🚩EducationUSA Mongolia Podcast #24 🚩

Подкастын маань энэ удаагийн зочноор АНУ-ын засгийн газрын 100%-ийн тэтгэлэгтэй GlobalUGRAD хөтөлбөрийн төгсөгч О. Мишээл оролцлоо. Тэрээр хөтөлбөрт хэрхэн тэнцсэн болон тус хөтөлбөрт оролцох явцдаа юуг ойлгож, хэрхэн аяласан, хүрээллээ хэрхэн тэлсэн талаарх сонирхолтой дурсамжаасаа хуваалцсан юм. Хэрэв та их сургуулийн оюутан бол Глобал Юград хөтөлбөрт материалаа илгээх боломжтой.

🚩EducationUSA Mongolia Podcast #23 🚩

Подкастын маань энэ удаагийн зочноор АНУ-ын засгийн газрын 100%-ийн тэтгэлэгтэй, SUSI for Women’s Global Leadership Program буюу эмэгтэйчүүдийн манлайллын хөтөлбөрийн 2019 оны төгсөгч Ж. Батчимэг  оролцлоо. Тэрээр хөтөлбөрт хэрхэн тэнцсэн болон тус хөтөлбөрт оролцох явцдаа юуг ойлгож, хэрхэн хүрээллээ тэлсэн талаарх сонирхолтой дурсамжаасаа хуваалцсан юм. Урам зориг, эрч хүч авахыг хүсвэл энэ дугаарыг заавал сонсоорой.

🚩EducationUSA Mongolia Podcast#22🚩

Энэ удаагийн подкастдаа бид MASA буюу Америкт төгсөгчдийн холбооны Удирдах зөвлөлийн гишүүн, Мягмаржавын Ганцэцэгийг урин оролцууллаа.

Тэрээр АНУ-ын засгийн газрын The Fulbright Program тэтгэлэгт хөтөлбөрт шалгаран Rochester Institute of Technology-д суралцаж магистрын зэрэг хамгаалсан юм. М.Ганцэцэг бидэнтэй Америкт хэрхэн олон төрлийн ажлын туршлага эзэмшсэн болон суралцаж байсан үеийнхээ сонирхолтой түүхээсээ илэн далангүй хуваалцсан юм.

🚩EducationUSA Mongolia Podcast 21🚩

Подкастын маань энэ удаагийн зочноор 2019 оны АНУ-ын Засгийн газрын 100% тэтгэлэгтэй GlobalUGRAD хөтөлбөрийн төгсөгч Г.Саруулбаяр оролцлоо. Тэрээр Emporia State University-д суралцсан туршлагаасаа болон GlobalUGRAD хөтөлбөрт хэрхэн тэнцсэн түүхээсээ хуваалцлаа. 

Хэрэв та Монгол улсын их дээд сургуулийн 2 болон 3 дугаар дамжааны оюутан бол танд ч бас Америкт тэтгэлгээр суралцах боломж байгаа шүү.

🚩EducationUSA Mongolia Podcast 20🚩

Наадмын өдрүүд дуусаж мөрөөдөл зорилгынхоо төлөө цагаа үр бүтээлтэй өнгөрөөхөөр хичээж буй сонсогчиддоо зориулаад АНУ-ын Засгийн Газрын 100% тэтгэлэгтэй GlobalUGRAD хөтөлбөрийн төгсөгч, University of Arizona-д хуулийн чиглэлээр Juris Doctor зэрэг хамгаалсан Д.Номинг подкастын энэ удаагийн зочноор урин оролцууллаа. Монгол дахь Америкт Төгсөгчдийн Холбоо (MASA)-ны дэд ерөнхийлөгчөөр ажилладаг тэрээр АНУ-д хэрхэн суралцах талаар, тэр дундаа хуулийн чиглэлээр сурхад юуг мэдэх хэрэгтэй талаар өөрийн туршлага дээр тулгуурлан сонирхолтой яриа өрнүүллээ.

🚩EducationUSA Mongolia Podcast 19🚩

Зуны налгар өдрүүдийг үр бүтээлтэй өнгөрөөхөөр хичээж буй сонсогчиддоо зориулаад Америкийн топ их сургуулиудын нэг Cornell University-д амжилттай суралцаж буй Хүслэнгийн ярилцлагыг хүргэхээр бэлтгэлээ. 

