Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Aswamedham - Episode - 6' - New Telugu Web Series

Written By Gannavarapu Narasimha Murthy

'అశ్వ మేధం - ఎపిసోడ్ - 6' తెలుగు ధారావాహిక

రచన : గన్నవరపు నరసింహ మూర్తి

(కథా పఠనం: మల్లవరపు సీతారాం కుమార్)

వారంరోజుల తరువాత సౌదామిని చరణ్ కంపెనీలో లీగల్ అడ్వైజర్ గా జాయిన్ అయింది. బాక్సైట్ మైనింగ్ కేసు వాదనలు పదిహేను రోజుల్లో మొదలౌతాయి. ఈలోగా అఫిడవిట్ తయారు చేయాలి. ఆ పనిని చరణ్ సౌదామిని కి అప్పచెప్పాడు.

ఆమె రాత్రి, పగలు కష్టపడి, ఎన్నో న్యాయశాస్త్ర గ్రంధాలు పరిశీలించి, చట్టాలను ఉంటకిస్తూ దాన్ని తయారు చెయ్యడంలో నిమగ్నమైంది.

చివరకు నలభై పేజీల డ్రాఫ్ట్ తయారైంది. దాన్ని చరణ్ ఒకసారి చదివి, విహారితో చర్చించి, దానికి తుదిరూపు ఇచ్చాడు. చివరకు డ్రాఫ్టు తయారైంది.

దీనిని వాదనలు ప్రారంభమవడానికి ఒకరోజు ముందు కోర్టులో దాఖలు చేసారు.

ఆరోజు వాదనలు ప్రారంభమయ్యాయి. మొదటగా ప్రభుత్వం తరుపు పబ్లిక్ ప్రాసిక్యూటర్ తన వాదనలు విని పెంచడం మొదలు పెట్టాడు.

“బాక్సైట్ చాలా ఖరీదైన, అరుదైన ఖనిజం. దాని విలువ అపారం, ఆ ఖనిజాలు భూమిలో నిక్షిప్తమై ఉంటే మానవాళికి ఏ విధమైన ఉపయోగం ఉండదు. భూమిలో ఉన్న ప్రతీ రాయి, రప్ప, ఖనిజాలు, ఇసుక, .. అన్నీ ప్రభుత్వ ఆస్తులు.. వీటిని వెలికితీస్తే ప్రభుత్వానికి మంచి ఆదాయంతో పాటు మానవాళికి ఉపయోగపడుతుంది. దీన్ని వెలికితీసి ఆ వచ్చే ఆదాయంతో పేదలకు ఎన్నో సంక్షేమ కార్యక్రమాలు చేయబోతోంది ఈ ప్రభుత్వం. పేదలకు ఉచిత విద్య, వైద్యం, ఇల్లు.. అన్నీ సమకూర్చడానికి నిధులను బడ్జెట్ లో కేటాయించింది ప్రభుత్వం; అదీకాక ఈఖనిజాన్ని కాంట్రాక్టర్లు ప్రభుత్వం ఖనిజాభివృద్ధిశాఖ ఆధ్వర్యంలో వెలికితీస్తుంది. కాబట్టి ఇందులో ప్రభుత్వానికి, ప్రజలకు అన్యాయం జరిగే ప్రసక్తి ఉండదు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/6m8K-OD399M

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Anuvanuvuna Jwalinchina O Hrudayana - 7' New Telugu Web Series

Written By Pandranki Subramani

'అణువణువున జ్వలించిన ఓ హృదయాన - 7' తెలుగు ధారావాహిక

రచన : పాండ్రంకి సుబ్రమణి

(ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

ఇంటివాకిట సూటుకేసునీ ట్రావెలింగ్ బ్యాగునీ రెండుచేతులా పట్టుకుని ఆటోరిక్షానుండి దిగుతూన్న కూతుర్ని చూసి, ముంగిట కసవు ఊడుస్తూన్న ఊర్మిళాదేవి అశ్చర్యంగా- “ఆ వచ్చేది మంగళేనా!” అన్నట్టు కళ్ళు పెద్దవి చేసుకుని చూసింది.

