំពេញ ហើយ​នាង ទែន សុខស្រីនិត ជូន​សេចក្តី​ប្រែសម្រួល៕