Kompas

Vir talle matrikulante is die matriekafskeid die hoogtepunt van hulle finale skooljaar. Oktober is gewoonlik die maand van die matriekafskeid. Tenita Kidelo hoor by ‘n paar skole of hulle vanjaar matriekafskeid hou of nie, en hoor by leerders hoe hulle hieroor voel. Sy gesels ook met Zeldine Vos wat Suid Afrika aanstaande jaar as Miss Teen SA in Europa sal verteenwoordig.

Christopher Banda, die senior kurrikulumbeplanner vir Afrikaans (Graad 10 tot 12) by die Wes-Kaap Onderwysdepartement, doen hersiening van gedigte in die vak, Afrikaans Huistaal.

Tenita Kidelo en Ismail Teladia doen Lewensoriëntering-eksamenvoorbereiding vir alle grade.

Om ‘n verskil te maak, laat nie net ‘n warm gevoel in jou hart nie, dit dra ook by tot die ontwikkeling van jou menswees. Vir Griffen Pieterse, ‘n leerder van Hoërskool Hexvallei, lê die aarde en herwinning hom na aan die hart. Tenita Kidelo gesels met hom oor die skool se herwinningsprojek. Tenita gesels ook met Aretha Beerwinkel, ‘n uitblinker skaakspeler.

Tenita Kidelo gesels met Larnelle Lewies oor die jongste mode- en skoonheidstendense.

Tenita Kidelo praat met Patsy Marthinussen oor hoe ouers hulle kinders tuis kan ondersteun om getalvaardighede te verbeter. Sy fokus op Graad R, 1, 2 en 3 leerders.

Wiskunde-onderwyser Salome Madden doen hersiening van die afdeling, Data en Statistiek.

Die term,  kleindorpiesindroom, word dikwels deur jongmense van klein dorpe gebruik om die mentaliteit van sommige in hulle gemeenskap te beskryf. Dit gaan dikwels gepaard met negatiwiteit, en die min of geen ondersteuning of begrip vir 'n ander se droom. Carmilla Ramohlabi van Orchard vertel hoe in weerwil van hierdie negatiwiteit, steeds haar droom om 'n sielkundige te word, nagejaag het.

Met die eindeksamen om die draai aan die einde van 'n buitengewone skooljaar, is matrikulante se stresvlakke hoog. Tenita Kidelo gesels met Elzeth Conradie van Procare oor hoe om stres te beheer.

Tenita Kidelo praat met Christopher Banda oor Afrikaans Huistaal, en wat matrikulante in die verskeie vraestelle kan verwag.