MASA Mongolia-Podcast

🚩EducationUSA Mongolia Podcast #64🚩

Подкастын маань энэ удаагийн зочноор АНУ-ын “University of Wisconsin-Superior”-д эрх зүй судлал, олон улсын харилцаа мэргэжлээр суралцаж төгссөн ба одоо EducationUSA Mongolia хөтөлбөрийн боловсролын зөвлөх, MASA-ны хөтөлбөрийн ажилтнаар ажиллаж буй М. Ивээл оролцлоо.

Тэрбээр өөрийн Америкт суралцсан арвин их туршлага, сургуульдаа өргөдөл гаргаж байсан үеийн дурсамжаасаа болон өөрийн зүгээс Америкт суралцах хүсэлтэй залууст зориулан олон хэрэгтэй зөвлөгөө өгсөн энэхүү дугаарыг та заавал сонсоорой.

🚩EducationUSA Mongolia Podcast #63🚩

Подкастын маань энэ удаагийн зочноор АНУ-ын Засгийн газрын 100% тэтгэлэгтэй GlobalUGRAD хөтөлбөрийн 2016 оны төгсөгч, мөн Мишэль Обамагийн Becoming номын орчуулагч А. Оюунзул оролцлоо. Тэрбээр GlobalUGRAD хөтөлбөрт хэрхэн тэнцсэн туршлагаасаа болон АНУ-ын Ball State University-д суралцсан сонирхолтой түүхээсээ бидэнтэй хуваалцсан юм. Мөн энэхүү хөтөлбөрт хамрагдсанаар түүний ажил мэргэжилд ямар давуу талууд үүссэн тухайгаа дэлгэрэнгүй ярьсан подкастын энэхүү дугаарыг та дуустал нь сонсоорой!

🚩EducationUSA Mongolia Podcast #62🚩

MASA болон EducationUSA Mongolia хөтөлбөрөөс хамтран хүргэдэг подкастын маань энэ удаагийн дугаарт АНУ-ын “University of Washington”-д Байгаль орчин,

нөөц баялгийн менежментийн чиглэлээр суралцсан ба одоо “The Nature Conservancy” олон улсын байгаль орчны байгууллагад маркетингийн багийн ажилтнаар ажиллаж буй Т.Түвшинзаяа оролцлоо.

Тэрбээр өөрийн Америкт суралцсан арвин их туршлага болон дурсамжаасаа хуваалцсан юм.

🚩EducationUSA Mongolia Podcast #61🚩

Подкастын маань цоо шинэ дугаарт  АНУ-ын Засгийн Газрын 100%-ийн тэтгэлэгтэй FLEX хөтөлбөрийн төгсөгч Д. Уянга уригдан оролцлоо. Тэрээр 2020-2021 онд FLEX хөтөлбөрт шалгаран АНУ-ын ахлах сургуульд суралцсан туршлага болон дурсамжаасаа хуваалцсан юм.  Америкт суралцаж байхдаа Айдоха мужийн Нампа хотын даргын дэргэдэх өсвөрийн хүүхдийн зөвлөлийн гишүүн байсан тэрээр COVID-н нөхцөл байдлын үед хөтөлбөрт хамрагдсан талаар хуваалцсан төдийгүй ахлах сургуулийн сурагчдад зориулсан FLEX буюу Ирээдүйн Манлайлагчдын Солилцооны хөтөлбөрт өргөдөл гаргахаар зэхэж буй сурагчдад хэрэгтэй зөвлөгөөг өгсөн юм. 

АНУ-ын ахлах сургуульд сурахаар сонирхож буй бол энэхүү дугаарыг заавал сонсоорой.

🚩EducationUSA Mongolia Podcast #60🚩

Подкастын маань 60 дахь дугаар та бүхэнд хүрэхэд бэлэн боллоо. Энэ удаагийн дугаарт АНУ-ын Засгийн Газрын 100%-ийн тэтгэлэгтэй FLEX хөтөлбөрийн төгсөгч Б. Булган-Эрдэнэ уригдан оролцлоо. Тэрээр 2017-2018 онд FLEX хөтөлбөрт шалгаран АНУ-ын ахлах сургуульд суралцсан туршлага болон дурсамжаасаа хуваалцсан юм. Ахлах сургуулийн сурагчдад зориулсан FLEX буюу Ирээдүйн Манлайлагчдын Солилцооны хөтөлбөрт өргөдөл гаргахаар зэхэж буй сурагчид энэхүү дугаарыг заавал сонсоорой.

