MASA Mongolia-Podcast

🚩EducationUSA Mongolia Podcast Series Ep.#14 🚩

Подкастын маань Олон Улсын Хүүхдийн Эрхийг Хамгаалах өдрийн дугаарын зочноор Ерөнхий боловсролын ахлах ангийн сурагч Мягмарцоожийн Нямдаваа оролцлоо. Тэрээр АНУ-ын Засгийн Газрын 100%-ийн тэтгэлэгтэй FLEX хөтөлбөрийн төгсөгч юм.

Анх өргөдөл гаргахдаа тэнцээгүй гэсэн хариу авсан ч шантралгүй дараа жилийн сонгон шалгаруулалт хүртэл сайтар хичээллэж бэлдээд хүсч мөрөөдөж байсан хөтөлбөртөө тэнцэж байжээ. Нямдаваа маань FLEX хөтөлбөрт оролцох хүсэлтэй хүүхдүүд юун дээр анхаарах хэрэгтэй талаар, мөн АНУ-ын ахлах сургуульд суралцсан сонирхолтой дурсамжаасаа  хуваалцсан юм. 

Ахлах сургуулийн сурагчдад зориулсан FLEX буюу Ирээдүйн Манлайлагчдын Солилцооны хөтөлбөрт өргөдөл гаргахаар зэхэж буй сурагчид энэхүү дугаарыг заавал сонсоорой.

🚩EducationUSA Mongolia Podcast Series Ep.#13 🚩

Подкастын маань энэ удаагийн зочноор Монгол Улсын Их Сургуулийн оюутан Ц. Анужин оролцлоо. Тэрээр АНУ-ын засгийн газрын 100%-ийн тэтгэлэгтэй, Study of the U.S. Institutes (SUSI) for Women’s Global Leadership буюу эмэгтэйчүүдийн манлайллын хөтөлбөрийн 2019 оны төгсөгч юм. Бакалаврын түвшинд суралцах гэж буй охид маань наашаа суугаарай! Анужин маань та бүхэнд энэхүү тэтгэлэгээр суралцсан түүхээсээ хуваалцах гэж байна. 

🚩EducationUSA Mongolia Podcast Series Ep.#12🚩

Подкастын маань энэ удаагийн зочноор MASA буюу Америкт төгсөгчдийн холбооны Удирдах зөвлөлийн гишүүн, Монгол Банкны мөнгөний бодлогын хэлтсийн эдийн засагч Н.Гүнцэнгэл  оролцлоо. Тэрбээр АНУ-ын Bryant University-д бакалаврын зэрэг хамгаалсан билээ. Бид түүнтэй хувийн сахилга бат, сэтгэлзүйн эрүүл мэнд, мэргэжил сонголт зэрэг олон сонирхолтой сэдвээр ярилцлаа. Дараах холбоосоор орж сонсоорой! 

🚩EducationUSA Mongolia Podcast Series Ep.#11 🚩

Энэ удаагийн подкастдаа бид Америкт төгсөгчдийн холбооны 2013-2015 оны Ерөнхийлөгчөөр ажиллаж байсан, УИХ-ын гишүүн доктор Агваанлувсангийн Ундрааг урин оролцууллаа. 

Монгол Улсын Их Сургуулийн онц сурлагатан оюутан олон улсын тэтгэлэгт хөтөлбөрт шалгарч хожим дэлхийд тэргүүлэгч их сургуулийн эрдэмтэн багш болсон цуцашгүй хүсэл эрмэлзэл, мятрашгүй хөдөлмөр зүтгэлээр дүүрэн түүхийг бид танд хүргэе!

🚩EducationUSA Mongolia Podcast Series Ep.#10 🚩

Подкастын маань энэ удаагийн зочноор MASA буюу Америкт төгсөгчдийн холбооны Удирдах зөвлөлийн гишүүн, Э. Төгөлдөр оролцлоо. Тэрбээр АНУ-ын Cornell University-д АНУ-ын Hubert Humphrey-гийн тэтгэлэгээр суралцсан бөгөөд бидэнтэй Америкт суралцсан түүхээсээ, мөн өөрийн эзэмшсэн байгаль орчны мэргэжилийн онцлогийн талаар илэн далангүй ярилцсаныг дараах холбоосоор орж сонсоорой! Тус Hubert Humphrey тэтгэлэгт хөтөлбөг яг одоо зарлагдсан байгааг энэ дашрамд дуулгая. Зургаадугаар сарын 6-наас өмнө амжиж өргөдлөө гаргаарай! 

