ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་ལྷོ་ཨ་མི་རི་ཀའི་སྐུ་ཚབ་དོན་གཅོད་འཇིགས་མེད་ཚེ་རིང་གདན་འདྲེན་ཞུས་ནས་སྲིད་སྐྱོང་སྤེན་པ་ཚེ་རིང་གིས་ལྷོ་ཨ་མི་རི་ཀའི་རྒྱལ་ཁབ་ཁག་ཏུ་བོད་དོན་འཐབ་རྩོད་ལ་རྒྱབ་སྐྱོར་ཞུ་སྐུལ་གནང་བ་སོགས་ཀྱི་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཀུན་གླེང་གསར་འགྱུར་སྙན་སྒྲོན་པ་ནོར་བུ་བསམ་འཕེལ་ལགས་དང་ལྷན་པ་ལི་སི་ཐན་གྱི་ཧ་མ་སི་ཡུལ་དམག་གིས་ཨེ་སི་རལ་ལ་གློ་བུར་འཇབ་རྒོལ་བྱས་ཏེ་ད་ལྟ་ཨེ་སི་རལ་གྱིས་རྒོལ་ལན་སློག་བཞིན་པ་སོགས་ཀྱི་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཀྱིས་སྐད་ཡིག་ནི་མི་རིགས་ཤིག་གི་རིག་གནས་ཀྱི་སྲོག་ཤིང་དང་རྩིས་ཐང་། རང་དབང་སོགས་ལ་འབྲེལ་བ་ཡོད་པའི་ཐད་བགྲོ་གླེང་ཞུས་ཡོད།

གཞོན་ནུ་ལྷན་ཚོགས།

རྡོ་རྗེ་ཚེ་བརྟན་ལགས་ཀྱིས་འདི་གའི་རྩོམ་སྒྲིག་པ་དང་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དྲུང་ཆེ་ཟུར་པ་རྣམ་རྒྱལ་ཤསྟྲི་གདན་འདྲེན་ཞུས་ནས་གཞོན་ནུ་ལྷན་ཚོགས་ཀྱི་ལྟ་བ་དང་ལངས་ཕྱོགས། དགོས་པ་དང་བོད་དོན་འཐབ་རྩོད་ཀྱི་གྲུབ་འབྲས་སོགས་ལ་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།

བོད་ཀྱི་གཞོན་ནུ་ཚོགས་པའི་རྒོལ་མཆོང་ལས་འགུལ། 

ཀུན་གླེང་ལས་རིམ་དུ་ཐོག་མར་བོད་ཀྱི་གཞོན་ནུ་ལྷན་ཚོགས་ཀྱི་རྒོལ་མཆོང་ལས་འགུལ་ཞེས་པའི་བོད་ཀྱི་གཞོན་ནུ་རྣམས་ཀྱིས་རྒྱ་གར་གྱི་རྒྱལ་ས་ལྡི་ལིར་ཡོད་པའི་རྒྱ་ནག་གཞུང་ཚབ་ཁང་གི་མདུན་དུ་ངོ་རྒོལ་ལས་འགུལ་སྤེལ་བའི་ཐད་ཀྱི་དངོས་བྱུང་གློག་བརྙན་ཞིག་གཟིགས་འབུལ་ཞུ་རྒྱུ་ཡིན།

ཀུན་གླེང་ལས་རིམ་དུ་་ཚེ་རིང་དབང་མོ་ལགས་ཀྱིས་ རྒྱལ་སྤྱིའི་བོད་དོན་ལས་འགུལ་ཁང་གི་ཞིབ་འཇུག་སྡེ་ཚན་གྱི་འགན་འཛིན་བུ་ཆུང་ཚེ་རིང་ལགས་དང་ལྷན་དུ་ཨ་རིའི་གྲོས་ཚོགས་གོང་མའི་བོད་དོན་རྒྱབ་སྐྱོར་བ་ལྕམ་ཌ་ཡེན ཧྥེན་སི་ཐན་དམ་པ་མཆོག་གི་བོད་དོན་སྐོར་གྱི་མཛད་རྗེས་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

ཐེངས་འདིའི་ཀུན་གླེང་ལས་རིམ་ནང་ཚེ་རིང་དབང་མོ་ལགས་ཀྱིས་ཨ་རིའི་གཞུང་སྒོ་བརྒྱབ་སྲིད་པའི་ཉེན་ཁ་དང་གྲོས་ཚོགས་འོག་མའི་ཚོགས་གཙོ་གནས་དབྱུང་བཏང་བའི་གནས་ཚུལ་སོགས་ཀྱི་ཐད་འདི་གའི་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་སྐུ་ངོ་བཀྲས་མཐོང་བསྟན་འཛིན་རྣམ་རྒྱལ་ལགས་སུ་གླེང་མོལ་ཞུས་ཡོད།

ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་བོད་ཀྱི་དུས་བབ་གསར་ཁང་གི་གསར་འགོད་པ་དང་རྩོམ་སྒྲིག་པ་གཞོན་པ་སྐལ་བཟང་སྦྱིན་པ་ལགས་དང་དམངས་གཙོ་དང་བགྲོ་གླེང་ལས་རིམ་གསར་གཏོད་པ་ལྷ་སྲུང་ལགས་གཉིས་གདན་འདྲེན་ཞུས་ནས་སྐབས་༡༧་པའི་བོད་མི་དམངས་སྤྱི་འཐུས་གྲོས་ཚོགས་ཀྱི་ཚོགས་དུས་༦་པའི་ཐད་བགྲོ་གླེང་ཞུ་རྒྱུ་ཡིན།

རྒྱལ་དབང་སྐུ་ཕྲེང་གཉིས་པ་དགེ་འདུན་རྒྱ་མཚོ་མཆོག་དགུང་གྲངས་ཉི་ཤུ་རྩ་གསུམ་ཕེབས་སྐབས་དྭགས་པོ་བཤད་སྒྲུབ་གླིང་གི་མཁན་པོ་གནང་སྟེ་ཐུན་མོང་མ་ཡིན་པའི་དྭགས་གྲྭའི་ཆོས་དབྱངས་གསར་གཏོད་གནང་བ་ད་ལྟའི་ཆར་རྒྱ་གར་བྱང་ཕྱོགས་ཀུ་ལུ་མ་ན་ལིའི་ཁུལ་གྱི་དྭགས་པོ་བཤད་སྒྲུབ་གླིང་གྲྭ་ཚང་དུ་རྒྱུན་འཛིན་གནང་བཞིན་པའི་སྐོར་ངོ་སྤྲོད་ཞུ།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ལ་དྭགས་འཇམ་དབྱངས་སློབ་གྲྭའི་ངེས་སྟོན་པ་དགེ་བཤེས་ལྷ་རམས་པ་བློ་བཟང་བསམ་གཏན་ལགས་དང་མཉམ་དུ་འཇམ་དབྱངས་སློབ་གྲྭའི་གནས་སྟངས་དང་། ཡང་ཧི་མ་ལའི་རི་རྒྱུད་དུ་བོད་ཀྱི་ཆོས་རིག་འཛིན་སྐྱོང་ལ་གདོང་ལེན་བྱེད་དགོས་པ་གང་ཡོད་སྐོར་ལ་བགྲོ་གླེང་ཞུས་ཡོད།