రిక్షా అతనికి చార్జీ చెల్లించి వాకిట వరకూ వచ్చి నిల్చున్న కూతుర్ని చూసి ”మంగళాదేవే!” అని తేల్చుకుంటూ ఎదురెళ్ళి చేతినుండి సూటుకేసుని అందుకుని- “అదేంవిటే అలా చెప్పాచెయ్యకుండా వేడి నీళ్లు పోసుకున్నట్టు వచ్చేసావు! కబురంపితే మీ నాన్న బస్టేషనుకి వచ్చి తీసుకురారూ?” అని అడిగింది.

ఆమె పైకి యథాలాపంగా మామూలు వ్యవహారంలా ముఖం పెట్టి అడిగిందే గాని, లోలోన గొంతు ముడి వద్ద గజి బిజి ఊహలు ఒక్క పెట్టున చెలరేగుతూనే ఉన్నాయి. స్వతస్సిధ్ధంగా కూతురుది యెంతటి మృదు స్వభావమో;విషయం ఏదైనా బెడిసి కొడితే అంతే మోతాదున హృదయావేశమూ చూపిస్తుంది. అంతు తేల్చుకోనిదే ఒక పట్టాన విడిచి పెట్టదు. వియ్యంకురాలి గురించి తనకు తెలుసు. మంగళకు భరతమ్మ అత్తకాదు-స్వంత తల్లే. మరి నేడు ముందస్తు కబురు కూడా లేకుండా-యుధ్దం కాని యుధ్ధం వంటి సరిహద్దు ఫిరంగి మోతలా పుట్టింట్లో దిగిందంటే మెట్టింట పుట్టి మునిగిందన్న మాటేనేమో! ఎక్కడో ఏదో ఎడారి సుడిగుండమే చెలరేగి ఉంటుంది. పుట్టిల్లు ఎంతదగ్గ రైతే మటుకు భర్తతో చేతులు జోడించి వచ్చి ఉంటే అది వేరే విషయంగా ఉండదూ! కనుల పండువుగా కనిపించదూ! మంగళ పెదవి విప్పలేదు. బదులివ్వ లేదు.

కుడిచేతనున్నట్రావిలింగ్ బ్యాగుని ఇంట్లోపల ఉంచి, మళ్ళీ గడప దాటి బైటకొచ్చి తీరుబడిగా రెండుచేతుల్నీ నడుం పైన ల్యాండింగ్ చేసి కుదురుగా చూపులు నిలిపి స్పందించింది- “ఏం?నేను నా పుట్టింటికి రావాలంటే జయభేరి మ్రోగిస్తూ బుచ్చెర పాలెం బూర ఊదుకుంటూ యేతెంచాలా!పెళ్లయినంత మాత్రాన మేకు కొట్టి దిగేసిన అమ్మవారి పటంలా మెట్టింట్లోనే పడి ఉండాలా? మీ అల్లుడిగారికున్నట్లే నాకు మాత్రం స్వంత పనులేవీ ఉండకూడ దంటారా?“

ఈసారి ఊర్మిళాదేవి గుండెల్లో నిజంగానే ఏదో కలుక్కుమన్నట్లయింది. కూతురు అంత నిదానంగా హుం దాగా చెక్కుచెదరని ముఖ భావంతో స్పందిస్తుంటే- చెరువు నీళ్ల పైన కనిపించేంత ప్రశాంతత కూతురు లోలోన లేదేమో!

తల్లి కళ్లలోని అనుమానపు చూపులు- ముఖాన తాండవించిన సందిగ్ధాస్థ చూసి మంగళ చల్లబడింది. కూతుళ్ళ కాపు రాల గురించి తల్లులందరూ చూపించే వ్యాకులత మామూలేగా!

