Waar trek jy die lyn tussen gesonde debat en sensasie in televisie programme wat hedendaagse kwessies in die kollig plaas? Renaldo Schwarp gesels met inhoudsvervaardiger Kaylee Kruser en leefstylredakteur by Channel 24, Herman Eloff.

Ouerskap is nie ’n maklike taak nie. Renaldo Schwarp gesels met Arendsvlei-akteurs Jody Abrahams en Carmen Maarman oor hul karakters en onderskeie storielyne tans rondom dié belangrike vraagstuk.

Ons kuier in Franschoek by ’n beeldskone huis! Renaldo Schwarp gesels met Hennie en Nicole Hellinger oor die nuwe seisoen van Wanderlus en Leon Kluge deel meer oor Die Groenste Vingers se tweede seisoen!

In kykNET se nuwe drama, Fraksie, is karakters só kompleks! Renaldo Schwarp kuier op stel en vind uit by akteurs Marlo Minnaar, Roeline Daneel, Brendon Daniels, Duane Williams asook by regisseur Nina Swart oor karakters, stories, en verfilming!

Die liefde blom behoorlik voor-en-agter die skerms! Renaldo Schwarp gesels met akteurspaartjies, Cintaine Schutte en Carel Nel asook Cindy Swanepoel en Craig Urbani oor liefde en verhoudings in die publieke oog.

Ná die bekendmaking van die rolverdeling van kykNET se nuwe telenovela, Diepe Waters, wat 3 Oktober 18:00 op kykNET begin, maak Renaldo Schwarp ‘n draai op stel vir ‘n eerste en eksklusiewe kykie. Hy gesels ook met van die akteurs wat in Diepe Waters te sien is, soos Justin Strydom, Lea Vivier, Reandi Grey, wat ‘n bietjie meer verklap oor wat kykers kan verwag.

Ons bekyk die kuns agter oorklankings van nader. Renaldo Schwarp maak ’n draai op die stel van kykNET&kie se gewilde oorgeklankte Turkse Telenovellas en gesels met die stemakteurs hierin, Gustav Gerdener en Stephanie Baartman.

Ons vier steeds talentvolle vroue op die kassie. Renaldo Schwarp gesels met Odelle de Wet van Binnelanders, en Stephanie Baartman van Getroud met Rugby en die oorgeklankte Turkse Telenovellas.

Ons vier steeds vrouemaand hierdie week saam met die talentvolle vroue van Arendsvlei! Renaldo Schwarp gesels saam met aktrises, Crystal-Donna Roberts en Devonecia Schwartz, oor die uitbeelding en krag van ander vroue se stories.

Ons skop vrouemaand met aanbieders, Mia Spies en Kabous Meiring, af. Renaldo Schwarp gesels met hul oor die nuus, die TV-landskap vir vroue en hoekom dié medium so belangrik vir Afrikaanse kykers is.