MASA Mongolia-Podcast

🚩EducationUSA Mongolia Podcast #44🚩

MASA болон EducationUSA Mongolia хөтөлбөрөөс бэлтгэн хүргэдэг “Америкт Суралцсан Миний Түүх” подкаст цувралын маань 2020 оны сүүлийн дугаар сонсогч та бүхэнд хүрэхэд бэлэн боллоо. Хуучин оноо үдэж, шинэ оноо угтах энэ долоо хоногийг урам зориг, эрч хүчтэйгээр эхлүүлээрэй!

Подкастын энэ удаагийн зочноор Монголын Мянганы Сорилтын Сангийн Олон Нийттэй Харилцах албаны мэргэжилтэн, MNB World телевизийн Talk Show-ны  хөтлөгч Т.Бэлгүтэй оролцлоо. Тэрбээр АНУ-ын Калифорни мужийн “Санта Моника” коллежийг “Театрын найруулагч, жүжигчин”-ийн мэргэжлээр төгссөн. Холливудийн жүжигчин болох хүсэл тээсэн Бэлгүтэй АНУ-ыг зорьж урлагийн сургуульд хэрхэн суралцсан, АНУ-д суралцах хугацаанд ойлгож, мэдэж авсан өөрийн ололт амжилт, уналт болоод тэдгээрээс хуримтлуулсан туршлагаа бидэнтэй нээлттэй хуваалцаж ярилцсан юм. Мөн урлагийн чиглэлээр АНУ-д суралцахад ямар байдаг тухай хэрэгтэй зөвлөгөө өгсөн энэхүү дугаарыг та заавал сонсоорой.

🚩EducationUSA Mongolia Podcast #43🚩

Шинэ долоо хоногийг шинэхэн подкастаа сонсож урам зоригтойгоор эхлүүлээрэй!

Подкастын маань энэ удаагийн зочноор экологич, доктор Ш.Анармаа оролцлоо. Тэрбээр АНУ-ын төдийгүй дэлхийн шилдэг их сургуулиудын нэг болох “University of Pennsylvania”-д докторын зэрэг хамгаалсан юм. Ш.Анармаа маань АНУ-д суралцсан өөрийн түүх болон докторын зэрэгт суралцахад юунд анхаарах хэрэгтэй, цаашлаад судалгааны чиглэл, мэргэжил сонголтын тухай өөрийнхөө туршлагаас бидэнтэй нээлттэй хуваалцаж ярилцсан юм. Мөн анх Англи хэл сурч буй хүмүүст ч бас үнэтэй зөвлөгөөг өгөөд амжсан энэхүү дугаарыг та заавал сонсоорой. 

#StaySafe  #StayHome

🚩EducationUSA Mongolia Podcast #42🚩

Шинэ долоо хоногийн подкастын маань дугаар сонсогч та бүхэнд хүрэхэд бэлэн боллоо. Энэ удаагийн дугаарт бид Хөдөө Аж Ахуйн Их Сургуулийн багш, Ой зүйч,  доктор Д.Дэлгэржаргалыг урьж оролцуулсан юм. Тэрбээр Фулбрайтын тэтгэлэгт хөтөлбөрөөр АНУ-ын “University of Wisconsin-Madison”-д байгалийн шинжлэх ухааны чиглэлээр  суралцсан түүхээсээ болон анх шалгалтуудад хэрхэн бэлдэж, хэрхэн сургуулийн сонголтоо хийж байсан туршлагаа бидэнтэй хуваалцлаа. 

Мөн сайн дурын ажил, мэргэжил сонголт, хувийн сахилга бат, хариуцлага, ажилдаа дурлахын давуу талууд гээд олон чухал, сонирхолтой сэдвээр бидэнтэй нээлттэй ярилцсан энэхүү дугаарыг та заавал сонсоорой. 

#StaySafe

🚩EducationUSA Mongolia Podcast #41🚩

Шинэ долоо хоногийн ээлжит шинэхэн дугаар маань сонсогч та бүхэндээ хүрэхэд бэлэн боллоо. Энэ удаагийн дугаарт бид 2020 оны Фулбрайт тэтгэлэгт хөтөлбөрийн төгсөгч, хүүхдийн эмч, хөхөөр хооллолтын зөвлөх Х.Мөнгөнцэцэгийг урьж оролцууллаа. Тэрбээр АНУ-ын Хойд Каролина мужийн  North Carolina State University-д нийгмийн эрүүл мэндийн чиглэлээр магистрын хөтөлбөрийг амжилттай суралцаж төгссөн түүхээсээ болон тэтгэлэгт хөтөлбөрт хэрхэн бэлдэж байсан тухайгаа бидэнтэй хуваалцсан юм. Түүний 2 жилийн хугацаанд хуримтлуулсан арвин туршлагаас хуваалцаж байна. 

СOVID-19 нөхцөл байдлын улмаас хатуу хөл хорио тогтоосон энэ үед гэртээ байж, дархлаагаа дэмжиж бас подкастаа сонсож өөрийгөө хөгжүүлээрэй. 

