នៅ​យប់​ថ្ងៃ​អង្គារ ទី៨ ខែវិច្ឆិកា​កន្លង​ទៅ​នេះ តំណាង​គណបក្ស​ប្រជាធិបតេយ្យ​នៅ​ក្រុង Fairfax នៃ​រដ្ឋ Virginiaបាន​រៀបចំ​កម្មវិធី​ថ្លែង​អំណរគុណ​ដល់​អ្នក​ធ្វើ​យុទ្ធនាការ​បោះឆ្នោត​គាំទ្រ​លោកស្រី ហ៊ីឡារី គ្លីនតុន បេក្ខជន​ប្រធានាធិបតី​មក​ពី​គណបក្ស​ប្រជាធិបតេយ្យ ខណៈ​ពេល​ដែល​លទ្ធផល​នៃ​ការ​បោះឆ្នោត​ប្រធានាធិបតី​កំពុង​ត្រូវ​បាន​ផ្សាយ​ជា​បន្តបន្ទាប់។ លោក ម៉ែន គឹមសេង នៃ VOA បាន​ចុះ​យក​ព័ត៌មាន​នៅ​ទី​នោះ ហើយ​ផ្សាយ​ជូន​ផ្ទាល់​តាមរយៈ​បណ្តាញ​ Facebook៕

នៅ​យប់​ថ្ងៃ​អង្គារ ទី៨ ខែវិច្ឆិកា​កន្លង​ទៅ​នេះ តំណាង​គណបក្ស​ប្រជាធិបតេយ្យ​នៅ​ក្រុង Fairfax នៃ​រដ្ឋ Virginia បាន​រៀបចំ​កម្មវិធី​ថ្លែង​អំណរគុណ​ដល់​អ្នក​ធ្វើ​យុទ្ធនាការ​បោះឆ្នោត​គាំទ្រ​លោកស្រី ហ៊ីឡារី គ្លីនតុន បេក្ខជន​ប្រធានាធិបតី​មក​ពី​គណបក្ស​ប្រជាធិបតេយ្យ ខណៈ​ពេល​ដែល​លទ្ធផល​នៃ​ការ​បោះឆ្នោត​ប្រធានាធិបតី​កំពុង​ត្រូវ​បាន​ផ្សាយ​ជា​បន្តបន្ទាប់។ លោក ម៉ែន គឹមសេង នៃ VOA បាន​ចុះ​យក​ព័ត៌មាន​នៅ​ទី​នោះ ហើយ​ផ្សាយ​ជូន​ផ្ទាល់​តាមរយៈ​បណ្តាញ​ Facebook៕

លោក សូ សារ៉េត ដែល​ជា​ពលរដ្ឋ​ខ្មែរ​អាមេរិកាំង​នៅ​ស្រុក​ Stafford រដ្ឋ​ Virginia ចូលរួម​ការ​បោះឆ្នោត​ជ្រើស​រើស​ប្រធានាធិបតី​អាមេរិកាំង នៅព្រឹក​ថ្ងៃទី៨ ខែវិច្ឆិកា ឆ្នាំ២០១៦។​ លោក​ សុខ ខេមរា នៃ VOA បាន​ចុះ​យក​ព័ត៌មាន​ផ្ទាល់ ដើម្បី​សាកសួរ​ពី​ចំណាប់​អារម្មណ៍​របស់​លោក សូ សារ៉េត អំពី​ការ​បោះឆ្នោត​ឆ្នាំ​២០១៦​នេះ៕

លោក ម៉ែន គឹមសេង​នៃ VOA សម្ភាស​លោកស្រី Carol Marek ប្រធាន​រៀបចំ​ការបោះឆ្នោត​ប្រចាំ​សង្កាត់ Lynbrook នៃ​គណបក្ស​ប្រជាធិបតេយ្យ​ក្នុង​ក្រុងFairfax រដ្ឋVirginia៕

