Kora Cafe - كورة كافيه

By Kora Cafe - كورة كافيهSports Soccer

Kora Cafe - كورة كافيه episodes

May 27, 2024 تن هاج عملها— سام مرسي ملوش ظهر—تشيلسي و بايرن بيلعبوا بالنار Episode 12
أسبوع كله مفاجآت. مانشستر يونايتد يخطف كاس إنجلترا من السيتي. جاسبيريني يسكت الونسو و يسلمه اول هزيمة. توني كروس يفاجئ الجميع باعتزاله. و دوامة المدربين تدور علي بوتشيتينو، دي زيربي و تشافي
في فقرة حلي بالمحلي نبارك للنادي الأهلي ببطولة أفريقيا و نتسائل تاني ازاي سام مرسي متاخدش في المنتخب.
1 hr 23 min
May 20, 2024 السيتي اقوي فريق في تاريخ الدوري — غلطة ارسنال اللي خسرتهم — كلوب صعب يتكرر تاني episode 11
مبروك الدوري للسيتي. أرسنال منافس شريف. كلوب يودع الدوري الإنجليزي. و تشكيلة الموسم السنة دي. اسمعوا معانا.
1 hr 9 min
May 13, 2024 معافرة ارسنال و مشاكل مانشستر يونايتد — انهي مدريدي هيبقي احسن لعيب في العالم؟ حد هيوقع السيتي؟
Episode 10
آرسنال يكسر أرقامه القياسية ب٢٧ فوز في موسم واحد، اكتر حتي من موسم اللا خسارة بتاع ٢٠٠٣/٤. أرسنال عنده افضل دفاع و اكتر ماتشات بشباك نظيفة. أرسنال كسب ١٥ من اخر ١٧ ماتش. و لكن كل ده ما زال لا يكفي لفوز الدوري لو السيتي مخسرش او اتعادل ماتش من ماتشينه الجايين. موسم نار يوريك قد ايه بقي صعب ان حد يكسب سيتي و ياخد الدوري.
ماتش غريب من ارسنال ضد مانشستر.و في دوري الابطال، الدون كارلو يوصل النهائي بشياكة في نصف نهائي خطير. الناحية التانية باريس يسجل اكتر من ٣٠ شوطة و تقريبا ١٠٠ كرة في العارضة بس برضه يخسر من دورتموند.
و في اليوروبا ليج نهائي خطير بين ليفيركوسن اللي كسروا اكتر عدد ماتشات بدون هزيمة في اوروبا، و اتالانتا اللي
تغلبوا علي مارسيليا في نصف النهائي.
الشباب بيحددوا مين احسن لعيب و اسوأ لعيب في ارسنال، ليفربول و مانشستر سيتي. و كمان بيختاروا تشكيلة الاسبوع.
وفي فقرة حلي بالمحلي، الزمالك و الاهلي في طريقهم للنهائي. و الهلال السعودي يكسب الدوري.
1 hr 13 min
May 06, 2024 Episode 9 —هالاند و رايس يتألقون — مدريد يحتفل — الخناقة بين الدوري السعودي و الدوري الامريكاني
رايس يقود الأرسنال لثلاثية نظيفة ضد بورنموث و لكن مهاجم الدرجة التانية علي راس روي كين، يسجل أربعة
أهداف ليقتل آمال مشجعي أرسنال.
فودن يفوز بتصويت احسن لعيب في الدوري و ديفيد رايا يفوز بالقفاز الذهبي.
ليفربول يسحق توتنهام و عودة الفورمة لمحمد صلاح.
توتنهام ما زال يعاني وغير متوقع انه يقدر يوقع السيتي.
تشيلسي يتألق ضد وست هام بخماسية بالرغم من غياب انزو.
و دوري الأبطال مولع مع مفاجاة دورتموند و اداء مدريد القوي.
ريال مدريد يحسم الدوري رقم ٣٦ بشياكة.
و فقرة خاصة عن الدوري السعودي و الخناقة اللي بتحصل
ما بينه و بين الدوري الأمريكي الMLS.
وكمان المصري سام مرسي يصبح اول كابتن مصري يصعد بقريقه الي الدوري الإنجليزي الممتاز بعد موسم قوي جدا لابسويتش.
‎00:00 مقدمة و لاعب الأرسنال اللي أدي بشكل قوي ضد بورنموث
‎06:30 رقم قياسي جديد لجوارديلا و السيتي
‎09:20 مين احسن حارس مرمي في الدوري السنة دي؟
‎13:13 فودن يفوز بتصويت احسن لاعب للكتاب — مين احسن لعيب في الدوري؟
‎16:05 هل فيه أمل ان توتنهام تكسب السيتي؟
‎23:20 محمد صلاح يحطم رقم قياسي جديد
‎25:13 مشروع تشيلسي يبدأ يبين ملامحه
‎27:30 هل تشيلسي بيلعب احسن من غير انزو فرناندز؟
‎31:24 هل سام مرسي يستحق يلعب مع المنتخب المصري؟
‎34:43 سرقة من ريال مدريد تخليهم اقوي فرقة في السنين القادمة
‎38:30 مشروع السيتي في الدوري الإسباني يحتل المركز الثاني و يهزم برشلونا
‎41:15 دورتموند يثبت ان الفلوس مش كل حاجة
‎42:39 هل سانشو بيثبت ان المشكلة كانت في تين هاج؟ و لاعب تاني في دورتموند يخطف الأنظار
‎44:30 ريال مدريد و بايرن ماتش تاريخي و كروس يتألق
‎47:12 توقعات ماتشات الإياب في دوري الأبطال
‎50:15 ايه سبب مشاكل الفرق الإنجليزية في أوروبا؟
‎52:11 فريق الأسبوع في الدوري الإنجليزي
