الميزان

الميزان

Download on the App Store

الميزان episodes

  • سليمان داود .. العرابي الوحيد الذي تم شنقه – تاريخ لكن وسيم
    قراءة المزيد
    سليمان داود .. العرابي الوحيد الذي تم شنقه
    مافيش كتاب تاريخ فيه صورة للقائم مقام سليمان داوود أحد رموز الثورة العربية والوحيد في العرابيين اللي اتعدم، بعكس غيره اللي اتنفى واللي اتسجن، وجا اعدامه بسبب حريق الاسكندرية.
    سقطت الإسكندرية بدانات مدافع الأسطول البريطاني الذي قصفها في 11 يوليو 1882 وبمجرد أن نزلت القوات في اليوم التالي، تحولت الإسكندرية إلى كرة نار إذ اندلعت الحرائق في حي المنشية
    كان آخر من حوكم من العرابيين 4 ضباط هم البكباشي فرج يوسف والبكباشي أحمد نجيب والصاغ علي مظهر والصاغ عثمان خميس، والقائمقام سليمان سامي داود الذي هرب إلى جزيرة كريت وقبض عليه.
    صدر في يوم 7 يونيو 1883 م الحكم على البكباشيين والصاغيين بالسجن لمدد مختلفة، أما السيد قنديل مأمور الضبط فتم سجنه 7 سنوات بتهمة التقصير ، أما سليمان داود فقد نفذ فيه الحكم علنًا في ميدان المنشية بعد الحكم عليه بـ 48 ساعة
    جريدة التايمز أجرت حوارات مع الخديوي توفيق وقال أنه تأسف من أنه يوجد في انجلترا من يفكر في أن حكومتي قد تصرفت بقسوة غير عادلة نحو سليمان داود، أما بشأن التثريب الشخصي فذلك لا يتأتي عنه مضرة، فإن خرابات الإسكندرية تشهد بعدالة المحاكمة، ويوجد في انجلترا أشخاص يعتبرون صحة الحكم النهائي الذي صدر مني”.
    في مذكراته لم ينفي الشيخ محمد عبده أن القائمقام سليمان سامي داود متورط في الجريمة، لكنه قال «التهمة يجب أن توجه لأكثر من طرف، فقد عثر على جثث أروام (يونانيين) بلباس عرب أثناء الحريق، كما اشترك عربان ممن كانوا على صلة بالخديو توفيق، ومنهم أهالي الإسكندرية، ومنهم أوربيون بقصد المبالغة في طلب التعويضات».
    أما المؤرخ عبدالرحمن الرافعي في كتاب الثورة العرابية والإحتلال البريطاني لمصر اعترف بأن القائمقام سليمان سامي داود كان نكبة على العرابيين، فهو لم يكن من قادة الثورة ولا زعمائها، لكن كان متأثرًا بأفكار العرابيين، وكان أشدهم تهورًا وقلة نظر في العواقب.
    ساق الرافعي أشياء كثيرة تؤكد تهور سامي داود وطيشه، فهو المدبر الأول لحصار سراي الخديوي توفيق في الرمل بعد ضرب الإسكندرية وهو ما جعل الخديوي ينضم إلى الإنجليز، فضلاً عن إحراقه للإسكندرية قبل انسحاب العرابيين، وكان ذلك عملاً عقيمًا لا فائدة منه.
     

    The post سليمان داود .. العرابي الوحيد الذي تم شنقه – تاريخ لكن وسيم appeared first on بودكاست الميزان.

    5 min
  • زرياب وسقوط الأندلس – تاريخ لكن وسيم
     
    قراءة المزيد
    زرياب وسقوط الأندلس .. كفاية تسطيح
    لما تيجي سيرة الأندلس وسبب سقوطها من يد المسلمين بتيجي سيرة ذرياب الموسيقار الأندلسي الشهير، اللي قالوا عنه إن بسببه الأندلس راحت.
    أوروبا بتدين بالفضل للعرب المسلمين إنهم علموهم مزيكا، يعني مثلاً سيغريد هونكه كتبت عن زرياب بعنوان الحياة على نغمات الموسيقى قالت فيه «تدين أوروبا إلى العرب في أكثر آلاتها الموسيقية بعد أن أهدت لبيزنطة آلات الأرغن والقانون والجنك، وقد جاءت كثرة هذه الآلات العربية عن طريق إسبانا إلى أوروبا، وبينما نجد الموسيقيين الأوروبيين يعتمدون على ضبط الآلات الوترية على الأذن، نجد طالب الموسيقى في مدرسة زرياب يتعلم العزف بالعفق على دساتين وضعت على رقبة العود والجيتار قد قيست عليها المسافات الصوتية قياسا دقيقا وتعد هذه من المزايا الكبرى التي حببت الآلات الموسيقية العربية إلى الأوروبيين».
    لا يمكن بأي حال من الأحوال الربط بين زرياب وسقوط الأندلس لأسباب تاريخية وعقلية، فأولها أن الأندلس في الحكم الإسلامي كانت تعرف الموسيقى والمطربين من قبل زرياب واشتهر مطربين في بلاط الخلفاء مثل زرقون وعلون ومنصور والعجفاء.
    الأمر الثاني أن الأندلس سقطت بعد استقرار زرياب فيها بـ 635 سنة فقد وصلها سنة 822 م وبقي فيها حتى موته سنة 857 م، أي ظلت بعده لمدة 6 قرون.
    أجواء الغلو في الترف بدأت فعلاً بعد زرياب غير أن هناك ثمة عوامل سياسية هيأت المناخ لسقوط الأندلس أبرزها بلا شك الحروب التي نشأت بين حكامها في فترة ملوك الطوائف، فلا يمكن اختزال دا كله في زرياب.
     

    The post زرياب وسقوط الأندلس – تاريخ لكن وسيم appeared first on بودكاست الميزان.

    3 min
  • أول زينبو في التاريخ – تاريخ لكن وسيم
     
    قراءة المزيد
    أول زينبووو في التاريخ
    التاريخ  مليان بشخصيات تاريخية اسمها زينب، محدش اشتهر باسم زينبو أو زينبُ (بضم الباء) زي صاحبة المكالمة الشهيرة مع الدكتور مبروك عطية عام 2016 م والتي سماها هو بـ زينبو
    محدش لحد دلوقتي يعرف مين هي زينب، لكن بعد مرور سنوات موقع صحفي قال هي مين وكشف ان اسمها مش حقيقي انما اتكلمت باسم مستعار
    لكن أول ذكر مرة في كتب التاريخ يجيي زينبو كان عام 1889 م وهو للسيدة نجية بنت الشيخ أحمد عبدالرحيم معلم اللغة العربية لنجلي الخديوي توفيق وهما عباس حلمي الثاني، ومحمد علي.
    ربطت صداقة قوية بين الشيخ أحمد عبدالرحيم وأحمد شفيق باشا رئيس الديوان الخديوي، بدأت في أول نوفمبر سنة 1887 عندما قدم الشيخ إلى باريس بصفته مدرس اللغة العربية للبرنسين عباس ومحمد علي في نيوشاتل في سويسرا، فلما غادراها وانتظما في معهد التريزانوم في فيينا، ولما انتقلا إلى فرنسا قدم الشيخ أحمد لباريس ليدرس الحقوق واللغة الفرنسية وكان قد تعلم منها شيئًا أيام وجوده في سويسرا.
    يحكي شفيق باشا عن دراسته في باريس وذكر أنه دعى أحمد عبدالرحيم لتناول الطعام معه وعلم منه أن يريد أن يعين خلفا للشيخ حسن جلال مدرس اللغة العربية في مدرسة اللغات الشرقية والذي سيغادر باريس قريبا فنصحه شفيق بكتابة التماس بذلك إلى زكي بك وأشار له شفيق بكلمة توصية فجاء اليوم 14 نوفمبر وفيه «وصلني التماس الشيخ عبدالرحيم وعليه توصيتك فأخبره بأن يسكت ولا يقلق فيسيعن قريبًا» وقد عين عقب ذلك.
    بعد سنوات وتحديدًا في 23 إبريل سنة 1889 رد أحمد عبدالرحيم العزومة لشفيق باشا وكان قد رزق ببنت أنجبها منذ 3 أشهر وتكلم عن الصعوبة التي لاقاها عندما أراد أن يسميها نجية، فإن موظف تسجيل الأسماء في فرنسا لم يقبل هذا الإسم لغرابته والتقاليد الفرنسية تقضي بأن كل مولود يولد في فرنسا يجب أن يختار اسما من بين الأسماء الموجودة والمدرجة في قوائم أسماء غير الفرنسيين.
    استقر أحمد عبدالرحيم على أن يسميها زينبيو ووافق الأستاذ واشتهرت بـ زينبو لأنه أخف نطقًا، وحلت المشكلة وأصبح لها اسمين أحدهما رسمي وهو زينبيو والآخر غير رسمي وهو نجية.
     

    The post أول زينبو في التاريخ – تاريخ لكن وسيم appeared first on بودكاست الميزان.

