Jonjon o tseba lebakabaka la gore ke ka lebaka la eng Phetola a nyakana le Brandon ka mahlo a mahwibidu.Naa o swanetṧe gore a botse moratiwa gagwe ,Dr Lethebe ka se ka ge go nale polelo ya gore baratani ba botṧana dilo kamoka, ga ba na diphiri goba a homole ka ge mohlomongwe e ka ba lweṧa?

Tjo, gape Bra Tick o koba Sergeant Mampane diroomong tṧa gagwe ka ge a mo nyakiṧiṧa mabapi le go timelela ga Phetola.Naa Bra Tick o swanetṧe a kobe Mampane ka ge a dira moṧmo wa gagwe wa bophodisa goba a mo tlogele a dule?

Jonnawee! Phetola Gentle Lethebe o botṧa Matsheko gore go se go ye kae, Brandon o tlo bolokwa.Naa lesolo la Phetola la go nyakana le Brandon ke go mmolaya?

Bra Tick o tshwenyegile kudu gore Sergeant Mampane o mo lateletṧe go dira dinyakiṧiṧo mabapi le go golegwa ga Phetola ke bo Kapampa le Sticks.Naa e kaba go tshwenyega mo ga Bra Tick go ka ba go laetṧa gore le yena o nkga lefotha tabeng ye ya Phetola goba bjang?

Sophia Takalani Maluleke o botṧa Brandon gore ga a sa nyaka go mmona a nale Masedi goba go founelana le yena, e bile re bona ba baka founo ya Brandon ge Sophia a nyaka go bona gore ke mang a founelago Brandon.Naa Sophia o tla e kgona taba ye?

Phetola Lethebe o boditṧe mmagwe Sebjalebjale gore Sergeant Mampane o mohlaleng wa gagwe ka ge a begile gore Phetola o hlokofetṧe.Naa ke gona ge Sebjalebjale a swerwe a ile kgolegong goba go tlile go diragala eng ka yena?

Naa ke mang a rwelego maikarabelo a go tsebiṧa Masedi ka lerato la Brandon le Sophia,gore ka nnete a kgone go no lebala ka Brandon, ka gore ngwana wa batho ga a tsebe selo gomme o holofetṧe ka lerato la gagwe le Brandon, gomme tatagwe o a mo ganetṧa a sa mmotṧe mabaka?

Mmalo!Mamabona o botsa ngwetsi ya gagwe Petronella gore a belege ngwana a tle a mo theelele ka mmagwe! Joo! Naa mmatswale o nale maloka a go beakanya lapa la ngwetsi ya gagwe ge go etla tabeng tsa go oketsa thari?

Sophia Takalani Maluleke o botṧa Matsheko,Dr Lethebe gore yena Matsheko,le Titi ba swana le yena Sophia ka gore kamoka ba ṧomiṧitṧe Phetola ba re go humana tṧeo ba di nyakago ba mo tlogela, (Matsheko- o mo iṧitṧe sekolong a ithutela bongaka, gomme a mo tṧhabela a tsenela tṧa thobalano le mootledi wa gagwe Mojela-Mojela); Titi ( O mo agetṧe ntlo ya kgoparara), Sophia (O mo file taolo ya ditṧhelete le dikgwebo tṧa gagwe, a ratana le Ben 10 Brandon).Naa ke nnete basadi ba ba bararo, Matsheko, Titi le Sophia, ba a swana?

Joooooo!Dikeledi Lethebe o befetṧwe o re ‘ke nako ya bea Sophia madulong a gagwe!Naa o ya go dira eng?