”అలా బెంబేలు పడిపోయి చూడకమ్మా అదేదో అప్రకటిత పోరు ఆరంభమైనట్టు! నీ కూతుర్ని. నీ కడుపున పుట్టిన దానిని. నేనెలా తొందరపడి వచ్చేస్తాననుకుంటున్నావు? మా అత్తమ్మ నాకు బాగా దోస్త్. ఆమెతో నేనెందుకు పేచీ పూచీ పెట్టుకుని వస్తాను? ఆయన ప్రోత్సాహంతోనే నేను యాక్టివ్ సర్వీస్-లీగల్ సర్వీస్ చే యడానికి పూనుకున్నాను. ఆ మాటకొస్తే, నా “లా” పుస్తకాలన్నీ ఇంట్లోనేగా పడున్నాయి. చదివిన లీగల్ కేసులన్నిటినీ రివైజ్ చేసుకొని, ప్రొసిడ్యరల్ “లా” ని రిఫ్రెష్ చేసుకోవాలి. ఇవన్నీ స్వంతంగా నాకు నేనుగా చేసుకునే పనులు కావు. నేను చదివిన కాలే జీలోనే ఫ్రొఫెసర్ గా ఉండి రిటైరయిన పిదప స్వంతంగా ‘లా’ ఫాం పెట్టుకుని లీగల్ కన్ సల్టేషన్ సర్వీసు చేస్తూన్న మా గురువు గారి వద్ద ట్రైనీ -కమ్-అసిస్టెంటుగా చేరబోతున్నాను.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/Sn2y5TzGfCU

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Vasantha Geetham' New Telugu Story

Written By Buddhavarapu Kameswara Rao

'వసంత గీతం' తెలుగు కథ

రచన: బుద్ధవరపు కామేశ్వరరావు

(కథా పఠనం: మల్లవరపు సీతారాం కుమార్)

ఆరోజు, నాగపూర్ లోని ప్రవాసాంధ్రుల ఆధ్వర్యంలో త్యాగరాజ స్వామి వారి 168వ జన్మదిన సందర్భంగా జరుగుతున్న ఆరాధన ఉత్సవాలకు ముఖ్య అతిథిగా హాజరయ్యారు కాకినాడకు చెందిన ప్రముఖ సంగీత విద్వాంసులు శ్రీ రామశాస్త్రిగారు.

వేదిక మీద యువ గాయనీ గాయకులు పాడుతున్నారు కానీ, రామశాస్త్రి గారి కళ్ళు మాత్రం వేదిక క్రింద ఆశీనులైన ఆహూతుల మీదే ఉన్నాయి, ఎక్కడైనా తన చిట్టి తల్లి లక్ష్మి కనబడుతుందేమోననన్న ఆశతో.

కూతురు ఇల్లు విడిచి పాతిక సంవత్సరాలైనా, ఏ నాడూ ఆమె గురించి ఆలోచించని ఆ ముసలి ప్రాణం ఓ నాలుగైదు సంవత్సరాల నుంచి ఆమెను ఒకసారైనా చూడాలని కొట్టుకుంటోంది. అందుకే ఏ కచేరీకి వెళ్లినా తనని చూడ్డానికి కూతురు వస్తుందేమో, ఓసారి చూడవచ్చు అన్న ఆరాటం ఆయనది.

ఉబికివస్తున్న కంటనీరు ఎవరికీ కనబడకుండా తుడుచుకుంటూ, రెండున్నర దశాబ్దాల నాటి ఆ సంఘటన తలుచుకుంటూ గతంలోకి జారిపోయారు రామశాస్త్రి గారు.

***** ***** ***** *****

'త్యాగరాజ స్వామి వారి 140వ ఆరాధన ఉత్సవాల సందర్భంగా సంగీత ప్రియులకు స్వాగతం. ఇట్లు త్యాగరాజ గాన సభ, భాస్కర్ నగర్, కాకినాడ' అని రాసి ఉన్న ఆ స్వాగత ద్వారం వంక ఆరాధనగా చూస్తూ ఆ మైదానంలోకి అడుగు పెట్టారు, ప్రముఖ సంగీత విద్వాంసులు శ్రీ రామశాస్త్రి గారు, తన భార్య, కుమార్తె వెంట రాగా.

సభాసాంప్రదాయ ప్రకారం పూజా కార్యక్రమాలు పూర్తి కాగానే, గానసభ అధ్యక్షులు శ్రీ సూర్యారావు గారు మాట్లాడుతూ,

"కర్ణాటక సంగీత ప్రియులు అందరికీ నమస్కారం. ప్రతీ సంవత్సరం లాగే ఈ సంవత్సరం కూడా వాగ్గేయకారులు శ్రీ త్యాగరాజ స్వామి వారి జన్మదిన ఆరాధన ఉత్సవాలు జరుపుకుంటుంన్నాం! ఈ సందర్భంగా ప్రతీ సంవత్సరం యువ గాయనీగాయకుల లోని ప్రతిభను వెలికి తీయడానికి కీర్తనల పోటీలు నిర్వహిస్తున్న సంగతి మీకు తెలిసినదే.

