ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཨ་རིའི་རླུང་འཕྲིན་ཁང་གི་དྷ་སའི་ལས་ཁུངས་འགན་འཛིན་ཨུ་རྒྱན་བསྟན་འཛིན་ལགས་འཕྲིན་གཏོང་ཁང་དུ་གདན་འདྲེན་ཞུས་ནས་འདི་ག་ཨ་རིའི་རླུང་འཕྲིན་ཁང་གི་དྷ་སའི་ལས་ཁུངས་ངོ་སྤྲོད་དང་བཙན་བྱོལ་བོད་ཀྱི་གསར་འགོད་པའི་དཀའ་གནད་ཐད་བགྲོ་གླེང་ཞུས་ཡོད།།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་འདི་ག་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་བཀྲས་མཐོང་བསྟན་འཛིན་རྣམ་རྒྱལ་ལགས་གདན་འདྲེན་ཞུས་ནས་ཨ་རིའི་སྔོན་འགྲོའི་འོས་བསྡུ་དང་སྲིད་འཛིན་འོས་མིའི་ཐད་བགྲོ་གླེང་ཞུས་ཡོད།

ཐེངས་འདིའི་ཨ་རིའི་རླུང་འཕྲིན་ཁང་གི་ཀུན་གླེང་ལས་རིམ་ལ་གཟའ་སྤེན་ཉིན་ཐེ་ཝན་གྱི་སྲིད་འཛིན་དང་གྲོས་ཚོགས་འཐུས་མི་འོས་འདེམས་ཀྱི་ཡོད་ཅིང་། འོས་འདེམས་དང་ཐེ་ཝན་གྱི་འོས་བསྡུ་སྔོན་མ་ཁག་ལ་མ་འདྲ་བའི་ཁྱད་པར་ཅི་ཡོད་སོགས་ལ་བོད་དང་རྒྱ་ནག་གི་གནད་དོན་དབྱེ་ཞིབ་པ་ཀུན་དགའ་བཀྲ་ཤིས་གདན་འདྲེན་ཞུས་ནས་བགྲོ་གླེང་ཞུ་རྒྱུ་ཡིན།

ཀུན་གླེང་ལས་རིམ་དུ་ཚེ་རིང་སྐྱིད་ཀྱིས་སྨོན་ལམ་བརྡ་འཕྲིན་ཞིབ་འཇུག་ཁང་གི་འགན་འཛིན་འབུམ་རམས་པ་དགེ་བཤེས་བློ་བཟང་སྨོན་ལམ་དང་། སྨོན་ལམ་བརྡ་འཕྲིན་ཞིབ་འཇུག་ཁང་གི་སྤྱི་ཁྱབ་འབྲེལ་མཐུད་པ་བསྟན་འཛིན་ནོར་བཟང་གཉིས་དང་མཉམ་དུ་བོད་ཀྱི་མིས་བཟོས་རིག་ནུས་དང་དེའི་འབྱུང་འགྱུར་སྐོར་ལ་བགྲོ་གླེང་ཞུས་ཡོད།

ཨ་རི་དང་རྒྱ་ནག་གཉིས་ཀྱིས་ཕྱི་འབྲེལ་བཙུགས་ནས་ལོ་༤༥་འཁོར་བའི་སྐབས་འདིར། ཨ་རི་དང་རྒྱ་ནག་གི་འབྲེལ་བས་རྒྱལ་སྤྱིའི་ཐོག་ཏུ་འགྱུར་ལྡོག་ཆེན་པོ་ཐེབས་པར་མ་ཟད། ཨ་རི་དང་རྒྱ་ནག་གི་འབྲེལ་བ་ཡར་རྒྱས། བོད་དང་ཐེ་ཝན་སོགས་ལ་ཤུགས་རྐྱེན་ཆེན་པོ་ཐེབས་པ་བཅས་ལ་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་བོད་དང་ཐེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་བཀྲ་ཤིས་ཚེ་རིང་ལགས་སུ། ༢༠༢༤ ལོའི་ཐེ་ཝན་གྱི་སྲིད་འཛིན་འོས་བསྡུའི་གནས་སྟངས་དང་ལྟ་བ་ལངས་ཕྱོགས་སོགས་ཀྱི་སྐོར་ནས་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་འབྲས་སྤུངས་བློ་གསལ་གླིང་གི་མཁན་རིན་པོ་ཆེ་དགེ་བཤེས་བློ་བཟང་བསམ་གཏན་ལགས་དང་ལྷན། ༧གོང་ས་མཆོག་དབུ་བཞུགས་ཐོག་དགེ་བཤེས་ལྷ་རམས་པ ༢༠༠ ལྷག་ལ་ཕྱག་འཁྱེར་སྩལ་བའི་སྐོར་ལ་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཕུན་ཚོགས་ལྷུན་གྲུབ་ཀྱིས་བྱང་ཨ་རིའི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་གདན་འདྲེན་ཞུས་ནས་༢༠༢༣ ལོ་ལོ་གཅིག་རིང་ལ་རྒྱ་ནག་ནང་གི་སྲིད་འབྱོར་རིག་གསུམ་གྱི་གནས་སྟངས་དང་། ཨ་རི་དང་རྒྱ་ནག་གི་འབྲེལ་ལམ་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།

ཁེ་ན་ཌའི་གཞུང་གི་སྐྱབས་བཅོལ་སློབ་སྟོན་འབྲེལ་མཐུད་ཁང་གི་སློབ་སྟོན་པའི་གྲས་ཐོན་ཟུར་ཚེ་རིང་ནོར་འཛོམས་ལགས་གདན་འདྲེན་ཞུས་ནས་མོ་རང་ཚོགས་བཅར་ཞུས་པའི་རྒྱལ་ཚོགས་ཀྱི་༢༠༢༣་ལོའི་གོ་ལའི་སྐྱབས་བཅོལ་གླེང་སྟེགས་སུ་རྒྱལ་ཁབ་མེད་པའི་བོད་མི་སྐྱབས་བཅོལ་བའི་གནས་བབ་གླེང་སློང་གནང་ཡོད་པའི་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ང་ཚོའི་རླུང་འཕྲིན་ཁང་གི་རྡོ་རྗེ་གདན་ལ་ཆེད་མངགས་གསར་འགོད་པ་བསྟན་འཛིན་དབང་འདུས་ལགས་དང་ལྷན་༧གོང་ས་མཆོག་གི་གནས་མཆོག་རྡོ་རྗེ་གདན་གྱི་མཛད་འཕྲིན་ཐད་བགྲོ་གླེང་ཞུས་ཡོད།