ថ្ងៃអង្គារ​ទី៨ ខែវិច្ឆិកា​នេះ ជា​ថ្ងៃបោះឆ្នោត​ជ្រើសរើស​ប្រធានាធិបតី​សហរដ្ឋ​អាមេរិក​ ហើយ​នៅ​ពេល​នេះ​ លោក​សឹង សុផាត​នៃ​VOA បាន​និយាយ​ជាមួយ​ពលរដ្ឋ​ខ្មែរ​អាមេរិកាំង​ពីរ​នាក់​នៅ​រដ្ឋធានី​វ៉ាស៊ីនតោន ដែល​ម្នាក់​គាំទ្រ​លោកស្រី Hillary Clinton ខាង​គណបក្ស​ប្រជាធិបតេយ្យ ហើយ​ម្នាក់​ទៀត​គាំទ្រ​លោក Donald Trump ខាង​គណបក្ស​សាធារណរដ្ឋ ដើម្បី​ស្វែងយល់​អំពី​ទស្សនៈ​របស់​ពួកគេ​ចំពោះ​បេក្ខជន​ទាំងពីរ៕

ខណៈពេល​ដែល​សន្លឹក​ឆ្នោត​របស់​ពលរដ្ឋ​អាមេរិកាំង​នៅ​ទូទាំង​សហរដ្ឋ​អាមេរិក​កំពុង​ត្រូវបាន​រាប់​ជា​បន្តបន្ទាប់​នៅ​តាម​រដ្ឋ​ទាំង​៥០ និង​នៅ​រដ្ឋធានី​វ៉ាស៊ីនតោន​នោះ លោក ប៉ូច រាសី និង នាង ស្រេង លក្ខិណា នៃ VOA បាន​ផ្សាយ​លទ្ធផល​នៃ​ការ​បោះឆ្នោត​នៅ​តាម​រដ្ឋ​មួយ​ចំនួន​ផ្ទាល់​តាម​បណ្តាញ​ Facebook នៅ​រាត្រី​ថ្ងៃអង្គារ ទី៨ ខែ​វិច្ឆិកា​។ ជាពិសេស អ្នក​ទាំងពីរ​ក៏​បាន​បកស្រាយ​អំពី​ប្រព័ន្ធ​ប្រតិភូ ដែល​សហរដ្ឋ​អាមេរិក​អនុវត្ត ដើម្បី​កំណត់​បេក្ខជន​ដែល​ទទួល​បាន​ចំនួន​ប្រតិភូ​២៧០ នឹង​ក្លាយ​ជា​ប្រធានាធិបតី៕

ខណៈ​ដែល​លទ្ធផល​នៃ​ការ​បោះឆ្នោត​ប្រធានាធិបតី​អាមេរិក​ឆ្នាំ​២០១៦​បាន​ចេញ​ជា​សាពរ​នៅ​ពេល​ព្រឹក​ថ្ងៃ​ពុធ ទី៩ ខែ​វិច្ឆិកា ដែល​លោក ដូណាល់ ត្រាំ បេក្ខជន​មក​ពី​គណបក្ស​សាធារណរដ្ឋ​បាន​ក្លាយ​ជា​ប្រធានាធិបតី​អាមេរិក​ទី៤៥​នោះ ពលរដ្ឋ​ខ្មែរ​មួយ​ចំនួន​នៅ​ទីក្រុង​ភ្នំពេញ​បាន​បង្ហាញ​ប្រតិកម្ម​ខ្លះៗ​ជុំវិញ​លទ្ធផល​នៃ​ការ​បោះឆ្នោត​នេះ ជាមួយ​នឹង​លោក នៅ វណ្ណារិន នៃ VOA តាមរយៈការ​ផ្សាយ​ផ្ទាល់​តាម​ Facebook។ ស្របពេល​ជាមួយ​គ្នានេះ ​កញ្ញា កាន់ ​វិច្ឆិកា អ្នក​យក​ព័ត៌មាន​ VOA ដែល​បាន​ទៅ​តាមដាន​លទ្ធផល​នៃ​ការ​បោះឆ្នោត​ផ្សាយ​តាម​ទូរទស្សន៍​នៅ​ស្ថានទូត​អាមេរិក​ប្រចាំ​កម្ពុជា ក៏​បាន​ផ្តល់​ព័ត៌មាន​ខ្លះៗ​ជុំវិញ​ដំណើរការ​បោះឆ្នោត​ប្រធានាធិបតី​អាមេរិក​នេះ​ផង​ដែរ៕

