ཨ་མེ་རི་ཀའི་ཨེ་མོ་རི་གཙུག་ལག་སློབ་གྲྭ་ཆེ་མོར་སྒོམ་སྒྲུབ་ཚན་རིག་དང་སྙིང་རྗེ་གཞི་རྩར་བཟུང་བའི་བཟང་སྤྱོད་ཀྱི་བསྟི་གནས་ཁང་ཚུགས་ནས་ལོ་ངོ་ཉི་ཤུ་རྩ་ལྔ་འཁོར་བའི་དུས་དྲན་དང་། བོད་པའི་སློབ་གྲྭ་ཁག་ཏུ་སཱི་ཤེས་ཡོན་སློབ་གསོ་ཁྱབ་སྤེལ་བཏང་བའི་དགེ་མཚན་སོགས་ཀྱི་ཐད་ལ་བགྲོ་གླེང་ཁག་ཅིག་ཞུས་ཡོད།

རྒྱ་ནག་གི་ཝང་དབྱི་ཨ་རིར་འཚམས་འདྲི་འབྱོར་ནས་ཨ་རྒྱ་གཉིས་ཀྱི་དབུ་ཁྲིད་མཇལ་མོལ་ཡོང་རྒྱུར་སྔོན་འགྲོའི་གྲ་སྒྲིག་བྱས་པ་དེར་གྲུབ་འབྲས་ག་འདྲ་ཐོབ་ཡོད་མེད་དང་། ལི་ཁེ་ཆང་གློ་བུར་དུ་འདས་གྲོངས་སུ་ཕྱིན་པར རྒྱ་ནག་གཞུང་དམངས་གཉིས་ཀྱིས་རྣམ་འགྱུར་ཐ་དད་འཛིན་དགོས་པའི་རྒྱུ་མཚན་སོགས་ཀྱི་སྐོར་བགྲོ་གླེང་ཞུས་ཡོད།

བོད་རང་བཙན་འཐབ་རྩོད་པ་ཐུབ་བསྟན་ཆོས་ཉིད་ལགས་ཀྱིས་བོད་རང་བཙན་ཁུངས་སྐྱེལ་དང་བོད་དོན་རྒྱབ་སྐྱོར་འཚོལ་ཐབས་ཆེད་དུ་དུས་ཡུན་ལོ་གཅིག་རིང་གི་ལས་འགུལ་སྤེལ་བཞིན་པ་དང་། ལས་འགུལ་དེ་བཞིན་ད་ཕན་ག་འདྲ་བྱུང་ཡོད་མེད་དང་དམིགས་ཡུལ་སོགས་ཀྱི་སྐོར་ནས་ཐུབ་བསྟན་ཆོས་ཉིད་ལགས་སུ་བགྲོ་གླེང་ཞུས་ཡོད།

རྒྱ་ནག་དམར་ཤོག་ཚོགས་པས་བོད་ལ་བཙན་འཛུལ་བྱེད་སྐབས། ཨ་རིའི་གསང་བའི་ལས་ཁུངས་ཀྱིས་བོད་མི་ཁག་ཅིག་ལ་དམག་སྦྱོང་སྤྲད་དེ་བོད་པའི་བཙན་རྒོལ་ལ་རྒྱབ་སྐྱོར་བྱས་ཡོད་པའི་དངོས་བྱུང་གློག་བརྙན། འཇབ་དམག་ཅེས་པ་དེ་སྤྱན་འབུལ་ཞུ་གི་ཡིན།

ཚེ་རིང་སྐྱིད་ལགས་ཀྱིས་འཇབ་དམག་གློག་བརྙན་དེ་བཟོ་མཁན་བོད་ཀྱི་གློག་བརྙན་བཟོ་བསྐྲུན་པ་བསྟན་འཛིན་བསོད་ནམས་ལགས་གདན་འདྲེན་ཞུས་ནས་ཨ་རིའི་དབུས་གསང་བའི་ལས་ཁུངས་ཀྱིས་བོད་མི་ཚོར་བཙན་རྒོལ་རྒྱལ་སྐྱོབ་ལ་མཐུན་འགྱུར་གནང་བ་དང་བོད་པའི་བཙན་རྒོལ་རྒྱལ་སྐྱོབ་ཀྱི་གློག་བརྙན་དང་འགྲེམས་སྟོན་གྱི་སྐོར་ནས་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཉི་ཧོང་སྐུ་ཚབ་དོན་གཅོད་འབུམ་རམས་པ་ཨརྱ་ཚེ་དབང་རྒྱལ་བོ་ལགས་དང་ལྷན་ཉི་ཧོང་སྐད་དུ་དཔར་བསྐྲུན་བྱས་པའི་༸གོང་ས་ཏཱ་ལའི་བླ་མའི་ཡང་སྲིད་དང་། རྒྱ་ནག་གིས་བོད་དུ་མི་སེར་སྤེལ་བའི་བཅའ་སྡོད་སློབ་གྲྭ་བཙུགས་ཡོད་པའི་སྐོར་གྱི་སྙན་ཐོ་གཉིས་ཀྱི་ཐད་བགྲོ་གླེང་ཞུ་རྒྱུས་ཡོད།

སྲིད་སྐྱོང་སྤེན་པ་ཚེ་རིང་གདན་འདྲེན་ཞུས་ནས་ཨ་རིའི་གྲོས་ཚོགས་སུ་བོད་དོན་རྒྱབ་སྐྱོར་མུ་མཐུད་དུ་ཐོབ་ཐབས་དང་། བཀའ་ཤག་སྐབས་༡༦་པའི་འཛིན་སྐྱོང་གི་གྲུབ་འབྲས་དང་གདོང་ལེན་བྱེད་དགོས་པའི་དཀའ་ངལ། བོད་པ་མི་རབས་གསར་པ་ཚོས་འགན་འཁྲི་ལེན་སྟངས་བཅས་ལ་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཤེས་ཡོན་ཚན་པའི་འགན་འཛིན་བསྟན་འཛིན་རྡོ་རྗེ་ལགས་དང་མཉམ་དུ་བཙན་བྱོལ་སློབ་གྲྭ་ཁག་གི་སློབ་མ་ཚོའི་དབར་གྱི་རྩོམ་རིག་དང་རིག་གནས་འདུ་འཛོམས་སྐོར་ནས་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་འདི་ག་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་རྩོམ་སྒྲིག་འགན་འཛིན་ཚེ་བརྟན་དབང་ཕྱུག་ལགས་དང་ལྷན་འདས་པའི་ལོ་ངོ་བཅུར་སྤེལ་བའི་རྒྱ་ནག་གི་རྒྱུད་གཅིག་ལམ་གཅིག་ཅེས་པ་དེའི་གནས་སྟངས་གང་འདྲ་བྱུང་ཡོད་པའི་ཐོག་བགྲོ་གླེང་ཞུས་ཡོད།

རྡོ་རྗེ་ཚེ་བརྟན་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་གདན་འདྲེན་ཞུས་ནས་ཨ་རིའི་གྲོས་ཚོགས་འོག་མའི་སྤྱི་མཐུན་ཚོགས་པའི་འཐུས་མི་ཚོས་གྲོས་ཚོགས་ཀྱི་ཚོགས་གཙོ་འདེམས་བསྐོ་བྱེད་ཐུབ་ཀྱི་མེད་པའི་འགག་རྩ་དང་ཨ་རིའི་ཕྱི་ནང་གི་ལས་དོན་ཁག་ལ་དོ་ཕོག་ཅི་ཙམ་ཐེབས་རྒྱུ་ཡིན་པའི་ཐད་བགྲོ་གླེང་ཞུ།