Wie kan vergelyk word met God. Hy is ver groter as ons en Sy heerlikheid is oneindigend. God is God... en niemand anders nie.

Ps 24 is 'n Psalm waaruit ons baie kan leer. Past Morné brei so bietjie uit in hierdie boodskap oor God se grootheid.

Op die laaste aand vir ons Profetiese Konferensie, het Fanie en Halrika ons kom bedien. Fanie het die hele naweek opgesom met hierdie boodskap en die uitstorting van die Heilige Gees was amazing.

Ons kan in geloof die berge in ons lewe skuif. Vertrou op God.

Elia het 'n woord gespreek en dit het opgehou reen. 3 jaar later het hy weer 'n woord gespreek en God het geantwoord. In hierdie boodskap verduidelik past Anton dat ons saam met God en geloof in Sy woord, ook 'n woord kan spreek om God se Woord 'n realiteit te maak.

Alles in die lewe het 'n klank. Elke ding wat ons kan sien en nie kan sien nie werk met 'n frekwensie. God het ons na Sy beeld gemaak en daarom, net soos God, kan ons dinge praat en resultate beleef.

Mag van lewe en dood lê in die tong.

Wat praat jy? Is ons ingestel om God se Woord te PRAAT!

Past Anton La Grange bedien rondom die gedagte dat ons groot geloof kan hê. Ons is deel van 'n Koninklike Koninkryk en God is in beheer.

ons moet ons lewe so leef dat Geloof ons help om deur enige ding te breek. Ons geloof is in GOD!

Vandag gesels ons oor die Visie vir die jaar en wat God in ons lewe wil kom oop maak.

Past Rudi deel sy hart oor die gedagte van geopende deure en hoe ons dit prakties kan uitleef.

ASK: Praat met die Here. Vra Hom wat jy nodig het en om te vra is vry. God luister en Hy is gewillig om ons te help.

SEEK: Hierdie gedagte is so belangrik, want nou gaan dit nie meer oor ons nie, dit gaan oor God. Wanneer ons God soek, belowe die Here dat Hy gevind sal word. Maar om te soek is effort, en dit vat soms tyd. Jy moet doelgerig soek.

KNOCK: Om te klop, moet ons by die deur staan. Wanneer ons klop by 'n deur is dit gewoonlik omdat ons die persoon ken aan die ander kant van die deur. Die fees is anderkant die deur, daarom moet ons by God se deur gaan klop en aanhou klop.

Deure wat toe is, is nie noodwendig deure wat gesluit is nie. Soms staan ons voor deure waar ons geloof moet gebruik om deur te gaan. Ons glo dat hierdie jaar gaan ons ook voor deure staan wat toe is, maar nie gesluit is nie.

2024 is 'n jaar waar God geopende deure gaan gee. Daarom is dit belangrik om te weet Wie die belangrikste deur is. Alle deure wat God gaan oop maak gaan deur Jesus wees. Niks gebeur sonder Hom nie. Daarom is dit vir ons elkeen belangrik om by Jesus te begin.

2024 is 'n jaar waar ons God vertrou vir wonderwerke. Ons gebed is dat elkeen gevul sal wees met die Heilige Gees en dat ons in die krag wat Hy vir ons gee sal wandel sodat die Naam van die Here verheerlik sal word.