మన సంస్థ స్థాపించి పది సంవత్సరాలు పూర్తి అయిన సందర్భంగానూ మరియు త్యాగరాజ స్వామి వారి నూట నలభైయ్యవ జన్మదిన కారణం గానూ, ఈరోజు ఓ రెండు ప్రత్యేక కార్యక్రమాలు మీకు అందిస్తున్నాము. అందులో మొదటిది, తమ గానకళ ద్వారా దేశవ్యాప్తంగా ఎంతో మంది శిష్యులను తయారు చేసిన మన నగరానికి చెందిన ప్రముఖ సంగీత విద్వాంసులు శ్రీ నేమాని రామశాస్త్రి గారిని సన్మానించడం! వారిని వేదిక మీదకు తీసుకుని రావలసిందిగా నిర్వాహకులను కోరుతున్నాను. ఇక రెండవ కార్యక్రమం గురించి చివర్లో చెబుతాను" అని ముగించారు.

ఆ తరువాత శాస్త్రి గారికి సన్మానం, ఆ తదుపరి కీర్తనల పోటీలు అయిన పిదప చివర్లోవేదిక మీదకు వచ్చిన సూర్యారావు గారు,

"సంగీత రసజ్ఞులకు పునఃస్వాగతం. ఇప్పుడు రెండో ప్రత్యేక కార్యక్రమం గురించి ఓ రెండు ముక్కలు. తన తండ్రిగారి వద్ద శిష్యరికం చేసిన మన రామశాస్త్రి గారి ఏకైక కుమార్తె కుమారి లక్ష్మి మొట్టమొదటి సారిగా ఈ వేదిక ద్వారా ఓ రెండు కీర్తనలు పాడుతుంది. అందరూ ఆ రసఝరిని ఆస్వాదించి ఆ చిన్నారిని ఆశీర్వదించగలరని ఆశిస్తున్నా" అంటూ ముగించారు.

తర్వాత వేదిక ఎక్కిన లక్ష్మి, మొదటి పాటగా "ఎందరో మహానుభావులు" పాట, తర్వాత "జయమంగళం నిత్య శుభమంగళం" పాడి ఆ రోజు కార్యక్రమాలకు ముగింపు పలికింది.

కూతురు పాట విన్న తరువాత,

"పరవాలేదు, ఇంకా కొంచెం సాధన చేయస్తే మంచి గాయని అవుతుంది" మనసులో అనుకున్నారు రామశాస్త్రి గారు.

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/IXUBBNeQYSE

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Nanna Nannu Daggaraku Tisukovuu' New Telugu Story

Written By Neeraja Hari Prabhala

'నాన్నా! నన్ను దగ్గరకు తీసుకోవూ' తెలుగు కథ

రచన: నీరజ హరి ప్రభల

(కథా పఠనం: మల్లవరపు సీతారాం కుమార్)

భార్య సరోజ పురిటికని పుట్టింటికి వెళ్ళి రెండు నెలలైంది. ఇన్నిరోజులు వంట చేతకాకపోయినా ఎలాగో చేతులు కాల్చుకుంటూ ఆఫీసుకు వెళ్లి వస్తున్నాడు రాము. ఇంకో రెండు రోజుల్లో డెలివరీ డేట్ అని డాక్టరు చెప్పిందని రాత్రి సరోజ చెప్పింది. ఆ తీయని కబురు కోసం ఎదురు చూస్తున్నాడు తను. శెలవు పెట్టి సరోజ వద్దకు వెళదామంటే ఆఫీసులో శెలవు దొరకలేదు.

