Masaalaba

Viviane Mina SIDIBE ye ɲɔgɔnlɔnbɔ daminɛ kabini a fitinin. O siratigɛ la, a ye jɔnjɔnw sɔrɔ, i n'a fɔ san 2014 na, a kɛra ɲɔgɔnlɔnbɔla ŋana, Festiva écran noir ɲɛnajɛ hukumu. Ka fara a ka baaraw kan, Viviane Mina SIDIBE tun bɛ jɛmukanw fana kɛ jabaraninso dɔw la Mali jamana kɔnɔ. 

Ale ye mali filimubɔla ye min ye baaraba kɛ nin san 6 laban kɔnɔ. Filimu 20 ni kɔ de b’a bolo wa a ye baara kɛ filimu 50 ni kɔ de kan. Ka far'o kan, a bɛ ka jɔnjɔn ta farafinna kɔnɔ an’a kɔkan. Mɛkalo tɛmɛnen a ye jɔnjɔn fila sɔrɔ, hadamadenw ka hakɛw filimu ɲanajɛba la Niger. O b’a ka jɔnjɔn sɔrɔlenw dafa 22 a ka ja Wolonwula kan, ani 5 la a ka ja "Le rêve de Dieu" kan.

Ale de ye filimu "Les roues du destin", "Les nouvelles de Bamako", "Fanga le Pouvoir" ani "Fatow les fous" filimuw labɔ. Aw y’a faamu n kan bɛ mɔgɔ min ma. Filimubɔla Fousseyni Maiga de ko don. 

Bi masalaba ye Balkissa KONE de bisimila. Ale de ye gafe "Djenabou la force d'un destin", sɛbɛn.
Balkissa KONE ye kunnafonidila ye, wa kɛnyɛrɛye barakɛla fana don.
Mali jamanaden, min siginen don Sénégal jamana kɔnɔ.

 A y’a yɛrɛ kalan jaa dilan na.  Jaa dilanbaga ani kɛnyɛrɛyebaarakɛla don. Bocary Tioulenta bɛ jɛkulu damadɔ kunna bi, i n'a fɔ Kiro jɛkulu ani mali jaa dilannaw ka jɛkulu. Bi a ka baara ɲɛsinnen don kɛrɛnkɛrɛnya la,  farikolo ɲanajɛ ɲɔgɔnkunbɛn jaaw de jɛsɛnni na nɔgɔni fɛ, n’a bɛ fɔ "diffusion des match en straming".
 

Slam dɔnkilidala don, poyi ni gafesɛbɛnna don, kunafonidila fana don. A tɔgɔ Saccharose Buccal Agréable. A bɔlen slam dɔnkilidalaba "Grand corps malade" ka slam dɔnkiliw kan, a fana y’a wasa don nin seko ni dɔnko in na. Bi a bɛ sifinw fana kalan o la. Ka fara nin kan, a bɛ gafe fana sɛbɛn. Gafe fila de b’a bolo, wa a y’a yira ko gafe wɛrew be sira la. 

Bi masalaba kɛnɛ kan, an ye sifin min bisimila an ka kumaso kɔnɔ, a cɛsirilen don an'a timinan ka di sigida yiriwalikow la. Bah Traoré de ko don. Ɲininikɛla don Sahel kun kan, think tank citoyen WATHI cɛkɛda la.

Sahel lakanako ni politikiko dɔnniyaw b'a la. A b’a jɔyɔrɔ fa sɛbɛnniw kɛliw la, lajɛrɛw labɛnni na, ani ɲininiw kɛliw la, minnu nafa bɛ se farafinna tilebinyanfan ni sahel ma. Ka far'o kan, Bah Traoré cɛsirilen don fana kunnafoni kolonw kɛlɛli la ani kununafoni ɲumanw sankɔrɔtali la. 

