Millicent o eletsa Moruti Kgole gore a tsebise phuthego koleke ya Sontaga se sengwe le se sengwe gore ke bokae gomme Moruti o re Millicent o a mo leka,o mo fetola ka gore ,”tse ke tsona dika tsa gore ka nnete lefase le fihlile mafelelong”.O mmotsa gore, “Ntlogele Sathane gobane go ngwadilwe gwa thwe!!

E tsweletse taba ya segwera sa Sophia Takalani Maluleke le Titi Mabona Machaka, re kwa Titi ge a bolela gore o nyaka go lokela Sophia ka gare ga mathata, ka ge a ile a ratana le Bra Tick! Naa Titi o tlo dira eng Sophia?

Kgokong o re Moruti Kgole o jele tshelete ya kereke, mola Moruti Kgole a gana go rekela baswa ba kereke costume ya didrama.Naa e ka ba ke nnete Moruti Kgole o jele tshelete yegoba o laola tshelete ya kereke ka mokgwa wa maleba le go e boloka( saver) gore ga e no reka se sengwe le se sengwe?

Jonjon o rile ge a botsisa Matsheko gore Bathethea ba ka ya neng ga Direko go ntsha magadi, Matsheko a mo fetola ka go ngenega le go nyama ka tseo bo malomeagwe ba mmoditsego tsona .Naa e ba kaba bo malome wa Mmatsheko ba mmoditse eng sa mo nyamisa ka tsela ye?

Titi Mabona Machaka o bolela gore o tla lwa le Matsheko le ka lebitleng.Naa lehloyo le ke la mohuta mang?Naa le tlo feleletsa kae?

Mahlakung Drama
Jonna weee!Mma Mabona o omanya ngwetsi ya gagwe Petronella , e bile o mmitsa setlaela ka ge a re monna ga a sekisiwe ka maratwana a ka ntle. Naa phoso e tla ba ya mang gona mo? Mmalo!

Di a boa!Sophia Takalani Maluleke o botṧa Brandon gore o swanetse go ya training ya Security, a tle a mo thwale mo khamphaneng ya gagwe! Jooooo! Naa Sophia o dira eng Brandon?

Jooo nna wee! Petronela o lla sello sa bohloko e le ge a re Matsobane o ratana le Hlapyadi-Badgirl.Naa taba ye ke nnete?

Alfios o lateletse Moruti Kgole gore naa o sa rakile Monica mosadi wa gagwe kerekeng naa?Jo nna wee! Moruti Kgole o tsenetswe ruri!Naa o tla bona a dirile eng?

Heee! Saki o tsholotse lerato la gagwe go Masedi, Masedi o a mo sega!Saki o mmotsa gore o boletse nnete ka phoso!