    4 min
  • الموسيقى والغنا وسحرهم – نص معلقة سكر
     
    قراءة المزيد
    الموسيقى هي الفن الوحيد غير المرئي، واللي مبنستخدمش فيه غير حاسة السمع اللي بتخلينا نتفاعل معاه، وده اللي خلاه الفن الأقرب إلى الروح، لأن المساحات الروحانية بتقل كل ما تزيد الوسائط بينا وبينه، لكن الموسيقى لوحدها بتمر للروح وتحضنها وتاخدها  إلى آفاق جديدة في سلاسة مبهرة، ممكن توصل إلى دفع الجسد إلى التمايل والرقص على أنغامها في توحد مدهش ومثير عن طبيعة التأثير ده.
    الموسيقى هي لغة التعبير العالمية، والموسيقى هي اللغة اللي بنسمعها في كل شيء في الحياة في الطبيعة في البيت من التليفزيون والكمبيوتر وفى الشغل، في رنات التليفون المحمول، في وسائل المواصلات، هي كل الأصوات الجميلة حوالينا.
    ومفيش موسيقى لم ترددها الطبيعة يوما ما، ومفيش صوت إلا ومارسته الطبيعة من قديم الأزل، وكأنها دايرة مغلقة لا تفنى فيها الأصوت ولا تستحدث من العدم، وكأن كل صوت نسمعه الأن هو مجرد صدى لشخص ما أو حدث ما في الزمن البعيد، وتبقى كل الأصوت الخالدة دي في نفوسنا وكأنها مشتقة من الطبيعة، وكأنهم  بيحكوا في الأثر أن الله اشتق صوت الرعد وأم كلثوم من نفس المادة مثلا ثم أمرها بالفناء، فاستمر صوت الرعد ولم يتكرر صوت «ثومة».
    وتقول الأسطورة أن صوت محمد قنديل تم نحته من شروق الشمس براق وساطع ودافيء، لا يغيب أبدا، أما صوت محمد عبدالوهاب، فتم اختراعه على يد صاحب ماركة «رولزرويس» ولم يتم اكتشافه خالصا في الطبيعة، لأنه يبدو وكأن كل تفاصيله صنعت يدويا حسب رغبة صاحبه الشخصية.
    وكان صوت أسمهان يوما ما لطائر الفينيق الأسطوري، بكل ما يحويه من قوة، بينما اشتق صوت محمد فوزي من رعشة أوراق الشجر لحظة سقوط المطر، لأنه صوت مفعم بالبهجة، مليء بالحياة.
    وجاء صوت عبدالحليم حافظ من لحظة تمر فيها نسمة العصاري في ليلة صيفية، رقيقة ضعيفة لكنها مؤثرة متأثرة، لأنه إحساسا تجسد في حنجرة إنسان.
    ولما غنى أول عصفور على وجه الأرض، راح صوته يسكن حنجرة شادية،  لتبقى «الدلوعة» عصفور كناريا الغناء العربي، ومن بياع جوال في عصر المماليك، نادى على بضاعته سكن صدى صوته روح وردة، بكل ما يحمله صوتها من قوة، و هربت نغمة «هارب» فرعوني لتكون نجاة الصغيرة، برقة صوتها وحنانه وانتمائه لذلك الوطن.
    ومن خرير شلال هادر خرجت فايزة أحمد، بكل ما عند الشلال من اندفاع وتدفق، ومن ليلة عيد سكنت روح طفل سعيد خرجت صباح، بكل الشقاوة الممزوجة بالسعادة في صوتها، ومن هزة عود وتر أول ربابة اتعملت جه صوت محمد العزبي، محملا بكل قوة تراثنا وعمقه.
    ويعرف عن صوت على الحجار أنه صهيل أول حصان مروض على سطح الأرض، بكل اللي عند الحصان من مرونة وجمال وطلاقة، ولكن صوت منير كان زفرة صانع فخار نوبي في لحظة تركيز، شايل كل التميز اللي جاي من الجنوب.
    وكأن العود إذا غنى كان فريد الأطرش، أعظم من عزف عليه وكأنهما توحدا، وإذا قررت القهوة أن يكون لها صوت كانت فيروز، بكل ما يحويه صوت فيروز من مزاج وروعة، ومن بين أوتار القانون نشأ مدحت صالح، بشرقية صوته وقدرته اللامحدودة على معانقة النغم.
    وعندما غنى الجبل ظهرت حنجرة وديع الصافي، صوت الجبل بكل طبيعته القوية، وعندما قررت الأرض لحظة الانبات أن تعبر عن نفسها جاء صباح فخري بكل ما لدى الأرض من طاقة لا تنضب ولا تنتهي.
    حتى الأصوات المنفرة لها أصل في تلك الطبيعة، وربما جاءت من لحظة فوضى، أو صرخة منتشي ظالم، أو بهجة غير صاحب حق .
    سيبوا أرواحكم للغناء والموسيقى، متعتبروهاش غذاء للروح هي مش محتاجة تكون غذاء، احضنوها، وارسموها، واطربوا لها وبها، وعيشوها، علموها لأولادكم بكل ما تحويه من نغمات أو أصوات، لما الأوراح  تألف الموسيقى تتعلم حب الحياة، وواحنا في أشد الاحتياج لتعلم حب الحياة مرة أخرى في مصر اليومين دول.
     

    The post الموسيقى والغنا وسحرهم – نص معلقة سكر appeared first on بودكاست الميزان.

    7 min
  • في تربية العيال، اللي بيسمع كلام أهله دايما عبيط! – يوميات واحدة ست
     
    قراءة المزيد
    تربية العيال
    العيال مابتسمعش الكلام وانت عايز العيال تسمع الكلام ليه دا ضد المنطق
    أول ما خلفت ولادي البنتين الكبار – قلتلكم يمكن قبل كدة ان عندي اربع أولاد بنتيني وولدين
    لكن بحكم ان البنات الأكبر والفرق العمري بينهم سنتين فتقريبا بدأت ف تربيتهم سوا  .. قلت لنفسي جملة بفتكرها لغاية دلوقت مش عايزة أربي ولادي زي ما اهلي ربوني ،، مش لاني مش عاجباني تربيتي ..لا خالص بالعكس انا اتربيت وكبرت  عندي اخلاق مبغشش حد بتحمل المسئولية وبحافظ على الأمانة وبجتهد حتى أستحق  لكني مكنتش سعيدة لأن قلقي كان زيادة عن الطبيعي وكنت تايهة وبدورعلى المعنى معنى الحياة نفسها وسبب كل قلق حسيته .. علشان كدة كان هدفي ولادي يكونوا أكثر استقرارا وبالتالي أكثر ثقة وسعادة
     
    لو مهتم تسمع تجربتي الخاصة في التعامل تحديدا مع سمعان الكلام او طاعة الأبناء بناد الشخصية
    اظن بعد ما البنات دخلوا الجامعة والولاد ع الطريق تجربتي ممكن تكون مفيدة
    اسمعني في بودكاست يوميات واحدة ست على موقع الميزان او ابل بودكاست .
     
     
    أهالي ابهات امهات كتير قوي تسمعها تقولك ابني مابيسمعش الكلام او العيال مطلعين يعني ولو عكست السؤال وسألت الولاد حتلاقي منهم اللي حيشتكوا من اليوم اللي عرفوا أهاليهم فيه
     
    واحدة من بناتي  كان عندها السنة اللي فاتت بروجكت مطلوب في المدرسة  وطلبت من اخواتها عمر ١٥ سنة وريان ١١ سنة ساعتها يشاركوا ويصوروا معاها مع اولاد تانين بنتي كانت بتسأل عن الخناقات او المشاكل اللي بينهم وبين مامتهم أنا كنت بعمل رياضة بعيد عنهم وسمعاهم ماشاء الله بيسترسلوا في الشكوى مني بثقة
    الفيديو طلع مضحك جدا اتفرجت عليه قدامهم واتسلم للمدرسة
    ملخص اللي اتقال مامي مش عايزانا نلعب بلاي ستيشن طول اليوم … مامي بتقلق لو مذاكرناش
    وعلى بديهية اللي هما بيقولوه واللي بيثب برائتي اللي أسعدني حاجة تانية خالص بعيدا عن الإجابات
     
    انهم مخافوش مني طبعا وانهم ماتكسفوش يعبروا بصدق عن نفسهم واللي ممكن يبقى مضايقهم مني قدامي ويسجلوا دا صوت وصورة الحالة الشجاعة الواثقة المستقرة الطبيعية دي هي اللي فرحتني بسواء علاقتنا ببعض
     
    طبعا البلاي ستيشن الكتير في ظل سنة ونص بنحضر المدرسة اونلاين ومعاها قلق من عدم المذاكرة هي نقط اكتر من منطقية بس مش موضوعنا بالتحديد خاصة اني عمري ما غصبت على حد فيهم يذاكر لسبب بسيط جدا .. مفيش ف المذاكرة غصب انا كنت طالبة وبذاكر ولغاية دلوقت بقرأ وبتعلم ومدركة كويس اني ممكن اجبر طفل يقعد ع المكتب ويمسك في ايده كتاب بس مستحيل اجبر عقله انه يقرر يجتهد ويحاول ويعمل اللي عليه عشان كدة بندهش جدا لما بلاقي اهل بيتخانقوا مع ولادهم علي المذاكرة وبسأل نفسي هي الأهالي دي ذاكروا قبل كدة ولا ناسيين ولا بيستعبطوا
     
