Indvuna yetempilo kuleli Aaron Motsoalediiutsi emadvodza giwo layinkinga lenkhulu emitamweni yalelive yekulwa nesandvulela-ngculazi. Motsoaledi bekakhuluma ngalesikhatsi kwetfulwa umkhankaso wekutfungatsa bantfu lebangu 1,1 million lebasuleleke ngaleligciwane lesandvulelangculazi. Kuyibuka lendzaba simeme Professor Mbulelo Djasi lovela kuSANAC Mens Sector.

Ngemnyaka wanga  2022 bantfu labasikati bendlu lemnyama batsatsela tinyatselo temtsetfo tinkapani letikhicita emafutsa etinwele ngenca yekwandza kwetehlakalo temdlavuta. Letinyatselo tisukela ekutseni labantfu labasikati bahlaselwe tifo letiyamelene nemdlavuta wesibeletho lekukholwakala kutsi sibangwa ngulamafutsa etinwele labawasebentisako. Sikhulumisana nemsunguli weAfroBotanics, lekuyinkapoani lekhicita emafutsa etinwele, Ntombenhle Khathwane, kutewuva kabanti ngaloludzaba.

Esigabeni setfu sekucubungula emabhuku, namuhla sikhuluma ngelibhuku lelibhalwe nguApostle MxVG Luphoko lelitsi "Shaped By The Storm".

Likomishana lemalungelo elunftu belibambe umhlangano wekucala nalabo labavela kulomango wenkolo yema Rasata ngemuva kwekukhala kwabo ngekutsi emalungelo abo abukelwa phansi. Letinye tetintfo lebakhale ngato tifaka ekhatsi kuhlale baboshelwa kutfolakala nemtfunti wetinkhukhu kanye nekuhoba tinwele (dread-locks) lebatsi kuba yinkinga kubafundzi nasemisebentini. Kusenjalo, nelikhomishana lelibukele tindzaba temasiko, tenkholo nelulwimi ( CRL) nalo livakalise kukhatsateka ngaloludzaba. Simeme lomunye waboNkomishana beCRL, Advocate Sipho Mantula.

I--Automobile Assocation (AA) itsi kufanele atsatselwe tinyatselo ematekisi langakulungeli kuba semgwacweni. Loku kulandzela umdlalo losetinkhundleni tekuchumana lotsi #Broken Taxi Chronicles, lapho kukhonjiswa ematekisi lahamba anetivalo letiphukile, lamanye tifalakahle ubona phansi ugibele ngekhatsi kantsi kunalabonakala angekho sanhlobo esimweni sekutfwala bantfu. Lokhulumela iAA Eleanor Mavimbela utsi bemtsetfo kumele batsatse tinyatselo. 

Tinyonyana  tabothishela setivakalise kukhatsateka mayelana ngemibiko letsi kungahle kudzilitwe bothishela labaningi esifundzeni sa-KwaZulu-Natal ngenca yekwehliswa kweluphakelotimali.  Kantsi kwetama kulungisa lenkinga sekuphakanyiswe kutsi hulumende atsatse likhefu ekufakeni imali kulesikhwama sephesheni yetisebenti tahulumende i-GEPF . Mabhalane jikelele wenyonyana yabothishela iNATU Doctor Ngema utsi abavumelani nalesiphakamisop se-pension contribution holiday.

Sekuphele umnyaka kwahlanganiswa imitimba lelwela tindzaba tebatsengi lefaka ekhatsi i-Ombudsman for Banking Services (OBS), i- Credit Ombud (CO), i- Ombudsman for Long-Term Insurance (OLTI), ne- Ombudsman for Short-Term Insurance (OSTI) ngaphansi kwe- National Financial Ombud Scheme (NFO). Njengoba kuyinyanga yemalungelo eluntfu , namuhla kubuk kutsi lomtimba we-National Financial Ombud Scheme ubasita njani batsengi ekucinisekiseni kutsi emalungelo abo ayavikeleka. Sicocisene na Kwanda Vabaza lochamuka kuNFO.

Kunhlaselwe tisebenti telogumbi letibalo kuleli iStatsSA lebetiisemsebentini wekucoca lwati eErmelo. Letisebenti titfunyelwe kuyococa imininingwane yelucwaningo lolutawusetjentiswa velonke. Kukhuluma kabanti ngaloludzaba elucingweni sichumana nemnumzane Lucky Fakudze lovela ehhovisini laka ka-StatsSA eHlanzeni

Indvuna yetekutfutfukisa emabhizinisi lamancane Stella Ndabeni-Abrahams sewumemetele ngekusungulwa kwesikhwama lesitawulekela tiphaza. Hulumende ufake imali lelinganiselwa kuR500 million kulesikhwama ngenhlose yekusita tiphaza  netindzawo letitsengisa kudla kuze tikhone kuchudzelana netitolo letinkhulu. Kukhuluma kabanti ngalendzaba asemukele mengameli wenhlangano lemele banikati betiphaza kuleli i-South African Spaza and Tuckshop Association), Sibusiso Ngcobo. 

Kudutjulwe kwashona umfundisi lodvumile itolo entsambamba eMkhuhlu kulesifundza se Mpumalanga. Kutfola kabanti ngalesehlakalo sichumana nalokhulumela emaphoyisa Brigadier Donald Mdluli.