ఆ మరుసటిరోజు మామగారు ఫోన్ చేసి 'సరోజకు లేబర్ పెయిన్స్ మొదలయ్యాయి' అంటే తన మససంతా టెన్షన్. తొలిచూలు. పాపం సరోజ ఎంత బాధ పడుతోందో? ఈ సమయంలో తను దగ్గర ఉండి కాస్త ధైర్యం చెపితే ఎంత బాగుండునో కదా!' అని పరిపరి విధాలా మదన పడుతుండగా మళ్ళీ అత్తగారు ఫోన్ చేసి " నీకు ఆడపిల్ల పుట్టింది. శుక్రవారం శ్రీ మహాలక్ష్మి నీ ఇంటికి వచ్చింది" అని చెప్పగానే పట్టరాని ఆనందంతో స్వీట్లు తీసుకెళ్లి ఆఫీసులో పంచి శెలవు పెట్టి వెంటనే బస్సు ఎక్కి అత్తారింటికి వెళ్ళాడు రాము.

హాస్పిటల్ కు వెళ్లి భార్యను చూసి పలకరించి పాపను చేతుల్లోకి తీసుకుని ఒక్కసారిగా తృళ్ళిపడ్డాడు. తను ఎంతగానో ఊహించుకుని, కలలు కన్న తన కలల పంట ఇలా కనపడేటప్పటికి ఒక్క సారిగా నిరుత్సాహం ఆవరించింది. నల్లగా ఉండి, రూపురేఖలు కూడా బాగా లేదు. చూడడానికి మనసొప్పక భార్య చేతికి పాపను ఇచ్చి వెళతానని వెంటనే ఊరికి బయలుదేరి వచ్చాడు రాము. భర్త ప్రవర్తనకు చాలా బాధ పడింది సరోజ.

పాపకు మూడవవనెల వస్తోంది. బారసాలకు రమ్మని మామగారు చెపితే మొక్కుబడిగా వెళ్ళి అయిందనిపించాడు రాము. పాపకు 'విద్య ' అని పేరు పెట్టి భార్యను, పాపను తనతో ఇంటికి తీసుకుని వచ్చాడు. సరోజతో చాలా ప్రేమగా ఉండే రాము కూతురి విషయంలో చాలా నిర్దయగా ఉండటం చూసి సరోజ భర్తను మార్చ ప్రయత్నించి విఫలురాలైంది. ' అందుకు కాలమే తగిన సమాధానం చెపుతుంది' అని మిన్నకున్నది. సరోజ.

విద్య పెరుగుతూ మాట, నడక వచ్చి అన్నిట్లో చలాకీగా, చురుకుగా ఉంటూ తల్లి ప్రేమను పొందుతోంది. విద్యకు 5 సం. వచ్చాయి. తండ్రి దగ్గరకు. వెళితే ఆయన తనను పట్టించుకోకుండా ఉండటం ఆ పసిమనసుకు అర్థంకాక ఏదోగా అనిపిస్తోంది. ఈలోగా సరోజ మళ్ళీ నెలతప్పి 9నెలు నిండగానే మరో ఆడపిల్లను కన్నది. ఆ పాపను చూసి రాము ఆనందానికి అవధుల్లేవు. చాలా అందంగా, చూడముచ్చటగా ఉన్న ఆ పాపకు 'రూప' అని పేరు పెట్టి చాలా గారాబంగా పెంచుతున్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/wjRBVfuaZ5U

(కథ manatelugukathalu.com లో చదవడానికి కథ పేరు మీద క్లిక్ చేయండి) 'Durapu Chuttam' New Telugu Story Written By Penumaka Vasantha

'దూరపు చుట్టం' తెలుగు కథ

రచన: పెనుమాక వసంత

(కథా పఠనం: మల్లవరపు సీతారాం కుమార్)

"జరగండీ! వెనక వాళ్లకు ప్రసాదం అందాలి కదా!? అందరికీ పెడతాం. ప్రసాదం కోసం కొట్టుకోకండి” అని విసుగుతో కూడిన అరుపులాగా ఉంది కానీ కఠినం గా లేదు.

అదే మృదుత్వం..

ఎక్కడో విన్నట్లుగా ఉంది ఈ గొంతు..

‘హరితది, లాగా ఉందే!' అనుకుంటూ కళ్ల జోడు సరి చేసుకుంటూ చూసాడు అక్కడ ఉన్న స్త్రీని రాంబాబు ఆసక్తీ గా..