🚩EducationUSA Mongolia Podcast #59🚩

MASA болон EducationUSA Mongolia хөтөлбөрөөс хамтран хүргэдэг подкастын маань энэ удаагийн дугаарт АНУ-ын “University of Michigan”-д эдийн засгийн чиглэлээр магистрын зэргээ хамгаалсан, “University of Washington”-д докторын хөтөлбөрт суралцаж буй Х. Саруул оролцлоо.

Тэрбээр Америкт суралцсан арвин их туршлагаасаа төдийгүй оюутан сурагчдад хандан мэргэжил сонголтын талаарх үнэтэй зөвлөгөөг ч хуваалцсан билээ.

🚩EducationUSA Mongolia Podcast #58🚩

Подкастын маань энэ удаагийн дугаарт  АНУ-ын Засгийн Газрын 100%-ийн тэтгэлэгтэй FLEX хөтөлбөрийн төгсөгч Б. Зандан-Очир уригдан оролцлоо. Тэрээр 2018-2019 онд FLEX хөтөлбөрт шалгаран АНУ-ын ахлах сургуульд суралцсан дурсамжаасаа хуваалцсан юм. Ахлах сургуулийн сурагчдад зориулсан FLEX буюу Ирээдүйн Манлайлагчдын Солилцооны хөтөлбөрт өргөдөл гаргахаар зэхэж буй сурагчид энэхүү дугаарыг заавал сонсоорой.

🚩EducationUSA Mongolia Podcast #57🚩

Подкастын маань энэ удаагийн дугаарт  АНУ-ын “The University of Chicago”-д төрийн бодлогын чиглэлээр  магистрын зэрэг хамгаалсан Ц. Эрдэмбилэг уригдан оролцлоо.

Тэрбээр Америкт суралцахын давуу талууд, өөрийн ажлын туршлага, эзэмшсэн мэргэжлүүдийнхээ онцлог болоод өндөр хөгжилтэй орнуудад суралцсан арвин их туршлага, түүхээсээ хуваалцсан юм. Мөн Америкт суралцахаар төлөвлөж буй залууст хэрэгтэй олон зөвлөгөөг өгсөн шүү.

Подкастын энэхүү дугаарыг та заавал сонсоорой!

🚩EducationUSA Mongolia Podcast #56🚩

Подкастын маань энэ удаагийн дугаарт АНУ-ын “The University of Massachusetts Lowell”-д цахилгааны инженер мэргэжлээр бакалаврын зэргээ хамгаалсан С. Тулга уригдан оролцлоо. 

Тэрбээр Америкт цахилгааны инженер мэргэжлээр суралцсан болоод мэргэжлээ хэрхэн сонгосон түүхээсээ хуваалцсан юм. Түүнчлэн Америкт суралцахаар төлөвлөж буй залуусдаа оюутны амьдралын өдөр тутмын амьдралын талаар урьдчилан судалж болох эх сурвалжуудыг ч дурдсан юм. Тэрбээр Америкт суралцах хугацаандаа хийж байсан CPT (Curricular Practical Training) буюу мэргэжлээрээ дадлага хийх боломж, үүгээр дамжуулан хийж байсан өөрийн ажлын туршлага гэх мэт олон сонирхолтой сэдвийг хөндсөн подкастын энэхүү дугаарыг та заавал сонсоорой.

🚩EducationUSA Mongolia Podcast #55🚩

MASA болон EducationUSA Mongolia хөтөлбөрөөс хамтран хүргэдэг подкастын маань энэ удаагийн дугаарт АНУ-ын “Embry-Riddle Aeronautical University”-д бизнесийн удирдлагын магистрын зэрэг хамгаалсан Н. Батдарь оролцож сонирхолтой яриа өрнүүллээ.

Тэрбээр Америкт суралцсан арвин их туршлагаасаа төдийгүй хэрхэн GMAT шалгалт өгсөн, хэрхэн мэргэжлээ сольж суралцсан түүхээсээ хуваалцсан билээ. Мөн тэрээр нисэхийн чиглэлээр суралцаж, ажилласан талаараа дэлгэрэнгүй ярьсан энэхүү дугаарыг та заавал сонсоорой!