Leefwêreld van die Gestremde

8 November 2026: Nita Avis vertel hoe sy elke dag met Komplekse Regionale Pynsindroom saamleef. Sy vertel hoe sy met die gebruik van krukke aan maratonne deelneem! Ons praat oor die belangrikheid van die 16 Dae-veldtog: Hoe word vroue en kinders met gestremdhede, wat blootgestel word aan geweld, beïnvloed en wat is die uitdagings?

1 November 2026: Deel twee van ‘n gesprek oor van die uitdagings wat dowe gebaretaalgebruikers ervaar. Hoe word hulle diverse geestelike behoeftes benader en hanteer? Sumarie Jordaan is ‘n motiveringspreker en aanbieder van ’n TV-program wat almal uitdaag om anders te kyk na mense met gestremdhede. Met serebrale gestremdheid en 30% gehoor is haar taak (aan haarself) om nie- gestremdes anders te laat kyk na mense wat leef met gestremdhede.

25 Oktober 2026: Deel 1 van ‘n gesprek oor van die uitdagings wat dowe gebaretaalgebruikers ervaar. Hoe word hulle diverse geestelike behoeftes benader en hanteer? ‘n Sorgsentrum in die skadu van die Magaliesberg bied aan verstandelik ingeperkte volwassenes ‘n sinvolle lewe. Dis meer as net blyplek, dis ‘n ewigheidstuiste vir hulle hier op aarde.

18 Oktober 2026: Ons kyk na die uitdagings in die arbeidsmark vir mense met meervoudige sklerose. Elanza Jordaan is ‘n spastiese kwadrupleeg. Sy is ’n onderwyser, en Afrikakampioen in bocha. Sy het Suid-Afrika in 2024 by die Paralimpiese Spele in Parys verteenwoordig.

11 Oktober 2026: Serebrale gestremdheid is lewensveranderend. Daar is ‘n platform waar mense wat met serebrale gestremdheid leef, hulle uitdagings met eweknieë kan bespreek. Die 48-jarige Julius van der Wat vertel hoe tegnologie, sy ma, broers en ‘n helper hom help om voltuit metr serebrale gestremdheid te leef. Hy het al Suid-Afrika internasionaal op die sportveld verteenwoordig, en dien op ‘n kerkraad, selfs op sinodale vlak.

4 Oktober 2026: Adri Visser is liggaamlik erg gestremd. Sy vertel van haar prestasies as Paralimpiese swemmer en hoe sy al die uitdagings oorkom het. Sy gee raad wat Suid-Afrika kan doen om jong atlete met gestremdhede beter te kan ondersteun. Oktober is Downsindroom Bewusmakingsmaand. Dis ‘n tyd waarin ons fokus op die begrip, aanvaarding en insluiting van mense met Downsindroom.

27 September 2026: Adri Visser is ‘n ware inspirasie. Sy is liggaamlik erg gestremd, maar leef voluit. Haar lewenslus en houding is prysenswaardig, en sy werk hard om die lewe van ander met gestremdhede te vergemaklik. Nathan Green se middeljare het onomkeerbaar verander ná ‘n hartaanval. Hy is deesdae ‘n kampvegter en voorstaander vir toeganklikheid vir mense wat leef met gestremdhede. Sy lewensdoel is om openbare plekke en vakansieplekke oor toeganklikheid te sensitiseer. Hy wil ook gestremdes inspireer om toeriste te word.

20 September 2026: Wat behels neurovisie-rehabilitasie? Wie kan daarby baat vind? Die Suid-Afrikaanse Gidshondvereniging doen al vir langer as 70 jaar diens om gidshonde op te lei. Deesdae lei hulle ook dienshonde en ondersteuningshonde op vir mense wat sekere siektes het, en vir kinders met outisme.

13 September 2026: ‘n Oogkundige vertel van die groot impak wat sigverlies op die mens se algemene funksionering het. September is Doofheid-bewusmakingsmaand.

6 September 2026: September word gewy aan bewusmaking en interaksie met mense wat leef met gehooruitdagings. Wanda Bam, ’n skrywer en lewensafrigter, vertel van persoonlike trauma, hoe sy dit verwerk het, en deel idees oor geestesgesondheid en selfdissipline.