Ale ye mali filimubɔla ye min ye baaraba kɛ nin san 6 laban kɔnɔ. Filimu 20 ni kɔ de b’a bolo wa a ye baara kɛ filimu 50 ni kɔ de kan. Ka far'o kan, a bɛ ka jɔnjɔn ta farafinna kɔnɔ an’a kɔkan. Mɛkalo tɛmɛnen a ye jɔnjɔn fila sɔrɔ, hadamadenw ka hakɛw filimu ɲanajɛba la Niger. O b’a ka jɔnjɔn sɔrɔlenw dafa 22 a ka ja Wolonwula kan, ani 5 la a ka ja "Le rêve de Dieu" kan.

Ale de ye filimu "Les roues du destin", "Les nouvelles de Bamako", "Fanga le Pouvoir" ani "Fatow les fous" filimuw labɔ. Aw y’a faamu n kan bɛ mɔgɔ min ma. Filimubɔla Fousseyni Maiga de ko don. 

Bi masalaba kɛnɛ, Umaru YERO ye Mamoudou Thiéro de bisimila. Dɔgɔtɔrɔ don, ani sɛbɛnnikɛla. Kɔsa in na, a ye Malii gafesɛbɛnnaw ka jɔnjɔnba ta, o min bɛ Mansan Makan Diabaté jansa. Mamoudou Thiéro ye gafe fila sɛbɛn. Ale ni Umaru YERO ka baro bɛ boli filanan de kan. O tɔgɔ ye Terre d'Espérance. 

Bi masalaba kɛnɛ kan, an baaraɲɔgon Kpenahi Traoré ye Honorine Soma de bisimila. Musojigin dɔgɔtɔrɔ don ka bɔ Burina Faso. Honorine Soma lakodonnen don kosɔbɛ musow ka hakɛ lafasali la kɛrɛnɛrɛnnenya la togodaw kɔnɔ. A ka cɛsiri in yɛrɛ de kama jadilanna dɔ "film documentaire" kɛ a kan walasa diɲɛ ka muso in ka baara ye. Kɔsan in na a ye tali kɛ degelibaara dɔw la Strasbourg, France  jamana na. A ni Kpénahi Traoré ye ɲɔgɔn ye yen. U ka masaala filɛ.

Bénin jamanakuntigi sugandilen Romuald Wadagni bɛn'a  ka kalenkandi kɛ bi kari ka sigi jamanakuntigiya la. A ye sebaaya sɔrɔ avirilikalo tile 21 jamanakuntigikalata la. A sinacɛ yɛrɛ sɔnna a ka o sebaaya ma. O ye Bénin sinsin a ka bɛɛjɛfanga misaliya ɲuman kan. Kasɔrɔ kalo damadɔ sanni kalata in cɛ fangadafiriwale dɔ sera ka ɲɛkɔrɔtigɛ.

O b'a yira ko halisa Farafinna jamana caman kɔnɔ bɛɛjɛfanga bɛ farati la. Nin san labanw kɔnɔ sɔrasiw ye fanga dafiri jamana caman kɔnɔ. Jamana dɔ sera ka kalataw labɛn ka segin sariyasunba kɔnɔ nga dɔw ma o sira ta fɔlɔ i ko Mali, Burkina Faso walima Niger.

Burkina jamanakuntigi Capitaine Ibrahim Traoré yɛrɛ y'a lase kɔsan in na ko bɛɛjɛfanga man ɲi farafinna ma. Mun de nana ni nin seginkɔ in ye bɛɛjɛfanga ko la Farafinna ? Diɲɛ fan tɔw la a bɛ fɔ ko bɛɛjɛfanga de ye maracogoya ɲuman ye, nga Farafinna fan caman na, tɛ ka ɲɛ sɔrɔ, o bɛ se ka faamu cogo di ? Dr Mahamadou Konate ye sanfɛkalanfa ni mara kɛcogo ɲuman  ɲinikɛla ye, an k'a ni Sory IBRAHIM ka masaala lamɛn.