Um tað er ótrúskapur, ella ikki, tað fara Ann Dahl Hansen, prestur, og Turið Horn, psykoterapeutur og parráðgevi, at siga sína hugsan um.

Eisini hevur ein onnur kvinna skrivað okkum bræv, har evnið aftur er ótrúskapur. Í hennara føri, er hon ótrúgv móti manni sínum, og maðurin, hon er ótrúgv við, er ongin minni enn gifti stjóri hennara.

Triðja brævið er frá einum manni. Hann ánar ikki, hvat hann skal gera, tí kona hansara nýtir harðskap móti honum. Umframt, at hon er so øvundsjúk, at hann ikki fær livað eitt sosialt lív.

Henda kvinna hevur skrivað bræv til sendingina, tí hon vil hvussu hon fær mannin at raðfesta Facebook lægri, og teirra hjúnarband hægri.

Ein maður í 50´unum vil vita, hvussu kona hansara fær kynsligan hug aftur, tí í gomlum døgum var onki óført.

Og so er tað ein kvinna, sum aftaná 20 ár í hjúnarbandi umhugsar at fara frá manninum, tí hann als onga ábyrgd tekur heima við hús.

Ann Dahl Hansen, prestur, Turið Horn, parráðgevi og Jógvan Zachariassen, pastor eru í útvarpsstovuni.

Ein annar maður spyr um øvund í parlagi. Um vit eiga at vera øvundsjúk, inná okkara maka, og hvat hann skal gera, nú hansara kvinna er so øvundsjúk. Súsanna Skaale, sálarfrøðingur kemur at svara hesum brøvum.

Eisini greiðir Súsanna frá ósjónligum og sálarligum harðskapi, umframt at hon eisini greiðir frá jaligari sálarfrøði.

Øll brøvini eru at síggja á okkara facebook síðu, sum tú sært her: Kyn og kenslur á Facebook (letur upp í nýggjum kaga)

"Nú vit endiliga hava fingið okkara barn, so er onki sum eg helt tað fór at verða."

Soleiðis sigur ein keddur, einsamallur og illur pápi um sítt parlag, aftaná tey hava fingið eitt barn. Fleiri ára royndir og kanningar góvu teimum endiliga teirra dreymabarn, men ta stríðið førdi eitt nýtt stríð við sær.

Heidi Zachariassen, ljósmóðir, og Turið Horn, parráðgevi og psykoterapeutur, svara hesum manni. Eisini svara Heidi og Turið eini kvinnu, sum hevur mist kynsliga hugin, eftir at hon varð við barn.

Tó er støðan akkurát øvugt við einari aðrari kvinnu, sum er kedd um, at hennara maður ikki longur hevur hug á henni.

Lurtarin hevur aftur sent nógv brøv og sms boð inn til okkara við ráðum til hesi brøv.

Brøvini og viðmerkingar eru at síggja á okkara facebook síðu, sum er at finna her

Fýra ymiskar kvinnur hava skrivað okkum brøv. Og evnini eru sera ymisk. Væntandi hugur er evnið í tí eina, slatur og ótrúðskapur er evnið í einum øðrum, vreiði og ónøgdsemi í tí triðja og opið hjúnarband er evnið í tí fjóðra brævinum.

Lurtarar hava sína greiðu hugsan um fleiri av brøvunum, sum tey hava viðmerkt úti á okkara Facebook síðu. Tey svarini lesa vit eisini upp í sendingini.

Turið Horn, parráðgevi og psykoterapeutur, og Ann Dahl Hansen, prestur, svara og siga sína hugsan um hesi brøvini.

Tvey fólk hava skrivað brøv til sálarfrøðingin um júst sama evnið. Hetta at fartelefonin tekur alt ov nógva tið frá okkara nærmastu.

Ein mamma spyr um børn og seksualitet, meðan ein onnur mamma spyr, hvussu hon og eksmaðurin eiga at deila børnini, nú tey eru farin frá hvørjum øðrum.

Kathrina L. Holm, sálarfrøðingur, svarar hesum brøvum, sms-boðum og teldubrøvum frá lurtarum.

Soleiðis ljóðar eitt av brøvunum, sum prestur Ann Dahl Hansen og pastor Jógvan Zachariassen svara upp á.

Ein kvinna skrivar í sínum brævi, at hon hevur heitar tankar um aðrar menn, og saknar at uppliva ævintýr og rúsandi kenslur.

Meðan ein onnur hevur hoyrt, at maðurin er henni ótrúgvur. Hetta eru nøkur av brøvunum, sum parráðgevi Turið Horn, svarar upp á.

Meira um sendingina er at finna her: Kyn og kenslur á Facebook (letur upp í nýggjum kaga)

Í fyrstu sendingini »Kyn og kenslur« tosaðu Turið Horn, Ann Dahl Hansen og Jógvan Zachariassen - ið eru við í kjakpanelinum hjá sendingini - um eina kvinnu, ið letur elskaran flyta inn, so skjótt maðurin hjá kvinnuni fer til sjós.

Sí eisini Parráðgevi: Tí eru vit ótrúgv

- Familjan hevur heilt vist ráðgeving fyri neyðini, siga kjakluttakarnir millum annað í fyrstu sendingini, »Kyn og kenslur«.

Hoyr alt kjakið um kvinnuna, sum er ótrúgv til høgru og vinstru. Hoyr eisini, hvat annað var á skránni í fyrstu sendingini, sum vit senda hvørt mikukvøld klokkan hálvgum sjey í vetur.