ជាង​មួយ​ឆ្នាំ​ក្រោយពី​សម្រេច​ចាប់ខ្លួន​លោក ហុង សុខហួរ តុលាការ​កម្ពុជា​នៅ​ថ្ងៃច័ន្ទ​នេះ​បាន​កាត់ទោស​សមាជិក​ព្រឹទ្ធសភា​គណបក្ស​សម រង្ស៊ី​ឱ្យ​ជាប់​ពន្ធនាគារ​៧ឆ្នាំ​ពី​បទ​បង្ហោះ​ឯកសារ​ក្លែង​បន្លំ​តាម Facebook។ លោក Jeff Custer នៃ​VOA រាយការណ៍​ពី​រាជធានី​ភ្នំពេញ ហើយ​លោក ពិន ស៊ីសុវណ្ណ ជូន​សេចក្តី​ប្រែសម្រួល៕

ពលរដ្ឋ​អាមេរិកាំង​ ក៏ដូចជា​ពលរដ្ឋ​ខ្មែរ​អាមេរិកាំង​ខ្លះ​បាន​នាំ​គ្នា​ទៅ​បោះឆ្នោត​ជ្រើសរើស​ប្រធានាធិបតី​អាមេរិក​ថ្មី​នៅ​ថ្ងៃ​នេះ ដែល​ត្រូវ​នឹង​ថ្ងៃអង្គារ ទី៨ ខែវិច្ឆិកា ឆ្នាំ​២០១៦។ ដូចគ្នា​នេះ លោក យ័ប គឹមទឹង ដែល​ជា​ពលរដ្ឋ​ខ្មែរ​អាមេរិកាំង​ម្នាក់ និង​ជា​ប្រធាន​សមាគម​ខ្មែរ​អាមេរិកាំង​ដើម្បី​សិទ្ធិ​មនុស្ស និង​លទ្ធិ​ប្រជាធិបតេយ្យ បាន​ទៅ​បោះឆ្នោត​ពី​ព្រឹក​ព្រលឹម ហើយ​លោក សុខ ខេមរា នៃ VOA បាន​សំណេះសំណាល​សាកសួរ​លោក យ័ប គឹមទឹង ពី​ដំណើរការ​បោះឆ្នោត​ប្រធានាធិបតី​អាមេរិក​អាណត្តិ​ថ្មី​នេះ និង​ជាពិសេស​អំពី​សមាសភាព​របស់​បេក្ខជន​ប្រធានាធិបតី​ទាំងពីរ​រូប រួមមាន​ លោកស្រី ហ៊ីឡារី គ្លីនតុន (Hillary Clinton) នៃ​គណបក្ស​ប្រជាធិបតេយ្យ និង​លោក ដូណាល់ ត្រាំ (Donald Trump)៕

ពលរដ្ឋ​អាមេរិកាំង​នៅ​សង្កាត់ Fairfax នៃ​រដ្ឋ Virginia ​បាន​នាំ​គ្នា​ទៅ​បោះឆ្នោត​ជ្រើស​រើស​ប្រធានាធិបតី​អាមេរិក​ថ្មី​នៅ​ថ្ងៃ​នេះ ដែល​ត្រូវ​នឹង​ថ្ងៃ​អង្គារ ទី៨ ខែ​វិច្ឆិកា ឆ្នាំ​២០១៦។ លោក ម៉ែន គឹមសេង នៃ VOA បាន​ចុះ​យក​សេចក្តី​រាយការណ៍​នៅ​មណ្ឌល​បោះឆ្នោត​មួយ​កន្លែង​ឈ្មោះ វិទ្យាល័យ JEB Stuart នៅ​សង្កាត់ Fairfax នេះ ដើម្បី​ពិនិត្យ​មើល​ដំណើរការ​បោះឆ្នោត​ប្រធានាធិបតី​អាមេរិក​ថ្មី ដែល​មាន​លោកស្រី ហ៊ីឡារី គ្លីនតុន (Hillary Clinton) នៃ​គណបក្ស​ប្រធាធិបតេយ្យ និង​លោក ដូណាល់ ត្រាំ (Donald Trump) នៃ​គណបក្ស​សាធារណរដ្ឋ ឈរ​ឈ្មោះ​ជា​បេក្ខជន​ប្រធានាធិបតី៕