Azken urteetan, Etxepare lizeoak aktiboki hartu du parte errigorak udazkenean egiten duen kanpainan. Aurten, urte berezia izanki, hamar urte betetzen bai ditu errigorak, etxepartar ikasleak opari bat egin nahi izan diote errigora osatzen duen komunitateari. Horretarako Mila Arangoits, Ana Mondragon eta Mendi Etchoan ikasleek kanta bat prestatu dute, Benito Lertxundiren erribera kantuaren doinuarekin eta DjBull-en gaitaren laguntzarekin.
Urtero Nafarroa hegoaldeko mozkinez osatutako saskietan, betiko produktuez gain, gutun bat atxemanen duzue, urte berezi hau ospatzeko gisan. Bideoan ikusi daitekeen bezala, Etxepareko ikasleek, Urruñako ikastolako haurrek, aek-ko ikasleek, eta Udalekuko haurrek 700tik gora gutun osatu dituzte marrazki eta mezu euskaltzaleez beteak.
Oroitu inoizko kanpainarik handiena izatea duela xede aurtengoak eta Azaroaren 9ra bitartean ikastola, gau eskola eta ohiko tokietan, edo internetez egin daitekela eskaera.
Herri egiten gaitu errigorak.