     
    موضوع تربية الأطفال دا كبير جدا وخطر ومحتاج برنامج لوحده من عشرات الحلقات لكن هنا حشارك معاكم اطار عام ممكن من خلاله تنطلقوا انتوا بقى في البحث
     
    الإطار دا له محددات عامة من وجهة نظري ممكن الخصها
     
    ١/ مفيش طفل بيتعلم حاجة صح علشان انا قلتله انها صح لازم أكون انا بعملها وبرفض عكسها بتصرفاتي دا بشكل عام
    يعني عايزة ابني او بنتي يكون مسئول وانا بمد ايدي ومبعلمش نفسي ومعنديش هوايات ومعنديش اهتمامات وقاعدة طول النهار بتفرج علي المسلسلات التركي واقزقز لب لكن عايزاه يعرف قيمة المعاناة والجهد لما يكبر يبقى انتي او انت اكيد ماتسمعونيش دلوقت
     
    ٢/ الطفل حيكبر ويبقى انسان مستقل ومسئول عن نفسه وبنفضل نعاني مع ناس مابتعرفش تقول لأ وندي محاضرات ومواعظ ونصايح عن رسم الحدود والمساحة الخاصة وازاي الانسان لا يتم استغلاله وبننسي ان التربية القمعية واننا كنا بنتفنن في قهره عشان يسمع الكلام اللي هو كلامنا وهو صغير كانت سبب مهم عشان كدة بنلاقي مشكلة متكررة في عدم قدرة الشباب على الرفض ودي واضحة اكتر عند البنات لإن تربيتهم بيكون فيها قهر وقمع اكبر من الولد وانا اتكلمت عن دا في حلقة المساحة الخاصة وازاي ان قمع البنت بيكون سبب في عدم قدرتها لما تكبر على حماية نفسها .. لو مسمعتوهاش انا بقول لأ مهمة بصراحة
     
    ٣/ ابنك مش انت وبنتك مش انتي ولا والولاد امتدادك ولا ملكك ولا نسخة عنك ولا صورة منك ولا المفروض يكبروا علشان احنا الاهل نفخر بيهم ولا المفروض نموت احنا علشان هما يكبروا.
     
    يبقى الحياة اللي ولادنا بيعيشوها والناس اللي بيعاشروهم هم اصل التصرفات والسلوكيات اللي بيتعلموها مش بالكلام والشعارات وعدم سمعان الكلام له جانب مفيد أحيانا وهو ان لادنا يتعلموا يرفضوا أي حاجة او أي انسان  او أي وضع ميكونش لصالحهم وانهم شخصيات مستقلة لازم تخالف توقعاتنا لان دا اصل الحياة والمتوقع
     
    بالتالي لو راجعت التلات محددات اللي انا قلتهم دول وفكرت فيهم كويس حتلاقي في تصرفات كتير كنت بتعملها او بتعمليها دلوقت حتقتنع انها غلط
     
     
    لو اتكلمت عن السن الصغير مع عودة المدارس واتفاقنا على ان الفترة العمرية الأولى هي اللي بتشكل شخصية أولادنا تعالوا نتكلم في منهج التربية العام شوية حاجات مع المحددات اللي ف الاول ل ركزنا فيها وقلبناها في عقلنا حنطلع احنا بطريقة إيجابية للتربية – بتسمعوا عن التربية بالطريقة الإيجابية – مصطلح جديد زي عادة الاختراعات والمسميات بدل ما يقولولك ان العنف غلط وجريمة والضرب عنف والصريخ والتخويف عنف وجرايم قالولك لا احنا نقول للناس ان في طريقة تربية اسمها التربية الإيجابية باعتبار ان التربية السلبية مش جريمة يمك علشان الناس تتقبل التغيير لكن انا من أصحاب التغيير بالصدمة الحقيقة دا أسلوب برده
    لما تضرب ابنك لازم تعرف انك مجرم وانك حتطلع شخص جبان وعاجز ومتقوليش كلنا اضربنا لما تضرب وانت كبير ف ثانوي او جامعة ممكن تطفش تزهق البنت تتجوز اول عريس تكره الرجالة الخ لكن دا غير لما تضرب وانت عندك ٣ سنين و تتحبس ف اوضة الفران وتتلسع بالنار وتتحدف بحاجات حادة ويتصرخ فيك وتتشتم باوصاف والفاظ توصمك العمر كله
    وكل ما سبق واكتر جرايم بيرتكبها أهالي كتير قوي ف حق ولادهم بس منجرحش مشاعرهم ونقولهم دي جريمة .. ماشي
     
    المهم
    نرجع مرجوعنا الطفل الصغير اللي بقول انه مجنني من عدوانية تخريب شقاوة زايدة دي التربية الإيجابية يا ستي بتقولنا ايه في الطفل المخرب او الشقي
     
    واحد ان التصرفات الغلط دي اعراض مش هي الظاهرة الأساسية يعني الطفل دا ممكن يبقي خايف جعان مش نضيف محتاج اهتمام عايز يقول حاجة ومش عارف يعبر عنها كويس ممكن يبقي عنده حاجة عضوية ما يعني لو طفل عنده مشكلة ف سمعه الكلام بتاعه لو حتى حلقه ملتهب حيتصرف بطريقة يحاول بيها انه يلفت لمشكلته مينفعش يبقي طفل صغير بيعمل تصرفات فوضوية ومابيسمعش كلامي أقوم انا مفكرش في الأسباب اللي بتخليه يعمل دا
     
    الحب هو اكتر حاجة الأطفال الصغيرين بيحتاجوها هي اللي بتكمل وتجبر كل المشاعر الناقصة او السلبية بتخليهم حاضرين ودا اللي الطفل بيدور عليه انه يحس انه متشاف من اهله
     
    يبقى مفيش تصرف غلط اتعامل معاه بسطحية بدل ما اتعامل معاه كإنذار لحاجة غلط بتحصل
     
    تاني حاجة اني افهم دوري كويس كأب ودوري كأم ايه دورنا كاباء وامهات
    ازاي اخلي ابني متعاون بيسمع الكلام اللي بقولهوله وهو صغير علشان انا خايفة عليه مش مجرد يعتاد طاعة الأوامر من غير ما يفكر او يتدرب على تشغيل عقله وياخد قرار في اللي بيتقاله وبالتالي يكبر ويطلع ضمن قطيع بنشوفهم في المجتمع ونكره وجودهم ضعيف أي حد يقوله كلمة يسمعها أي حد ممكن يكون له عليه سلطة رجل دين .. مدير .. صديق مراتهولو بنت جوزها صاحبتها أصدقاء السوء الخ من اللي بنشوفه
    نعمل ايه نطلب من الطفل الحاجة واحنا بنشرحله السبب لو انت افتكرت لما قللك ابنك مش ملكك ولا امتدادك حتفه حق الأولاد علينا واحنا بنقوله أي طلب حتى وهو صغير اغسل ايديك علشان ميبقاش فيه مايكروب يمرضك لم لعبك بعد ما تخلص علشان اللعب ما تتكسرش حتضيع لو دوست عليها حتتعور لو مامتك داست عليها كلكنا حنتعور ازاي يستخدم اللغة مش ايده ازاي يخطط لانك الحاجة الوحشة متحصلوش ويتفهم العواقب الخ
     
    مش نأمر بقى ابنا او بنتنا بطريقة جافة وقاسية ولو ناقش نقوله انا ابوك متسألش ليه؟ انا امك تسع كلامي يا ستي انتي امه وهو ابوه بس حضراتكم بتربو ولادكم على الطاعة العمياء لمجرد كونكم اهله وبصرف النظر عن ان وارد تغلطه وانكم مش منزهين ولا معصموين فالأسلوب دا بيربي انسان ضعيف مقهور منسحق ميعرفش يقول لا لانه اتعود على الطاعة العمياء مكسور مش قادر يفتح بقه بدون تفكير وطبعا مينفعش وانت بتأسس شخصية ابنك او بنتك تقوله اسمع كلامي انا ولما تكبر ابقى شغل عقلك ومتخليش حد يضحك عليك انت كدة بتعطله وبتخرب حياته وبتعيق انطلاقه وبتطلعه ممسوح الشخصية ويا عالم حيكون قادر يتخطى الغلط اللي زرعتوه داخله ولا لأ   وياخد وقت وجهد يصلحه ولا حيضيع ويستغل ويتوجع علشان مش عارف يقول لأ بسبب حضراتكم وتربيتكم ونرجسيتكم
    انت مرشد معلم صاحب مش مدير على ولادك مش ناظرة على بناتك
     
