Sophia Takalani Maluleka o kwele bohloko kudu ge a bona Phetola Gentle Lethebe le Matsheko ba swarane ka matsogo le go laetša lethabo mmolong.Re kwa a rera le Dikeledi Lethebe gore ba ba kgaogantšhe.Naa ba tla atlega goba ba iphora ka lefeela?

“Masedi I love you….I love you more and more…” Ke mantšu a košana yeo Saki a bego a e opelela Masedi tšatšing la lerato, ge a be a mo fereya.Naa re ka bona Saki le Masedi ba ratana goba Saki o a di gagatla?

Badgirl o šišinya go Phetola gore go ka bjang ge a ka mo rekištša sethunya sela e salego ba mo fa sona gore a bolaye Zakes ka sona ka R10, 000.Naa se sa le gona sethunya se goba Badgirl o nyaka go itirela tšhelete ka sona?

Bra Bizza o lateletše Bra Tick go mmotšiša gore sethunya seo yena le Phetola ba bego ba se file Badgirl ke sa mang,Bra Tick o gana thaa o re ga tsebe selo ka sethunya seo.Naa ke nnete taba ye?

Banna Wee! Sophia o tshepiša Badgirl/Hlapyadi tšhelete gore a mo fe tshedimošo ka Bizza ka ge Bizza a sa nyake go mo lefela tšhelete ya diflat tšeo a mo rekišeditšego tšona.Naa Badgirl o tlile go mo fa ka gore Sophia ke yena a mo thušitšego go thoma kgwebo ya gagwe ya meriri?

Joo nna wee, Bra Bizza o lateletše Saki go seka sethunya seo a ilego a mo šupa ka sona ge a be a kgakgana le Phetola.Naa Ssaki o tla bona a dirile eng!!!

Mmalo Dr Lethebe o gana go boelelana le Jonjon o mmotša seroka phatla gore o kgopetše Koko Sebjalebjale le Phetola gore ba boe ka gae!!!Jonjon wa batho!!!!!!!

Titi o kgopela Bra Tick go reka koloi ya Rethabile ka maina a gagwe, gomme Bra Tick ga a e kwešiše taba ye.Naa e tla rekwa koloi ye ya Rethabile ka ge re ekwa go bolelwa gore o imelwa ke dikoloto?

Go bontšha fa Petronella Mabona a sa tšhabe le go tšhoga Bra Bizza, e bile re bona a mo koba ka ga Mabona.Naa Petronella a ka kgona Bra Bizza ka ge re tseba bohle lefaseng la Mahlakung ba mo tšhaba parapara?

Jonjon o botṧa Sergeant Mampane gore o itshola kudu go lokolla Matsheko e bile o romile le Moruti Kgole gore a ye go mmolelela le Matsheko .Naa Matsheko o tla boelelana le Jonjon goba ke gona a ile go Phetola Gentle Lethebe?