MASA Mongolia-Podcast

🚩EducationUSA Mongolia Podcast #34🚩

Америкт хувийн зардлаараа сурах тухай бодож үзэж байв уу?

Ингэхдээ хамгийн бага зардлаар өндөр чанартай боловсрол эзэмших боломжтой тухай дуулж байсан уу? 

Хэрэв үгүй бол подкастын маань өнөөдрийн дугаарыг анхааран сонсоорой. 

Бид энэ удаа Азийн Сангийн хөтөлбөр хариуцсан менежер Г. Гантулгыг урьж оролцуулсан юм. Тэрбээр бакалаврын зэргээ АНУ-ын Metropolitan State University of Denver, магистрын зэргээ Colorado Heights University-д тус тус хүртсэн юм. 

Г.Гантулга маань дунд сургуулиа дөнгөж төгсөөд америкт суралцах гэж буй оюутнуудад түгээмэл тулгардаг визний асуудал, коммюнити коллежийн онцлог давуу талууд, шилжин сурах боломжууд болон OPT буюу боловсролын зэрэг хүртсэний дараах дадлага ажлын тухай өөрийн туршлагыг илэн далангүй хуваалцлаа. Мөн өөрт олдсон боломжийг бүрэн дүүрэн ашиглаж мэдлэг, боловсрол, ур чадвраа хөгжүүлж чадвал улс орныхоо хөгжил дэвшилд өөрийн гэсэн хувь нэмрийг оруулах чадварлаг мэргэжилтэн болох боломжтойг ч залуус дүү нартаа захиж хэлсэн билээ. Подкастаа дуустал сонсоорой! 

🚩EducationUSA Mongolia Podcast#33🚩

Шинэ долоо хоногийн шинэхэн подкастаа та бүхэндээ хүргэхэд бэлэн боллоо. Бид энэ удаагийн дугаартаа Columbia University-д магистрын түвшинд суралцаж төгссөн Б.Дуламзаяаг урьж оролцуулсан юм. 

Тэрбээр Америкт суралцсан арвин их туршлагаасаа төдийгүй дэлхийн шилдэг их сургуульд хэрхэн тэнцэн орж, амжилттай суралцсан түүхээ хуваалцсан билээ. Мөн оюутан сурагчидад хандан юун дээр түлхүү анхаарах хэрэгтэй тухай бодитой, авууштай зөвлөгөөг ч өгсөн байгаа. 

Б.Дуламзаяагийн оюутны амьдралын сонирхолтой түүхтэй танилцахын зэрэгцээ, өөрт хэрэгтэй чухал зөвлөгөө, мэдээллийг авахыг хүсвэл манай подкастыг дуустал нь сонсоорой!  

🚩EducationUSA Mongolia Podcast#32🚩

Подкастын маань энэ удаагийн зочноор 2019-2020 оны АНУ-ын Засгийн газрын 100% тэтгэлэгтэй GlobalUGRAD хөтөлбөрийн төгсөгч Ө.Баттөр оролцлоо. Тэрээр New Mexico Highlands University-д суралцсан туршлагаасаа болон GlobalUGRAD хөтөлбөрт хэрхэн бэлдсэн сонирхолтой  түүхээсээ бидэнтэй хуваалцсан юм. Шинэ жилээр хүн бүр баярлаж байхад анхаарлаа төвлөрүүлэн материалаа бүрдүүлж, хөтөлбөрийн шалгаруулалтад бэлдэж байсан түүний яриаг дуустал нь сонсоорой!

EducationUSA Mongolia Podcast#31 

Спортын тэтгэлгээр Aмерикт сурах хүсэлтэй хүүхэд залуус анхаарлаа нааш хандуулаарай

Бид өнөөдрийн дугаартаа Miami University-д спортын тэтгэлгээр суралцан эдийн засаг болон санхүүгийн чиглэлээр хос мэргэжил эзэмшсэн Б.Энхжаргалыг урьж оролцуулсан юм.

Тэрээр @TomYo EdTech -д Үйл ажиллагаа хариуцсан захирлаар ажиллаж байгаа бөгөөд Америкт сурч, ажилласан сонирхолтой түүх, арвин их туршлагаасаа та бүхэнтэй хуваалцлаа.

Подкастаа дуустал нь сонсоорой!

Энэ удаагийн дугаарын хөтлөгч: Америкт төгсөгчдийн холбооны нарийн бичиг, Зориг сангийн гүйцэтгэх захирал М. Маралмаа

 Websait: 

https://bit.ly/3cJdo6D

Instagram: 

https://bit.ly/3cEbS5W

Twitter: 

https://bit.ly/3kTK6oS

SoundCloud: https://bit.ly/2Gh0WPc

Anchor: https://bit.ly/3kSimRf

Itunes: https://apple.co/2Lsk1NP

Castbox: https://bit.ly/3cDREsS

Stitcher: https://bit.ly/2RT0Bp4

🚩Educationusa Mongolia podcast series ep.#30 🚩

Fulbright-ын тэтгэлэгт хөтөлбөрт бэлдэж байгаа оюутан залуус наашаа суугаарай! Та бүхэндээ зориулж бид АНУ-ын Iowa State University-д магистрын зэрэг хамгаалсан Б.Батзаяаг урьж оролцууллаа. 

