Mahlakung

Millicent o tshwentšhwe ke taba ya go kgopela tshwarelo ga Badgirl, o re o dira seo go ba dira kunku robala gore a dire se sengwe sa go tšwa tseleng. Naa ke nnete taba ye?

Ai! Phetola le Bra Bizza ba rera go tswalela Badgirl molomo ka taba ya sethunya seo ba ilego ba mo fa sona. Naa ke gona ge Badgirl a bolailwe goba go ya go diragala eng ka yena?

Sophia o kgopela Nkele gore a dire gore Phetola le Matsheko ba kgaogane go boloka bophelo bja phetola.Naa Sophia o bolela dife?

Joooo nna wee!Matsheko o a itshola ge a boelelane le Phetola!!Naa o tla bona a dirile eng?

Heeee! Bra Bizza o tshepiša Phetola gore o tla mo fokoletša tšhelete yeo a mo kolotago yona. Naa ke gona ge Phetola a phonyokgile sekolotong sa Bra Bizza!

Bizza o boditše Bra Tick gore o tseba Kapamba le Sticks, gomme se se dira gore Dikeledi a gononwe gore o a amega mo go tšhabišweng le go golegwa ga phetola, mola le Masedi le yena a nale dikgonono ge Bizza a tsebana le Kapamba le Sticks. Naa e kaba Bizza ke yena a bego a romile Kapamba le Sticks go golega Phetola goba ba be ba romilwe ke Brandon le Sophia?

Moruti Kgole o latofatša Phetola Lethebe ka go fa Badgirl sethunya. Phetola o tlaba Moruti Kgole ge a mmotša gore sethunya seo Badgirl a se swerego, o se filwe ke Zakes Shabangu gore a itšhireletše go Sylvia yoo a bego a mo dirile lekgoša. Mmalo! A ke mararankodi. Naa ke mang a filego Badgirl sethunya magareng ga Phetola, Bra tick le Zakes Shabangu?

Sergeant Mampane o uwauwetša Badgirl gore a bollole ditaba tša sethunya ba tla mo dire hlatse ya mmušo a se swarwe.Naa Badgirl o tla utulla diphiri tša gagwe le Bra Tick le Phetola goba o tlo dira eng?

Milicent o botṧa Moruti Kgole gore o senya bophelo bja Badgirl ka go šalašala taba ya sethunya seo go thwego Badgirl o se swere morago, e bile o bo bea kotsing. Naa taba ye ke nnete?

Koloi ya mmaphodisa e eme saloneng sa Badgirl. Naa Badgirl o ya go swariša Phetola le Bra Tick goba a ka se bolele selo ka dithunya o tlo amogela tšhelete yeo ba mo tshepišitšego yona?