"అవును! హరితే.. ! కొంచం వొళ్లు చేసింది. చేతికి బంగారు గాజులు అటూఇటూ, మెడ నిండా సొమ్ముల తో, నిండుగా, ఇంకా కళ్ళల్లో మెరుస్తున్న ఆనందం తో నిండుగా ఉంది.

రాంబాబు వెంటనే తన్ను చూసుకున్నాడు. భుజానికి సంచి, పీక్కుపోయిన బుగ్గలు, బక్క చిక్కిన శరీరం, లూజ్ షర్ట్, పాంట్..

జేబులో నుండి దువ్వెన తీసి దువ్వుకుని, సెల్ ఫోన్లో ఒకసారి మొహం చూసుకొంటే!

ఎంత అసహ్యంగా ఉన్నానో! అనుకొంటూ.. క్యూ లో ముందుకు కదిలాడు.

హరిత చేతి ప్రసాదం తీసుకోకుండా వెళ్దాం అనుకుంటే, అమ్మో!? దేవుడి ప్రసాదం తీసుకోకుండా వెళితే! మహా పాపం.

ఇంతలో వెనుక నుండి ఎవరో నెట్టారు రాంబాబును! సరిగా, వెళ్లి హరిత ముందు ఉన్నాడు.

హరిత ప్రసాదం పెడుతూ..

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/8UyvkVOWqt8

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Ammaku Vandanam' New Telugu Story Written By Pitta Gopi

'అమ్మకు వందనం' తెలుగు కథ

రచన: పిట్ట గోపి

(కథా పఠనం: మల్లవరపు సీతారాం కుమార్)

పద్మ పాఠశాల లో అడుగు పెట్టి ఐదేళ్లు అయినా అవ్వలేదు. అప్పుడే ఆమెకు చదువు పై ఎంతో ఏకగ్రత, ఎంతో నమ్మకం కలిగింది.

దీంతో పాటు సమాజాన్ని చదవటం నేర్చుకుంది.

అందుకేనేమో.. పెద్ద అయి పదిమంది ఆరోగ్యం గా ఉండాలి, వారికి తన చేతుల్లో వైద్యం చేసి బతికించాలి.. అలా మంచి డాక్టర్ గా పేరు తెచ్చుకోవాలని తన కల.

ఇంట్లో తల్లిదండ్రులకు సహాయం చేస్తూ చదువు కొనసాగిస్తుంది.

పద్మది మధ్యతరగతి కుటుంబం కావడం వలన పదిహేడు ఏళ్ళకే పెళ్ళితో పీఠముడి పడింది.

పెళ్ళి పై తనకు తొందర లేకున్నా పెద్దల మాట కాదనలేక తన మనసులో కలను చంపుకుని అత్తింటికి పోయింది..

భర్త రాజు చిన్న కంపెనీలో ఉద్యోగం చేస్తూ కుటుంబం పోషణ చేస్తున్నాడు.

పద్మ, ఇల్లు కదలలేని అత్త- మామలకు, భర్తకు సేవలు చేస్తోంది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/2LzbqV5oSgc

(కథ manatelugukathalu.com లో చదవడానికి కథ పేరు మీద క్లిక్ చేయండి)

'Pragathi Premikulu episode 1' Telugu Web Series Written By Ch. C. S. Sarma

'ప్రగతి ప్రేమికులు ఎపిసోడ్ 1' తెలుగు ధారావాహిక

రచన: సిహెచ్. సీఎస్. శర్మ

(కథా పఠనం: మల్లవరపు సీతారాం కుమార్)

అంకితం..

మన హైందవ జాతి పితామహులు...

మన సనాతనాధ్వయిత వేదాంత తత్వాన్ని...

ఆధ్యాత్మిక చింతనా విధానాలను... హైందవ ధర్మ సిద్ధాంతాలను... విశ్వానికి చాటి చెప్పిన భరతమాత ముద్దుల బిడ్డ... కారణ జన్ములు...

శ్రీ రామకృష్ణపరమహంస ఏకలవ్య శిష్యులు...