‎56:00 خناقة مثيرة بين الدوري السعودي و الدوري الأمريكي
‎1:07:30 حلي بالمحلّي: علي معلول يصبح ثالث كابتن غير مصري للأهلي — اللعيب اللي حتي جماهير الزمالك مش
‎عارفة تكرهه
1 hr 12 min
April 29, 2024 Episode 8 — أسبوع كبير لأرسنال و لكن قطار السيتي لا يتوقف — القصة المثيرة وراء اختيار ليفربول لسلوت
آرسنال يهزم توتنهام في ديربي لندن و يسحق تشيلسي بخماسية في ستاد الإمارات. و لكن السيتي يواصل انتصاراته.
ليفربول يخسر ديربي الميرسيسايد و يؤكد خروجه من منافسة الدوري. في نفس الأسبوع يعلن ليفربول عن مدربه البديل لكلوب: آرتي سلوت، مدرب فينيورد الحالي. و ايه اللي حصل ما بين كلوب و محمد صلاح ده!!
مين ده؟ و ايه علاقته بمايكل إدواردز و بيلي بين مخترع فكر ال moneyball؟ اسمعوا قصة ممكن تفهمكم اختيار ليفربول لمدربهم الجديد.
في اخبار تانية، تشافي يعلن استمراره مع برشلونا و بايرن
يحاوروا رانجنيك
اسمعوا معانا حلقة جديدة من كورة كافيه!
#كرة_القدم #ارسنال #premierleague #podcast #برشلونا #ليفربول #محمد_صلاح
1 hr 8 min
April 22, 2024 Episode 7 - ارسنال و ليفربول و سيتي يعودوا للفوز بعد خروجهم من أوروبا
الفرق الإنجليزية إلا استون فيلا تخرج من أوروبا في وقت واحد. آرسنال و ليفربول يكسبوا ماتشاتهم ضد وولڤز و فولهام، بس هل ده يواسي وجع خروجهم من دوري أبطال أوروبا؟ مانشستر سيتي يوصل لنهائي الكاس. و ايه سبب سقوط آرسنال و ليفربول و سيتي في أوروبا؟ ايه تاثير خروج الفرق الإنجليزية علي فرص توتنهام في دخول أوروبا السنة الجاية؟ و انهي لعيب عنده احلي first touch في تاريخ الكورة؟ كل ده و اكتر في الحلقة الجديدة من كورة كافيه.
1 hr 10 min
April 15, 2024 Episode 6 - السيتي يتصدر الدوري بعد انهيار آرسنال و ليفربول
السيتي يتصدر الدوري بعد خسارة ارسنال و ليفربول. علي سيتي ممكن يقع في ال٦ ماتشات الجايين؟ هل العامل البدني هو السبب في خسارة أرسنال؟ ايه سر الفرص الضايعة في هجوم ليفربول؟ و ايه اللي حصل في دوري أبطال أوروبا ده؟ اسمعوا معانا.
1 hr 1 min
April 08, 2024 Episode 5 - عودة ارسنال للصدارة بعد تعادل ليفربول
اسبوع فيه ماتشين لكل الفرق. ارسنال و سيتي يكسبوا ماتشاتهم و لكن ليفربول يكسب ماتش و يتعادل مع مانشستر يونايتد في مباراة قوية. بنتكلم كمان عن اسخن ماتشات في الاسبوع زي ماتش مانشستر يونايتد و تشيلسي, و نيو كاسل و فولهام. في الدوري الالماني, ليفيركوسن قرب يحسم الدوري رسميا. و عندنا فقرة حلي مع المحلي, بنتكلم عن الاهلي و وصوله نصف النهائي. اسمعوا معانا
56 min
April 01, 2024 Episode 4 - ليفربول يتصدر الدوري بعد ملحمة الاتحاد
حلقة خاصة مع ضيف خاص، صديقنا العزيز و الإعلامي الكبير محمد هاشم هو معد الحلقة النهاردة. ليفربول في صدارة الدوري بعد ماتش عصيب بين أرسنال و سيتي ينتهي بالتعادل السلبي. مانشستر يونايتد في اسوأ مبارياته في الموسم. نيوكاسل يلعب مباراة تاريخيّة. و العميد يخسر اول مبارياته مع المنتخب. كمان هنتكلم عن قصة كورة كافيه و ازاي بدأناه و ليه. اسمعوا معانا.
55 min
March 25, 2024 Episode 3- المنتخب المصري، المباريات الدولية و قوانين الFFP في الدوري الإنجليزي
اول مباريات المنتخب المصري تحت قيادة الأسطورة حسام حسن و توأمه إبراهيم. بنتكلم عن ماتش مصر و نيوزيلاندا. و كمان بنتكلم عن قوانين الربح و الاستدامة و الfinancial fair play في الدوري الإنجليزي اللي أتسبب في سحب نقاط من ٣ فرق في الدوري و احتمال كمان مانشستر سيتي. اعرف معانا كل التفاصيل. في آخر الحلقة بنتكلم عن ماتشات البرازيل و إنجلترا و ألمانيا و فرنسا، و الشباب بيقدموا التشكيلة المثالية لفرنسا و إنجلترا.
1 hr 11 min

About Kora Cafe - كورة كافيه

From the publisher's feed

كورة كافيه بودكاست، نفس كلام الكورة اللي بنحكّيه عالقهوة. بنلخص الأسبوع في الدوري الإنجليزي الممتاز و نتكلم عن دوريات تانية زي الدوري المصري و التشامبيونز ليج. بنتكلم برضه عن إدارة الأندية و تجارب بلاد تانية في تنمية الكورة عندهم.