Тэрээр MASA буюу Америкт төгсөгчдийн холбооны 2015-2018 оны Удирдах зөвлөлийн гишүүнээр ажиллаж байсан бөгөөд Fulbright, LEAD, Rumsfeld хөтөлбөрүүдэд шалгарсан арвин их туршлагатай нэгэн юм. 

Батзаяагийн ажлын карьер, академик мэдлэг туршлагын тухай илүү дэлгэрэнгүй сонсч танилцахыг хүсвэл та бүхэн подкастаа дуустал нь сонсоорой!

🚩EducationUSA Mongolia Podcast Series Ep.#29 🚩

Бизнесийн удирдлагын чиглэлээр Америкт суралцах хүсэлтэй хүүхэд залуус наашаа суугаарай!  Та нартаа зориулж бид энэ удаагийн дугаартаа Америкийн Нэгдсэн Улсад Бизнесийн удирдлагын чиглэлээр бакалаврын болон магистрын түвшинд аль алинд нь суралцсан Энхсайхан овогтой Амарбаясгаланг урьж оролцуулсан юм. 

Тэрбээр АНУ-д мэргэжлээрээ арав гаруй жил туршлагажсан бөгөөд одоо Монголдоо хөрөнгө оруулалтын салбарт ажиллаж байна. Америкт 1996 оноос хойш суралцаж, ажиллаж, амьдарсан түүний арвин их туршлагын түүхтэй танилцахыг хүсвэл манай подкастыг тухлан сууж сонсоорой.

🚩EducationUSA Mongolia Podcast #28 🚩

Шинэ долоо хоногийн шинэхэн подкастаа та бүхэндээ хүргэхэд бэлэн боллоо. Бид энэ удаагийн дугаартаа Western Washington University-д суралцаж төгссөн Дашням овогтой Батхүүг урьж оролцуулсан юм.

Тэрбээр ахлах ангиасаа хойш америкт суралцсан арвин их туршлагатай бөгөөд америкийн их сургуульд хэрхэн тэнцэн орж, амжилттай суралцсан түүхээ хуваалцсан билээ. Мөн тэтгэлэг хүсч өргөдөл гаргахаар зэхэж буй оюутан сурагчид юун дээр түлхүү анхаарах хэрэгтэй тухай бодитой, авууштай зөвлөгөөг ч өгсөн байгаа.

Д. Батхүүгийн оюутны амьдралын сонирхолтой түүхтэй танилцахын зэрэгцээ, өөрт хэрэгтэй чухал зөвлөгөө, мэдээллийг авахыг хүсвэл манай подкастыг дуустал нь сонсоорой!

⏸Instagram ://bit.ly/3i85mWW

▶️Twitter: https://bit.ly/339xGSk

▶️SoundCloud: https://bit.ly/3258exY

⏸Anchor: https://bit.ly/2FhM96n

⏸Itunes: https://apple.co/2Lsk1NP

⏺Castbox: https://bit.ly/358rfSi

▶️Stitcher: https://bit.ly/2RT0Bp4

🚩EducationUSA Mongolia Podcast Series Ep.#27 🚩

Подкастын маань энэ удаагийн зочноор АНУ-ын Cornell University-гийн оюутан Авирмэдийн Түмэнхүслэн оролцлоо.

нь тус сургуульд Хөдөө аж ахуйн хөгжил болон Байгал орчны тогтвортой байдал гэсэн хос мэргэжлээр бакалаврын зэрэг хүртэхээр 4 дэх жилдээ суралцаж буй юм. Тэрбээр бидэнтэй оюутны амьдралын туршлага, мөн гурван жилийн хугацаанд англи хэлийг бие даан сурсан тухай түүхээ хуваалцсан юм. Өөрийгөө дайчилж Америкт сурах хүсэл мөрөөдлөө биелүүлэхээр хичээж байгаа хэн бүхэнд маш үнэтэй зөвлөгөө өгч чадах подкаст болсон шүү.

🚩EducationUSA Mongolia Podcast Series Ep.#26 🚩

АНУ-д хуулийн чиглэлээр суралцах хүсэлтэй хүүхэд залуус наашаа

суугаарай!

Америкт хуулийн чиглэлээр хэрхэн сурах вэ?  

Дээрх асуултад хариу өгөхөөр бид энэ удаагийн

дугаартаа Америкт төгсөгчдийн холбооны гишүүн Б. Баттүшигийг урин оролцууллаа.

Тэрээр АНУ-ын Чикаго хотноо Chicago-Kent College of Law сургуульд хуулийн мэргэжлээр сурч төгссөн бөгөөд хуулийн чиглэлээр

америкт хэрхэн сурах талаар бүрэн дүүрэн, цэгцтэй, сонирхолтой мэдээллийг та

бүхэнд хүргэх болно. 

  🚩EducationUSA Mongolia Podcast Series Ep.#26 🚩

Подкастын маань шинэ дугаарын зочноор MASA буюу Америкт төгсөгчдийн холбооны 2013-2017 оны Удирдах зөвлөлийн гишүүн Б. Амар уригдан оролцлоо. Тэрээр өөрийн суралцаж төгссөн Duke University-гийн тухай маш сонирхолтой мэдээллүүдийг бидэнтэй хуваалцсан билээ.