Kosmos 94.1

Minister van Binnelandse Sake en Veiligheid, Lucia Iipumbu, sê die 40 miljoen Namibiese dollar wat aan haar ministerie tydens die hersiene mediumtermyn-begroting vir 2026/27 toegeken is, sal gebruik word om bestaande polisie-infrastruktuurprojekte te voltooi en hou nie verband met die verbetering van die president se sekuriteit nie. Sy het die verduideliking tydens ’n debat in die Nasionale Vergadering gegee en gesê die projekte sluit polisiegeriewe in Epako in Gobabis, Greenwell Matongo in Katima Mulilo en Babylon in Katutura in. Volgens Iipumbu sal die befondsing toegang tot polisiedienste verbeter en veiligheid in gemeenskappe versterk.

Die uitvoerende beampte van Suid-Afrika se Rooivleisprodusente-organisasie (RPO), dr. Frikkie Maré, sê Namibië moet nie net op die bekamping van bek-en-klouseer fokus nie, maar ook beplan hoe hy toegang tot sy uitvoermarkte gaan herstel. Maree het op 8 en 9 Oktober saam met verteenwoordigers van die RPO, die Rooivleisbedryfsforum en Agri-ESO met die Namibiese Landbou-unie oor die uitbreking en moontlike oplossings gesels. Hy sê die verlies aan marktoegang kan langdurige ekonomiese gevolge vir Namibiese produsente en die vleisbedryf inhou.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Luister na vandag se boodskap met Ds. Johan Els

Die DA eis geregtigheid ná die noodlottige skietvoorval waarin sy koukusleier in Metsimaholo, Thulani Mbana, Maandagaand in die Vrystaat doodgeskiet is slegs 'n week voor die plaaslike regerings-verkiesing. Mbana was ook 'n raadslid en het voorheen as lid van die burgemeesterskomitee vir Ruimtelike Beplanning en Menslike Nedersettings gedien. Die provinsiale polisiekommissaris, Solly Lesia, sê die motief vir die moord is steeds onbekend. Roy Jankielsohn van die DA dring aan die skuldiges moet voor die gereg gebring word:

Logistieke-kenner John Saunderson sê die verbinding tussen Lüderitz en Walvisbaai deur 'n voorgestelde nuwe teerpad gaan nie net oor die verbetering van vervoer nie, maar ook oor die ontsluiting van die suidelike streke se ekonomiese potensiaal. Met vragvolumes wat toeneem en Lüderitz wat homself vir die olie- en gasbedryf posisioneer, kan die voorgestelde pad handel versterk, vertragings verminder en nuwe beleggingsgeleenthede skep, mits die befondsing verkry word. Saunderson het met Kosmos 94.1 Nuus gepraat.

Gedruk vir tyd? Rond en bont die hele dag? Kosmos 94.1 Nuus bring vir jou die dag se sportnuus. Plaaslik. In die streek. Internasionaal. Gratis en in Afrikaans. ‘n Samevatting, in minute. Jy kan nie sê jy het nie geweet nie. Elke weeksaand om sewe.

Kry die nuus soos dit breek.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Israel stem vandag in die land se eerste nasionale verkiesing sedert die Hamas-aanvalle van 7 Oktober 2023. Ilse Strauss, korrespondent vir Kosmos 94.1 Nuus, berig vanuit Jerusalem dat die aandag wêreldwyd gevestig is op die vraag of premier Benjamin Netanyahu aan bewind sal bly. Israel se proporsionele kiesstelsel, waarin partye volgens hul aandeel van die stemme setels in die parlement kry, beteken egter dat die uitslag en daaropvolgende koalisievorming onseker bly.