కీర్తి శేషులు... అయిన

శ్రీ వివేకానందస్వామీజి వారి దివ్య పాదపద్మములకు... అంకితం.

చతుర్వేదుల చెంచు సుబ్బయ్య శర్మ

"ఈశ్వర్..! బయలుదేరుదాం." జీప్ లో కూర్చుంటు అంది బి.డి.ఓ. అమృత.

ఈశ్వర్ తన స్థానంలో కూర్చొని జీప్ ను స్టార్ట్ చేశాడు. "ఆ పుస్తకాలను అన్ని స్కూళ్ళల్లో పిల్లలకు పంచండి. అందరూ తప్పక చదవాలి.” నవ్వుతు చెప్పింది అమృత.

మండల సమావేశానికి వచ్చి, ఆమె జీప్ చుట్టూ వున్న వారంతా తలలు ఆడించారు. అందరికి బై చెప్పింది అమృత. జీప్ మండల కార్యాలయ ప్రాంతాన్నిదాటి రోడ్డులో ప్రవేశించింది.

ఇరవై నిముషాల తర్వాత జీప్ హైవే పైకి వచ్చేసింది.

సమయం సాయంత్రం ఆరుగంటల ప్రాంతం. వారు చేరవలసిన గమ్యానికి ముక్కాలు గంట పడుతుంది. మేఘావృతంగా ఉన్న ఆకాశం నుండి సన్నటి తూర ప్రారంభమయింది. ఈశ్వర్ రోడ్డు ప్రక్కన ఆగి ఉన్న ఒక కారును దాటి ముందుకు వెళ్ళాడు. ఆ కారు బ్యానెట్ తెరిచి వుంది. డ్రైవర్ వంగి యంత్రాన్ని పరిక్షిస్తూ ఉన్నాడు.

ప్రక్కన ఒక యువకుడు నిలబడి ఆకాశానికేసి చూస్తూ ఉన్నాడు. వాన వేగం హెచ్చింది.

బహుశా... ఆ కారులో ఏదో ప్రాబ్లం అయ్యి వుండవచ్చు. సాయం కావాలా అని అడగటం ధర్మంగా భావించింది అమృత. కారును వెనక్కు త్రిప్పమని ప్రక్కనే ఉన్న ఈశ్వర్ తో చెప్పింది అమృత. రెండు వైపులా చూచుకొని ఈశ్వర్ బండిని రివర్స్ లో వెనక్కు నడిపాడు. జీప్ కారును సమీపించింది. అమృత జీప్ దిగి ఆ కారును సమీపించింది.

ఆ యువకుడు దగ్గరగా వచ్చిన ఆమెను చూచాడు.

“సార్… కెన్ ఐ హెల్ప్ యు..?” వందనంగా అడిగింది అమృత.

“యింజన్లో ప్రాబ్లమండి. మీరేం సహాయం చేయగలరు..?” నవ్వుతూ అన్నాడు వివేకానంద.

"మీరు ఎక్కడికి వెళ్ళాలి..?”

"కడప."

మీకు అభ్యంతరం లేకపోతే మీరు నాతో మా జీప్ లో రావచ్చు. మా డ్రైవర్ కు తెలిసిన మంచి మెకానిక్ వున్నాడు. మనం దిగిపోయి వారిరువురినీ యిక్కడికి పంపుదాం. ఆ మెకానిక్ మీ బండిని బాగు చేయగలడు.” తను చెప్పదలచుకొన్న విషయాన్ని స్పష్టంగా చెప్పింది అమృత.

ఆమె తత్వానికి, మాటలకు వివేకానంద సంతోషించాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

https://youtu.be/ovsvjVoAjps

(కథ manatelugukathalu.com లో చదవడానికి కథ పేరు మీద క్లిక్ చేయండి)

అసత్య దోషం (ధర్మ సందేహాలు 3)

రచన : మల్లవరపు సీతారాం కుమార్

రోజులాగే సాయంత్రమయ్యేసరికి టీచర్స్ కాలనీ వాస్తవ్యులు, రామాలయంలో రాధాకృష్ణమూర్తి గారితో ముచ్చటించడానికి  సమావేశమయ్యారు.

