玩得交友app，無非都係想喺茫茫人海中成功match到一段良緣，成功出pool，但正所謂「Your face your fate」，尤其喺「認真便輸了」嘅網絡世界入面，唔係咁容易㗎葉師傅。

之但係，唔知幾時開始，玩交友app嘅人好容易被污化名，男人會被定形做「厹」、女人就會被標籤為「臭X」，擴闊圈子嘅行為變成十惡不赦，到底係交友app嘅世界咁險惡？定係人類本身就係咁險惡？

就等做開兩性關係研究嘅黃嘉瀛、同研究交友程式嘅學者Sam，用生活例子同大家走入呢個交友app嘅深海！

By 情場無敵手編導H

曬名牌、名車、名錶就話啫，依家居然可以曬JPG？一張 Right Click Save 都做到的JPG，要 5 億港紙先買到？

閒閒地億億聲的就係 NFT（Non-Fungible Token 非同質化代幣）！究竟NFT有咩魅力，連奧斯卡影后Reese Witherspoon都入手？

講到NFT，就要先由區塊鏈（Block chain）、加密貨幣（Cryptocurrency），同 DeFi（為Decentralized Finance 去中心化金融）講起。

係咪聽落一頭霧水呢？唔緊要！今晚10點，就等初創企業創辦人李勁華，同埋依排聲稱因為學術研究而 24-7 玩 NFT 嘅Sampson，同大家講下咩係NFT？最初用來做咩？未來趨勢？

警告：投資涉及風險，本節目並非提供投資建議

By 製作組編導 M

今晚 22:00 Youtube/ Apple/ Spotify Podcast 同步播出

Facebook 翌日重溫

逢周二，長一智

區家麟話，新香港下有好多詞彙大家都要識，例如「政治化」。咩係「政治化」？中國唔准澳洲龍蝦入境，算唔算政治化？本身中國唔批准龍蝦入口，係基於好堂皇嘅理由，例如防疫。但新任海關關長嘅一番話，就似乎將一啲本身唔應該宣之於口嘅嘢，坦坦白白咁講出嚟。 呢啲，就係政治化。新香港好鍾意叫人唔好政治化，但其實官員們，每日嘅言行，都政治化。

*本節目為個人意見節目

喺英超，曾經有 3 個傳說：

頭兩個傳說都已經喺前年,，已經相繼被打破，但估唔到連賣盤賣咗超過 10 年嘅紐卡素，終於喺兩星期前成功由身家坐擁 320 億美金、仲有錢過 PSG、曼城富商嘅沙特王儲穆罕默德接手，護級份子一躍成豪門。 

但係，原來呢個沙特王儲嘅背後，竟然曾經被國際間指稱係滿手鮮血嘅殺人兇手？連特赦組織同人權組織都要

上個星期一連兩個風，颱風「獅子山」一早落到狗屎、大風大雨，天文台你只係掛 3 號風球同黃雨警告。

唉，優柔寡斷到成個天秤座咁。到「圓規」，你就放工先掛八號，究竟想點樣啊？可以早啲掛嘅？

鬧還鬧，都要知道天文台係點運作先。今晚就等被網民譽爲比「天秤台」準好多的地下天文台的台長方志剛，加埋區家麟，和大家講下究竟天文台係咪真係咁渣。除左科學之外，發天氣警告仲有咩考量呢？

記得留意今晚 10點 #圍爐長知識，同埋 Subscribe 《立場》Youtube Channel 啊~

By 製作組編導 M

＊＊＊

女權？你一定係「女權L」！

有人話「女權」已經被濫用，咩啲「女權L」有好處先講權益，Feel Free到好似食「女權自助餐」！

等陣先，究竟係咪有人誤解咗「女權 」? 

與其意氣之爭，不如吹啲認真嘢： 

知青：「當權者多都都係男性, 佢吔要維持權力, 女性就變相受壓！」

By 製作組顧問 S

三號？八號？紅雨？黑雨？五點前？六點後？

唔使問仲五時花六時變過天秤座嘅「天秤台」喇，分分鐘靠星座占卜仲準過佢！不過如果真係預知到未來，就唔使成日要估估下啦。既然上一集三位主持都表示唔信星座（又唔信『天秤台』），咁就不如豁出去，信命運啦！ 

第二集 #圍爐長知識，繼續由三位重量級人馬－鹽叔、溫佐治，醫師李家麟，從哲學角度、歷史角度、醫術角度，分析占卜星相當中嘅迷信成份，到底係三位嘅神算勁，定係「天秤台」嘅羅庚醒！ 

記得留意今晚 10點 #圍爐長知識，同埋Subscribe 《立場》YouTube Channel啊~ 

By 打風都仲要繼續出片嘅製作組編導H

雖然過咗中秋，不過都係咁鬼熱。依個時候，既有彈性又透氣的 Yoga Pants，就係恩物喇！等陣先，一眾兒登巴打肯定會話咩「港女唔知搏乜」，又話人下體現形有 Camel Toe。

Excuse me？我代表港女（冇民意基礎 Sor）大叫聲：關你哋咩事啊？？ 做女仔難，做男仔都唔容易。想乾淨啲、衞生啲剃下毛、修下眉毛，遮下瑕，都要面對非議。

唉，似乎做男做女都咁難，我真的不想努力了！不過如果做到尊重每一個人的取向，又何來問題呢？  今晚，等愛乾淨常修毛的知青，加埋冇咩著過長褲的 SONYA，最強主持 KY 黃家瀛，同大家一齊放開無謂的束縛，高呼我要性別平權！

By 製作組編導 M

人咁渺小，唔多唔少都想有人指點下你！就算條命生成地底泥咁，占下卜都起碼有個知字啊！

首集 #圍爐長知識，請來三位重量級人馬，鹽叔、溫佐治，醫師李家麟，從哲學角度、歷史角度、醫術角度，睇下一切占卜究竟係咩一回事~

三位入面，邊個當年仲係18、22，咁識玩透過睇掌紋迷倒一眾少男少女 （騙財又.....唔講啦）？邊個見到求籤就即刻心心眼？又邊個直頭提供一條龍服務（只係夾租關係），先占卜後治療？

究竟占卜、星座又係咪科學，定係心理作用的僞科學？三個土象星座，又可以擦出咩新火花？

記得留意今晚 10點 #圍爐長知識，同埋Subscribe 《立場》YouTube Channel啊~

By 製作組編導 M

各位同學，今集辯題係，一個人好地地，為咩淨係食菜呢？係慈悲？係健康？係環保？

Lea：唔忍心見到豬牛慘況，但又戒唔晒，惟有食住海鮮素先。（佢話，就算係自我感覺良好，起碼自己都真係心安。）

「愛護植物協會」會長 Jim：頂你啦，植物就唔係命？就唔會痛？

鹽叔：我支持素食，不過我自己就食唔到素。係呀，我廢囉。

你又支持邊個？

By 製作組編導 K