    لازم اساعد بنتي و ابني واعلمه ياخد قراره يقرر ويتعلم يفكر ويختار انا بفهم عنك جملة مينفعش تتقال لازم اعتمد علي تفسير الحاجات عشان هو يعتاد انه يفسر أي حاجة يتعرضلها
    ولادي لما كانوا صغيرين كانوا أحيانا ميرضوش يلبسوا الجاكت وهما نازلين في جو برد – دا مثال –  افضل اقنع واحذر وطبعا دا بياخد وقت وجهد حتبرد حتمرض مش تقدر تروح المدرسة حتغيب عن التمرين مش حتخرج مع اصحابك الخ طيب ايه اللي مضايقك في الجاكت مكلكع نشوف غيره لونه نغيره غالبا بعد المناقشة بيلبس لكن لو صمم سيبه وحصل مع بنتي الكبيرة وهي صغيرة وتعبت ومكرتهاش ولا عارضتني في موضوع اللبس دا خالص مع ابني الصغير كان عنيد اكتر فسيبته يعيا تلات مرات ولا حاجة واتعلم درس عمره وقيس على دا في كل المعاملات حتى المذاكرة
    حتقولي يا قلبك !
    حقولك ياقلبك وانت بتطلعهم قطيع مكسورة يا قلبك وانت بتحرمهم من أدوات السعادة …يا قلبك وانت علشان تريح دماغك وماتتعبش في المناهدة والمناقشة وعلشان ترضي نرجسيتك كوصي وصاحب سلطة بتخرسهم وتقولهم هو كدة وتمحي شخصيتهم
    لما مرضيش يذاكر فاتلام وكان شكله وحش  وجاب درجات وحشة دي نتيجة اهماله وانه معملش اللي عليه .. طبعا دا في حال التقصير عن عمد مش في حال ان قدراته كدة دا وضع تاني لازم نبقى واخدين بالنا كويس ونفرق بين قدرة الطفل العقلية على اداد الواجب وبين دلعه واهماله
     
    اذا هو مش ولد او بنت وحش وحلو او كويس انا عايزاه يعرف انه قادر يتصرف صح او يتصرف غلط .قادر يعمل حاجة كويسة وقادر يعمل حاجة وحشة وبالمرة يكبر ويبقى عاقل مش سطحي وماشي يقسم ويصنف الناس لفريقين اشرار وطيبين ويبقى كل ما يحصل عليه في حياته هو نتيجة طيبة او شر الآخر انما هو لا إرادة ولا فعل
    .
     
    تالت حاجة ولا معرفش احنا في الكام اني احترم ولادي احترم الانسان اللي هو ابني او بنتي ودا بيجي من قناعتي اني لا امتلكه وانه مش شيئ انه انسان مسئوليتي اهيئه لان الناس تحترمه ويحترمهم
    الاحترام المتبادل بيني وبين اولادي دا الأصل و طبيعة الأمور عند ه خصوصية عنده تفضيلات عنده مزاج عنده حقوق  ابني او بنتي يستحق الاحترام ازعقله او اشتمه او اوصفه بصفات عاجزة اشككه ف نفسه
    ينفع يقولي مليش مزاج اذاكرويجرب وينفع يقولي مبحبش اروح المكان الفلاني كفسحة واناقشه ونفكر ونجرب ومنجبروش
     
    بس ازاي انت كدة حتخلي الولاد يتحكموا فينا
    اطلاقا
    لو قدرت وقدرتي تبني ثقة بينك بين ولادك حيسمعوا كلامك عن اختيار وحيفكروا ف الكلام قبل ما ينفذوه
    والثقة دي بتتبني بالصدق ولا غير الصدق ومقصدش هنا اني أقول الحقيقة ومتقولش بابا ف الحمام ولا ماما معاها تلفون لاااا خلينا اعمق من كدة واكثر صدقا بمعنى اني اني أكون زي ما بقوله يكون او على الأقل بحاول
     
     
    عايزهم يبقوا بياكلوا اكل صحي اكل اكل صحي يلعبوا رياضة العب رياضة حتى لو ملعبوش دلوقت لما يشوفوا انها أساس وضرورة حيعملوها حتى لو ملتزموش بالاكل اللي انا باكله بسس حيكون جزء من ثقافتهم وحياتهم
     
    عايزة اعلمه الجدية لازم أكون بجتهد في حياتي وعندي اهداف وصعاب بواجهها وبشاركه فيها
    عايزه يقتنع ان التعلم عملية مستمرة يبقى اكيد انا بعلم نفسي حاجة جديدة كل فترة لغة غسيل مواعيين طبخ زراعة منزلية الخ
     
    الاقناع دوق الطعم دا لو معجبكش متاكلش فلما يدوق ومايعجبوش أقوله لا حتاكل بقى
     
    لو اتسالت عن حاجة وانا معرفش أقول معرفش ادور ابحث اعلمه ان التعلم حاجة مستمرة اني حفضل الجا لمصادر معلومات موثوقة اني اتاكد قبل ما اهري
     
    باختصار ولادنا جزء من رحلتنا واحنا جزء اساسي في رحلتهم او صلح اختصرنا عليهم وجع وتعثر ولخبطة كتير وعلشان يصلح لازم تشك ف نفسك وتطورها وتنضج بينما بترعاه
     

    The post في تربية العيال، اللي بيسمع كلام أهله دايما عبيط! – يوميات واحدة ست appeared first on بودكاست الميزان.

    20 min
  • إليك المفاجأة: الأنوثة هي الرجولة مفيش فرق! – يوميات واحدة ست
     
    قراءة المزيد
    الأنوثة والذكورة أو الأنوثة والرجولة كما أصبح متعارف عليها
    ياترى هل عشان أتكلم عن واحدة فيهم لازم اشرح معنى التانية ولا كل واحدة منهم مستقلة بصفات معينة بتعبر عن نفسها يعني مهياش محتاجة تضاد لإ ظهار المعنى
     
    تفتكر !
    الموضوع دا اتطلب مني من مدة اكتر من مرة  وحاولت أجله كتير .. او اهرب من مناقشته شوية كنت شايفة ان في موضوعات اكثر أهمية لكن مرة اتسالت عن معنى الأنوثة فلما جاوبت من وجهة نظري رد عليا واحد الله امال معنى الرجولة ايه وكأنهم نقيضين او متضادين
    لكن هل دا يفيد .. أظن مناقشة كل المفاهيم تفليد فما بالك في نوعنا بقى احنا البشر يا ذكور يا إناث وهنا لما أقول ذكور أقصد المعنى الجندري المتعادل مقصدش الرجالة الخايبة لانك بقيت لما تقفش واحد عامل تصرف وضيع،،، بني جنسه يتبرأوا منه فورا ويقولك دا ذكر بس متقوليش راجل .. انا هنا لما أقول ذكر اقصد راجل ولما أقول راجل اقصد ذكر مفيش كلمة فيهم تحمل معنى تفضيلي عن التانية ومش ناوية ادخل في تعريف مفردة رجال واستشهد  من القرآن الكريم بايات تصف الجنسين الذكر والانثى بالرجال في بعض المواضع لان القصد هنا يعني ايه ذكر او راجل ويعني ايه انثى لان المعنى دا انسحب على مهمات لكل جنس وبرغم نهاية ٢٠٢١ لسه فينا ناس متأثرة بالموروث العالق من نظريات التحليل النفسي الأولية اللي كانت ف اول القرن اللي فات .. عشان كدة انا شفته مهم
     
    لو سايقة العربية او سايق  او بتنضفي او بتطبخ بتعمل أي اشغال يدوية وانت بتسمعني فانت تمام لو فاضيين بقى اعملوا كباية شاي ودوري علىا عل تويتر فيسبوك وانستاجرام باسم رشا الشامي حتلاقوا البودكست والحلقات اللي فاتت على ابل بودكاست جوجل بودكاست وعلى بودكاست موقع الميزان
     
     
    في مقال منشور  بالانجليزي  طرح محرره سأل واحد على مؤثرات انفلونسير بتشوفي او بتحققي  انوثتك ازاي والحقيقة الإجابات كانت مشابهة لبعض اللي ممكن نكون بنقراه بشكل ما في واقعنا العربي او الشرقي
     
    في ستات شايفة ان امومتها هي الانوثة وخصوبتها انوثة وستات شايفة ان ضعفها ونعومتها انوثة
     
    في ستات جاوبت بانها تحب تقترب من انوثتها من خلال ملابس داخلية حلوة ناعمة ، وكعب عالي ، ورقص ، وهدايا ملفوفة بروقان ، وتداخل وتغيير وتزيين البيئة حواليها بشكل إبداعي ، ان يكون عندها أدوات من مواد خام طبيعية مصنوعة بدقة، وأحمر شفاه
     
    لكن في ست تانية قالت انها بتشوف الانوثة سمات مثل التعاطف الحنية ، والحساسية ، والوداعة ، والتعاون / الدعم ، والتواصل الجيد ، وما إلى ذلك ، وكانت عارقة ومدركة أنها صفات إنسانية قيمة ومرغوبة. بشكل عام
     
     
    قبل ما نكمل كدة انت مين الست اللي بتشوفها كلها انوثة او ايه الصفات اللي بتخليك تستشعر انوثة الست اللي تعرفها ولو انت بقى تفتكري انتي كأنثى ايه المعالم او السمات او الصفات اللي بتؤكد انوثتك عندك
     
    من كلام الستات اللي استعرضته بيقول انم متفقوش على دلالة للأنوثة وكل ست كان عندها وجهة نظر مختلفة
     
