Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Walk for Sight | Saamstap vir ’n goeie doel
    Vandag op Gemeenskap Kalender gesels Elmero Strauss met Christelle en Sima oor Walk for Sight, ’n besonderse bewusmakings- en fondsinsamelingsstap wat op 10 Oktober plaasvind.

    Hulle vertel meer oor waarom hierdie inisiatief so belangrik is, hoe dit ’n verskil maak en hoe die gemeenskap kan saamstap vir ’n goeie doel.
    8 min
  • Houthi-geweld ontheem 94 000
    Onlangse verslae van die Verenigde Nasies beklemtoon 'n skerp toename in die ontworteling van burgerlikes, aangedryf deur eskalerende militêre operasies en die opmars van Houthi-magte. Ongeveer 125 000 mense van 18 000 huishoudings is sedert die begin van September alleen ontheem. Die VN se Internasionale Organisasie vir Migrasie het verder bevestig dat byna 94 000 mense onlangs in die suidweste van Jemen ontwortel is weens aktiewe gevegte tussen regeringsmagte en Houthi-rebelle. Die adjunk-woordvoerder van die VN Farhan Haq.
    1 min
  • Saftu reageer op Kempton-moorde
    Die Suid-Afrikaanse vakbondfederasie Saftu sê die land handhaaf wêreldwyd steeds die hoogste vlakke van geweld teen vroue, maar te veel oortreders glo hulle kan sonder enige gevolge optree. Die dood van vyf vroue in en om Kemptonpark in Ekurhuleni word steeds ondersoek, nadat hulle liggame vroeër gevind is. Saftu se woordvoerder, Asive Dyani, sê geslagsgeweld en vrouemoord is nie geïsoleerde misdade nie, maar simptome van 'n veel dieper maatskaplike krisis:
    1 min
  • Naretu sê strenger strawwe sal nie dronkbestuur oplos nie
    Die Namibia Revolutionary Transport and Manufacturing Union, Naretu, sê strenger strawwe alleen sal nie die dronkbestuur-krisis oplos nie. Dit volg op president Netumbo Nandi-Ndaitwah se oproep vir strenger strawwe vir motoriste wat onder die invloed van alkohol bestuur. Naretu se leier, Petersen Kambinda, sê aan Kosmos 94.1 Nuus dat die hele stelsel vir bestuurslisensies ook hersien moet word en dat verpligte opleiding in defensiewe bestuur vir alle motoriste ingestel moet word.
    1 min
  • Sally Field bring hulde aan Dolly Parton
    Die 78ste Emmy-toekennings het in Los Angeles afgesluit met The Pitt wat groot gewen het. Oudergewoonte was daar emosionele oomblikke en Sally Field, wat die toekenning gewen vir uitmuntende hoofaktrise vir haar rol in Remarkably Bright Creatures, gewen het, het hulde gebring aan haar jare-lange vriendin Dolly Parton.
    1 min
  • Ministerie herinner aan hoër minimumloon vir sekuriteit
    Die arbeidministerie maak dit duidelik dat sekuriteitswerkers die hoër nasionale minimumloon betaal moet word, ongeag laer tariewe wat in 'n kollektiewe ooreenkoms vervat is. Die ministerie sê sekuriteitswagte in die konstruksiebedryf moet vanjaar minstens 16 Namibiese dollar per uur ontvang, wat vanaf Januarie 2027 tot 18 dollar per uur sal styg. Die ministerie se woordvoerder, Jeremia Namalenga, sê die nasionale minimumloon geniet voorrang waar 'n kollektiewe ooreenkoms minder gunstige vergoeding bepaal.
    1 min
  • Amodei sê KI word gereguleer
    Die regulering van KI bly in die nuus. In sy onderhoud met Anderson Cooper op CNN, het Dario Amodei, uitvoerende hoof van Anthropic, die maatskappy se benadering tot die toetsing van gevorderde modelle en die bestuur van KI-veiligheid bespreek. Amodei sê hulle gebruik onafhanklike inspekteurs.
    1 min
  • SA publiek moenie bespiegel oor N1-ongeluk nie
    Die Suid-Afrikaanse Nasionale Taxiraad in die Wes-Kaap maan die publiek om nie oor die oorsaak van die dodelike ongeluk op die N1 te bespiegel of skuldiges uit te wys voor die feite bepaal is nie. Een-en-twintig mense is dood na 'n botsing tussen twee minibus-taxi's en 'n stasiewa tussen Prins Albert-weg en Leeu-Gamka. Die provinsiale voorsitter van SANTACO, Besuthu Ndungane, sê die tragedie is 'n herinnering dat elke reis die verantwoordelikheid meebring om lewens te beskerm:
    1 min
  • Schlettwein: Land se ontwikkeling moenie ten koste van omgewing geskied nie
    Oud-landbouminister Calle Schlettwein sê die land se ontwikkelings moenie ten koste van die omgewing geskied nie. Dit volg op die teiken wat deur die Nasionale Beplanningskommissie se direkteur-generaal, Kaire Mbuende, gestel is om sekondêre nywerhede teen 2030 tot 25 persent van die BBP te laat groei. Mbuende sê omgewingskwessies moet nie die land se ontwikkeling kniehalter nie. Schlettwein sê ekonomiese groei moet gepaardgaan met omgewingsbewaring en maatskaplike ontwikkeling, want ons lewens hang daarvan af.
    1 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…