Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Baboon City: Stad Whk erken hom nie, weet niks van vergadering nie
    Stad Windhoek weier om Baboon City, 'n groeiende informele nedersetting agter Rocky Crest en Pionierspark te erken, en hou vol dat die gebied skoongemaak en na sy oorspronklike toestand herstel moet word. Volgens stadswoordvoerder Lydia Amutenya is die grond deel van 'n stuk wat aan die China Railway Seventh Group Namibia verhuur word en dus is dit die maatskappy se verantwoordelikheid om die plakkers uit te sit. Rondom 800 mense woon reeds tien jaar lank daar. Intussen sê die inwoners hulle wil met die stad vergader maar Amutenya sê aan Kosmos 94.1 Nuus dat geen formele versoek vir 'n vergadering ontvang is nie.
    1 min
  • Waarmee is olifant Apollo besig?
    Die bulolifant wat laat in 2019 uit die Swakopmund-gebied verskuif is, het hom ten volle op die Zannier-reservaat aangepas en tree op as leier vir jonger bulle. Marlice van Vuuren, medestigter van die N/a'an ku sê-stigting, het aan Kosmos 94.1 Nuus gesê data van satelliet-halsbande toon dat die 25-jarige olifant, Apollo, 'n voedingsgebied gevestig en sy gesondheid herwin het. Van Vuuren sê dat dit wys hoe strategiese hervestiging mens-dier konflik kan oplos en probleemdiere 'n lewensvatbare tweede kans kan bied:
    1 min
  • 9/11: Dis 25 jaar vandag
    Vandag is dit 25 jaar sedert die terroriste-aanvalle op Amerika op 11 September 2001. Maar daar is ‘n parallel met Namibië. Vir jonger geslag wat destyds nie geleef het nie, is 9/11 'n tragedie wat hoofsaaklik deur stories, skoollesse, digitale argiewe en sosiale media bekend is, wat tot apatie lei, nes plaaslik met die bevrydingstryd. Kosmos 94.1 Nuus het met die afgetrede Amerikaanse diplomaat Brooks Specter gepraat, wat sê ouer geslagte moet die gees van 9/11 lewend hou.
    1 min
  • NAB sê oor uitdagings met mielie-bemarking
    Daar is 'n bemarkingsagterstand vir die groot 110 000 ton witmielie-oes omdat meulenaars minder graan aankoop. In 'n onderhoud met Kosmos 94.1 Nuus sê die algemene bestuurder van die Namibiese Akkerbouraad, Gilbert Mulonda, dit is hoofsaaklik omdat hulle nie meer mieliemeel aan die skool-voedingsprojek voorsien nie. Meer as 20 000 ton is onbemark in die Karstgebied, maar die Hardap-streek se opbrengs is alles verkoop. Mulonda het egter goeie nuus:
    1 min
  • Hemelhoë inflasie kan repokoers raak
    Die inflasiekoers het in Augustus tot 5 persent gestyg, die hoogste vlak sedert Februarie 2024. Terwyl stygende inflasie druk op rentekoerse kan plaas, sê Robert McGregor van Cirrus dat die Bank van Namibië ook ekonomiese groei, kredietverlening en internasionale reserwes sal oorweeg wanneer hy sy volgende repokoersbesluit in Oktober neem. Hy het met Kosmos 94.1 Nuus gepraat:
    1 min
  • Nuus om 06:00
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    4 min
  • Vrydag, 11 September 2026
    In jou finansiële nuus vanoggend: Dis daai tyd van die jaar - genoteerde maatskappye se finansiële resultate klingel groot geld. KosmosKapitaal loer vanoggend na FirstRand Namibia se boeke en gesels met Ben Jooste, uitvoerende hoof van Oryx Properties, oor dié eiendomsgroep se jongste vertoning.
    4 min
  • Morero vra Joburg-inwoners om onwettige kragverbindings aan te meld
    In Suid-Afrika doen Johannesburg se burgemeester, Dada Morero, ʼn beroep op inwoners om onwettige elektrisiteitsverbindings aan te meld en te help om elektrisiteitsinfrastruktuur te beskerm. Die metro verloor na raming sowat 29-persent van sy elektrisiteit. Dit word grootliks toegeskryf aan onwettige verbindings, gepeuter met meters, diefstal en elektrisiteitsverbruik wat nie gemeet word nie. Morero sê die gevolge strek verder as finansiële verliese.
    1 min
  • Namport skenk N$2,68m aan Oshikoto-streek vir boorgate
    Die Oshikoto-streek se planne om boorgate in veral klein nedersettings te rehabiliteer en installeer is nou 2,68 miljoen Namibiese dollar sterker. Dit, na ‘n reuse skenking aan die streek deur Namport. Sy uitvoerende hoof, Andrew Kanime, sê in ‘n droë land soos Namibië vorm watersekerheid die fondasie van alledaagse lewe.
    1 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…