    لكن انا ممكن ابدا اكسر المفاهيم كدة سوت ونحاول نوصل لحاجة
    يعني لو حد فيكم قال او فكر ان الرقة هي انوثة فبالتأكيد اللين واللطف الصوت الخفيض الهادي مرادفات للرقة وهما مطلوبين للجنسين ولو انا قلت الحنية انوثة فمفيش اكتر من أحلام البنات بالراجل الحنين ولو قلت الحياء فهل معقولة في ست ممكن تحب راجل وقح  او بجح دا او راجل نبيل يحترمه دا احنا لما بنحب نعيب على الراجل اللي معندوش حياء بنقول اعوذ بالله دا وشه مكشوف
    وقبل ما ترد تقولي الباد جاي والجوود جاي حقولك ان دي تقاليع ليها علاقة بالمظهر وحنتكلم عنه كمان شوية بس مفيش ست عايزة تعاشر واحد باد ولا حتى تقعد معاه ف إدارة واحدة والعكس برده هند رستم مكنتش باد جيرل دي ست كُمل عاقلة وذكية مكنش عندها أصدقاء كتير غير من اللي يشبهووها ولما اتجوزت دكتور فياض رحمهما الله كل علاقاتها كانت في محيط أصدقاء من خارج الوسط واعتزلت بقرار حاسم وتفرغت لحياتها مش بعيب ف الوسط بقول كانت شايفة ان الحياة اللي عاشتها ف المهنة كان فيها كتير من الزيف والضغط و وكمان مشافتش انها تناسب حياتها بعد ما بقت ام خاصة المواعيد والاتزامات ،،،، يعني ايقونة الأنوثة مكنتش باد جيرل ومكنتش مكترثة للشهرة كانت انسانة صادقة مع نفسها وحقيقية … افتكروا الملاحظة دي كويس !
     
    بشوف ان اللغة حاولت تعبر عن الرغبة  الملحة في الفصل والتمييز  بين الجنسين في الصفات يعني يقولك راجل شهم وست جدعة راجل عنده مروؤة وست بطلة ست رقيقة وراجل لطيف ونبيل وذوق لكن في النهاية الشهامة مش صفة ذكورية لان الست اللي بتفزع لنجدت جارتها اللي بتلحق عيلتها اللي بتدافع عن بلدها من غير ما حد يطلب اللي بتبادر لحماية حد بيتعرض لخطر او اتعداء هي نموذج موجود كتير في حياتنا لكن احنا ارتضينا نعيب قوي ع الراجل لما يبقى ندل ونتكلم عن دا كتير لكن هل حد فينا ممكن يقبل ست ندلة … مستحيل يعني بس احنا مبنقولش عليها ندلة ممكن نشتم بقى بالفاظ قبيحة عامة او نسكت خالص
     
    يبقى مفيش سمات انثوية وسمات ذكورية حقيقية بتفرق بين الانثى والذكر او الراجل كلها مرادفات لعبنا بيها
    ومتحاولش تقول لا فيه لأننا لو قعدنا للصبح مستحيل تقبل فعل خسيس من الست لكونها انثى يعني او تبرره وتبقى انسان طبيعي معندكش مشكلة ما بتخليك مقتنع انك اهل للسمات الرفيعة الراقية يعني الراجل يعيبه انه يكون كداب والست والله الست يعيبها انها تكون غليظة وقاسية والراجل والله هو في اجمل من الانسان اللطيف الذوق الحنين
     
    وانا هنا مش حنزلق لمنطق ظالم بيجمل السمات الوحشة ويبررها اصلها ست عصبية بقى مجنونة الخ لإن احنا هنا بنحاول نفهم ازاي نكون لو ستات انوثتنا حاضرة ولو رجالة رجولتنا او ذكورتنا متحققة وطبعا هنا بتكلم عن تحققنا بشكل إيجابي يعني الذكوري بتعريفه ان هو اللي شايف انه مستحق لحقوق باعتباره جنسه لا يستحقها الجنس الاخر بينما النسوية هي اللي بتطالب في حصول او استحقاق جنسها للحقوق كاملة ..دا مش موضوعنا خالص
    هنا بنحاول نقول ايه هي الانوثة وايه هي الرجولة
     
    الصفات او السمات وبوظتهالكم ومش عارفين تردوا عليا اهو باقي القدرات والاكسسورات الخارجية المتعلقة بالمظهر
     
    كعب جزمتك يدل على أنوثة طاغية الجملة الخالدة من فيلم مطاردة غرامية اللي كان بيقوله فؤاد المهندس وعبد المنعم مدبولي والفنانة شويكار كانت جزء من قناعة فؤاد المهندس  الحقيقية واللي اكدها لينا ابنه في حوار صحافي اكد انه ابوه كان بيستعيب الست اللي متلبسش كعب عالي ويشوف انها تستحق التوبيخ واللوم باعتبار الكعب العالي حاجة كدة قمة التعبير عن الأنوثة
     
    برغم ان وقت استخدام الكعب عند ختراعه اول مرة كان مصنوع خصيصا و معمول للرجالة ومش العاديين دا مخصوص للجنود علشان يقدروا يثبتوا على السرج وهم بيقاتلوا
    وبعدها انتقل الكعب العالي لرجال البلاط الأثرياء والملوك على وجه الخصوص وانتقل من فرنسا لاوروبا كلها وبقى تقليد ضروري للنبلاء من الرجالة ، مع بدايات القرن الثامن عشر في أوروبا بدأ الكعب العالي ياخد وظيفة عملية، واستخدموه  الفلاحين والعمال وبعد نصف قرن يعني بالضبط منتصف القرن الثامن عشر، تخلى الرجالة عن الكعب العالي، وانتقل الشكل دا للمجال الأنثوي، بدأت الستات في ارتداءه حرصا قال ايه على انوثتهن .. مممم تأمل كدة
     
    ودا لو جينا قلبناه على رواااج موضة تعريض الفك اللي الفنانات بداوا يعملوها ودي مش لبس بقى دا تغيير في الشكل التشريحي للوجه الانثوي الناعم المستدير لتحديد وتعريض الفكين فتبقى الفنانة فكها اعرض من كتافها واللي هو كان سمة شكلية للوجه الرجولي الذكوري الجو لاين او التكساس
    يبقى الشكل والمظهر الخارجي عبارة عن الطبق اللي اتقدمتلك فيه الفكرة لكنه مش دلالة ابدا على وجودها يعني لو اللون البرتقالي او الأصفر هو بقى لون البنات عمرك ما كنت حتقول اللون الوردي او البينك هو اللون البناتي او الانثوي كان ممكن يبقى ف حفلات الكشف عن جنس المولود لونين اصفر وازرق او اصفر واخضر. مثلا
    الكورسيه اللي كانوا الستات بيشدوا بيه وسطهم دايما عشان الشكل الانثوي بقى غير وارد غير أوقات بسيطة .. معرفش امتى انا لا عمري اشتريته ولا لبسته .. انما دلوقت الجينز والمقطع كمان ممكن يبقى شكله محبب على شبشب او صندل كعبه بسيط
     
    انا مرة حطيت صورة وانا بسجل حلقة من الودكاست علي انستاجرام وكنت لابسة جينز في قطع جالي تعليق بيقول حضرتك اكبر واهم من انك تلسي مقطع .. على الدي ام رديت انا اهم من أي لبس ممكن البسه او ملبسوش
    الحقيقة البانط
    لون دا بقاله ٤ سنين وانا لبسته لانه واسع فمش حيضايقن يعني منتهى العملية السمنة وزيادة الوز ن ما كانت د لالة انوثة في وقت واتبدلت
    الشاهد من كل الكلام دا ان المظهر بشكل عام ممكن يعبر عن الأنوثة فعلا لكن دا لأننا احنا كمجتع توافقنا على انه بيعبر او بيرمز للانوثة لكن دا مش معناه ان بيصنعها او بيحققها او بيسببها سواء بقى اتفقنا او اختلفنا ع المظهر او الشكل فهو تعبير مش سبب
     
    يبقى هي القدرات اللي حتكون دالة قوي ع الانوثة والرجولة
    في اعتقاد صادم عند كتير من الستات والبنات بان ضعفها أنوثة وتقصد هنا الضعف النفسي والإنساني وبعيدا عن سذاجة المعنى دا لاني لا اظن ان اللي بيسمعوني على هذا القدر من السطحية لكن زمان قبل الحرب العالمية الأولى كان دا المفهوم الواضح والثابت الست كائن سفيف ماينفعش ف الشغل والالتزام الصدمات التضييق اوالإنتاج لغاية ما الحرب العالمية الأولى قامت ومع تجنيد الرجالة خرجت المرأة للعمل وسبحان الله اكتشف العالم ان المرأ ة عندها قدرة علي التحمل والمسئولة والإنتاج وانها لا تقل عن الرجل في القدرات العقلية والنفسية وعجزت نظريات التحليل النفسي وقتها على تفسير قدرات المرأة وهوب انحازو بسرعة للفرق البيولوجي وركزوا عليه .. اللي هو فرق يفيد النوع والوظيفة لكن لا يجعل جنس غير قادر على القيادة او الإنتاج ولان دا مش موضوعنا احنا لا نزال في رحلة البحث عن ماهية  الانوثة وماهية الرجولة والي تبدو كدة رحلة صعبة اضطريت فيها اني ابدا بالاستبعاد
    استبعدت السمات الوصفية لسلوك معين او اتخاذ قيم معينة ثم الملابس المتغيرة وحتي شكل الجسم اللي كان وارد فيه الكيرفات دلوقت حل محله العضلات عند الجنسين لغاية القدرات النفسية والعقلية
     
