上次講到交付=gift=禮物嘅概念。男人同女人相互領受對方成為禮物，位際共融，反映出三一上帝自己相互for others的形象。人就係透過發掘相配獨特的身體，由孤獨到圓滿，不受羞恥感所局限，發覺到身體嘅配偶性意義…

從無到有嘅創造，係上帝嘅交付Gift，係恩賜，係禮物。禮物，有俾嘅一方，收嘅一方，同埋佢哋嘅關係。而神俾男和女兩個位格共融嘅呢份禮物，仲標誌著上帝自己的形象…

犯罪交界前，人冇羞恥感。人正正係赤身露體的處境下交出和表納對方。呢種純潔，反映出位格主體交流的圓滿感。呢個分析有d長，未完，下集會講埋圓滿的目光，唔見羞恥，咁見到咩嘢呢？

至今我哋已經提過原初嘅孤獨（獨個兒），原初嘅結合；原初係指人犯罪墮落前嘅階段。今次我哋會提到第3個原初：原初赤裸，亦都係犯罪前後的交界線。人食咗禁果，係要死，咁點解犯罪後第一件事，唔係即刻死咗，而係產生男對女、女對男嘅身體意識改變呢？

人以肉身去體現咩叫男和女。男性特質係通過女性特質去肯定；女性特質係在男性特質之前確立自己。男女意義係互相需要對方。今集會提到性結合係咩，包括重返人類嘅深刻經驗、點解性係強力聯繫、唔單止係動物本能、點解關乎自主抉擇、後果除了生育仲察覺身體原初受造嘅意識…

有時我哋講：人有神嘅形象，往往冇提到性別。今集會讀到，人唔單止係一個人自己嘅人性有神嘅形象，人與人-兩個位格-之間的共融成為一體，相互確立和定義對方，都係神嘅形象。呢種「位（位格）際（之間）共融」反映三一上帝的互愛互滲嘅共融形像。而人性都係呢種一體的關係之上能夠展現。

人無意識後醒返，就成為男人和女人，擺脫孤獨，因為受造世界入面終於有同類。之前話搵唔到相配，依家搵到嘞，激動咁發現係「第二個我」！男和女係兩種不同的肉身體現，係有同一樣人性的兩種形式。

食咗果實你就死…推論人在立約時已經知道死亡，就係獲賜生命、有工作的行動力、有啖靈氣、與受造生物不同等等的特質。人在立約中體會到自己有限，並且可以揀守約與否。「人係咩嘢」嘅定義，除了包含自抉能力，亦都涉及人經由身體可察覺的孤獨特質。

乜嘢係人呢？創世敘述有足夠內容，側寫了人的特質，包括人會用身體工作，改變土地嘅用途；人係透過身體，察覺到自己與其他生物唔相配。人能夠同神立約，成為創造者嘅伙伴。人可以自由決定守唔守約。人係以身體作為受造世界嘅一員，同時體現主體性。

人為動物改名時，搵唔到自己嘅近類，搵唔到soulmate，成件事可以顯示到人認識自己的過程，知道自己「並唔係點樣」。作者睇到佢feel到自己本身係與世界唔同嘅個體…