རྒྱ་ནག་ཞིབ་འཇུག་དང་འཐུས་ཇུས་ལྟེ་གནས་ཁང་གི་ཉམས་ཞིབ་པ་བོད་ཀྱི་བུད་མེད་འབུམ་རམས་པ་ཨ་དཔལ་ལྷ་མོ་ལགས་དང་ལྷན་རྒྱ་ནག་གཞུང་གིས་སྤྱི་འབངས་ལ་དོགས་སོན་བྱ་ར་བྱེད་པའི་གནས་སྟངས་ལས་འཕྲོས་ཏེ་བོད་མི་ནི་དུས་རབས་གསར་བའི་འཕྲུལ་རིག་གིས་དོགས་སོན་བྱ་ར་བྱེད་ཡུལ་གྱི་སྤྱི་ཚོགས་ཆེན་པོ་ཞིག་གྱུར་ཡོད་པའི་སྐོར་ལ་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་སྲིད་བྱུས་ཉམས་ཞིབ་ཁང་གི་ཁོར་ཡུག་ཉམས་ཞིབ་པ་བདེ་ཆེན་དཔལ་མོ་ལགས་དང་ལྷན་ཐེ་ཝན་ཌིའི་ནང་འཚོགས་པའི་བོད་ཀྱི་ཁོར་ཡུག་གནས་སྟངས་ཇེ་སྡུག་དང་གཙང་ོཔོ་ཁག་ལ་གནོད་སྐྱོན་ཆེན་པོ་ཐེབས་བཞིན་པའི་ཐད་བགྲོ་གླེང་བྱས་ཡོད།

ཀུན་གླེང་ལས་རིམ་དུ་རྡོ་རྗེ་ཚེ་བརྟན་ཀྱིས་འདི་ག་ཨ་རིའི་རླུང་འཕྲིན་ཁང་གི་རྩོམ་སྒྲིག་འགན་འཛིན་ཚེ་བརྟན་དབང་ཕྱུག་དང་ལྷན་ཨ་རིའི་ནང་གི་དྲིན་གཟོའི་དུས་ཆེན་གྱི་བྱུང་རབས་དང་དུས་ཆེན་འདི་ཨ་རིའི་གཞུང་འབྲེལ་དང་སྲོལ་རྒྱུན་ཆེན་པོ་ཞིག་ཏུ་འགྱུར་སྟངས་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ལོ་ཙཱ་བ་དང་རྒྱ་ནག་གི་གནད་དོན་དབྱེ་ཞིབ་པ་སངས་རྒྱས་སྐྱབས་ལགས་དང་ལྷན་ཕྱི་རྒྱལ་དུ་ཡོད་པའི་རྒྱ་མི་ཚོས་བོད་ཀྱི་ལོ་རྒྱུས་དང་བོད་ཀྱི་ཆབ་སྲིད་ལ་འབྲེལ་བ་ཡོད་པའི་དཔེ་དེབ་སྣ་ཚོགས་པ་རྒྱ་ཡིག་ཏུ་དཔར་བསྐྲུན་བྱས་ཡོད་པའི་ནང་དོན་དང་གནད་འགག་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཐེ་ཝན་གནས་བཞུགས་བཀྲ་ཤིས་ཚེ་རིང་ལགས་དང་མཉམ་དུ་ཐེ་ཝན་གྱི་སྲིད་འཛིན་འོས་བསྡུའི་དྲིལ་བསྒྲགས་ལས་འགུལ་དང་སྲིད་འཛིན་འོས་བསྡུ་དང་བོད་ཀྱི་འབྲེལ་ལམ་བཅས་ཀྱི་ཐད་ལ་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་དང་ལྷན། ཨ་རི་དང་རྒྱ་ནག་གི་འགོ་ཁྲིད་གཉིས་ཀྱི་མཇལ་འཕྲད་དེའི་གནད་འགག་དང་སྲིད་འཛིན་བྷ་ཌན་གྱིས་བོད་དོན་གླེང་སློང་གནང་ཡོད་མེད་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

ཚེ་རིང་སྐྱིད་ལགས་ཀྱིས་ཡུ་རོབ་ཕྱོགས་བཞུགས་བོད་མི་མང་སྤྱི་འཐུས་ཐུབ་བསྟན་རྒྱ་མཚོ་ལགས་གདན་འདྲེན་ཞུས་ནས་རྒྱ་ནག་གཞུང་གིས་དོམ་ཁྲའི་ཕྱི་འབྲེལ་སྲིད་ཇུས་ཞེས་རྒྱལ་ཁབ་གཞན་ལ་བོད་ཀྱི་དོམ་ཁྲ་སྤྲད་དེ་ཕྱི་འབྲེལ་འཛུགས་པའི་ལུགས་སྲོལ་ཞིག་ཡོད་པའི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་རྟའུ་བསྟན་འཛིན་དམ་ཆོས་ལགས་དང་མཉམ་དུ་ཨེ་ཤི་ཡ་དང་ཞི་བདེ་རྒྱ་མཚོའི་ཁུལ་གྱི་དཔལ་འབྱོར་ཚོགས་ཆེན་APEC དང་། དེའི་སྟེང་སྲིད་འཛིན་བྷ་ཌན་དང་ཞི་ཅིན་ཕིང་གཉིས་ཟུར་དུ་མཇལ་འཕྲད་གནང་བའི་སྐོར་ལ་བགྲོ་གླེང་ཞུ་རྒྱུ་རེད།

དེ་རིང་གི་ཀུན་གླེང་ལས་རིམ་ནང་ལ་བཙན་བྱོལ་ནང་གི་བོད་ཀྱི་སྐད་ཡིག་དང་རིག་གནས། རིག་གཞུང་ཞིབ་འཇུག་སོགས་ཀྱི་གནས་སྟངས་ཐད། ཝ་རཱ་ཎ་སི་དབུས་བོད་ཀྱི་གཙུག་ལག་སློབ་གཉེར་ཁང་གི་ཉེ་བའི་རིགས་བདག་ཟུར་པ་སློབ་དཔོན་དགེ་བཤེས་ངག་དབང་བསམ་གཏན་ལགས་འདི་གའི་ཨ་རིའི་རླུང་ཁང་གི་བརྙན་ལེན་ཁང་ནང་དུ་གདན་འདྲེན་ཞུས་ནས་བགྲོ་གླེང་ཞུས་ཡོད།

ཐེངས་འདིའི་ཀུན་གླེང་དུ་བོད་ཀྱི་བུད་མེད་ལྷན་ཚོགས་ཀྱི་དང་ཐོག་གི་དམིགས་ཡུལ་དང་ལངས་ཕྱོགས། ད་ལྟའི་གནས་བབ་བཅས་ཀྱི་ཐོག་ལ་བགྲོ་གླེང་ཞུས་ཡོད། བརྗོད་གཞི་འདིའི་ཐོག་ལ་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་བསྟན་འཛིན་སྒྲོལ་མ་དང་ཚོགས་གཞོན་ཚེ་རིང་སྒྲོལ་མ། དྲུང་ཆེ་སྐལ་བཟང་སྒྲོལ་མ་བཅས་གདན་འདྲེན་ཞུས་ཡོད།