माध्यम संशोधन संवाद

माध्यम संशोधन का करायचे, त्यातून काय साध्य होते, ज्ञाननिर्मिती होते का, आणि होत असली तर कशी हे एकदा समजून घेतले की पुढची प्रक्रिया सोपी होते. माध्यम संशोधन करायचे म्हणजे नेमके करायचे हेही कळले पाहिजे. त्यात किती असंख्य पर्याय उपलब्ध आहेत ते माहीत असले पाहिजे. त्या सगळ्यांची उत्तरे या भागात मिळतील. 

त्यात सांगितल्याप्रमाणे https://shodhganga.inflibnet.ac.in/ या संकेतस्थळावर भारतात झालेल्या पीएचडी संशोधनविषयांची यादी, आणि पूर्ण प्रबध उपलब्ध आहेत. त्यावर journalism, mass communication, social media, advertising, newspapers, TV असे विविध कळीचे शब्द वापरून तुम्ही माध्यमांशी संबंधित झालेली संशोधने पाहू शकता. 

तुमच्या प्रतिक्रिया जाणून घ्यायला आवडेल. नक्की कळवा [email protected] या पत्त्यावर.

मी उज्ज्वला. गेली अनेक वर्षे माध्यम संशोधन हा विषय शिकवते. त्या विषयासंबंधी मराठीतून फारसं संदर्भ साहित्य उपलब्ध नाही. त्या विषयासंबंधी एखादं पुस्तक लिहिण्याचा माझा विचार आहेच, परंतु तत्पूर्वी  पॉडकास्ट या मौखिक संवादी माध्यमातून या विषयासंबंधी थोडं बोलावं. ज्यांना या विषयात रस आहे त्यांची मतं, अपेक्षा जाणून घ्याव्यात या विचारानं माध्यम संशोधन संवाद हा पॉडकास्ट मी सुरू केला आहे. 

माध्यम संशोधनाची तोंडओळख या विषयात रस आसणाऱ्यांना, माध्यमांच्य़ा विद्यार्थ्यांना  करून द्यावी असा माझा त्यामागचा हेतू आहे. मात्र हा विषय कशोल समजून घ्यायचा असेल तर अर्थातच अधिक वाचनाला पर्याय नाही. त्या वाचनाला यातून दिशा मिळावी असा प्रयत्न या संवादातून मी करेन.