Namuhla onke emehlo ayobe atse njo endvuneni yetimali Enoch Godongwana  njengoobe atawube etfula inkhumulo yeluphakelo timali ngemuva kwekuhlehliswa ngenyanga lephelile. Lokuhlehlisa kweta ngemuva kwekutsi tinhlangano letikuGNU tingaboni ngeliso linye mayelana nekukhushulwa kweVAT ngemaphesenti lamabili. Kukhuluma kabanti lesingakulindzele kulenkulumo yeluphakelo timali ikakhulu ehlangotsini lwemabhiznisi ahulumende, sicocisene nesati setemnotfo, sifundziswa uMnumzane  Khaya Sithole

Sekuphele inyanga solomane kwenteka ingoti emgwaceni i-R40 e-Hoedspruit esifundzeni sase Limpopo, lapho kwashona bantfu labalishumi nakune, lebasha bangcongca. Labalishumi kulabo labashona ngalesikhatsi kushayisana i-veni netekisi, bakulesifundza se-Mpumalanga. Imindeni itsi solo basengakangcwatjwa labantfu njengoba kusalindvwe imiphumela la yeluhlolo lweDNA. Sicele lokhulumela litiko letekuphepha kwemphakatsi, kuvikeleka kanye nekuchumana eMpumalanga, Moeti Mmusi kutewuva kutsi seyibambephi.

Namuhla umhlaba wonkhe uchushisa ngesifo i-Glaucoma, lekusifo lesiholela ekutseni umuntfu anggcine angasaboni emehlweni. I-Glaucoma kutsiwa yinhlanganisela yetifo letinyenti letiyamene nemehlo. Sicocisane na dokotela wemehlo Emma Mahlangu.

Litiko letekutfutfukisa temnotfo netekuvakasha kulesifundza se Mpumalanga belibambisene namasipala wase Nkomazi emkhankasweni wekuhlola tiphaza tendzawo kanye nemikhicito letsengiswa kuleta tiphaza.  Kubikwa kutsi letinye tetintfo letitsengiswako kutfolakale kutsi setendlulelwe sikhatsi. Sicocisana na Esther Masango lovela ehhovisi lebatsengi.

Nonobe kubonakala kwangatsi kuseselukhuni kuvumelana ngeluphakelo timali kepha  lekulindzeleke kutsi indvuna yetetimali  Enock Godongwana ilwetfule ngaLwesitsatfu. Kwetfulwa kwaloluphakelotimali kwahlehliswa ngenyanga lephelile ngemuva kwekutsi tinhlangano letikuGNU tingaboni ngeliso linye mayelana nekukhushulwa kweVAT ngemaphesenti lamabili.  Kulibuka loludzaba simeme umcwaningi wetemnotfo khona layikhaya ka SABC, Velemseni Mthiyane 

Lihhovisi lelibuke kusebenta kahle kwemkhakha wetemphilo, iOffice of Health Stardards Compliance, OHSC, litfole kutsi tinsolo letentiwa ngumsakati Thomas Tom Holmes mayelana nendlela laphatfwa ngayo esibhedlela sase Jozi, i-Helen Joseph, nanobe tingenasisekelo kepha kukhona lokungahambi kahle kulesibhedlela. Simeme iCEO yalelihhovisi iOHSC, Dr Siphiwe Mndawen.

 Kuphatamisekile kufundza nekufundzisa evikini lelengcile, etikolweni taseMatsulu ephumalanga yelidolobha i-Mbombela. Kutfola umnyombo walokuphatamiseka sikhulimisana namabhalane wenyonyanga yeSADTU eMpumalanga Umnumzane Walter Hlayise

Umhlatiyi wwetimbangave Nkosikhulule Nyembezi utsi kuze lisebente ngemphumelelo loluhlelo lwekuvota ngebuchwepheshe (E-voting), kutawumele kutsi likhomishana lisukumisa imikhankaso yekufundzisa bavoti ngekusebente kwalo.

 Likhomishana letelukhetfo kuleli i-IEC kulindzeleke kutsi namuhla licale luhlelo lekubamba  tinkhulumomphikiswano tekubuka tindlela tekuvota ngekusebentisa buchwepheshe besimanje (electronic voting, noma  e-voting). Sicocisana nalomunye webaphatsi be-IEC Umnumzane Mawethu Mosery.

Sifundza se Mpumalanga sesandza kumemetela ngekucokwa kwemcoondzisi jikelele walesifundza (Director-General, DG), lekungu Maggie Skosana. Lesimemetelo sentiwe nguNdvunankhulu Mandla Ndlovu ngalesikhatsi etfula inkhulumo yebunjalo besifundza. Sicocisene naye DG lomusha, Maggie Skosana