#StayHome #StaySafe #EduUSAatHome

🚩EducationUSA Mongolia Podcast #40🚩

 Подкастын маань шинэ долоо хоногийн дугаар сонсогч та бүхэнд хүрэхэд бэлэн боллоо. Энэ удаагийн дугаартаа бид 2011-2013 онд Фулбрайт тэтгэлэгт хөтөлбөрт шалгарч АНУ-ын University of Nebraska, Omaha -д суралцсан Батдэлгэрийн Баясалыг урьж оролцуулсан юм. 

Тэрбээр мөрөөдлийнхөө төлөө зорилго тавьж түүндээ алхам алхмаар тэмүүлхийн ач холбогдол болон өөрийн Америкт суралцсан түүхээсээ хуваалцсан юм.  Америкт суралцах хүсэлтэй хэн бүхэнд урам зориг өгөх подкастын энэхүү дугаарыг  тухлан сууж сонсоно уу!

🚩EducationUSA Mongolia Podcast #39🚩

Энэ долоо хоногийн шинэ дугаарт маань 2018-2020 оны Фулбрайт тэтгэлэгээр АНУ-ын Бостон хотын Tufts University-д элсэн суралцсан Гантуяагийн Цолмон уригдан оролцлоо. Тэрээр гэр бүл, ажлынхаа хажуугаар тэтгэлэгт хөтөлбөрт хэрхэн бэлдэж, Америкт суралцсан түүхээсээ хуваалцсан юм. Залуучуудад өөрийнхөө мөрөөдөлд үнэнч байх тухай хэрэгтэй олон зөвлөгөөг өгсөн байгаа шүү! 

#StayHome #StaySafe #EduUSAatHome

🚩EducationUSA Mongolia Podcast #38🚩

Подкастын маань энэ долоо хоногийн шинэ дугаар сонсогч та бүхэнд хүрэхэд бэлэн боллоо. Энэ удаагийн дугаартаа бид Гэр Өргөө буюу GerHub ТББ-ын Гүйцэтгэх захирал Б.Энхжинг урьж оролцууллаа. Тэрбээр АНУ-ын Вашингтон мужийн  Whitman College-д эдийн засгийн чиглэлээр суралцсан ба тус сургуульд суралцсан түүх болоод хэрхэн  тэтгэлэг авч байсан тухайгаа бидэнтэй хуваалцсан юм. Мөн тэрээр хичээл болон мэргэжил сонголтын тухай хэрэгтэй зөвлөгөө өгсөн байгаа шүү.

СOVID-19 нөхцөл байдлын улмаас хатуу хөл хорио тогтоосон энэ үед гэртээ байж, дархлаагаа дэмжиж бас подкастаа сонсож өөрийгөө хөгжүүлээрэй. 

#StayHome #StaySafe #EduUSAatHome

🚩EducationUSA Mongolia Podcast #37🚩

Энэ долоо хоногийн подкастын маань зочноор Бостоны Их Сургуулийн “Бизнес аналитик” хөтөлбөрийг АНУ-ын Засгийн газрын Hubert H.Humphrey тэтгэлгээр суралцаж төгссөн Д.Энхцацрал уригдан оролцлоо.

Тэрбээр бидэнтэй Hubert Humphrey тэтгэлэгт хөтөлбөрт тэнцэхийн тулд хэрхэн бэлдэж байсан тухай, Англи хэлний мэдлэгээ дээшлүүлэхэд өөрт тулгарсан сорилтууд болон Америкт суралцсан түүхээсээ илэн далангүй ярилцсаныг дараах холбоосоор орж сонсоорой!

🚩EducationUSA Mongolia Podcast #36🚩

Шинэ долоо хоногийн шинэхэн подкаст маань сонсогч та бүхэнд хүрэхэд бэлэн боллоо. Энэ удаагийн дугаартаа бид АНУ-ын засгийн газрын GlobalUGRAD тэтгэлэгт хөтөлбөрийн 2016 оны төгсөгч, одоогоор Fulbright тэтгэлэгт шалгараад буй Н.Халиунааг урьж оролцуулсан юм. Тэрбээр Глобал Юград тэтгэлэгт хөтөлбөрөөр АНУ-д суралцсан түүхээ хуваалцсанаас гадна Фулбрайт тэтгэлэгт хөтөлбөрт хэрхэн бэлдэх тухай олон чухал зөвлөгөөг өгсөн байгаа шүү.

🚩EducationUSA Mongolia Podcast #35🚩

Шинэ долоо хоногийн шинэхэн подкаст маань сонсогч та бүхэнд хүрэхэд бэлэн боллоо. Энэ удаагийн дугаартаа бид Гэр-Өргөө буюу GerHub ТББ-ын Хөтөлбөр хариуцсан захирал С. Үүрцайхыг урьж оролцуулсан юм. Тэрбээр Фулбрайтын тэтгэлэгт хөтөлбөрөөр АНУ-д суралцсан түүхээ хуваалцсанаас гадна тэтгэлэгт хөтөлбөрт хэрхэн бэлдэх тухай олон чухал зөвлөгөөг өгсөн байгаа шүү. 

Мөн сайн дурын ажил, мэргэжил сонголт, хувийн сахилга бат, хариуцлага, ажилдаа дурлахын давуу талуудын талаар бидэнтэй хөөрөлдсөн юм. 

Подкастаа тухлан сууж хүлээн авна уу!