అందరికీ వందనం చేసి కూర్చున్నారు రాధాకృష్ణమూర్తి గారు.

మోహనరావు అనే భక్తుడు లేచి, "పాపాన్ని ట్రాన్స్ఫర్ చేసుకోవడానికి అవకాశం ఉందా? అలాగే అసత్య దోషానికి పెద్ద శిక్షలు ఉండవా? చాలా కాలం క్రితం చదివిన ఒక కథను ఆధారం చేసుకొని అడుగుతున్నాను" అని ప్రశ్నించాడు.

"మీ సందేహానికి కారణమైన కథను చెబితే, సమాధానం కూడా ఒక కథలా చెబుతాను"అన్నారు రాధాకృష్ణమూర్తి గారు.

మోహన్ రావు మాట్లాడుతూ "తన పాపాన్ని మరొకరికి మార్చాలని చూసిన ఒక వ్యాపారస్తుడి కథ- చిన్నప్పుడు ఒక పుస్తకంలో చదివాను. దాన్ని మీకు వివరిస్తాను" అంటూ ఆ కథను ప్రారంభించాడు.

***

ఒక వూరిలో ఒక వ్యాపారి ఉండేవాడు. అతను చాలా తెలివయినవాడు. కానీ అతని లోపం నిజాయితీ లేక పోవడం. పనయ్యాక ఎదుటి వ్యక్తిని పట్టించుకోడు. ఇచ్చిన మాటను సులభంగా దాటవేస్తాడు..

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి

Video link

https://youtu.be/U29L45_EIrY

(కథ manatelugukathalu.com లో చదవడానికి కథ పేరు మీద క్లిక్ చేయండి)

బురదానంద స్వామి కథ

(ధర్మ సందేహాలు 2: రోజూ దేవుడిని పూజిస్తున్నా మనశ్శాంతి లేదెందుకని?)

రచన : మల్లవరపు సీతారాం కుమార్

రంగనాథం అనే భక్తుడు పైకి లేచి, "మాస్టారూ! నా మిత్రుడు ప్రతి రోజూ పూజలు చేస్తాడు. అన్ని దేవాలయాలకు వెడతాడు. కానీ తనకు ఎక్కడా మనశ్శాంతి లభించడం లేదని అంటూ ఉంటాడు. మీరేమైనా పరిష్కారం చెప్పగలరా?" అని అడిగాడు.

రాధాకృష్ణ మూర్తి గారు సమాధానమిస్తూ "ఇది మీ మిత్రుడికే కాక చాలా మందికి ఉన్న సమస్య. ఒకరిని ఉద్దేశించి కాక అందరూ ఆలోచించుకునే విధంగా మీకు బురదానంద స్వామి కథ చెబుతాను" అన్నారు.

ఆ పేరు విచిత్రంగా ఉండడంతో అందరూ ఆశ్చర్యంగా చూస్తున్నారు.

అది గ్రహించిన రాధాకృష్ణ మూర్తి గారు "ఆ పేరులో పరమార్థం కథ పూర్తిగా విన్నాక తెలుస్తుంది" అంటూ ఆ కథ చెప్పడం ప్రారంభించారు...

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి

Video link

https://youtu.be/R1iFIdf_yBE

(కథ చదవడానికి కథ పేరు మీద క్లిక్ చేయండి) 

ధర్మ సందేహాలు 1:  లంకకు చేటు విభీషణుడా

రచన : మల్లవరపు సీతారాం కుమార్

ఇటీవలి కాలంలో పురాణాల్లో, ఇతిహాసాల్లో ఉన్న దుష్ట పాత్రల్ని నాయకులుగా చూపడం, సన్మార్గులను చెడ్డవారిగా చిత్రీకరించడం పరిపాటి అయింది.

కొందరు తమ వాదనా పటిమతో భక్తుల్లో కూడా ఎన్నో సందేహాలు రేకెత్తిస్తున్నారు. అలాంటి సందేహాలకు సమాధానాలను చక్కటి కథల రూపంలో అందించాలనే నా ఈ ప్రయత్నాన్ని మీరందరూ ఆదరిస్తారని ఆశిస్తున్నాను....

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి

Video link

https://youtu.be/zP0SGBTznWw