ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་བོད་ཀྱི་དུས་བབ་རྩོམ་སྒྲིག་པ་པདྨ་མཚོ་ལགས་དང་། བོད་ཀྱི་སྲིད་བྱུས་ཉམས་ཞིབ་ཁང་གི་འབུམ་རམས་པ་ཚེ་དབང་རྡོ་རྗེ་ལགས་རྣམ་གཉིས་གདན་འདྲེན་ཞུས་ནས་༢༠༢༣་ལོར་བོད་ནང་བྱུང་བའི་གནས་ཚུལ་གལ་ཆེན་ཁག་གི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

ཚེ་རིང་སྐྱིད་ལགས་ཀྱིས་གླིང་བུ་སྒྱུ་རྩལ་བ་ངག་དབང་མཁས་མཆོག་ལགས་གདན་འདྲེན་ཞུས་ནས་ཀོ་རི་ཡའི་ནང་པའི་དགོན་པར་འཁྲབ་སྟོན་གནང་བ་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་འགན་འཛིན་ཚེ་རིང་མཚོ་མོ་ལགས་གདན་འདྲེན་ཞུས་ནས་རྒྱ་ནག་གི་ཤུགས་རྐྱེན་འོག་གི་བལ་ཡུལ་གྱི་བོད་མིའི་གནས་སྟངས་ཐད་བགྲོ་གླེང་ཞུས་ཡོད།

རྣམ་རྒྱལ་བོད་ཀྱི་ཤེས་རིག

ཀུན་གླེང་ལས་རིམ་དུ་འབྲས་ལྗོངས་ཀྱི་རྒྱལ་ས་སྒང་ཏོག་ཏུ་ཚུགས་པའི་རྣམ་རྒྱལ་ཤེས་རིག་ཉམས་ཞིབ་ཁང་གི་དགོས་པ་དང་ཞིབ་འཇུག་ཁང་དེར་གནའ་དེང་གི་དཔེ་ཆ་དཀོན་རིགས་ཅི་ཙམ་ཡོད་མེད་སོགས་ལ་ཞིབ་འཇུག་ཁང་དེའི་བོད་ཡིག་ཉམས་ཞིབ་འགན་འཛིན་ཨཱཙཱརྱ་ཚུལ་ཁྲིམས་རྒྱ་མཚོ་གདན་འདྲེན་ཞུས་ནས་བགྲོ་གླེང་ཞུ་རྒྱུ་ཡིན།།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་ཚོགས་གཙོ་མགོན་པོ་དོན་གྲུབ་ལགས་དང་ལྷན་བྱང་ཨ་རིའི་བོད་ཀྱི་གཞོན་ནུའི་འགན་འཛིན་ལྷན་ཚོགས་ཀྱི་ཚོགས་འདུའི་གྲུབ་དོན་སོགས་ཀྱི་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་བསྟན་འཛིན་ནོར་བཟང་ལགས་ཀྱིས་རྒྱ་གར་གྲོས་ཚོགས་འཐུས་མི་ཟུར་པ་སྐུ་ཞབས་དཔལ་ལྡན་ཚེ་རིང་རྒྱ་མཚོ་ལགས་དང་། སྒང་ཏོག་ས་གནས་འགོ་འཛིན་ལྷག་པ་ཚེ་རིང་ལགས་རྣམ་གཉིས་དང་ལྷན་དུ་༧གོང་ས་མཆོག་གི་འབྲས་ལྗོངས་ནང་གི་མཛད་འཕྲིན་ཐད་གླེང་མོལ་ཞུས་ཡོད།

༧གོང་ས་མཆོག་འབྲས་ལྗོངས་སུ་ཆིབས་སྒྱུར་བསྐྱང་གི་ཡོད་པའི་མཛད་འཆར་ཁག་དང་འབྲས་ལྗོངས་ཀྱི་བྱུང་རབས། བོད་དང་འབྲས་ལྗོངས་ཀྱི་ཆོས་རིག་གི་འབྲེལ་བའི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

བོད་རྒྱའི་དཀའ་རྙོག་སེལ་ཐབས་ཀྱི་ཁྲིམས་འཆར་ལ་སྤྱི་མོས།

བྱང་ཨ་རིའི་སྐུ་ཚབ་དོན་གཅོད་འབུམ་རམས་པ་རྣམ་རྒྱལ་མཆོག་གྲུབ་ལགས་གདན་འདྲེན་ཞུས་ནས་བོད་རྒྱའི་དཀའ་རྙོག་སེལ་ཐབས་ཀྱི་H.R.533 ཞེས་པའི་ཨ་རིའི་གྲོས་ཚོགས་ཀྱི་བོད་དོན་ཁྲིམས་འཆར་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

བོད་ཀྱི་འབུམ་རམས་པའི་ལོ་རྒྱུས་གསར་བ།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་འབུམ་རམས་པ་གཙང་ཕྲུག་སྟོབས་ལགས་གདན་འདྲེན་གྱིས་ཏཱ་ལའི་བླ་མའི་མཐོ་སློབ་ཀྱི་ལོ་རྒྱུས་རང་བཞིན་ལྡན་པའི་འབུམ་རམས་པའི་མཚན་གནས་བཞེས་ཕྱོགས་ཐད་ལ་བགྲོ་གླེང་ཞུ་རྒྱུ་ཡིན།

ཀུན་གླེང་ལས་རིམ་དུ་རུ་སོག་དོན་གཅོད་ཁང་གི་ཆེ་བསྟོད་སྐུ་ཚབ་དོན་གཅོད་ཏེ་ལོ་རིན་པོ་ཆེ་གདན་འདྲེན་ཞུས་ནས་ཁ་སང་བར་ཅེག་སྤྱི་མཐུན་རྒྱལ་ཁབ་ཀྱི་རྒྱལ་ས་ཕུ་རག་ཏུ་འཚོགས་པའི་༢༠༢༣་ལོའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་ཚོགས་འདུ་ཐེངས་ལྔ་པའི་སྐོར་ལ་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།