Англи хэл сурах, стандарт шалгалтуудад бэлдэх, өргөдөл гаргахад тулгардаг түгээмэл асуудлуудын тухай Хүслэн маань өөрийн туршлага дээр тулгуурлан тайлбарласан юм. 

Подкастаа сонсоод Хүслэнгийн сурах арга барилаас суралцаарай! 

🚩EducationUSA Mongolia Podcast 18🚩

Энэ долоо хоногийн зочноороо бид АНУ-ын Засгийн газрын IVLP хөтөлбөр болон 2015 оны Фулбрайт тэтгэлэгт хөтөлбөрийн эзэн Н. Санжаахандыг урьж оролцууллаа. Тэрээр Syracuse University-гийн Maxwell School of Citizenship and Public Affairs-д Нийтийн удирдлагын магистр хүртэж, мөн Олон улсын болон төрийн бус байгууллагын манлайллын чиглэлээр мэргэшин суралцсан билээ. Одоогоор UNICEF Mongolia-д ажиллахын зэрэгцээ Монгол дахь Америкт төгсөгчдийн холбоо, Save the Infants зэрэг төрийн бус байгууллагуудын сайн дурын олон үйл ажиллагаанд удирдлагын түвшинд оролцон ажиллаж байна.

🚩EducationUSA Mongolia Podcast 17🚩

Шинэ долоо хоногийн шинэхэн подкастын маань зочноор АНУ-ын Засгийн газрын Fulbright тэтгэлэгт хөтөлбөрт шалгарч Арканзас мужийн их сургуульд Нөхөн сэргээлтийн зөвлөх мэргэжлээр магистрын зэрэг хамгаалаад ирсэн Х.Оюунтөгс маань уригдан оролцлоо.

Тэрбээр ерэн хувийн харааны бэрхшээлтэй бөгөөд тоо томшгүй олон саад бэрхшээлийг өөрийн хичээл зүтгэл, хөдөлмөр, сэтгэлийн хат тэнхээгээр даван гарч Америкт сурах мөрөөдлөө биелүүлсэн юм.

Оюунтөгсийн түүхийг сонсч урам зориг авахын зэрэгцээ, хүн бүрт сурч боловсрох, хөгжих, хөдөлмөр эрхлэх боломжийг бий болгохын төлөө бид бүхэн юу хийж чадах талаар та эргэцүүлэн бодож үзээрэй!

🚩EducationUSA Mongolia Podcast#16 🚩

Энэ удаагийн дугаартаа бид MASA буюу Америкт төгсөгчдийн холбооны 2015-2017 оны дэд ерөнхийлөгч П.Гандолгорыг урин оролцууллаа. Тэрээр The Hubert H Humphrey Fellowship Program тэтгэлэгт хөтөлбөрт шалгарч АНУ-д суралцсан түүхээсээ хуваалцсан юм. Хүүхэд залууст сургамжтай, үлгэр жишээ авахуйц маш олон сайхан зөвлөгөөг өгсөн байгаа шүү!

Сонингийн зараас олж харсан Hubert Humphrey хөтөлбөрт тэнцээд явсан минь намайг өөрийгөө олж, уналтын үеэ сэргэлтийн үе болгож өөрчлөхөд хүргэсэн гайхамшигтай хөтөлбөр байсан юм хэмээн тэрээр дурсан ярьсан юм.

🚩EducationUSA Mongolia Podcast#15🚩

Энэ удаагийн подкастдаа бид MASA буюу Америкт төгсөгчдийн холбооны Удирдах зөвлөлийн гишүүн, Азийн Сангийн Хотын засаглалыг сайжруулах төслийн менежер Ганбатын Халиунгоог урин оролцууллаа. 

Тэрээр 2015-2017 оны хооронд АНУ-ын засгийн газрын The Fulbright Program тэтгэлэгт хөтөлбөрт шалгаран Vanderbilt University-д суралцаж Хөгжлийн эдийн засгийн чиглэлээр магистрын зэрэг хамгаалсан юм. 

Хөгжлийн эдийн засаг хэмээх шинэ салбарын онцлог, түүний ач холбогдол, мөн энэ чиглэлээр АНУ-д, тэр дундаа Vanderbilt University-д суралцахын давуу талуудын талаар олж мэдэхийг хүсвэл та манай подкастыг сонсоорой!