     
    اللا امال ايه يعني مفيش معنى ايه اللي يخلي انسان بيحس ان ست معينة انثوية اكثر من غيرها والراجل كمان ايه يميز رجولة عن رجولة او ذكورة بعيدا عن الوظيفة البيولوجية لكل منهم؟ عايزين نختم الحلقة ونرتاح
     
     
    وليه الموضوع خلافي .. الحقيقة لانه يخضع للذوق الشخصي للزمن لنظرة الشخص لنفسه لكن انا استعرضت كل ما سبق علشان أوصل للنقطة الجاية مستعدين ….
    الاهتمام بالانوثة وتحقيقها او تحققها والرجولة بالعكس غالبا بيكون الدافع ليه إرضاء الآخر أي اخر سواء كان شريك محتمل او مجتمع او اهل او او او او الأصل في كل شيئ تكون نفسك بكل سطوعها وقوتها وحتبقى ساعتها انوثتك واضحة وطاغية ورجولتك حتبقى حاضرة ومتحققة اهم حاجك سعيك للتحقق يكون خالص لابراز حقيقتك وقوتك وداخلك اللي لوحده حيكون على طبيعته مبهر وجميل
     
     
    لو قابلت ست بتتمنى واحد يحافظ عليها ويخلي باله منها ويتحمل مسئوليتها وممكن تلخص دا في كلمة يحققلي الآمان مش من اذيته اوجرحه لا تكون بتقصد الأمان في الحياة المادي والاجتماعي والعاطفي بمعنى حمايتها من كل مواجهة بتكون شايفة انها غير قادرة علىتوفير كل ما سبق لنفسها وبحاجة لمن يقوم بالدور دا عنها باعتبارها انثى رقيقة في حاجة لحماية وكفالة رجل بتبقى انسان منقوص وضعيف
    لما راجل بيقابل ست طبيعية قوية  متخلصة من الإرث دا قادرة على كل ما سبق بيظن أحيانا في مخيلته انها لاتزال تنتظر أن يأتي البطلالمغوار المتفتق رجولة المتفحش فحولة وهو فقط من دون الصغار اللي يقدر يحمل عنها أحمالها
    لازم يكونه داخل تحدي وانه لازم يكسبه انتصارا لرجولته الجامدة اللي حتستحق انثى قوية وان المسألة نسبية تختلف من انثى لأخرى لكنالصيد الصعب بعظم من إحساس الصياد برجولته الزائف
     
    المشكلة في الانوثة والرجولة عدم الصدق حتى اللي بيقولك دا اتيتيود يمكن مش عارف ان السلوك دا هو نتاج الصدق في الاخر مستحيلتشوف ست صادقة متحسش انها ست الستات ولا تقابل راجل صادق متقلش عليه سيد الرجالة
    المطلوب في الحالتين واحد .. تخيلت .. لو متخيلتش اسمع تاني واتحداك!
     

    The post إليك المفاجأة: الأنوثة هي الرجولة مفيش فرق! – يوميات واحدة ست appeared first on بودكاست الميزان.

    19 min
  • مكتبي – نص معلقة سكر
     
    قراءة المزيد

      عجوز قوي يا مكتبي ، أكبر مني بحوالي ١٥ سنة يعني معدي الستين مرتاح. مكتبي اللي ذاكرت عليه من أولى اعدادي لحد تالتة ثانوي. المكتب اللي كان سبب خلاف كبير قوي بين أبويا وحماه اللي هو جدي يعني لما بابا بعد ما دفع المهر أصر إن جدي يعمل حسابه في الجهاز على أوضة مكتب. أبويا أستاذ الفيزيا في مدرسة طنطا الثانوية اللي بعد كده بقى أستاذ الفيزيا في كلية التربية ورئيس قسمها كمان ومؤلف كتب الفيزيا لكل اللي درسوا في الثانوية العامة من منتصف التمانينات لحد تقريبا ٢٠١٠ وكمان واضع امتحانات الفيزيا في الثانوية العامة من منتصف التمنينات لحد سنة ٢٠٠٠ ماعدا سنة ٩١ علشان العبد لله. لكن ما علينا، نرجع للمكتب اللي صاحب ابويا من سنة ٥٩ لحد ما قرر يسيبهولي في ٨٦، ٢٧ سنة مصاحب راجل عاشق للعلم والفيزيا والبحث والمذاكرة، وبيتنقل لواحد صايع ضايع بيحب الأدب وبيحط الروايات بين صفحات الكتب. أكيد كان مصاب بصدمة، بس المكاتب عندها وفاء عجيب لأصحابها، بيخدموهم بصدق وينفذوا رغباتهم. مكتبي اللي كان مكتب أبويا ساب كل كتب الفيزيا وبدأ يضم روايات لنجيب محفوظ واحسان عبد القدوس ومجيد طوبيا وقصص ليوسف ادريس ويحي الطاهر عبد الله وبدأ يتحول لمكتبة أدبية. أه نسيت أحكيلكم اني مضيت جوه الدرج الكبير بإسمي قال يعني بسجل للتاريخ. مكتبي اللي شاف أبويا بيقفشني قبل امتحانات الثانوية بكام يوم بقرا رواية اسمها المستنقع وبيضربني هو نفسه اللي شافني بعيط وانا بقبل في الكلية الحربية لأني حسيب البيت للأسف خرج من الخدمة والحياة في ٢٠٢١. المكتب اللي عاش ٦٢ سنة وحصلت حريقة مرة عليه منجاش منها غير المصحف وحشني. وعلشان كده بقوله أكيد أنت في حتة أفضل لكن أكيد مش أحسن من صحبة واحد أدباتي عاش معاك أيام جميلة  

     

    The post مكتبي – نص معلقة سكر appeared first on بودكاست الميزان.

    5 min
  • حصل بالفعل، كل ما الاقيك أحسن مني اقولك أنت مغرور وأنت تصدق وتكش – يوميات واحدة ست
     