🚩EducationUSA Mongolia Podcast Series Ep.#9🚩

Подкастын маань энэ удаагийн зочноор Монгол дахь Америкт төгсөгчдийн холбооны 2015-2019 оны Ерөнхийлөгч, Монгол Улсын Сангийн дэд сайд Х. Булгантуяа оролцож өөрийн боловсрол, ажил, амьдралын түүхээс хуваалцлаа. Тэрээр өндөр хөгжилтэй улс оронд суралцаж, олон улсын мэргэжилтнүүдтэй мөр зэрэгцэн ажиллаж, улс орныхоо хөгжилд хувь нэмрээ оруулахыг хүсч буй хүүхэд залуустаа хандан урам зориг, эрч хүч авахуйц туршлагаасаа хуваалцсан юм.

🚩EducationUSA Mongolia Podcast Series Ep.#8 🚩

Подкастын маань Даваа гарагийн зочноор Монгол дахь Америкт Төгсөгчдийн Холбоо (MASA)-ны Удирдах зөвлөлийн гишүүн, Alliance - Tech Co., Ltd-н Бодлого, төлөвлөлт хариуцсан захирал, АНУ-ын Florida Institute of Technology-д механик инженерийн мэргэжлээр суралцаж Бакалаврын зэрэг хүртсэн Баясгалангийн Амар уригдан оролцлоо. Тэрээр өөрийн Америкт суралцсан түүхийг илэн далангүй ярсан сонирхолтой яриаг эндээс сонсоорой!

🚩EducationUSA Mongolia Podcast Series Ep.#7 🚩

Энэ удаагийн дугаартаа бид MASA-гийн Удирдах зөвлөлийн гишүүн эдийн засагч Б.Мөнхсоёлыг урин оролцууллаа. The Hubert H Humphrey Fellowship Program тэтгэлэгт хөтөлбөрт шалгарч АНУ-ын Michigan State University-д суралцсан тэрбээр төрийн бус болон олон улсын байгууллагын хөгжлийн төсөл хөтөлбөрүүд дээр ажиллаж, тэтгэлэгээр өндөр хөгжилтэй орнуудад суралцсан арвин их туршлага, түүхээсээ бидэнтэй хуваалцсан юм. Хүүхэд залууст сургамжтай, үлгэр жишээ авахуйц маш олон сайхан зөвлөгөөг өгсөн байгаа шүү! 

Түүний оролцсон бусад нэвтрүүлэг, ярилцлагуудыг http://munkhsoyol.mn/ вэб хуудсаас үзээрэй!

🚩EducationUSA Mongolia Podcast Series Ep.#5 🚩

Подкастын маань Даваа гарагийн зочноор MASA буюу Америкт төгсөгчдийн холбооны Удирдах зөвлөлийн гишүүн, Deloitte Mongolia фирмийн мэдээллийн технологийн Ахлах аудитор Ч.Содгэрэл оролцлоо. Содоо маань АНУ-ын SUNY Albany-д мэдээллийн технологийн менежментийн чиглэлээр бакалаврын зэрэг хамгаалсан юм. Түүний АНУ-д суралцахын зэрэгцээ ажиллаж, сорилт бэрхшээлийг даван туулж, басхүү сайн дурын ажил үйлст хэрхэн оролцож эхэлсэн тухай түүхийг сонсоорой! 

🚩EducationUSA Mongolia Podcast Series Ep.#5 🚩

Подкастын маань энэ удаагийн зочноор MASA буюу Америкт төгсөгчдийн холбооны Удирдах зөвлөлийн гишүүн, Азийн хөгжлийн банкны зөвлөх Г.Гантүшиг оролцлоо. Г.Гантүшиг АНУ-ын Indiana University-д бакалаврын зэрэг, Cornell University-д магистрын зэргээ Фулбрайтын тэтгэлэгээр тус тус хамгаалсан. Тэрбээр бидэнтэй Америкт суралцсан түүхээсээ болон Америкт гэр бүлийн хамт хэрхэн суралцаж болох талаар илэн далангүй хуваалцлаа.