Masaalaba

Bi masalaba ye Balkissa KONE de bisimila. Ale de ye gafe "Djenabou la force d'un destin", sɛbɛ.
Balkissa KONE ye kunnafonidila ye, wa kɛrɛnkɛrɛnya la barakɛla fana don.
Mali jamanaden, min siginen don Sénégal jamana kɔnɔ.

Ale de ye NYELENI DEV ɲɛmaa ye.
O ye cakɛda ye, min be makoɲɛ minaw dilan, olu minnu be labara ni tile bayɛlɛmannin ye, ka kɛ kuran ye.
Mme Dembélé, cɛsirilen don fana kolocibaana "Drépanocytose" kɛlɛli la.

 

Viviane Mina SIDIBE ye ɲɔgɔnlɔnbɔ daminɛ kabini a fitinin. O siratigɛ la, a ye jɔnjɔnw sɔrɔ, i n'a fɔ san 2014 na, a kɛra ɲɔgɔnlɔnbɔla ŋana, Festiva écran noir ɲɛnajɛ hukumu. Ka fara a ka baaraw kan, Viviane Mina SIDIBE tun bɛ jɛmukanw fana kɛ jabaraninso dɔw la Mali jamana kɔnɔ. 

Bi an be masaala ni Mali diinɛɲɛmaa Mahmoud Dicko de ye n’a sigilen bɛ kɔkan kɛrɛnkɛrɛnya la Algérie jamana na. Bɛn lajɛrɛ min kɛra nin dɔgɔkun in kɔnɔ Mauritanie jamana na, a tun b’o kɛnɛ kan. O hukumu kɔnɔna na, a ni rfi fulfulde ka ciden kɛrɛnkɛrɛnnen Abdoaye Dicko masalala. U be kuma Imam Mahmoud Dicko ka lahalaya kan. Ani bɛn Mali jamana kɔnɔ. 

Bi masalaba kɛnɛ kan, an be taga Bobo-Dioualsso dugu la, Burkina Faso tilebenyanfan na. O la, an be masala ni ja ɲɛgɛnna Oumar OUARMA  de ye, n’a be fɔ a ma ko garibuw fakɛ. A be garibudenw fana dege ja ɲɛgɛn  na. A ni Djeneba Barro be masala a ka baara n'a ni garibuw ka baara tagabolo kan. 

Bi masaalaba ye Saran Sidibé de bisimila. Ale ye kɛrɛnyɛre baarakɛla ye. A bɛ jaw labɛn k'u carin bɔlɔlɔ sanfɛ. Saran Sidibé bɛ mɔgɔw bilasira fana u ka se k’u ka jagofɛnw feere nɔgɔya ni teliya la bɔlɔlɔ sanfɛ hakiliduman dilannen barika la. A ye cɛkɛda yɛrɛ sigi senkan o hukumu kɔnɔ n'a tɔgɔ ko Digital Addict.
 

Dɔgɔkun tɛmɛnen masaalaba tun kumana nsiirinw de kan ni dɔw b'a weele tali walima tɔli. O lajɛrɛ dɔ kɛra Bobo dioulasso. Bi an ye talidala ŋana lamine DIABATE de bisimila. Ale ye jeli ye wa ale de ye seko ni donko kulu "Groupe Uni-Art et Culture de Guinée" ɲɛmaa ye. Polisi jalabatigi (commissaire)  don. Ka fara o kan gafesɛbɛnna don, kalanfa don ka bɔ la Guinée jamana na.

Festival yeelen ye nsiirindaɲɛnajɛ dɔ ye, min bɛ  sigi Burkinaso, kɛrɛnkɛrɛnya Bobo-dioulaso. Siaka Chales SIDIBE de y'o ɲɛmaa dankan ye. Ziirindalaw bɛ bɔ farafinna ani farajɛla ka na tali kɛ a la.
Salon san 2025 tun y'a tako 19nan ye. A latigɛra desanburukalo tile 27 ka taa se a tile 30.

Ka kɛɲɛ ni farafinna ɲɔgɔnkunbɛnba CAN ye, o min be senna Maroc jamana kɔnɔ, kabini desanburukalo tile 21, a bɛna kuncɛ zanviyekalo tile 18 nata, o hukumu kɔnɔ, an y'a laɲini ka yeelen da musow kan, minnu cɛsirilen don farikoloɲanajɛw kibaruyaw dili ma.
Olu dɔ ye Mme Nana DIABATE ye, a bɛ fɔ a ma fana ko Bijou Diabate.
Ale de ye Mali kunnafonidilamuso filanan ye min y'a timinadiya kosɔbɛ farikoloɲɛnajɛ kibaruyaw dili ko la

Bi masalaba kɛnɛ kan, an ye Mali ɲɛdenlɔgɔlɔkow ni dunandjigisokow ɲɛmaa, "Directeur national du Tourisme et de l’Hôtellerie" Mamari DIARRA de bismila. San 2025 kɛra seko nin dɔnko san ye Mali la.  Mamari DIARRA de fana tun ye seko ni dɔnko  san 2 lajɛrɛba "biennale de Tombouctou" koɲɛnabɔla ye, "Coordinateur national de la Biennale artistique et culturelle". O min tun be senna Tombouctou, jamana kɔkɔduguyanfan na. O min kɛra k'a ta desanburukalo nin tile 18 fo a tile 28.