    قراءة المزيد

      في ربط خاطئ بين تعبيرك عن نفسك واعتزازك بقدرك وتمسكك بأفكارك اللي تعبت سنين لغاية ما تكونها وتقتنع بيها وتشكلها جواك.. وبين الغرور موضوع يطول شرحه لكنه خطر لتأثيره عليك وتحجيمك وقصقصة ريشك وتخويفك من الوصم او الملامة من ناحية لكن من ناحية تانية في خطر اكبر وهو خسارة الناس اللي كانت حياتها وارد تتأثر وتتغير بيك بسببك وبأثرك… وف وسط اخلاصك لرسالتك اللي انت مؤمن بيها تلاقي أصوات بترهبك بالشتيمة مرة والسخرية مرة والتشكيك مرة وبتقولك .. خليك في حالك … مين اللي من مصلحته يلغي بين الناس الفوارق ويحولنا لنسخ صامتة وخايفة ويخسرنا اختلافاتنا اللي بتميزنا … ويمحي الأثر     لو بيتقالك انت مغرور أو قلت لحد انه مغرور او سمعت عن حد وصف غيره انه مغرور.. اسمعني في بودكاست يوميات واحدة ست علشان انت غالبا يا بيتغرغر بيك يا.. انت بتستعبط     من أغرب الحاجات اللي بنشوففها الحماسة والرغبة اللي بقت غير ارادية في التفتيش في نوايا الناس وكأنك واخد من ربنا قدرته في الاطلاع علي قلوب غيرك والحكم عليهم   بيحصل انك تكون بتكلم شخص ما  او بتتعامل معاه وانت في وسط حديث هادئ بتسمع فيه عتابه لومه ليك انتقاده لتصرف ما انت عملته يقولك فاجاة  بس متعملش دا لحسن الناس تقول عليك مغرور او بيقولوا عليك انك فعلا مغرور وممكن يتوغل في العبث ويقولك اصل خلي بالك يعني في شعرة بين الثقة والغرور انت وارد متاخدش بالك من الشعرة دي ..يعني انت مش حتاخد بالك من شعرة جواه تلافيفك وهو قاعد برة يعرفش عنك حاجة بس لاقط الشعرة   دا غير انت لو مغرور فعلا مش حتعبره ومكنتش حتبذل وقت في سماع رأيه لكن أزيدك من الشعر بيت حتى لو شفت ان وقتك أقيم من انك تسمع رأي شخص سبق وعرفت وقدرت ان انطباعي ومشاعري تبقى انت او انتي بتفهمي وبتصوني وقتك وطاقتك مش عبيط يعني مش مش مغرور .. مش مش كتير قوي   زمان واحنا صغيرين افتكر في كرتون سالي كان فيه بنت شريرة معاها ف المدرسة بيوصفوها بانها مغرورة جدا وفي الوقت نفسه كانت ضعيفة جدا وهنا ربطوا في المسلسل ان الغرور هو انعكاس لصورتك المهزوزة عن نفسك مشفتش الكارتون دا غير مرة واحدة كنت ايام المدرسة لكن لسه فاكره منه المعني دا .. اللي للأسف كبار في العمر كتير حوالينا مش مدركينه   سمعاك بتقولي طيب ما يتفلقوا خلي اللي يقول يقول دا صحيح اجمالا بالنسبة للإنسان الناضج المتدرب على تجاهل آراء الناس العبثية واحكامهم وقادر يكون صادق جدا مع نفسه وعارفها كويس لكن لو اتواجه بالاتهامات دي في لحظة ضعفه وكلنا معرضين ممكن الهمهمات دي تأثر فيه وتعطله لكن يفضل خطرها في رأيي واللي خلاني اقرر اني أتكلم معاكم عن مفهوم  الغرور في حد ذاته ان الناس المُحبِطة – اللي غاوية تحبط غيرها – بقت بتمارس وصاية شديدة الخبث على غيرها لدرجة ان لو شخص شارك نماذج من شغله او حكي حكايته او سوق لمشروع يخصه سواء خاصة لو أدبي أو فكري او خدمي او تململ من وضع معين بهدف إصلاحه وبذل جهده في تطوير ادواته والتركيز على نفسه ورفض فرص تعيقه ضد مشروعه او مشواره على التسويق لنفسه عنده كتاب مهم حاول يروج له الخ من دا اتهموه بالغرور لإسكاته مش علشان حاجة غير عدم فضح حقيقتهم الراكدة قدام نفسهم فيبقوا كل ما يشوفوه بيعبر عن نفسه بقوة وحرية فبيضايقوا علشان بيحسوا بعجزهم كل مرة يشوفوا نجاح غيرهم وبيستشعروا دونيتهم وضعفهم كل ما لمحوا قوة واعتزاز غيرهم كل ما شافوا غيرهم قادر على الرفض وما جبناء .. يقولوا مغرور… لو استجبنا ليهم حنخسر طاقات بعض وحنخسر نسمع تجارب بعض وحنخسر ذاتنا بتفردنا       نحكي عن تعريف الغرور بعدين كيف استفحل طيب ايه هو الغرور قوليلنا ازاي نعرف ان الشخص دا مغرور ومتقوليلناش اللي مش واثق من نفسه فعلا بيتصرف بغرور لأننا منعرفش ايه تصرف المغرور؟     ممم جميل جدا .. مبدئيا لازم أقول ان بعمل البودكاست دا عشان انت تعرف نفسك وانتي تتأكدي انك متواضعة ومش مغرورة مش علشان نعرف اللي حوالينا ونحدد اذا كانوا مغرورين ولا لا اصل لو دا شغلك يبقى عندك مشكلة بصراحة انت مالك باحساس الاخر بقيمته .. ولا انت من الكسالى إياهم اللي بيقولوا على أي مؤثر وواثق ف نفسه يامغرور عشان تخرسه .. لو منهم اتكل ع الله البودكاست دا مش ليك انا بكلم الناس المهمومة بنفسها اللي شبهي مشغولة بانها تكون احسن اصدق اشجع وانفع ..   انت لو شايف انك افضل من غيرك نسبة لنسبك او تعليمك او لبسك او سكنك او الشركة اللي شغال فيها او لاي سبب غير قيمتك الحقيقية كإنسان صالح مفيد بعلمك وباخلاقك وبتتفاخر بالميزات دي فدي مشكلة كبيرة قوي لكنها تدلل على غرورك لما تترجم لتصرفات زي ان الناس تكلمك متردش عليها تدخل ماتسلمش  تتجاهل اراء غيرك كلها تتجاهل مشاعرهم تتجاهل خبراتهم تتاخر على موعد عمل او اجتماع متحسش بتقصير في حق غيرك او تحس انك مدين بالاعتذار يعني احساسك المزيف بأهميتك وتضخم ذاتك غير المستحق لازم يرتبط بتصرفات فيها عدم احترام للآخر وتقليل من شأنه اثناء تفاعلك معاه سواء في نطاق عمل أو بشكل عام واي حد اخر   امال ايه اللي خلا الناس تتهتم بعض عمال على بطال من غير سابق معرفة بالغرور يعني وبقت صفة كدة سهل نقولها خاصة على أي شخص عنده تقدير كبير لنفسه وثقة في قدرته او مهنته او علمه ومن غير ما يكون حد يعرفه بشكل شخصي ممكن يتهمه بالغرور   ححكيلكم حكاية مابتغيبش عن بالي   شخص ما مش حقول انه انا مرضاش ينسحق لزميل مماثل في الوضع الإداري والمهني لمجرد ان الزميل دا اقدم منه …واشهر وبيشتغل قبله لان كل دام كنش متسق مع انه اكفاأ انه انزه انه انسان كبير بما تحمله الكلمة الشخص دا اتلام واتوصف بالغرور من شاهد عيان كان بيغش نقابته وبيشتغل في السر شغلانة ملهاش علاقة بتخصصه وتعارض اشتراطات النقابة واللي بتدفعه لاعضاءها يعني اتوصف بالغرور اللي شاف ان الكبير مش بالسطوة ولا الاقدمية في عمل ابداعي كان للأسف القديم دا كان سبب في تراجعه .. تأمل ازاي الانسان اللي ماشي عوج ضروري ينحني وينافق آه وضروري برده يتهم اللي لم ينحني بالغرور ….   فاهمين قصدي؟ حصل لكم اكيد .. اللي عايزة أقوله ان الابعاد والوصم دا ممكن يخليك غصب عنك تشك في نفسك او تخرس تسكت انت اللي تستخبى بدل القطيع المنافقين ما المفروض هما اللي يختشوا   بس الحكاية دي بدات ازاي دا زمان كنا نسمع أهلنا يوصفوا انسان مترفع ومحترم بانه باشا ف نفسه راسه مرفوعة ولو ست يقولوا هانم بصحيح ايه اللي حصل ؟   اظن الحكاية بدأت بالإفساد عن طريق تمكين المحدودين اللي كان من مصلحتهم يشيعوا ان من التواضع انك  تقبل أن أي شخص يحط من قدرك وتسكت عادي فتبقى طيب وجميل  ومتواضع الخ من الصفات اللي بدا يتروج لها باعتبارها مقبولة     لكن لا يا فاسد يا راكد يا مستفيد انت وهو وهي من غير استحقاق احنا واعيين قوي اهو للي بيحصل حتى لو وانت بتنشر سمومك مش عامل مش مواخد بالك     متخلوش حد يستعبطكم ويأثر عليك ويجاول يخليك تلبس قميص ضيق عليك هلشان متفضحش قلته وخسته   في ناس تعاملها باخلاقك وناس تعاملها بقوتك مع اخلاقك وفي ناس تعاملها بقوتك مع أخلاقم مع شوية حاجات كدة لما تدرك انها تخاف ماتختشيش واللي لازم تتاكد.منه ان قوتك مش ضد اخلاقك  لكن لينك مش دايما صح وشكك في نفسه لازم يكون نابع من نفسك لنفسك وذكاءك دايما حاضر. ومحدش حيعرفك اكتر من نفسك واكتر حد المفروض تنشغل بيه هو نفسك اكتر من اللي حواليك .. كلهم ؟..كلهم   اااه بس في ناس كدة تحسي انها فاكرة نفسها مهمة؟ طب وانت ايه اللي مضايقك ؟ كلمتهم مدروش عليك عرفت تاريخ حياتهم المهني لقيتهم بياكلوا دراع فريق العمل اللي شغال معاهم قابلوك ع السلم بتولع وفي أيديهم المياه وسابوك مثلا .. عايزة افهم بجد يعني ايه واحد حاسس انه مهم او واحدة حاسة انها مهمة هو انت ليه حاسس انك قليل وانت ليه حاسة انك مش مهمة مش يمكن دا السؤال الصح اللي لازم تسأله لنفسه انت ليه حاسس انك هفق قليل صغير فاشل كل انسان الأصل ان ربنا خلقه برسالة او موهبة ما هي الموهبة هي الرسالة لو ادركها وصانها ونماها واختارها عن كل مغريات الدنيا الفارغة من فلوس وشهرة واستعراض يبقى طبيعي دا انسان مهم وطبيعي ان اللي مشي ورا الدنيا عايز يبقى زي فلان او فلانه وعمره ما فكر ولا اختار نفسه لحظة ان يكون قليل   في جملة لأحمد زكي بيقول فيها كلمة مهمة جدا .. لما اموت حتعرفوا قيمتي ايه دا هو احمد زكي مغرور ! اللي عمره ما اتاخر عن مساعدة صديق اللي كان بيمشي في الشارع وسط الناس يروح المهرجانات بملابس عادية حتى محمود سعد حكى ان في احد المهرجانات ادوله جاكتة علشان طلع واخد جايزة ومش عامل حسابه محمد رياض زوج رانيا بنت محمود يس في خطوبته كان نفسه احمد زكي يحضر فلما محضرش لظرف رياض قاله انه كان فارق معاه وجوده فاحمد زكي الله يرحمه وعده انه حيحضر كتبت الكتاب وحيكون شاهد ع القعد وفعلا حضر قبل قبل المعاد ووفى بوعده أوقات في ناس بتبص انت وصلت لفين وتمصمص شفايفها تستهون برحلتك تقلل من مقاومتك ومعاناتك تتفه من نجاحك او نجاتك وبتقول هو يعني عمل ايه جايز تستهون بالمجهود مهما كان حجمه لكن المجهود مش هو سبب اعتزازك هما عندهم حق ما كلنا بنتعب     هل انت عمرك اهتميت برأي الناس فيك او يا ترى بيقولوا عليك ايه لعبت اللعبة بتاعة الفيس بوك كل حد يقولي بيشوفني ازاي .. عمري ما لعبتها بصراحة .. انا غير مهتمة مغرورة؟ لا خالص انا واثقة من نفسي ومشغولة برأيي في نفسي احنا خلاص بقى قلنا وشرحنا يعني ايه مغرور .. لو انت حتحس انك انسان جميل لما الناس تقولك كدة يبقى عندك مشكلة دا معناه انك حتتحطم لما الناس تقولك ان وحش وبصرف النظر عن تصنيفات الناس لحلويين ووحشين الساذجة غير الموجودة فانت كدة قدرك هو ما يرجحه الناس في حين انك لازم تعرف قدرك كويس وانت اللي تعرفه للناس لكن لو انت فسل وتوليت منصب او مكانة بالفساد حيبقى همك ياترى انا مكشوف طب بيقولوا ايه وأول ما تلاقي حد مش مهتم برأي الناس فيه حتعلي صوتك وانت بتترعش وتقول عليه مغرور   سبب اعتزازك وفخرك بنفسك هو الألم الألم من احباط بسبب سباحة ضد التيار الألم من عزلة فرضها عليك التزامك بقيم بقت عزيزة الم من طول السعي والصبر والجلد الم من التمن اللي دفعته من راحتك ومن مناصب وفرص كان ممكن تقبلها من فلوس كان ممكن تكسبها بس انت اختارت نفسك الأول اخترت مشروعك شغفك قيمك موهبتك وطريقك عشان يجي أيا كان يقولك يا مغرور. طز حدش يقدر يحس بالم غيرك ولا حد من حقه يقدر رحلتك غيرك ولا حد يقدر يفهمك اكتر منك ولا حد يصح ان يفرض عليك طريقة تعبيرك عن نفسك   خدها قاعدة وانت ماشي مفيش انسان بيناقش عيوبه مغرور او ذاته متضخمة وابوهم كلهم على اللي يتشددلهم

     

    The post حصل بالفعل، كل ما الاقيك أحسن مني اقولك أنت مغرور وأنت تصدق وتكش – يوميات واحدة ست appeared first on بودكاست الميزان.

    18 min
  • حكاية جواب استلمه جمال عبدالناصر من والد جاسوس – تاريخ لكن وسيم
     
    قراءة المزيد
    الأوراق الخاصة للرئيس جمال عبدالناصر  فيها جوابات كتيرة كتبها لناس أو جوابات جاتله، لكن أغرب الجوابات اللي استقبلها جمال عبدالناصر كان جواب من أم وأبشاب ألماني جاسوس على مصر لحساب إسرائيل، طب إزاي وليه ؟
    في الستينيات تعاونت مصر مع عدد من العلماء الألمان لتطوير منظومتها العسكرية والتسليحية ووقعت أشرس معارك الذكاء بين المخابرات المصرية والموساد اللي كان عاوز يعرف تفاصيل شغل العلماء الألمان وإفشالهم أو اغتيالهم يتم اغتيالهم.
    في الوقت دا كان فيه شاب ألماني اسمه فروفالد جا القاهرة وفي حوزته جهاز لاسيلكي متطور، واتقبض عليه وتم تقديمه إلى المحكمة اللي حكمت عليه سنة 1966 بالسجن المشدد 10 سنوات.
    الصحفية إبتسام الهواري «مراسلة جريدة أخبار اليوم في ألمانيا» كانت بتزول منزل الجاسوس وكتبت خلال تغطيتها للحدث وقالت أن الألمان تنفسوا الصعداء عند سماعهم الحكم على الجاسوس الإسرائيلي ولم ينقطع رنين التليفون في بيت أسرته للتهنئة، وأن النائب الألماني جوزيف روميرز كيرشين عضو الحزب المسيحي الديموقراطي سيسافر إلى القاهرة هذا الأسبوع حاملاً مع التماسًا بالعفو عن المتهم سيرفعه إلى الرئيس جمال عبدالناصر.
    أم الجاسوس كلمت ابتسام الهواري عن مشاعرها وقالت “لقد هزتني ما سمعته في الإذاعة من مراسليها في القاهرة عن تقدير المحكمة لتأثير الدعايات الصهيوني على ابني وعن عطف الجمهور المصري الذي حضر المحاكمة، إن المصريين أسرونا بعطفهم وعواطفهم وأكبر سبب لسعادتي أن المخابرات المصرية ألقت القبض على ولدي قبل فوات الأوان قد دفع ثمن غفلته ولكنني سعيدة لأن التجربة أعادته إلى صوابه وأوضحت له حقيقة الدعايات التي عرضت مستقبله للدمار”، مشيرةً إلى أنها اطمئنت أكثر عندما راسلها ولدها فروفالد وقال لها أنه يلقى معاملة حسنة في السجن.
    أما والد الجاسوس فكتب جواب لجمال عبدالناصر شخصيًا وقال فيه نصًا إلى رئيس الجمهورية العربية المتخدة الرئيس جمال عبدالناصر .. سيادة الرئيس نشكركم على عطفكم وفهم المحكمة لحقيقة الأزمة النفسية التي يعيش فيها الشباب الألماني والتي تمثلت في إساءة استغلال إسرائيل لابني، هذا العطف أثر فيّ وفي وجدان الشعب الألماني كله ونحن نتوجه إليكم بشكرنا، لقد أبدى ابني ندمه على أخطاءه إنه ما زال صغيرًا وكأب يا سيادة الرئيس أتطلع إلى أن يحظى بمزيد من عطفكم وأن يمنحه عفوكم حريته حتى يبدأ حياته من جديد بعد أن صقلته التجربة”
    هل جمال عبدالناصر نفذ الطلب ؟
    اللي حصل إن تم الإفراج عن فروفالد في صفقة تبادل بعد نكسة يونيو 1967 م بس مراحش إسرائيل وإنما رجع لبرلين وقعد فيها ومحدش شافه بعدها لحد دلوقتي
     

    The post  حكاية جواب استلمه جمال عبدالناصر من والد جاسوس – تاريخ لكن وسيم appeared first on بودكاست الميزان.

    5 min
  • مين هما ولاد أبو اسماعيل الحقيقيين؟ – تاريخ لكن وسيم
    ولاد أبو إسماعيل الحقيقيين
    قراءة المزيد
    قامت حبكة فيلم بوحة لـ محمد سعد على الصراع مع “ولاد أبو إسماعيل !!”، وكان بيقول “اللي ما عمرنا سمعنا عنهم في طبق اليوم”، ولاد أبو إسماعيل في الفيلم مش معروف هم مين، لكن في التاريخ لهم وجود ووجود قوي.
    في سوهاج جهة الشمال الغربي لشندويل، وبالتحديد غرب مركز المراغة موجودة قرية أولاد أبو إسماعيل، بس هو مين إسماعيل اللي له ولاد دا ؟
    هو شيخ العرب إسماعيل سيف الإسلام بن بكار بن همام بن سيبك الهواري المغربي، واللي استوطنوا في أواخر العصر الفاطمي بصعيد مصر حيث القرية الموجودة على اسمهم، وأحدثوا طفرة حقيقية في المراغة بسوهاج وأنشأوا فيها مساجد عامرة وزرعوا فيها الحدائق والزروع وبمرور الزمن اكتسبت هذه القرية اسمها من اسمهم.
    حاليًا فإن القرية اللي عليها العين فيها عائلتين مشهورتين أوردهما علي باشا مبارك في خططه لما قال “في جهتها البحرية ـ يقصد القرية ـ يسكن عائلة أولاد مكي أبنية مشيدة، وعائلة أولاد همام في جهتها الجنوبية الشرقية لهم أبنية فاخرة ومناطر بالزجاج والبياض، ولهم كرم زائد ومهارة في رماحة الخيل ويقتنون جيادها، وكان منهم ناظر قسم في زمن العزيز محمد علي باشا، ثم حاكم خط في زمن الخديوي إسماعيل باشا، وأرضها تروى من ترعة يقال لها ترعة أم عليلة عند سوهاج”.
    صلاح أحمد هريدي في “الصعيد في العصر العثماني”، ترجمة لأبرز علماء قرية أولاد أبو إسماعيل، وهو الشيخ أحمد أبو السعود الإسماعيلي المالكي، أحد المدرسين في الجامع الأزهر، وقال عنه كان حسن التعليم مرغوباً للطلبة، مع أنه كان شديداً عليهم يلزمهم التأدب والالتفات وربما ضربهم على ذلك
    ويضيف عنه “له خزانة صغيرة من خزن الأزهر التي بالمقصورة، كان يضع فيها متاعة فكانت هي بيته وليس له متاع إلا ثيابه وبعض دراهم وبعض كتبه

    The post مين هما ولاد أبو اسماعيل الحقيقيين؟ – تاريخ لكن وسيم appeared first on بودكاست الميزان.

    3 min

About الميزان

From the publisher's feed

موقع إلكتروني متخصص .. يلقي حجرا في مياه راكدة